ከፍተኛው ውጤት የተመዘገበው አማራ ክልል ነው!

ዘንድሮ ፈተና ላይ ከተቀመጡት መካከል ከፍተኛው ውጤት 645 ሲሆን አማራ ክልል ከፍተኛው ውጤት የተመዘገበበት ክልል መሆኑ ተገልጿል።

Via #ETHIOFM
@tsegabwolde @tikvahethiopia

የ68 ተማሪዎች ውጤት ተሰርዟል!

🏷በአማራ፣ ደቡብ ፣ ቤኒሻንጉል እና ኦሮሚያ ክልሎች 846 ተማሪዎች ከፍተኛና ተመሳሳይ የውጤት መመሳሰል በማምጣታቸው ተጨማሪ #ማጣራት እንዲደረግባቸው ተወስኗል። በፈተናው ወቅት በተፈጸመ የደነብ ጥሰት 68 ተማሪዎች ውጤት #መሰረዙም ተገልጿል።

Via #ETHIOFM
@tsegabwolde @tikvahethiopia

ለ200ሺህ ዜጎች የስራ እድል የሚፈጥር ፕሮጀክት!

በአዲስ አበባ ከተማ ለሚገኙ 200 ሺህ ዜጎች የስራ እድል የሚፈጥር ፕሮጀክት ይፋ ሆኗል፡፡ ሊ ዌይ ፕሮግራም የተሰኘዉ ይህ ፕሮጀክት በአዲስ አበባ ያለዉን የስራ አጥነት ችግር ይቀንሳል ተብሎ ተስፋ ተጥሎበታል፡፡

የፕሮጀክቱ ዳይሬክተር አቶ ቴዎድሮስ የሺወርቅ እንዳስታወቁት፤ ፕሮግራሙ ለቀጣይ 5 አመታት የሚቆይ ሲሆን ሴቶች እና ወጣቶች ወደ ንግድ እንዲገቡ ያስችላል ብለዋል፡፡

በአዲሰ አበባ ከተማ አስተዳደር የማኅበራዊ ዘርፍ ምክትል ከንቲባ ኢንጂነር እንዳወቅ አብጤ በበኩላቸዉ የፕሮጀክቱ ዋነኛ ተጠቃሚዎቹ ሴቶች እና ወጣቶች መሆናቸዉን ገልፀዉ በተለይም የማህበራዊ ችግር ተጋላጭ ለሆኑ ወገኖች ትኩረት እንደሚደረግባቸው ተናግረዋል።

ከዚህ በተጨማሪም የጎዳና ተዳዳሪዎችን በማንሳት የፕሮጀክቱ ተጠቃሚ እንዲሆኑ እንሰራለንም ብለዋል፡፡ አሁን ላይ ለሀገሪቱ አሳሳቢ የሆነዉን ስራ አጥነት ለመቀነስም ከመንግስት በተጨማሪ የግሉ ዘርፍም ሊረባረብ እንደሚገባም ተጠቁሟል፡፡

የሊ ዌይ ፕሮጀክት ለቀጣዮች 5 አመታት ተግባራዊ የሚሆን ሲሆን አሁን ላይ ከ2 ሺህ በላይ የሚሆኑ ዜጎችን ወደ ንግዱ ለማሳመራት 20 ሚሊዮን ዶላር መመደቡንም ተሰምቷል።

Via #ETHIOFM
@tsegabwolde @tikvahethiopia

እስራኤል አሜሪካዊያኑ ኢልሃን ኦማርና ረሺድ ተሊብ ወደ ሃገሯ እንዳይገቡ ከለከለች። የእስራኤልን መንግስት በመተቸት የሚታወቁት ሁለቱ የአሜሪካ ምክር ቤት አባላት በሚቀጥለው ሳምንት ዌስት ባንክና ምስራቃዊ እየሩሳሌምን ለመጎብኘት እቅድ ነበራቸው፡፡

ሀለቱም እስራኤልን የሚቃወሙ እንቅስቃሴዎችን በመደገፍ የሚታወቁ ሲሆን የሃገሪቷ ህግ ደግሞ ጸረ እስራኤል እንቅስቃሴን የሚደግፉ ሰዎች ላይ የጉዞ ማእቀብ መጣል ይፈቅዳል፡፡

ዶናልድ ትራምፕ ሴቶቹ ወደ እስራኤል መግባት ከቻሉ ይህ ትልቅ ድክመት መኖሩን ያሳያል ሲሉ በትዊተራቸው አስፍረው ነበር፡፡ ፕሬዘዳንቱ አክለውም ሁለቱ ህግ አውጪዎች እስራኤሎችንና መላ አይሁዶችን ይጠላሉ፤ ምንም ነገር ቢደረግ የነሱን አመለካከት መቀየር አይቻልም ብለዋል፡፡

