#update የኢፌዴሪ ትምህርት ሚኒሥቴር የተሻለ አፈጻጸም ላሥመዘገቡ ትምህርት ቤቶችና የወረዳ ትምህርት ጽህፈት ቤቶች እውቅናና ሽልማት አበረከተ። ሚኒሥቴሩ በሁሉም ክልሎች የተሻለ አፈጻጸም ላሥመዘገቡ የወረዳ ትምህርት ጽህፈት ቤቶች፣ የመጀመሪያና 2ኛ ደረጃ ትምህርት ቤቶች ነው ሽልማት የሠጠው። ተቋማቱ በመማር ማሥተማር ውጤታማነት፣ በህብረተሠብ የተቀናጀ ተሣትፎ፣ በተማሪዎች የሂሣብና ሣይንሥ ውጤት መሻሻልና በሀብት አጠቃቀምና ሌሎችም ጉዳዮች የተሻለ አፈጻጸም የነበራቸው ናቸው ተብሏል።

Via #AMN
@tsegabwolde @tikvahethiopia

#update በናይጄሪያ የሚንቀሳቀሱት #የቦኮ_ሃራም ታጣቂዎች በሀገሪቱ ሰሜን ምስራቅ በሚገኝ አንድ መንደር ባደረጉት ወረራ አራት ሰዎችን ሲገድሉ ሁለት ግለሰቦችን አግተው መውሰዳቸውን የአካባቢው ነዋሪዎች ተናገሩ። ታጣቂዎቹ ጥቃቱን የፈጸሙት የቦርኖ ግዛት መቀመጫ ከሆነችው ከማዱጉሪ ከተማ አቅራቢያ ባለ ቦታ ላይ ትላንት ምሽት ነው።

Via #DW
@tsegabwolde @tikvahethiopia

በአሶሳ የሰላም አየር እየነፈሰ ነው!

አሁን በስራ ምክንያት ያለሁት በቤኒሻንጉል ጉምዝ ክልል ዋና ከተማ #አሶሳ ነው። ሞቃት የአየር ንብረት የሚስተዋልባት፣ አረንጓዴ፣ እና ቀይ ለም አፈር ያለው መሬት ያላት። አሶሳ ከመጣሁ እነሆ ሶስተኛ ቀኔ አለፈ።

አንዳንድ ጓደኞቼ እንዲሁም ቤተሰቦቼ ጋር ተደዋውዬ በስልክ ሳወራ ከኔ ሁኔታ ይልቅ ስላለሁበት ቦታ #አሶሳ አብዝተው ይጠይቃሉ። ገና ለመምጣት በነበርኩበት ግዜ እራሱ ምነው ወደዛ መሄድህ... ? በሰላም ነው? እያሉ በጥያቄ ያጨናነቁኝ ቁጥራቸው ብዙ ነው። መጠየቃቸውን እንደ መጥፎ ነገር ባልቆጥረውም አንድ ነገር ግን በአእምሮዬ ብቅ እንዲል ሆኗል። እኔ ባለሁበት ሰዐት አሶሳ እጅግ #የተረጋጋች፣ ሰላማዊ እና የዕለተ ቀን እንቅስቃሴዋን የምትከውን ከተማ ነች።

ምናልባት የሰዎች ጥያቄ የመጣው ከጊዜያት በፊት በክልሉ በመተከል፣ ካማሺ እና ሌሎች ቦታዎች ላይ በነበረው አለመረጋጋት እና ግጭት ይመስለኛል። እስካሁን ድረስ ግን ብዙ ሰዎች በክልሉ እንዲሁም በሌሎች ክልሎች ሰላማዊ ሁኔታ ያለ #አይመስላቸውም።

ሰላም እና መረጋጋትም የማይመቻቸው እና እንቅልፍ የሚነሳቸው አካላት በየማህበራዊ ሚዲያው በሚፈጥሩት ዉዥንብር ምክንያት እና በማይረቡ ተናፋሽ ወሬዎች ማለቴ ነው እና አሁን በአሶሳ ፍፁም #የሰላም አየር ነው እየነፈሰ ያለው ያለው። እንዲሁ በሌሎች ክልሎችም እንዳጣራሁት ከሆነ በብዛት የተረጋጋ ሁኔታ ነው ያለው። የኢትዮጵያ ሰላም እየተመለሰ ነው። ይመለሳልም። ኢትዮጵያ በሰላም፣ እስከዘላለም ትኑር።

Y ነኝ ቤተሰባችሁ ከአሶሳ!

