#update ከውጭ ከሚገቡ ያገለገሉ ተሽከርካሪዎች ላይ የተነሳው የ30 በመቶ የዕርጅና ግብር ቅነሳ መመሪያው ከመውጣቱ በፊት የታዘዙ ተሽከርካሪዎችን አይመለከትም- ብሏል የገቢዎች ሚኒስቴር፡፡ መመሪያው ከመውጣቱ በፊት ተገዝተው ወደ ሀገር ውስጥ እየተጓጓዙ ያሉትንና ለመጓጓዝ ዝግጁ የሆኑትን እንደማይመለከትም አስታውቋል፡፡ የባንክ ፈቃድ ማረጋገጫ ያገኙ ያገለገሉ እቃዎችን እንዲሁም ያለውጭ ምንዛሬ ክፍያ ተገዝተው ወደ ሀገር ውስጥ ለማስገባት የተጫኑ ያገለገሉ እቃዎችም መመሪያው እንደማይመለከታቸው ተሰምቷል። አንዳንድ አስመጭዎች እንደሚሉት መመሪያው ተግባራዊ ከመሆኑ ጋር ተያይዞ ወደ ሀገር ውስጥ በሚገቡ ያገለገሉ መኪናዎች ላይ በትንሹ የጨመረው ቀረጥ ከ80 ሺህ ብር በላይ ደርሷል።

Via የገቢዎች ሚኒስቴር/#wazema/
@tsegabwolde @tikvahethiopia

#update ዐቃቤ ሕግ በሙስና ተከሳሾቹ እነ ጀኔራል ክንፈ ዳኛው ላይ ምስክሮችን ለችሎት ሲያሰማ ውሏል፡፡ ትናንት የጀመረው የምስክሮችን ቃል የማድመጥና ማስረጃዎችን የመመርመር ሂደት ለመጭዎቹ 10 ቀናት ይቆያል- ብሏል ዐቃቤ ሕግ በፌስቡክ ገጹ ባሰፈረው መረጃ፡፡ ኮሎኔል በርሃ ወ/ሚካዔል፣ ሌ/ኮሎኔል ስለሺ በዛና ወ/ሮ ሲሳይ ገ/መስቀል በሌሉበት ነው ምስክሮች እየተሰሙባቸው ያሉት፡፡ ችሎቱ ምስክር እሰማባቸው ካሉት ተከሳሾች መካከል በኢምፔሪያል ሆቴል ሽያጭ የተከሰሱት ባለሃብቱ ኤርሚያስ አመልጋ ይገኙበታል፡፡

Via #wazema
@tsegabwolde @tikvahethiopia

አሳዛኝ ዜና...

አምቦ ዩኒቨርስቲ ባለፈው ሳምንት ለሞተው ተማሪ ቤተሰቦች ሐዘኑን በይፋ መግለጡን አዲስ ስታንዳርድ ዘግቧል፡፡ ተማሪው ባለፈው ሐሙስ ጉዳት የደረሰበት በተማሪዎች መካከል በተነሳ ጠብ ሲሆን በሆስፒታል ሲረዳ ቆይቶ ቅዳሜ ዕለት ነው ሕይወቱ ያለፈው፡፡ ሟቹ በወሊሶ ካምፓስ የፐብሊክ አድሚንስትሬሽንና ዲቨሎፕመንት ማኔጅመንት 2ኛ ዐመት ተማሪ ነበር፡፡

Via #wazema
@tsegabwolde @tikvahethiopia

#update ያሬድ ዘሪሁንን ጨምሮ የብሔራዊ መረጃና ደኅንነት የቀድሞ ሃላፊዎችና ሠራተኞች በዐቃቤ ሕግ የቀረቡባቸው ምስክሮች ቃል ውድቅ እንዲያደርግላቸው ችሎቱን ጠይቀው ተቀባይነት አላገኙም፡፡ ተከሳሾቹ ዐቃቤ ሕግ የምስክሮች ጥበቃ አዋጅን ያላግባብ ስራ ላይ አውሏል፤ ለምስክሮች ጥያቄ እንዳናቀርብ ታግደናል፤ የቀድሞ ተቋማችን ባልደረቦች ከሕግ ውጭ በእኛ ላይ ምስክርነት መስጠታቸው ስህተት ነው ሲሉ ተከራክረዋል፡፡ ችሎቱ ግን አቤቱታው በይግባኝ ለመቅረብ የሚገባው አይደለም በማለት ጉዳዩን እንደዘጋው ጠቅላይ ዐቃቤ ሕግ በፌስቡክ ገጹ አስፍሯል፡፡

Via #wazema/የፌደራል ጠቅላይ አቃቤ ህግ/
🗞ቀን 13/10/2011 ዓ/ም
@tsegabwolde @tikvahethiopia

በሌላ በኩል...

