ከሃዋሳ ...

"በፎቶው የምትለመከቷት የሲዳማ እናት ነገ እና ከነገ ወዲያ ለሚከበረዉ ፊቼ ጨምበላላ የሚቀርብ ግሩም የሆነዉን የሲዳማ ባህላዊ ምግብ "ቡሪሳሜ"ን ለማዘጋጀት የምትኳትን እናት ነች። ግሩሙን "ቡሪሳሜ" በ "ጌእንቶ"(እርጎ ወተት) ለመመገብ በበዓሉ ቀን ሀዋሳ ከች ማለት!! ኑና አብረን በዓለም የጋራ ቅርሳችን የሆነዉን ፊቼ ጨምባላላን በዓል አብረን በዉቢቱ ሀዋሳ-አዳሬ እናክብር!! Peoples are gathered in to #Hawassa-Adare from tomorrow on to celebrate The new year of Sidama people Fichee Chambalallal...Lets celebrate together!!"

Via #Job
@tsegabwolde @tikvahethiopia

#update የሲዳማ ብሔር ዘመን መለወጫ የፊቼ ጫምባላላ በዓል ከነገ ጀምሮ በተለያዩ ስነ ስርዓቶች መከበር ይጀምራል፡፡ የዋዜማ በዓሉ በዛሬው ዕለት በተለያዩ ስነ ስርዓች በጎዳና ላይ በሀዋሳ ከተማ ተከብሮ ውሏል፡፡ በሲዳማ ብሔር ባህላዊ ጭፈራ“ቄጣላ ” እና በሌሎች ስነ ሰርዓቶች ነው በሃዋሳ ከተማ ጎዳናዎች የፊቼ ጫምባላላ ሲከበር የዋለው፡፡ በርካታ ባህላዊና ማኅበራዊ ፋይዳዎች እንዳሉት የሚነገረው ፊቼ የሲዳማ ብሔር አንኳር የሆኑ ባህላዊ ገጽታዎች የሚንጸባረቁበት እንደሆነ ይነገራል፡፡ የሲዳማ ሕዝብ የዘመን መለወጫ በዓል ፊቼ ጫምባላላ የሰው ልጆች ወካይ ቅርስ ሆኖ በተባበሩት መንግሥታት የትምህርት የሳይንስና የባህል ድርጅት (ዩኔስኮ) መመዝገቡ የሚታወቅ ነው፡፡ በዓሉ ከነገ ጀምሮ በተለያዩ ስነ ስርዓቶች መከበር ይጀምራል፡፡

Via #FBC
@tsegabwolde @tikvahethiopia

የባጃጅ አሽከርካሪዎች በታጣቂዎች ተገደሉ‼️

በጋምቤላ ክልል ሁለት በባጃጅ ስራ የሚተዳደሩ ግለሰቦች ማንነታቸው ባልታወቁ ታጣቂዎች መገደላቸውን የክልሉ የፀጥታና አስተዳደር የመረጃ ባለሞያ የሆኑት አቶ አልቢኖ ዶክ ሊዩ ገልፀዋል።

ስማቸው እንዳይገለፅ የጠየቁ የአካባቢው ነዋሪ በበኩላቸው ማቾቹ ከጋምቤላ ከተማ 25 ኪሎ ሜትር ርቀት ላይ በምትገኝ አቦል ወረዳ ላለፉት አምስት አመታት በባጃጅ ስራ ሲተዳደደሩ መቆየታቸውን ተናግረዋል።

ግድያው የተፈጸመው ሟቾቹ እንደተለመደው ከስራ ወደ ከተማ ሲመለሱ መሆኑን ነዋሪው ገልፀዋል።

ግድያውን ተከትሎ በከተማዋ መጠነኛ ግርግር የተነሳ ሲሆን፤ የሟቾቹ አስከሬን በአካባቢው ወደ ሚገኘው ሆስፒታል ለምርመራ መወሰዱን ይኼው ግለሰብ ለቢቢሲ ገልፀዋል።

በባጃጅ ስራ የተሰማሩ የከተማዋ ነዋሪዎች ግድያውን በመቃወም አድማ አስነስተው የነበሩ ሲሆን ነዋሪው የድርጊቱ ፈጻሚዎች ማን እንደሆኑ እንዲጣራና ለህግ እንዲቀርቡ ጥያቄ ማቅረቡንም ገልፀዋል።

