ፍሊፖ ግራንዴ የማይኣይኒ ካምፕን ጎበኙ።

የተመድ የስደተኞች ጉዳይ ከፍተኛ ኮሚሽነር ፊሊፖ ግራንዲ አብረዋቸው ከመጡት የተመድ ሉዑካን ቡድን ጋር በትግራይ ክልል የሚገኘውን የኤርትራ ስደተኞች መጠለያ ጣቢያን ዛሬ ጎበኝተዋል፡፡

ፊሊፖ ግራንዲ በማይአይኒ የኤርትራ ሰደተኞች መጠለያ ካምፕ ስደተኞችን ተዘዋውረው መመልከታቸውን ከARRA ያገኘነው መረጃ ያሳያል።

በዛሬው ጉብኝት ላይ የሰላም ሚኒስትር ወ/ሮ ሙፈሪያት ካሚል ጨምሮ ፣ የውጪ ጉዳይ ሚኒስትር ዴኤታ አምባሳደር ሬድዋን ሁሴን ፤ የስደተኞች እና ከስደት ተመላሾች ጉዳይ ኤጀንሲ ዋና ዳይሬክተር አቶ ተስፋሁን ጎበዛይ ተገኝተው ነበር። #UNHCR

@tikvahethiopiaBot @tikvahethiopia

#UNHCR

ፍሊፖ ግራንዴ ከምክትል ጠ/ሚ እና ከውጭ ጉዳይ ሚኒስትር አቶ ደመቀ መኮንን ጋር ትላንት ውይይት ማደረጋቸው ታውቋል።

አቶ ደመቀ ከፍሊፖ ግራንዴ ጋር የነበራቸው ውይይት ፍሬያማ ነበር ሲሉ በፌስቡክ ገፃቸው ላይ አስፍረዋል።

መንግስት በትግራይ ክልል ስለሚሰጠው የሰብዓዊ ድጋፍ፤ ስደተኞችንበማስተናገድ ረገድ ያሉ ጥረቶች እንዲሁም በተለያዩ ወቅታዊ ጉዳዮች ዙሪያ በዝርዝር መወያየታቸውንም አቶ ደመቀ ገልፀዋል።

አቶ ደመቀ ፥ "የተመድ የስደተኞች ጉዳይ ኤጀንሲ የሚያደርገውን ድጋፍ ትርጉም ባዘለ መልኩ ለመጠቀም የኢትዮጵያ መንግሥት ቁርጠኛ መሆኑን አረጋግጫላቸዋለሁ" ብለዋል።

በሌላ በኩል ፍሊፖ ግራንዴ ከኢፌዴሪ ፕሬዚዳንት ሣህለ ወርቅ ዘውዴ ጋር ተወያይተዋል።

@tikvahethiopiaBot

#UNHCR

የUNHCR ኮሚሽነር ፊሊፖ ግራንዲ በትግራይ በሚገኙ ኤርትራውያን ስደተኞች ላይ እየደረሰ ያለው ጥቃት በእጅጉ እንዳሳሰባቸው በመግለጽ በአስቸኳይ ሊቆም እንደሚገባ አሳስበዋል።

ኮሚሽነሩ በትግራይ የሚገኙ የኤርትራ ስደተኞች ደህንነትን በተመለከተ ዛሬ መግለጫ ሰጥተዋል።

በትግራይ ግጭት ከተጀመረ አንስቶ ስደተኞቹ በሁለት ተዋጊ አካላት መሃል ለመውደቅ መገደዳቸውን ፣ ሁለት የስደተኞች መጠለያ ጣቢያዎች መውደማቸውን እና በሺዎች የሚቆጠሩ ስደተኞች ሕይወታቸውን ለማትረፍ ዳግም ለመሰደድ መገደዳቸውን ገልጸዋል።

ኤርትራውያን ስደተኞች በአንድ ወይም ሌላ ወገን ደጋፊነት ተፈርጀው #የበቀል_ጥቃት እየደረሰባቸው እንዲሁም ተጠልፈው እየተወሰዱ እና እየተያዙ ስለመሆኑ የተጣሩ እና በማስረጃ የተደገፉ ሪፖርቶች ለኮሚሽኑ መድረሳቸውን ተናግረዋል።

በማይ አይኒ እና በአዲ ሃሩሽ የስደተኞች መጠለያ ጣቢያዎች ውስጥ በሚገኙ ስደተኞች ላይ በተለያዩ ታጣቂዎች በተለይ ማታ ማታ የሚፈፀሙ አጠቃላይ የወንጀል ድርጊቶች በእጅጉ ረብሸውኛል ብለዋል።

ባለፉት ሳምንታት ሽረ ውስጥ በመቶዎች የሚቆጠሩ ኤርትራውያን ለእስር ተዳርገዋል ያሉት ኮሚሽነሩ፣ በመቐለ የሚገኙ አካላት በጉዳዩ ላይ ማብራሪያ እንዲሰጡ እንዲሁም በሕገ-ወጥ መንገድ የታሰሩ ስደተኞች እና ጥገኝነት ጠያቂዎች በአፋጣኝ እንዲለቀቁ መጠየቃቸውን ገልፀዋል።

በተጨማሪ በኤርትራውያን ስደተኞች ላይ በጣም ከባድ የሆኑ የኃይል ጥቃቶች እየደረሱ ስለመሆኑ የሚጠቁሙ ሪፖርቶች እየወጡ በመሆኑ፣ የፌደራል መንግሥትም ሆነ በትግራይ ክልል ያሉ አካላት በእነዚህ ተዓማኒ ክሶች ላይ መደበኛ ምርመራ እንዲጀምሩ ጥሪ አቅርበዋል።

@tikvahethiopia

#Afar #Tigray #UNHCR #IOM

UNHCR ከትግራይ ክልል ውስጥ #ለአደጋ_ተጋላጭ ናቸው ያላቸውን 55 ኤርትራዊያን ስደተኞችን በIOM Ethiopia እገዛ ወደ አፋር ክልል ማዛወሩን አስታውቋል።

ወደአፋር ክልል ከተዘዋወሩት ስደተኞች መካከል ከግማሽ በላዩ ህጻናት ናቸው።

UNHCR ስደተኞቹ በአስቸጋሪ ሁኔታ ውስጥ ለወራት ከኖሩ በኃላ አሁን ላይ ምቹ ወደሆነ መጠለያ እንደሚገቡ እና አስፈላጊውን ሁሉ እርዳታ እንደሚያገኙ ገልጿል።

@tikvahethiopia