ባለፈው ሐምሌ #በሱማሌ_ክልል በተከሰተው ሁከት ከከሰስኳቸው ተከሳሾች መካከል ከድር አብዲ እስማኤልን #በስህተት ነው የከሰስኳቸው- ብሏል ዐቃቤ ሕግ፡፡ ተከሳሹ አርሶ አደር እንጅ የመንግሥት ባለስልጣን እንዳልነበሩ ባላፈው ለችሎቱ ካስረዱ በኋላ ዐቃቤ ሕግ ባደረገው ማጣራት ነው፡፡ ችሎቱም ተከሳሹ እንዲለቀቁ ማዘዙ ተሰምቷል፡፡ ተከሳሽ አብዲኑር መሐመድ አሕመድ በበኩላቸው የአያቴ ስም የሱፍ ነው ያሉ ሲሆን ሃኒ ሀሰን ደሞ ስማቸው ዘምዘም መሆኑን ጠቅሰው ተከራክረው ነበር፡፡ ሀሰን አይዲድ በደል ራጌ ማዕረጌ ሻምበል አይደለም፤ ምክትል ኢንስፔክተር ነኝ ሲሉ በስህተት መከሰሳቸውን አቤት ብለው ነበር፡፡ ዐቃቤ ሕግ ግን ስማቸውን ሆን ብለው ስለሚቀይሩ ነው በማለት ተከራክሯል፡፡ የችሎቱ ብያኔ ሐምሌ 11 ይጠበቃል፡፡

Via #wazema/የፌደራል ጠቅላይ አቃቤ ህግ/
🗞ቀን 13/10/2011 ዓ/ም
@tsegabwolde @tikvahethiopia

በርካቶች በቁጥጥር ስር እየዋሉ ነው...

ፖሊስ በአዲስ አበባ በርካታ ሰዎችን በቁጥጥር እያዋለ መሆኑን DW የከተማይቱን ነዋሪዎች ጠቅሶ ዘግቧል፡፡ የአማራ ብሔራዊ ንቅናቄ/አብንና የኢትዮጵያ ዜጎች ለማኀበራዊ ፍትህ ፓርቲ/አዜማ አባላት እንደታሰሩም ተጠቁሟል፡፡ ጸጥታ ሃይሎች በከተማዋ #ጥብቅ ቁጥጥር እያደረጉ እንደሆነ የዐይን እማኞች ገልጸዋል፡፡

Via #dw/#wazema
🗞ሰኔ 20/10/2011 ዓ/ም
@tsegabwolde @tikvahethiopia

#update ኢትዮጵያ ኢንተርኔትን መዝጋቷ በቀን 4.5 ሚሊዮን ዶላር ያሳጣታል ብሏል- ኔት ብሎክስ የተሰኘው የሀገራትን ኤንተርኔት መቋረጥ የሚከታተለው ዐለም ዐቀፍ ድርጅት፡፡ ከቅዳሜ ጀምሮ በመላ ሀገሪቱ የተቋረጠው ኢንተርኔት ሙሉ በሙሉ አልተለቀቀም፡፡ ጠቅላይ ሚንስትር ዐቢይ የንግግር ነጻነትን የሚያበረታቱ እርምጃዎችን መውሰድ በጀመሩ ልክ በዐመቱ ኢንተርኔት ማቋረጣቸውን እንደሚያወግዙት የድርጅቱ ዋና ሃላፊ አልፕ ቶከር ለአልጀዚራ ተናግረዋል፡፡ ዜጎች በሰሞኑ የባለ ሥልጣናት ግድያ በቂ መረጃ አግኝተው ሐዘናቸውን መግለጽ ሲገባቸው፣ የመረጃ ምንጮችን መዝጋት ክብራቸውን ማሳጣት ነው ሲሉም አክለዋል፡፡