"ሥራ ላይ እያሉ ነው የተገደሉት። ማን ይግደላቸው ማን ግን የሚታወቅ ነገር የለም። የአንደኛው ሬሣ ወደ መቀሌ የአንደኛውን ሬሣ ደግሞ ወደ ሽሬ ሄዷል። የፀጥታ ሰዎች ማጣሪያ እናደርጋለን ብለውናል። እኔ እስከማውቀው ድረስ የተወሰኑ የባጃጅ ሾፌሮች ሁኔታውን ተቃውመው አድማ መተው ነበር፤ አካባቢው በጣም አስቸጋሪ ነው" በማለት ነዋሪው አክሏል።

በግድያው የተሳተፉ ሰዎች እስከአሁን በቁጥጥር አለመዋላቸውን የገለጹት አቶ አልቢኖ ግድያው የተፈጸመው በጥይት እንደሆነና አስከሬናቸው ዛሬ ጧት ወደ ትግራይ መላኩን አረጋገጠዋል።

በአካባቢው ብዙ ችግሮች እንደሚከሰቱ የገለፁት ባለሙያው መንስኤውን ለማጣራት ምርመራ ላይ እንደሆኑም ተናግረዋል።

"ግድያው ብሔር ተኮር ነው ብሎ ለመደምደም ያስቸግራል፤ በአካባቢው በብዙ ጉዳዮች ግጭቶች ይነሳሉም" ብለዋል።

Via #BBC
ፎቶ፦ ከጋምቤላ የTIKVAH-ETH ቤተሰቦች
@tsegabwolde @tikvahethiopia

#update የኢፌዴሪ ጠቅላይ ሚኒስትር ዶክተር አብይ አህመድ በምዕራብ ጉጂ ዞን ቀርጫ ወረዳ ወደ መኖሪያ ቀያቸው የተመለሱ ተፋናቃዮችን እየገበኙ ነው።

@tsegabwolde @tikvahethiopia

#update የኢፌዴሪ ጠቅላይ ሚኒስትር ዶክተር አብይ አህመድ በምዕራብ ጉጂ ዞን ቀርጫ ወረዳ የችግኝ ተከላ በማከናወን ህብረተሰቡ ይፋ በተደረገው በዘንድሮው ክረምት ችግኝ የመትከል ዘመቻ ላይ እንዲሳተፉ አበረታተዋል። ባለፈው እሁድ ጠቅላይ ሚኒስትሩ ባስጀመሩት ዘመቻ መሰረት በመላው ሀገሪቱ 4 ቢሊየን ችግኞችን በክረምቱ ለመትከል እቅድ ተይዟል።

@tsegabwolde @tikvahethiopia

#update በባንግላዴሽ ኑስራት ጃሃን የተባለች ተማሪ ርዕሰ መምህር ፆታዊ ትንኮሳ ሪፖርት ማድረጓን ተከትሎ በነጭ ጋዝ አርከፍከው አቃጥለው ገድለዋታል የተባሉ 16 ተጠርጣሪዎች ታስረዋል።

ከተጠርጣሪዎቹ መካከል የትምህርት ቤቱ ርዕሰ መምህር፣የአካባቢው ፖለቲከኞችና ተማሪዎች ይገኙበታል።

ርዕሰ መምህሩ ግድያውንም መናዘዙንም ፖሊስ አስታውቋል። ብዙዎቹም በተጠርጣሪዎቹ ላይ የሞት ፍርድ ተግባራዊ እንዲሆንም እየጠየቁ ነው።

በትንሽ መንደር የተወለደችው የአስራ ዘጠኝ አመቷ ኑስራት ማዳራሳ ወይም የእስልምና ትምህርትን ትከታተል ነበር።

የደረሰባትን ትንኮሳ በመናገሯ ድፍረቷን ብዙዎች ቢያደንቁትም ከቀናት በኋላ ግን ሰቅጣጭ የሆነው አገዳደሏ ብዙዎችን አስደንግጧል።

ከመሞቷ በፊት ኑስራት በሰጠችው መግለጫ አንዲት ሴት ተማሪ አንድ ጓደኛዋ እንደተጎዳ ነግራት ጣራው ላይ ወሰደቻት። ጣራው ላይ ስትደርስ ግን አምስት ተማሪዎች እንደከበቧትና በርዕሰ መምህሩ ላይ ያቀረበችውን ክስ እንድትተው ጫና ሊያደርጉባት ሞክረዋል። እምቢ ስትልም በእሳት እንደለኮሷት ተናግራለች።