እስራኤል እገዳውን ከማስተላለፏ በፊትም እስራኤል ለምን ልትፈቅድላቸው እንደምትችል ማሰብ አልችልም፤ ከፈለጉ ሊፈቅዱላቸው ይችላሉ እኔ ግን ይህን ማሰብ አልችልም ሲሉ ለሪፖርተሮች ተናግረዋል፡፡ እንስቶቹ ዲሞክራቶች እስራኤልን ይቃወማሉ በሚል ይተቻሉ፡፡ እነሱ ግን ጸረ እስራኤል አቋም የለንም ሲሉ ያስተባብላሉ፡፡

Via #ETHIOFM
@tsegabwolde @tikvahethiopia

#አፕቲትዩድ

በዘንድሮው የ12ኛ ክፍል ሃገር አቀፍ ፈተና ተፈታኞች ከስኮላስቲክ አፕቲቲውድ ዉጪ በሌሎች የትምህርት አይነቶች የፈተና አስተራረም ችግር አለመፈጠሩ ተገለጸ።

የሃገር አቀፍ ፈተናና ምዘና ኤጀንሲ ተማሪዎች ቅሬታ ሲቀርብበት የነበረውን የ12ኛ ክፍል ሃገር አቀፍ ፈተና የስኮላስቲክ አፕቲቲውድ ውጤትን መመልከት እንደሚችሉ አስታውቋል።

ኤጀንሲው ከፈተናው የመልስ ቁልፍ ጋር ተያይዞ የነበረው እርማት ተጠናቆ በድረ ገጹ እና በአጭር የፅሁፍ መልዕክት መመልከት ይችላሉ ብሏል። የኤጀንሲው ዋና ዳይሬክተር አቶ ዓርዓያ ገብረእግዚአብሄር እንዳሉት የስኮላስቲክ ፈተናው ኮድ 21 እና 22 ችግር እንደነበረባቸው ጠቅሰዋል።

ዳይሬክተሩ ቀደም ሲል በአጭር የፅሁፍ መልዕክት እና በድረ ገጽ መለቀቁን ጠቅሰው፥ የተለቀቀው ውጤት ያልተስተካከለው እንደነበር ገልጸዋል። ለዚህም ቀደም ሲል በአጭር የፅሁፍ መልዕክት የተለቀቀውን መረጃ ማጥፋት የሌላ አካል ሃላፊነት መሆኑንም አንስተዋል፡፡

ከፈተናው ጋር ተያይዞ ለኤጀንሲው 10ሺህ ያህል ቅሬታዎች መቅረባቸውን ያነሱት ዳይሬክተሩ፥ አሁን ላይም ጉዳዩን የሚከታተል ኮሚቴ ተቋቁሞ እየተሰራ ነው ብለዋል፡፡ ይሁን እንጅ እስካሁን በሌሎች የትምህርት አይነቶች ችግሮች ያለመገኘታቸውን አስረድተዋል። የ12ኛ ክፍል ፈተና ውጤት እርማት ሃምሌ 20 ቀን 2011 መጠናቀቁን የተናገሩት ዳይሬክተሩ ፈተናው ይፋ እስከሚደረግ ድረስ ባሉት ጊዜያትም መሰል ችግሮች እንዳይከሰቱ የማጣራት ስራ ሲሰራ እንደነበረም አስታውሰዋል፡፡

Via #ETHIOFM
@tsegabwolde @tikvahethiopia

#update 2.7 ሚሊዮን ብር ዋጋ ያላቸው የሶስት ሀገራት የብር ኖቶች በህገወጥ መንገድ ከሀገር ለማስወጣት ሲሞከር በቁጥጥር ስር ዋሉ። ዛሬ በዋለው የምንዛሪ መጠን በድምሩ 2 ነጥብ 7 ሚሊዮን ብር ዋጋ ያላቸው 11 ሺህ 900 ድርሀም 76ሺህ 230 የአሜሪካን ዶላር እና 66ሺህ 900 የሳውዲ ሪያል በህገ-ወጥ መንገድ ከሀገር ለማስወጣት ሲሞከር በቁጥጥር ስር መዋሉን የገቢዎች ሚኒስቴር ለኢትዮ ኤፍ ኤም አስታውቋል፡፡

የብር ኖቶቹ ከሀገር ለማስወጣት የተሞከረው ባለአምስት ሊትር ጀሪካን ውስጥ በመደበቅ ሲሆን በቶጎጫሌ ሚሊሻና በጉምሩክ አባላት የተቀናጀ ጥረት በቁጥጥር መዋሉ ተገልጿል፡፡ ህገ-ወጥ የገንዘብ ዝውውር የአገሪቱን ኢኮኖሚ ከማዳከም ባለፈ የህዝብ ሰላምና ጤንነት ፀር የሆኑ የኮንትሮባንድ ምርቶች ለመግዛት የሚውል በመሆኑ ህብረሰተቡ ይህን በመገንዘብ ድርጊቱን ለማስቆም ከዳር እስከ ዳር እንዲረባረብ የገቢዎች ሚኒስቴር ጥሪውን አቅርቧል።

Via #ETHIOFM
@tsegabwolde @tikvahethiopia

የኦነግ ወታደራዊ ዩኒፎም ተያዘ እየተባለ በማህበራዊ ሚዲያ የሚሰራጨው መረጃ ሀሰተኛ ነው!