ፎቶ: ፋይል
@tsegabwolde @tikvahethiopia

የአሶሳ ዩኒቨርሲቲ የቀጣይ ዓመት ዝግጅት፦

የአሶሳ ዩኒቨርሲቲ መጪውን የትምህርት ዘመን ሰላማዊ ለማድረግ ቅደመ ዝግጅት ማጠናቀቁን አስታወቀ፡፡ በዩኒቨርሲቲ ውስጥ ችግሮች እንዳይከሰቱ ለማድረግም ከወትሮ በተለየ መልኩ ከተማሪ እና ወላጆች ጋር ጭምር በቅርበት ለመስራት ማቀዱን ገልጸዋል፡፡ በታህሳስ 2011 ዓም በነበረው ግጭትም በ20 ሚሊዩን ብር የሚገመት ንብረት መውደሙንና ጥገናዎች ለማድረግ በርካታ ገንዘብ ወጪ መደረጉን ዩኒቨርሲቲው አመልክቷል፡፡

በዪኒቨርሲቲው ተፈጥሮ የነበረው ግጭት ተማሪዎች ላነሱት ጥያቄዎች ተገቢውንና ወቅታዊ ምላሽ ባለመሰጠቱ የተፈጠረ ነው ያሉት የዩኒቨርሲቲው ፕሬዚዳንት ዶ/ር ከማል አብዱራሂም የነበሩትን ችግሮችን ለመቅረፍ በዪኒቨርሲቲው የተማሪዎችን ጥያቄ ሊመልስ የሚችል የሰው ሀይል ከመመደብ ጀምሮ የነበሩትን መሰረተ ልማቶችን በማስፋፋት ለተማሪዎች ምቹ እንዲሆን መደረጉን አስረድተዋል፡፡ የተማሪዎች ቅበላን በተመለከተም ባለፈው ዓመት ከነበረው በተለየ መልኩ እንዲካሂድ መወሱን ገልጸዋል፡፡

Via የጀርመን ራድዮ
@tsegabwolde @tikvahethiopia

#DIREDAWA የድሬዳዋ ዓለም አቀፍ አየር ማረፊያ ዙሪያ የተገነቡ 400 የሚጠጉ ሕገ ወጥ ቤቶችን ማፍረሱን አስተዳደሩ አስታውቋል። የድሬዳዋ አስተዳደር ምክር ቤት አፈ-ጉባዔ ”ሕገ-ወጥ ግንባታ የማፍረስና የመሬት ወረራን የመከላከሉ ሥራ ተጠናክሮ ይቀጥላል” ብለዋል።

የአስተዳደሩ መንግሥት ኮሙኒኬሽን ጉዳዮች ቢሮ እንዳመለከተው በአስተዳደሩ የተቋቋመው አፍራሽ ግብረ-ኃይል ሕገ-ወጥ ቤቶችን አፍርሷል፡፡ ቤቶቹ ከፈረሱ በኋላ ምሽት ላይ የተገነቡ 11 ቤቶችም እንዲፈርሱ አድርጓል፡፡ ከሕገ-ወጥ ቤቶቹ የፀዳው ሥፍራ ”በዘላቂነት ጥበቃ” ይደረግለታል ብሏል፡፡

አየር ማረፊያው ባለፈው ሣምንት የችግሩን #አሳሳቢነት በመግለጽ አስቸኳይ እርምጃ ካልተወሰደ ሥራውን ለማቆም እንደሚገደድ አስታውቆ እንደነበርም አስታውሷል፡፡

Via #ENA
@tsegabwolde @tikvahethiopia

#ሐዊ_ጉዲና በኢትዮ-ጅማ አባጅፋር ኮሚኒቲ ኖርዝ አሜሪካ ለሐዊ ጉዲና ትምህርት ቤት የተገነባው ተጨማሪ የመማሪያ ክፍል በነገው ዕለት ይመረቃል።