የወንጀል መርማሪ ፖሊስ ኩማር ማጁምደር እንደገለፀው ገዳዮቿ ራሷን ያጠፋች ለማስመሰል ቢሞከሩም እቅዳቸው ሳይሳካም ለጥቂት ቀናትም ቢሆን በህይወት ተርፋ መግለጫ መስጠት ችላለች።

Via #BBC
@tsegabwolde @tikvahethiopia

አንድ ብር ለወገኔ የበጎ አድራጎት ማህበር ከኢትዮጵያ ቀይ መስቀል ማህበርና ከብሄራዊ አደጋ ስጋት መከላከል ስራ አመራር ኮሚሽን ጋር በመተባበር ከፊታችን ግንቦት 23_25 ድረስ የሚቆይ የደም ልገሳ ፕሮግራም እንዲሁም ቅዳሜ ግንቦት 24 በአይነቱ ለየት ያለ ፕሮግራም በሀዋሳ ዩኒቨርሲቲ ዋና ግቢ ተዘጋጅቶ እርሶን እየጠበቆት ነወ።
በዕለቱ ታላላቅ ሰዎች የሚገኙ ሲሆን ከነዚህም መካከል
1⃣ የአነቃቂ ንግግር (motivational speech) አቅራቢ የሆኑት #ዶክተር_በድሉ_ዋቅጅራ
2⃣ የተለያዩ ገጣሚያን እና ደራሲያን እንዲሁም የተለያዩ በሀዋሳ ዩኒቨርስቲ ውስጥ የሚገኙ ክለባት ስራቸውን ያቀርባሉ።
ሰለሆነም #ተማሪዎች _ለሰብአዊነት በሚል መሪ ቃል በሚዘጋጀው በዚህ ልዩ ፕሮግራም ላይ እንዲገኙ ተጋብዘዋል።
የፕሮግራሙ መቅረቢያ ቦታ #በአፍሪካ_ህብረት
የመግቢያ ዋጋ 2.00 birr
VIP 5.00 birr
@OBFMC
@OBFMC
@OBFMC
ለበለጠ መረጃ +251904451280
+251965818419
+251973156161

#update በምዕራብ ኦሮሚያ የኦሮሞ ነጻነት ግንባር (ኦነግ) የጦር መሪ የሆነው ኩምሳ ዲሪባ ወይም መሮ፤ በምዕራቡ ክፍል የሚገኘው የኦነግ ጦር የትጥቅ ትግል ማድረጉን እንደሚቀጥል ተናገረ።

መንግሥትን እና የኦሮሞ ነጻነት ግንባርን ለማስታረቅ ተዋቅሮ የነበረው ኮሚቴ ትናንት የሥራ አፈጻጸም ሪፖርቱን ባቀረበበት መድረክ ላይ የኦነግ ሊቀ መንበር አቶ ዳውድ ኢብሳ ከአሁን በኋላ ኦነግ ታጥቆ የሚንቀሳቀስ የጦር ኃይል አይኖረውም ማለታቸውን ተከትሎ ነው የጦሩ መሪ ይህን የተናገረው።በምዕራብ ኦሮሚያ የጦር መሪ የሆነው ኩምሳ ዲሪባ ወይም መሮ፤ ''የተለወጠ ነገር የለም'' በማለት ከኦነግ ሊቀ መንበር በተለየ መልኩ የኦነግ ጦር የትጥቅ ትግል ማድረጉን እንደሚቀጥል ለቢቢሲ ተናግሯል።

መሮ መከላከያው፣ ፖሊስ እና የደህንነት አካሉ ሙሉ በሙሉ የፓርቲ ወገንተኝነቱን አቁሞ የሕዝብ ወገንተኝነቱን እስካላረጋገጠ ድረስ የመንግሥትን ጥሪ አንቀበልም ብሏል። ''እኛ ለፓርቲ ወግኖ ህዝብን የሚጎዳ የመከላከያ አካል መሆን አንሻም'' ሲል ከዚህ በፊት ከመንግሥት ጋር በተደረሰው ስምምነት የግንባሩ ታጣቂዎች ከመንግሥት የጸጥታና የመከላከያ ኃይል ጋር ለማካተት የቀረበውን ሃሳብ መሮ ውድቅ አድርጎታል።