በወልዲያ የፍተሻ ጣቢያ ላይ የተያዘው ወታደራዊ ዩኒፎርም መሰል አልባሳት የእኔ ነው ሲል የኢትዮጵያ የዱር እንስሳት ልማትና ጥበቃ ባለስልጣን አስታወቀ፡፡ መነሻዉን መቐለ ያደረገ አይሱዙ ወልዲያ የፍተሻ ጣቢያ ላይ ሲደርስ በፍተሸ ጣቢያ ሰራተኞች ተይዞ ፍተሻ እየተደረገበት ይገኛል፡፡ምክንያቱ ደግሞ የጫነዉ አልባሳትን ምንነት ለማረጋገጥ ነዉ ተብሏል፡፡

የባለስልጣኑ የህዝብ ግንኙነት ባለሙያ አቶ ሰለሞን ወርቁ ለኢትዮ ኤፍ ኤም እንደተናገሩት፤ መኪናዉን ጭኖ ሲንቀሳቀስ የነበረዉ የኢትዮጵያ የዱር እንስሳት ቁጥጥርና ጥበቃ ሰራተኞች /ስካዉት/ የሚለብሱት ዩኒፎርም ነበር ብለዉናል፡፡ መኪናዉም 3 ሺህ የዩኒፎርም አልባሳትና 170 ጃኬቶችን ጭኖ ከመቀሌ አልመዳ ጨርቃጨርቅ ፋብሪካ ወደ አዲስ አበባ ሲጓዝ እንደነበረም ነዉ የተናገሩት፡፡

አልባሳቱ #የተጫነዉ በግል መኪና መሆኑና አልባሳቱ የኛ መሆኑን የሚያመለክት ደብዳቤ በአሽከርካሪዉ እጅ አለመገኘቱ ለጥርጣሬዉ መነሻ እንደሆነም አቶ ሰለሞን ገልጸዋል፡፡ አሁን ላይ ከሚመለከታቸዉ አካላት ጋር ተነጋግረን ማረጋገጫ ደብዳቤ እንድንጽፍ በጠየቁን መሰረት ደብዳቤ ጽፈናል፤በነገዉ እለትም መኪናዉ ወደ አዲስ አበባ ይንቃቀሳል ብለን እንጠብቃልን ነዉ ያሉት፡፡

ከዚህ ባሻገር ግን አልባሳቱ የኦነግ ነዉ ተብሎ በማህበራዊ ሚዲያ የሚናፈሰዉ ወሬ #ከእዉነት_የራቀ_ነዉ፤ አልባሳቱ የኛ ነዉ፤ ለዱር እንስሳት ጥበቃ ለመተማሩ ሰራተኞች የተዘጋጀ ዩኒፎርም ነው ብለዋል፡፡ በኢትዮጵያ በፌደራል ደረጃ በሚተዳደሩ 13 ብሄራዊ ፓርኮች 790 ስካዉቶች በስራ ላይ ተሰማርተዉ ይገኛሉ፡፡

Via #ETHIOFM
@tsegabwolde @tikvahethiopia

#Breaking

ምርጫ ቦርድ #የሲዳማ_የክልልነት ጥያቄ ህዝበ ውስኔ መስጫ ቀንን ይፋ አደረገ። ቦርዱ ዛሬ ለኢትዮ ኤፍ ኤም እንዳስታወቀው የሲዳማ የክልልነት ጥያቄ ህዝበ ውስኔ መስጫ ቀን ህዳር 3 ቀን 2012 ዓ/ም እንዲሆን ተወስኗል።

ቦርዱ ለዚህ ስራም ከነሀሴ 30 ቀን 2011 ዓም አንስቶ 8ሺህ 460 ምርጫ አስፈጻሚዎችን እንዲሁም 1 ሺህ 692 የህዝበ ውሳኔ ደምጽ መስጫ ጣቢያዎችን አደራጃለሁ ብሏል። ለህዝበ ውሳኔው ስራ ማስኬጃ 75 ሚሊዮን 615 ሺህ ብር የሚያስፈልግ ሲሆን ወጪውን የደቡብ ክልል ምክር ቤት ይሸፍናል ተብሏል።

Via #EthioFM
@tsegabwolde @tikvahethiopia

በቺክቭ የተጠቁ ሰዎች 20 ሺህ ደርሷል!