"Iijaarsa Daree Dabalata Mana Barumsaa Hawwii Guddinaa Keessatti Tola Ooltota Ethio-Jimmaa Abbaajifaar Kommunity North Americatiin Xumuramee- Hagayya 2011 kan Ebbifame"

Via Tame Sancho/TIKVAH-ETH/
@tsegabwolde @tikvahethiopia

#update የአሸንዳና ዓይኒ ዋሪ በዓላትን በዓለም ቅርስነት ለማስመዝገብ እንቅስቃሴ እየተደረገ መሆኑን የትግራይ ክልል ባህልና ቱሪዝም ቢሮ አስታወቀ። በአክሱም ከተማ የሚከበረው የዓይኒ ዋሪ በዓል የሰላም የአንድነትና የልማት መገለጫነቱን በሚያጎላ መልኩ ትናንት ተከብሯል። የቢሮው ኃላፊ ወይዘሮ ብርክቲ ገብረመድህን በበዓሉ ላይ እንዳሉት በዓላቱን በተባበሩት መንግሥታት የትምሀርት፣ የባህልና ሳይንስ ድርጅት (ዩኔስኮ) ለማስመዝገብ መረጃ ተልኳል። በዓላቱ ዓለም አቀፍ ዕውቅና እንዲያገኙ ምዝገባው አስፈላጊ መሆኑን አመልክተዋል።

Via #ENA
@tsegabwolde @tikvahethiopia

እንግጫ ነቀላ በዓል!

ባህላዊ እሴቶቻችንን በማልማት ዘላቂ ሰላማችንን እናረጋግጥ!

#የእንግጫ_ነቀላ በዓል ነሃሴ 29 እና 30 እንደሚከበር የምስራቅ ጎጃም ዞን ባህል ቱሪዝም መምሪያ አስታውቋል። የምስራቅ ጎጃም ዞን ባህል ቱሪዝም መምሪያ ሃላፊ ወ/ሮ ዉዳለም አልማዉ በሰጡት ጋዜጣዊ መግለጫ እየደበዘዘ የነበረዉን የእንግጫ ነቀላ በዓል ከ2009 ዓ/ም ጀምሮ ዞናዊ በሆነ መልኩ ማክበር መጀመሩን ገልጸዉ እንግጫ ነቀላን ህዝባዊ በዓል በማደረግ የጎጃም ህዝብ መገለጫ ለማድረግ እየተሰራ መሆኑን ተናግረዋል፡፡ መምሪያ ሃላፊዋ አያይዘዉም በዓሉን በማልማት የዞኑ አንዱ መዳረሻ ለማድረግ እየተሰራ እንደሆነና ይህም ለዞኑ የኢኮኖሚ እድገት ከፍተኛ አስተዋጽኦ እንደሚኖረዉ አክለዋል፡፡ እንግጫ ነቀላ በጎጃም ማህበረሰብ ዘንድ በየዓመቱ በዘመን መለወጫ ወቅት በልጃገገረዶችና ወጣት ወንዶች የሚከበር በዓል ሲሆን በዚህ ዓመትም "ባህላዊ እሴቶቻችንን በማልማት ዘላቂ ሰላማችንን እናረጋግጥ" በሚል መሪ ቃል ይከበራል።

Via East gojjam zone culture-tourism department
@tsegabwolde @tikvahethiopia

💫እሁድን እንዴት ለማሳለፍ አሰባችሁ?

TIKVAH-ETH እሁድን መልካምና በጎ ስራን እየሰራችሁ እንድታሳልፉ በአንዳንድ የሀገሪቱ ከተሞች በነገው እለት የሚካሄዱ እናተ ልትሳተፉባቸው የምትችሉትን በጎ ስራዎችን ከዚህ በታች ይጠቁማችኃል👇

እሁድን በበጎ ተግባር!