ጨምሮም ''ለጊዜያዊ ጥቅም ተብሎ በንግግር ተሸፋፍኖ የሚያልፍ ነገር አያዛልቅም። ነገ እሳት መነሳቱ አይቀርም። ዘላቂ መፍትሄ በሚሰጡ ምክክሮች ላይ ለመወያየት ግን ዝግጁ ነን'' በማለት ለድርድር ዝግጁ መሆኑን ጠቁሟል።መንግሥትን እና ኦነግን ለማስታረቅ ተዋቅሮ የነበረው ኮሚቴም ሪፖርቱን ባቀረበበት ወቅት መሳሪያ አንገበው ጫካ ገብተው የነበሩ የኦነግ ወታደሮች በሰላማዊ መንገድ ትግላቸውን እንዲቀጥሉ ወይም ወደሚዘጋጅላቸው ስፍራ ለስልጠና እንዲገቡ ጥረት ሲያደርግ እንደቆየ አስታውሷል።

ኮሚቴው የኦሮሚያ ክልል ምክትል ፕሬዝደንት አቶ ሽመልስ አብዲሳ እና የኦነግ ሊቀ መንበር አቶ ዳውድ ኢብሳ በተገኙበት ነው ሪፖርቱን ያቀረበው። ሪፖርቱ በቀረበበት ወቅት የኦነግ ሊቀ መንበር አቶ ዳውድ ኦነግ ከአሁን በኋላ ጦር አንግቦ የሚንቀሳቀስ ሠራዊት አይኖረውም፤ መንግሥት ሕግ ለማስከበር የሚወስደውን እርምጃም እንደግፋለን ብለዋል።

የአስታራቂ ኮሚቴውን ሪፖርት ያቀረቡት አቶ #በቀለ_ገርባ ሲሆኑ ባቀረቡት ሪፖርት ውስጥ የሚከተሉትን ዋና ዋና ነጥቦች አንስተዋል። ኦነግ ከአሁን በኋላ #ታጥቆ የሚንቀሳቀስ ጦር ስለማይኖረው ኮሚቴው የተቋቋመበትን ዓላማ ማሳካቱን ጠቅሰው፤ ኮሚቴው በኦነግ እና በመንግሥት መካከል በተፈጠረው አለመግባባት ምክንያት ታስረው የነበሩ ሰዎች ከእስር እንዲለቀቁ ጠይቋል። በተጨማሪውም ኮሚቴው ኦነግ በሰላማዊ መንገድ ፖለቲካዊ ትግሉን ለመቀጠል በሚያደርገው እንቅስቃሴ የመንግሥት ድጋፍ እንዳይለይ እና የሰላም ጥሪውን ተቀብለው ወደተዘጋጀላቸው ስፍራ የገቡ የኦነግ ጦር አባላት ቃል የተገባላቸው ሁሉ ተፈጻሚነት እንዲኖረው ኮሚቴው ጠይቋል።

Via #BBC
@tsegabwolde @tikvahethiopia

የድንች ችፕስ #እየሸጠች ልጇንና ወንድሟን ስታስተዳደር የነበረችው ወጣት የመደበኛ ሎተሪ 1ኛ ዕጣ #ዕድለኛ ሆነች፡፡

==============================

በአዲስ አበባ ከተማ ንፋስ ክ/ከተማ ነዋሪ የሆነችው ወ/ሪት ፀጋነሽ አየሁ በ1621ኛ መደበኛ ሎተሪ በ1ኛ ዕጣ 600,000 ብር ዕድለኛ ሆነች፡፡ ዕድለኛዋ ሎተሪዎችን የቆረጠችው ቤተሰቦቿን ለመጠየቅ ክ/ሃገር ደርሳ ስትመለስ ለምሳ በወረደችበት ጊዜ በደ/ማርቆስ ከተማ ነበር፡፡ ወ/ሪት ፀጋነሽ የድንች ችፕስ እየሸጠች የዘጠኝ አመት ልጇንና ወንድሟን እያስተማረች ያለች ሲሆን በደረሳት ገንዘብም በመጀመሪያ እናቷን ማገዝና የአትክልትና ፍራፍሬ ጭማቂ (ጁስ ቤት) #ለመክፈት እንደሰበች ተናግራለች፡፡