Via #wazema
🗞ሰኔ 20/10/2011 ዓ/ም
@tsegabwolde @tikvahethiopia

#update ጠቅላይ ኤታማዞር ሹሙ ጀኔራል ሰዓረ መኮንን ከተገደሉ በኋላ ተጨማሪ ሃይል ወደ ቦታው ሲያመራ ከሁለት የታጠቁ ሰዎች #ተኩስ እንደተከፈተበት ሮይተርስ ዘግቧል፡፡ ዜና ምንጩ መረጃውን ያሰፈረው ወደ ጀኔራሉ ቤት ሁኔታውን ለመቆጣጠር ከሄዱት ጸጥታ ሃይሎች መካከል አንደኛውን ባልደረባ ጠቅሶ ነው፡፡ የጀኔራሉ አጃቢ ጀኔራሉን #እንደገደለ አንደኛው ባካባቢው ቆሞ በሚጠብቀው መኪና ተሳፍሮ አምልጧል፤ ሌላኛው በተተኮሰበት ጥይት ከቆሰለ በኋላ በራሱ አንገት ላይ ተኩሶ ራሱን ለማጥፋት ቢሞክርም በጸጥታ ሃይሎች ቁጥጥር ስር ውሏል-ብሏል ዘገባው አክሎ፡፡

Via #wazema
🗞ሰኔ 20/10/2011 ዓ/ም
@tsegabwolde @tikvahethiopia

በትናንቱ የሊቢያው አየር ጥቃት ከሞቱት ስደተኞች መካከል አንዷ ከሱማሌ ክልል የሄደች #ኢትዮጵያዊት ሱማሌ መሆኗን የሐርጌሳው ዜና ምንጭ ሆርን ዲፕሎማት ዘግቧል፡፡ ስደተኛዋ ለህልፈት የተዳረገችው በድብደባው ሳቢያ የግምብ ፍርስራሽ ተጭኗት መሆኑን አስከሬን የሚለዩ አካላት ገልጸዋል ተብሏል፡፡ በጥቃቱ እስካሁን 53 ስደተኞች እንደሞቱ ተረጋግጧል፡፡

Via #wazema
🗞ቀን ሰኔ 28/2011 ዓ/ም
@tsegabwolde @tikvahethiopia

#NewsAlert ጋዜጠኛ ኤሊያስ ገብሩ ዛሬ ፍርድ ቤት ቀረበ ኤሊያስ የታሰረው ቅዳሜ ማታ እንደሆነ ነው የተሰማው፤ ከታሳሪው ጋር ባለፉት 2 ቀናት የተያዙ 14 ተጠርጣሪዎችን ፖሊስ ዛሬ ጧት ፍርድ ቤት ባቀረባቸው ጊዜ #በሽብር ወንጀል እንደሚከሳቸው መግለጡን አዲስ ስታንዳርድ አስነብቧል፡፡ ችሎቱ ለሐምሌ 29 ቀጥሯል፡፡ ተጠርጣሪዎቹ የተያዙት ከባለ ሥልጣናት ግድያ ጋር በተያያዘ ነው፡፡

Via #አዲስ_ስታንዳርድ/#wazema/
🗞ቀን ሃምሌ 1/2011 ዓ/ም
@tsegabwolde @tikvahethiopia

#update ቦይንግ ኩባንያ በኢትዮጵያና ኢንዶኔዥያ በደረሱት አውሮፕላን አደጋዎች ሕይወታቸውን ላጡ ቤተሰቦች 100 ሚሊዮን ዶላር ካሳ መድቤያለሁ ቢልም ባለ ጉዳዮቹ ግን ስለ ካሳው የምናውቀው ነገር የለም ብለዋል፡፡ ቦይንግ እነማንን ለካሳው እንደሚመርጥም አልታወቀም፡፡ ካሳይ ከፋዮቹ ከአየር መንገዶቹ ሳይሆን የአውሮፕላኑ አምራች መሆኑም ያልተለመደ ነው- ብሏል ሮይተርስ፡፡ የኢትዮጵያ አየር መንገድ ቃል አቀባይ ስለ ካሳው ምንም መረጃ የለንም ያሉ ሲሆን የኢትዮጵያና ኬንያ መንግሥታትም ከቦይንግ ጋር ስለ ጉዳዩ አልተነጋገሩም፡፡ አውሮፕላኑ የተከሰከሰባቸው ሰፊ ማሳዎች ባለቤት አርሶ አደሮችም ማሳዎቻቸው እስካሁን ታጥረው ያሉ ሲሆን ካሳ ስለመፈቀዱ በይፋ የሰሙት ነገር የለም፡፡