#አዲስ_አበባ

💫የአንድ እሽግ ለአንድ ልጅ የሙዚቃ ድግስ ነገ እሁድ ነሃሴ 26 በጌትፋም ሆቴል ይደረጋል። መግቢያ: 12 ደብተር - 2 እስክርቢቶ - 2 እርሳስ - 2 መቅረጫ እና 2 ላጲስ - የTIKVAH-ETH የአ/አ ቤተሰቦች እንዳትቀሩ! #onepackforonechild

💫Rotaract Ethiopia በጎ ስራ ላይ የተሰማራ ለትርፍ ያልተቋቋመ ድርጅት ሲሆን ለአዲሱ አመት #አልባሳት እያሰባሰበ ነው እናተም ተሳተፉ ያላችሁበት መጥተው ይወስዳሉ ደውሉላቸው Rotaract club of Atrons President Yeabsera --- +251922175164. (Or Natnael -@Natysf +251923594536, Sofonias - @SophoDarik +251 92 453 9140

#ወላይታ_ሶዶ

💫"አለን ኢትዮጵያ የበጎ አድራጎት ማህበር ወላይታ ሶዶ ቅርንጫፍ" ላለፉት ሁለት ቀናት ለ800 ተማሪዎች ለትምህርት የሚሆናቸውን ቁሳቁስ እያሰባሰበ ነው። በተጨማሪ የደም ልገሳ እየተደረገ ይገኛል። ነገም ለ3ኛ ቀን ይቀጥላል። ወላይታ ሶዶ ያላችሁ የTIKVAH-ETH ተከታዮችም እሁዳችሁን ከነሱ ጋር ማሳለፍ ትችላላችሁ። ስልክ +251913776084፣ 0926172318

#ሻሸመኔ

💫የሻሸመኔ ወጣቶች ነገ የይደግ በጎ አድራጎት ማእከልን ይጎበኛሉ እንዲሁም ግቢውን ያፀዳሉ። የሻሸመኔ የTIKVAH-ETH ቤተሰቦች ኑ እሁድን በመልካም ስራ እናሳልፍ ከሰአት 8:00 ሰአት ላይ CDI እንገናኝ ብለዋችኃል!! ስልክ፦0926940304

#ለኩ
💫በለኩ ከተማ የሚገኙ "እኔም ለወገን" የበጎ አድራጎት ማህበር አባላት የሻይ ቡና ፕሮግራም አዘጋጅተዋል። የለኩ ቤተሰቦቻችን እሁድን አብራችሁ!0986241726

💫"ነገ በለኩ ፉርቃን የአበባ እና የችግኝ መተከል ስነ ስርአት ስለሚኖረን የቻላችሁ ከጥዋቱ 3 ሰአት በለኩ ፉርቃን ግቢ በመገኘት አሻራችሁን እንድታሳርፉ ጀመአችን ጥሪውን ያስተላልፋል" ቢላል የለኩ ሙስሊም በጎ አድራጎት ጀመአ

#ድሬዳዋ

💫"የድሬዳዋ ስካውት ካውንስል አባላት ነን በከተማችን የሚገኙ መንገዶች በግራና በቀኝ ያሉ ጠርዞችን ነጭ እና ጥቁር ቀለም በመቀባት ለመንገዱ ውበት እንዲሁም በምሽት ለአሽከርካሪዎች በቀላሉ እንዲታይ በማድረግ የትራፊክ አደጋን ከመቀነስ አንፃር የበኩላችንን እየተወጣን ነው ። ስራው ገና አልተጠናቀቀም ነገም እለተ ሰንበት ይቀጥላል።"

#ወሊሶ

💫ወገኔን ለማስተማር እሮጣለሁ በከተማችን ቅን ወጣቶች የተቋቋመው የ" we are one" የበጎ አድራጎት ማህበር ባሳለፍነው አመት "ወገኔን ለማስተማር እኔም እሮጣለሁ" በሚል መሪ ቃል ታላቅ የእሩጫ ዉድድር ማሰናዳቱ የሚታወስ ነዉ። በዘንድሮ አመትም በተመሳሳይ መሪ ቃል በአይነቱ ልዩ በሆነ ሩጫ ዝግጅቱን አጠናቆ እርሶን እየጠበቀ ይገኛል ታድያ እርሶም የሩጫ ቲሸርት በመግዛት ከአላማችን ጎን ይሰለፉ። የቲሸርቱ ዋጋ 100 ብር የቲሸርቱ መገኛ ቦታ: ፓስታ ቤት፣የኛ ህንፃ ፣ክርኪስ እናም ሁሉም ቦታ አዙረው በመሸጥ ላይ ከሚገኙ አባላቶች

በሌሎች አካባቢዎች ያሉ እንቅስቃሴዎችን እንደደረሰኝ አቀርባለሁ!