Via ብሄራዊ ሎተሪ
@tsegabwolde @tikvahethiopia

#update ማርክ ዙከርበርግ የፌስቡክ ሊቀመንበርነቱን ሊያጣ ይችላል ተባለ። ዛሬ በሚካሄደው የፌስቡክ ዓመታዊ ጉባዔ ላይ ማርክ ዙከርበርግ ከፌስቡክ ሊቀመንበርነቱ እንዲነሳ ድምፅ ይሰጣል ተብሎ ይጠበቃል፡፡

ማርክ ዙከርበርግ የፌስቡክ ዋና ስራ አስኪያጅ እና የዳይሬክተሮች ቦርድ ሊቀመንበር ነው። ዙከርበርግ ከሀላፊነቱ እንዲለቅ የሚፈልጉ አካላት የኩባንያውን ስራ በማስኬድ ላይ ብቻ እንዲያተኩር እንደሚፈልጉ ተገልጿል፡፡

ዙከርበርግ በድርጅቱ 60 በመቶ ድርሻ ስላለው በምርጫው ሊሸነፍ የሚችልበት እድል ጠባብ ነው የተባለ ሲሆን ሌሎች የድርጅቱ ባለድርሻዎች በአመራር ብቃቱ ላይ ምን ያህል እምነት እንዳላቸው የሚታይበት ምርጫ እንደሚሆን ተነግሯል፡፡

በያዝነው ወር ዙከርበርግ ከፌስቡክ ኃላፊነት እንዲነሳ የቀድሞው የፌስቡክ ደህንነት ክፍል ኃላፊ አሌክስ ስታሞስ መጠየቃቸው የሚታወስ ነው።

ከዚህ ቀደም ማርክ የአስተዳደር ቦታው ላይ መቀመጡ ተገቢ እንደሆነ ሲገልጽ "እንደፌስቡክ ያለ ዓለም ላይ ታይቶ የማይታወቅ ነገር ሲጀመር ስህተቶች ሊፈጠሩ ይቸላሉ። ከስህተታችን እየተማርን መሆኑን ሰዎች እንዲገነዘቡ እፈልጋለሁ" ብሎ እንደነበር ተጠቁሟል፡፡

ምንጭ፡- ቢቢሲ
@tsegabwolde @tikvahethiopia

ወራቤ ዩኒቨርሲቲ👆

ትላንት የወራቤ ዩኒቨርሲቲ የአዲሱ ፕሬዝዳንት የትውውቅ እና የኢፍጣር እራት ግብዥዣ ፕሮግራም በተማሪዎች የመመገቢያ አዳራሽ ተከናውናል።

@tsegabwolde @tikvahethiopia

#update ትላንት የወራቤ ዩኒቨርሲቲ የአዲሱ ፕሬዝዳንት ከተማሪዎች ጋር የትውውቅና የኢፍጣር እራት ግብዣ ፕሮግራም በተማሪዎች የመመገቢያ አዳራሽ ተካሂዷል።

በዚህ የትውውቅና የግብዣ ዝግጅት ላይ የዩንቨርስቲው የቦርድ አመራርና ከፍተኛ የማኔጅመንት አባላት እንዲሁም ሌሎች ባለድርሻ አካላት ተገኝተው ከተማሪዎች በጋራ አፍጥረዋል። በዛሬው እለትም ለክርስትና እምነት ተከታይ ለሆኑ ተማሪዎች፣ መምህራንና ለሌሎች የግቢዉ ማህበረሰብ አባላ የምሳ ዝግጅት ይኖራል።

የፕሬዝዳንቱ የትውውቅ ፕሮግራም በቀኑ ክፍለ ጊዜ (ከቦርድ አመራሮችና ከግቢው የአስተዳደር ክፍል ከፍተኛ የማኔጅመንት አካላት ጋር) የተካሄደ ሲሆን በወቅቱ የዘጠኝ ወር እቅድ አፈፃፀም ተገምግሞ የቀጣይ አቅጣጫ ተቀምጦዋል።

Via ወራቤ ዩኒቨርሲቲ
@tsegabwolde @tikvahethiopia

#update በንፋስ ስልክ ክፍለ ከተማ ወረዳ 01 ልዩ ቦታው ሲቂ ማሪያም አካባቢ የአስገድዶ #መድፈር ወንጀል የፈፀመው ተከሳሽ ዐቃቤ ሕግ በመሰረተው ክስ #በእስራት ተቀጣ፡፡

