#ሀዋሳ #ድሬዳዋ #ባህርዳር

የኢትዮጵያ አየር መንገድ አዲስ የማለዳ በረራ ጀመረ።

አየር መንገዱ ከሀዋሳ ፣ ከድሬዳዋ እና ከባህር ዳር ወደ አዲስ አበባ ማለዳ 1:00 የሚነሱ እለታዊ በረራዎች መጀመሩን አሳውቋል።

#EthiopianAirlines

@tikvahethiopia

#ድሬዳዋ

" ልክ እንደሚገዛ ሰው ዙሪያውን እየተሽከረከርክ ' ሊሾ ነው ሊሾ አይደለም ' እያልክ አተካራ ውስጥ መግባት የትራንስፖርት ሂደቱን ማደናቀፍ ነው " - ኮሚሽነር አለሙ መግራ

አሁን ላይ ከሀገሪቱ ከተሞች አስተማማኝ ደህንነት እና ሰላም ያለባት #ድሬዳዋ በየዕለቱ ከፍተኛ ቁጥር ያለው የከባድ ጭነት ተሽከርካሪዎችን ታስተናግዳለች።

የከተማው ፖሊስ የትራፊክ ፅህፈት ቤት እንዚህ የደረቅም ይሁን ፍሳሽ ጭነት ተሽከርካሪዎች ጉዟቸው የተሳለጠ እንዲሆን የሚያስተዳደርበት የራሱ መንገድ አለው።

የድሬዳዋ ፖሊስ ጠቅላይ መምሪያ ዋና አዛዥ ኮሚሽነር አለሙ መግራ የከባድ ተሽከርካሪዎችን በተመለከተ በሰጡት ገለፀ ፤ ከተማይቱ በየቀኑ ከ1 ሺህ በላይ የደረቅ እና ፍሳሽ ጭነት የጫኑ ከባድ ተሽከርካሪዎች ታስተናግዳለች።

ኮሚሽነሩ ፤ " እነኚህ መኪናዎች በአደጋ መጠን እዚህ ግባ የሚባል ነገር የላቸውም ፤ ህግ እና ስርዓትን መተላለፍ ላይም ያን ያህል ችግር የለም።

ለምሳሌ ፦ ከጅቡቲ የሚመጡ ትላልቅ መኪናዎች ክብደት ከሆነ በሚዛን ነው የሚመዘኑት አንድ የትራፊክ ተቆጣጣሪ ይሄንን ክብደት ትርፍ ጭነሃል ማለት አይችልም። የመቆጣጠሪያ ቦታ አለ። ፍጥነትም ከሆነ የሚፈጥኑበት እድል የለም ከተማ ውስጥ ፣ መንጃ ፍቃድም ሳይዝ ጎረቤት ሀገር መግባት አይችልም ብዙ ነገር አሟልቶ ነው የሚመጣው።

ብዙ ነገሮች አሟልቶ የሚገኝ መኪናን መንገድ ላይ አስቁመህ ዙሪያውን እየተሽከረከርክ እንደሚገዛ ሰው ሊሾ ነው ሊሾ አይደለም፣ እንዲህ ነው እንደዛ አይደለም እያልክ አተካራ ውስጥ መግባት በራሱ የትራንስፖርት ሂደቱን ማደናቀፍ ነው " ብለዋል።

የከተማው ፖሊስ ፣ ትራፊክም እነዚህን መኪናዎች የሚያስተዳድርበት የራሱን ሲስተም ዘርግቶ እየተጠቀመ መሆኑን ገልጸዋል።

" መኪናዎቹ ከተማ ከገቡ በኃላ ሊሳሳቱ የሚችሉት መንገድ ነው " ያሉት ኮሚሽነሩ " መንገድ ሲሳሳቱ ምልክቶችን ሊጥሱ ይችላሉ ስለዚህ እነዚህ እንግዶች ስለሆኑ መንገድ የማሳየት ስራ መስራት ከመቅጣት ባለፍ " እንደሚገባ ጠቁመዋል።

" እነዚህ ተሽከርካሪዎች በአደጋ ላይ ያን ያህል ተሳትፎ ስለሌላቸው በሆነው ባልሆነው ሰብሰብ ፈልገህ የምትቀጣ ከሆነ ችግሩ ለመቅጣት ሳይሆን ሌላ የዲሲፕሊን ችግር ስለሆነ ይሄ ድሬዳዋ ፖሊስ ትራፊክ ውስጥ NO / አይሆንም ተብሎ አንድም የጅቡቲ መኪና ፤ ትላልቅ ከባድ መኪናዎች ከተማችን ሲገቡ harass የሚያደርግ ፣ የሚቀጣ፣ የሚከስ ነገር የለም " ሲሉ አስረድተዋል።

ይህ በመሆኑ እነዚህ ተሽከርካሪዎች ያለምንም መደናቀፍ ፤ ለአንድ ደቂቃ ሳይቆሙ በተሳለጠ መንገድ እንዲሄዱ እየተደረገ ነው ብለዋል።

ይህ እየተደረገ ያለውም የከባድ ተሽከርካሪዎቹ የሀገር የጀርባ አጥንት በመሆናቸው ነው ሲሉ ገልጸዋል።

ይህ በ #ድሬዳዋ ያለ አሰራር ለሌሎችም ቦታዎች ማስተማሪ የሚሆን ነው። በተለያዩ አካባቢዎች የትራፊክ ፖሊሶች በሆነው ባልሆነው ተሽከርከሪ እያስቆሙ የሚቀጡበት፣ ሲያሻቸው የሚሳደቡበት ፣ ሲያሻቸው ገንዘብ የሚቀበሉበት ሁኔታ አለ፤ ስለዚህ ይህን ከስርዓት የወጣ ተግባር ሁሉም በየደረጀው ማረም ይገባዋል።

@tikvahethiopia