የ10ኛ ክፍል ፈተና ውጤት ይፋ #አልተደረገም፤ የሀገር አቀፍ ትምህርት ምዘናና ፈተናዎች ኤጀንሲም መቼ ይፋ እንደሚደረግ #አላሳወቅም። በተመሳሳይ ስለዩኒቨርሲቲ መግቢያ መቁረጫ ነጥብ የሚዋራው ሀሰት ነው። መቁረጫ ነጥብ ይፋ አልተደረገም።

ውድ ተማሪዎች እና የተማሪ ወላጆች በተለያዩ ሀሰተኛ ገፆች እንዳትታለሉ! ተማሪዎች እና ወላጆች አጠቃላይ ስለፈተናችሁና ውጤታችሁ ትክክለኛ መረጃን ልታገኙ የምትችሉት በዚህ መንገድ ብቻ ነው፦

1. https://m.facebook.com/neaea.nae/ ይህ ትክክለኛው የኤጀንሲው የፌስቡክ ገፅ ነው። አዲስ መረጃ ካለ በዚህ በኩል ይገልጻሉ።

2. https://app.neaea.gov.et/ ይህ የኤጀንሲው ድረገፅ ነው። አዲስ መረጃ ካለ በዚህ በኩል ይገልጻሉ።

3. በተለያዩ የመንግስትና የግል የቴሌቪዥንና ሬድዮ ጣቢያዎች በኤጀንሲው በኩል የሚሰጠውን መረጃ ብቻ ተከታተሉ።

4. ህጋዊ በሆኑና በቴሌቪዥንና በሬድዮ ጣቢያዎች ቁጥጥር ስር ባሉ ህጋዊ✔️የፌስቡክ ገፆች ላይ ስለውጤታችሁ የሚወጣ መረጃ ካለ #ተመልከቱ፤ አረጋግጡ።

📌ከዚህ ውጪ በትኛውም አይነት መንገድ የሚሰራጩ መረጃዎች #እንዳታምኑ። በሚሰራጩ ሀሰት ወሬዎችም #እንዳትጨነቁ። የምታዩትን ነገር ሁሉ ሼር እንዳታደርጉ በቅድሚያ አረጋግጡ!!

💫ኤጀንሲው ምንም አይነት የቴሌግራም ቻናል የለውም! ሁሉም በኤጀንሲው ስምና በትምህርት ሚኒስቴር ስም የተከፈቱት ቻናሎች ህጋዊ እውቅና የሌላቸው ናቸው።

#TIKVAH_ETHIOPIA

@tsegabwolde @tikvahethiopia

በ2012 ዓ.ም የከፍተኛ ትምህርት እንዳይስተጓጎል ጠንካራ ሥራ ተሰርቷል!

መጪው የ2012 ዓ.ም በሀገሪቱ የተለያዩ ኩነቶች የሚከናወኑበት በመሆኑ ከዚያ ጋር ተያይዞ በከፍተኛ ትምህርት ተቋማት ላይ የትምህርት መስተጓጎል እንዲሁም አላስፈላጊ ሁከቶች እንዳይከሰት ጠንካራ ሥራ መሰራቱን የሳይንስ እና ከፍተኛ ትምህርት ሚኒስቴር አስታወቀ፡፡ የ2012 ዓ.ም የትምህርት ዘመን ሰላማዊ እና የተረጋጋ የመማር ማስተማር ሂደት እንዲኖር በተለየ ሁኔታ መዘጋጀታቸውን አንዳንድ ዩኒቨርሲቲዎች ገልጸዋል፡፡