በድሬዳዋ በችኩንጉኒያ ወረርሽኝ የተጠቁ ሰዎች ቁጥር ወደ 20 ሺህ ማሻቀቡ ተገለጸ፡፡ ችኩንጉኒያ ወረርሽኝ ኤደስ በምትባል ትንኝ ንክሻ ወደ ሰው የሚተላለፍ በሽታ ሲሆን ችኩንጉኒያ በሚባል ቫይረስ የሚመጣ ህመም ነው፡፡

የችኩንጉኒያ ወረርሽኝ ከሀምሌ ወር ጀምሮ በድሬዳዋ ከተማ የተከሰቱ ሲሆን የተጠቂዎች ቁጥር ባሳለፍነው ሳምንት ከደረሰበት 15 ሺህ አሁን ላይ ወደ 20 ሺህ ከፍ ማለቱን የኢትዮጵያ ህብረትሰብ ጤና ኢንስቲትዩት ለኢትዮ ኤፍ ኤም አስታውቋል፡፡ በወረሽኙ እስከ አሁን ድረስ የሞተ ሰው አለመኖሩንም ኢንስቲትዩቱ ገልጿል።

እስካሁን በተደረገ የቤት ለቤት አሰሳ 86 በመቶ የሚሆኑት ቤቶች ወረርሽኙን የሚያስተላልፈው ትንኝ እጭ እንደተገኝባቸው ኢንስቲትዩቱ አስታውቃል፡፡ ወረርሽኙን ለመቆጣጠር ከድሬዳዋ አስተዳደር፣ከኢትዮጵያ ሕብረተሰብ ጤና ኢንስቲትዩት እንዲሁም ከአጋር ድርጅቶች የተውጣጣ ፈጣን ምላሽ ሰጪ ቡድን በቦታው በመገኘት የተቀናጀ ምላሽ በመስጠት ላይ እንደሚገኝ ነው የተገለጸው፡፡

ወረርሽኙን ባጭር ጊዜ ውስጥ ለመቆጣጠር በከንቲባ ፅ/ቤት የሚመራ ግብረሃል ተቋቁሞ በቅንጅት እየተሰራ የሚገኝ ሲሆን ከእነዚህም ዉስጥ የቤት ለቤት ርጭት፣ የቅኝት እና አሰሳ ስራዎች፣ የማህበረሰብ ንቅናቄ፣ የህክምና አገልግሎት በሁሉም ጤና ተቋማቶች እየተከናወኑ እንደሆነ ተገልጿል።

Via #EthioFM
@tsegabwolde @tikvahethiopia

#update የአፍሪካ ህብረት በደቡብ አፍሪካ እየተፈፀመ ያለውን ጥቃት አወገዘ፡፡ የወቅቱ የአፍሪካ ህብረት ሊቀ-መንበር ሙሳ ፋኪ ማሀማት በደቡብ አፍሪካ በሚገኙ የሌላ ሀገራት ዜጎች ላይ እየተወሰደ ያለውን የሀይል እርምጃ ተቀባይነት የሌለው ተግባር ነው ሲሉ አውግዘዋል።

የዜጎችን ንብረት መዝረፍም ሆነ የማጥፋት አካሄድ በህብረቱ የሚወገዝ መሆኑን አንስተዋል፡፡ ሊቀ-መንበሩ እንደተናገሩት ቀደም ሲል በታሰሩት የሀገሪቱ ባለስልጣናት እንዲህ አይነቱ ተግባር ይበረታታ እንደነበር ገልፀዋል፡፡

የሰዎችን ሕይወትና ንብረት ለመጠበቅ ተጨማሪ አፋጣኝ እርምጃዎች መወሰድ አለባቸው ያሉት ሊቀመንበሩ የደቡብ አፍሪካ መንግስት ወንጀለኞች ለፈፀሙት ድርጊት ተጠያቂ መሆናቸውን እንዲያረጋግጭ አሳስበዋል። እንዲሁም ኢኮኖሚያዊና ሌሎች ተጨማሪ ውድመት ላጋጠማቸው ሰዎች ትክክለኛ ፍትህ መሰጠት አለበት ብለዋል፡፡

የህብረቱ ሊቀ-መንበር ሙሳ ፋኪ ማሃማት እነዚህን ወንጀለኞች ለመያዝ በሚደረገው ጥረት ህብረቱ ለደቡብ አፍሪካ መንግስት ድጋፍ ያደርጋል ብለዋል።

Via #EthioFM
@tsegabwolde @tikvahethiopia