Via #wazema
@tsegabwolde @tikvahethiopia

አሜሪካ❓

በደቡብና ሱማሌ ክልሎች፣ በምዕራብ ኦሮሚያና የኦሮሚያ-ቤንሻንጉል አዋሳኝ ቦታዎች የጸጥታ ስጋት መኖሩን ጠቅሶ ዜጎቹ ወደተጠቀሱት ቦታዎች እንዳይጓዙ የአሜሪካ ኢምባሲ ትናንት አስጠንቅቋል፡፡ ምስራቅ ሐረርጌና ጉጅ ዞኖችም በስጋት ቀጠናነት ተካተዋል፡፡ በተለይ በሱማሌ ክልል የብጥብጥ፣ የሽብር፣ የሃይል እገታና የፈንጂ ሥጋት አለ ብሏል፡፡ በኤርትራ ድንበርም ተመሳሳይ ስጋት እንዳለ ገልጧል፡፡ የእንግሊዝና ካናዳ ኢምባሲዎችም በድረ ገጾቻቸው ተመሳሳይ የጉዞ ማስጠንቀቂያዎችን አውጥተዋል፡፡ ሱማሌ ክልል ግን መረጃው ጊዜው ያለፈበት መሆኑን ጠቅሶ ኢምባሲው ማስጠንቀቂያውን እንዲያነሳ መጠየቁን፣ የርዕሰ መስተዳድሩ የሜዲያና ኮምኒኬሽን አማካሪ ሞሐመድ ኦላድ በትዊተር ገጻቸው አስፍረዋል፡፡

Via #wazema
@tsegabwolde @tikvahethiopia

📸ኤርትራ የግዳጅ ብሄራዊ #ወታደራዊ_አግልግሎት የጀመረችበትን 25ኛ ዐመት የብር እዮቤልዩ በዓል ትላንት አክብራለች፡፡ በዓሉ #በሳዋ_ወታደራዊ ማሰልጠኛ ነው በወታደራዊ ስነ ሥርዓት የተከበረው፡፡ ፕሬዝዳንት ኢሳያስ አፈወርቂ በክብረ በዓሉ ተገኝተው ነበር።

Via #wazema
@tsegabwolde @tikvahethiopia

IS ፊቱን ወደኢትዮጵያ እያዞረ ነው!

በሱማሊያ የሚንቀሳቀሱ የእስላሚክ ስቴት (#አይኤስ) ታጣቂዎች ፊታቸውን ወደ ኢትዮጵያ እያዞሩ ነው - ሲል ዘግቧል እንግሊዝኛው ቪኦኤ፡፡ አይኤስ የጂሃድ መልዕክቶችን በአማርኛ ቋንቋ የማሰራጨት ዕቅድም አለው፡፡ ጂሃዲስቶቹ የሀገሪቱን ብሄር ግጭቶችና ፖለቲካዊ አለመረጋጋት በመጠቀም፣ ዐላማቸውን ወደ ኢትዮጵያዊያን ሙስሊሞች ለማስረጽ ጥረት እደረጉ ነው- ብሏል የአፍሪካ ቀንድ ጸጥታ ተንታኙ ማት ብራይደን፡፡ ቡድኑ ከ2 ዐመት በፊት ባሰራጨው የፕሮፓጋንዳ ቪዲዮ መልዕት አንድ አማርኛ ተናጋሪ ጂሃዲስት አቅርቦ ነበር፡፡ ቡድኑ አሁን 8 ኢትዮጵያዊያን ጂሃዲስቶች እንዳሉት ይታመናል፡፡ ቡድኑ ከአልሸባብ ተደጋጋሚ ጥቃት ይደርስበታል፡፡

Via #VOA/#wazema
@tsegabwolde @tikvahethiopia

#update የኢትዮጵያ ኦርቶዶክስ ቤተ ክርስቲያን ሲኖዶስ ጉባዔ ተቀምጧል፡፡ በዛሬው የጉባዔው ውሎ የመንግሥት ሃላፊዎች መገኘታቸው ተሰምቷል፡፡

Via #WAZEMA

•ከሰሞኑን ከሲኖዶሱ ጋር በተገናኘ በፌስቡክ ብዙ #ሀሰተኛ መረጃዎች እየተሰራጨ ስለሆነ TIKVAH-ETH በታማኝ ሚዲያዎች እና ከሚመለከታቸው አካላት ብቻ የሚሰማውን መረጃ ያጋራል!

@tsegabwolde @tikvahethiopia