የሳይንስ እና ከፍተኛ ትምህርት ሚኒስትር ዴኤታ ዶክተር ሳሙኤል ክፍሌ በተለይ ለአዲስ ዘመን እንዳስታወቁት፣ ከዚህ ቀደም የተከሰቱ ግጭቶች፣ሁከቶች እና ሞት ትልቅ ትምህርት ሰጥተው ስላለፉ ከዚህ በኋላ ተመሳሳይ ችግሮች እንዳይደገሙ ጠንካራ ሥራ ተሰርቷል፡፡ ዶክተር #ሳሙኤል እንዳሉት ሚኒስትር መስሪያ ቤቱ የመማር ማስተማር ሂደቱን ሰላማዊ ያደርግልኛል ያለውን ሰነድ አዘጋጅቷል፡፡ ሰነዱ በአገሪቱ ከሚገኙ የዩኒቨርሲቲ ፕሬዚዳንቶች ጋር ውይይት የተደረገበት ሲሆን እያንዳንዱ የዩኒቨርሲቲው ማህበረሰብ ኃላፊ ነት፣ መብትና ግዴታን የያዘ መሆኑን ገልጸዋል፡፡

Via #EPA
@tsegabwolde @tikvahethiopia

ደሜን ለወገኔ!

በአፋቅ የል/መ/ዕ አስተባባሪነት በኢባዱረህማን መስጂ ግቢ ውስጥ ከደም ባንክ ጋር በመተባበር "ደምህ ለሌሎች ሰዎች ህይወት ነው" በሚል መሪ ቃል በዛሬው እለትየደም ልገሳ ፕሮግራም እየተካሄደ ይገኛል፤ በአካባቢው የምትገኙ ውድ የቤተሰባችን አባላት በዚህ ተግባር ተሳራፊ መሆን ትችላላችሁ! በደሞን በመለገስ፤ ክቡር የሆነውን የሰው ልጅን ህይወት ያድኑ!

@tsegabwolde @tikvahethiopia

#update ታላቁ የኢትዮጵያ ህዳሴ ግድብ የኤሌክትሪክ ኃይል ማመንጫ ፕሮጀክት አካል ከሚሆኑት 16 የኃይል ማመንጫ ጀኔሬተሮች መካከል አምስቱ ጀኔሬተሮች፣ የግድቡ ግንባታ ተጠናቆ የሚፈለገው ውኃ ከተሞላ በኋላ እንዲገጠሙ ተወሰነ፡፡

ከፍተኛ ሀብት የሚወጣባቸው እነዚህ ውስን ጀኔሬተሮች ግድቡ ሙሉ በሙሉ በውኃ ሳይሞላ ኃይል ማመንጨት እንደማይችሉ እየታወቀ እንዲደረደሩ ማድረግ ኢኮኖሚያዊ ፋይዳ የሌለው፣ ይልቁንም ለእነዚህ ጀኔሬተሮች የሚወጣውን ሀብት ለሌላ ፍላጎት በማዋል ኢኮኖሚያዊ ጠቀሜታ ማስገኘት የውሳኔው ምክንያትነት እንደሆነ ለመረዳት ተችሏል፡፡

ሪፖርተር ጋዜጣ ከታላቁ የኢትዮጵያ ህዳሴ ግድብ ፕሮጀክት ዋና ሥራ አስኪያጅ አቶ ክፍሌ ሆሮ (ኢንጂነር) አገኘሁት ባለው መረጃ እንዳመለከተው፣ የኃይል ማመንጫ ግድቡ ቀሪ ግንባታ በሦስት ምዕራፎች ተከፍሎ እንዲከናወን የፕሮጀክት ጽሕፈት ቤቱ ያቀረበውን የውሳኔ ሐሳብ መንግሥት ተቀብሎ እንዳፀደቀውና ግንባታውም በዚሁ በተከለሰ የግንባታ መርሐ ግብር መሠረት መከናወን ተጀምሯል፡፡

ተጨማሪ የንብቡ👇
https://telegra.ph/ETH-09-01

Via #Reporter
@tsegabwolde @tikvahethiopia

ጠ/ሚ ዶ/ር አብይ አህመድ🛬እስራኤል ገቡ!

ጠቅላይ ሚኒስትር ዶክተር አብይ አህመድ ለይፋዊ የስራ ጉብኝት እስራኤል ገቡ። ጠቅላይ ሚኒስትሩ ዛሬም በጠቅላይ ሚኒስትር ቤኒያሚን ኔታኒያሆ ፅህፈት ቤት የክብር አቀባበል ይደረግላቸዋል፡፡ ጠቅላይ ሚኒስትር ዶክተር አብይ አህመድ በእስራኤል የሚያደርጉት የሁለት ቀናት ይህ ይፋዊ ስራ ጉብኝት የሁለቱን ሀገራት ግንኙነት ለማሻሻል እና ለማጠናከር ከፍተኛ ሚና ይኖረዋል ተብሏል፡፡

ከጠቅላይ ሚኒስትር ዶክተር አብይ አህመድ ጋርም የውጭ ጉዳይ ሚኒስሩ አቶ ገዱ አንዳርጋቸው፣ የመከላከያ ሚኒስትሩ አቶ ለማ መገርሳ እና ሌሎች ከፍተኛ የስራ ሀላፊዎችም በመጎብት ላይ ይገኛሉ። በዚህ ጉብኝት ከጠቅላይ ሚኒስትር ቤኒያሚን ኔታኒያሆ፣ ከሀገሪቱ ፕሬዚዳንት ሬቬን ሪቭሊን ጋር ይወያያሉ ተብሏል፡፡

እንዲሁም በናዚ የተጨፈጨፉ አይሁዳዊያን ማስታወሻ ሀውልትን እና የሀገሪቱን የሳይበር ዳይሬክቶሬት እንደሚጎበኙ ነው የሚጠበቀው፡፡ ኢትዮጵያ እና እስራኤል በግብርና፣ በውሃና መስኖ፣ ጤና፣ ትምህርት፣ ሳይንስ፣ ቴክኖሎጂ እና የፈጠራ ዘርፎች ላይ በትብብር ይሰራሉ፡፡ በፀጥታ፣ ግብርና እና በቴክኖሎጂ በተለይ በሳይበር ዘርፍ ያለውን የሁለቱን ሀገራት ግንኙነት የበለጠ ማጠናከር በሚቻልበት ሁኔታ ውይይት ይደረጋል ነው የተባለው፡፡

የጠቅላይ ሚኒስትር ዶክተር አብይ በእስራኤል የሚያደርጉት ጉብኝት የሁለትዮሽ ግንኙነታቸው ለማጠናከር ሀገራቱ ያላቸውን ፍላጎት ማሳያ መሆኑንም በኢትዮጵያ የእስራኤል ኢምባሲ አስታውቋል፡፡

Via #FBC
@tsegabwolde @tikvahethiopia

ከሰሞኑን መነጋገሪያ የሆነው የፍየሎች እስር!

ከሰሞኑ ባለቤትነታቸው #የአረና ትግራይ ፓርቲ አባል ናቸው የተባሉ አስራ ስድስት ፍየሎች የመታሰራቸው ዜና የማህበራዊ ሚዲያ ተጠቃሚዎች መነጋገሪያ ሆኖ ቆይቷል። የአረና ፓርቲ ሊቀመንብር አቶ አብርሃ ደስታ በላፈው ረቡዕ የፓርቲው አባል ንብረት የሆኑ 16 ፍየሎች በትግራይ ክልል ቆላ ተምቤን ወረዳ ንኡስ ወረዳ ወርቅ አንባ ቀይሕ ተኽሊ ቀበሌ ውስጥ መታሰራቸውን ለቢቢሲ ገልጸዋል። የፍየሎቹ ባለቤት የሆኑት አቶ ዜናዊ አስመላሽ 16 ፍየሎቻቸው ታስረውባቸው እንደነበረ ተናግረው፤ ታስረው ከነበሩት ፍየሎች ሶስቱ አምልጠው ወደ ቤት መመለሳቸውን #ለቢቢሲ ተናግረዋል።

ይህን ጉዳይ ሌሎች የውጭ ሀገር ሚዲያዎችም ሲቀባበሉት ታይቷል👇

#Congratulations

የቅዱስ ጳውሎስ ሆስፒታል ሚሌኒየም የሕክምና ኮሌጅ የሕክምና ባለሙያዎችን በስካይ ላይት ሆቴል እያስመረቀ ነው፡፡ ኮሌጁ በቅድመ- እና ድህረ-ምረቃ መርሃ-ግብር ያሰለጠናቸውን የሕክምና ባለሙያዎችን ነው በማስመረቅ ላይ ያለው፡፡

በምረቃ ስነ-ስርዓቱ ላይ የኢፌዴሪ ፕሬዝዳንት ሣህለ ወርቅ ዘውዴና የጤና ሚኒስትሩ ዶ/ር አሚር አማን ተገኝተው ንግግር እንደሚያደርጉ ይጠበቃል፡፡ በጤናው ዘርፍ ከፍተኛ አስተዋፅዖ ላበረከቱም የክብር ዶክትሬቶች ይሰጣሉም ተብሏል፡፡

Via #EPA
@tsegabwolde @tikvahethiopia

የተሻሻለዉ የከፍተኛ ትምህርት አዋጅ ጸድቆ ስራ ላይ ዋለ!

የከፍተኛ ትምህርት ተቋማት ከፍተኛ ቁጥር ያላቸውን ተማሪዎችን ከመቀበልና ከማስመረቅ ባለፈ፤ ከጥራትና ብቃት እንዲሁም ሀገሪቱ ቅድሚያ በምትሰጠው ዘርፍ በቂና ብቁ የሰው ኃይል በማፍራት በኩል ውስንነቶች ያሉ በመሆኑ፤

የከፍተኛ ትምህርት ተቋማት ህግና ስርዓትን ተከትለው ተልዕኳቸውን በስኬት በመወጣት መንግስትና ህዝብ የሚጠብቅባቸውን ውጤት ማስገኘት እንዳይችሉ ዘርፉን የሚመራው ህግ የነበረው የይዘት ክፍተትና ይህም ያስከተለው የአፈጻጸም ጉድለት አንዱ የዘርፉ ችግር ሆኖ በመገኘቱ፤ የከፍተኛ ትምህርት ስርዓትና ተቋማት የትምህርት አግባብነትና ጥራትን ያረጋገጡ እንዲሆኑ፤

ተቋማት የትምህርትና ስልጠና፣ የጥናትና ምርምር እንዲሁም የማህበረሰብ አቀፍ አገልግሎት መስጫ ማዕከል እንዲሆኑ፤ ሀገሪቱ ቅድሚያ ለምትሰጣቸው ዘርፎችና ችግሮች ቅድሚያ የሚሰጡ እና ተቋማዊ አስተዳደሩ ግልጽነት፣ ተጠያቂነትና ፍትሐዊነት የሰፈነበት ማድረግ የሚያስችል ስርዓት መዘርጋት በማስፈለጉ፤

የከፍተኛ ትምህርት ተቋማት የመማር ማስተማር፣ ጥናትና ምርምር እና የማህበረሰብ አገልግሎት አሰጣጥ ስርዓት ከሀገራችን የዕድገትና ተቋማቱ ሊኖራቸው ከሚገባ ቁመና ጋር የተጣጣመ ለማድረግና በዓለም አቀፍ ደረጃ ተወዳዳሪ እንዲሆኑ ለማስቻል፤ በዕውቀት፣ በክህሎት እና በስነ-ምግባር የዳበሩ ብቁ ዜጎች ማፍራት፤

በህግና ስርዓትን ማዕቀፍ ውስጥ ተጠያቂነትንና ኃላፊነትን ባረጋገጠ መልኩ ተቋማዊ እና አካዳሚክ ነጻነታቸው ተጠብቆ፤ ተልዕኳቸውን መወጣት እንዲችሉ ለማድረግ ነባሩን ህግ በማሻሻል አዲስ ህግ ማውጣት በማስፈለጉ፤

በኢትዮጵያ ፊዴራላዊ ዲሞክራሲያዊ ሪፐብሊክ ሕገ-መንግስት አንቀፅ 55(1) መሰረት የሚከተለው ታውጇል፡፡

https://moshe.gov.et/visitor/documents/8
https://drive.google.com/file/d/1kwTHQUyk4CnRNtcySgsDGceytiCS6x2h/view?usp=embed_facebook