የክሱ ዝርዝሩ እንደሚያስረዳው ተከሳሽ ጫኔ ተሾመ በወንጀል ሕጉ አንቀጽ 620/2/ሀ/ ላይ የተመለከተውን ድንጋጌ በመተላለፍ ለአካለ መጠን ያልደረሰች የባለቤቱን እህት በቢላዋ እገልሻለሁ በማለት አስፈራርቶ በፈጸመው የአስገድዶ መድፈር ወንጀል ተከሶ ፍርድ ቤት ቀርቧል፡፡

ዐቃቤ ሕግ የግል ተበዳይን ጉዳት የሚያስረዳ የሰውና የሰነድ ማስረጃዎችን ለፍርድ ቤቱ አቅርቧል፡፡

ፍርድ ቤቱም የግራ ቀኙን ክርክርና ማስረጃ መርምሮ ተከሳሹ በሰራው ወንጀል ጥፋተኛ ብሎታል፡፡

የፌዴራሉ የመጀመሪያ ደረጃ ፍርድ ቤት ንፋስ ስልክ ላፍቶ ምድብ 3ኛ ወንጀል ችሎት ግንቦት 09 ቀን 2011 ዓ.ም በዋለው ችሎት መዝገቡን መርመሮ ተከሳሹ ምንም አይነት ወንጀል ሰርቶ እንደማያውቅና የቤተሰብ አስተዳደሪ መሆኑን በማቅለያነት በመያዝ ተከሳሹን ያርማል በማለት በ10 ዓመት ፅኑ እስራት እንዲቀጣ ወስኗል፡፡

Via የፌደራል ጠቅላይ አቃቤ ህግ
@tsegabwolde @tikvahethiopia

#update ንብረትነቱ የኢትዮጵያ አየር መንገድ የሆነ ቦይንግ 777-300 አውሮፕላን በትላንትናው ዕለት ከአዲስ አበባ ወደ ሌጎስ 393 መንገደኞችን አሳፍሮ ያቀናው በረራ ቁጥር ኢቲ 901 አውሮፕላን በማረፍ ላይ እያለ ከባድ ዝናብ መንደርደሪያ መስመሩን አስቶታል፡፡

በዚህ በረራ ውስጥ የቀድሞ የናይጄሪያ ፕሬዝዳንት ኦሊሴጉን ኦባሳንጆን ጨምሮ በርካታ የናይጄሪያ ባለሥልጣናት ተሳፍረው ነበር ።

393 መንገደኞችን አሳፍሮ ከአዲስ አበበ ቦሌ ኢንተርናሽናል የአውሮፕላን ማረፊያ የተነሳው ይህ አውሮፕላን ለአምስት ሰዓትታ ያለምንም ችግር በረራዉን አድርጎ በማረፍ ላይ እያለ ነበር ከባድ ዝናብና ንፋስ የማረፊያ መስመሩን ያሳተው፡፡

በናይጄሪያዋ መዲና በሚገኘው ሙረተላ መሀመድ አለም አቀፍ የአውሮፕላን ማረፊያ አብራሪው አውሮፕላኑን በመኮብኮቢያው መጀመሪያ ረድፍ ማሳረፍ ሲገባው የአየር ሁኔታው በሶስተኛው ረድፍ አሳርፎታል፡፡

አብራሪው አውሮፕላኑን በማኮብኮቢያው በመጀመሪያው መስመር አለማሳረፉን ተረድቶ ዳግም ወደ አየር በማስነሳት ከ20 ደቂቃዎች በኋላ በሰላም አሳርፎታል፡፡

አብራሪው ይህን እርምጃ ባይወስድ ኖሮ በማኮብኮብ ሂደት የሚፈጠረው አደጋ ከባድ ነበር ተብሏል፡፡

በናይጄሪያ የኢትዮጵያ አየር መንገድ ስራ አስኪያጅ ወ/ሮ ፍሬህይወት መኮንን አውሮፕላኑ ለማረፍ ሲል አስቸጋሪ ሁኔታ የተፈጠረበት በመጥፎ የአየር ሁኔታ መሆኑን ለቫንጋርድ አረጋግጠዋል፡፡

በዚህም የአውሮፕላኑ አብራሪ አደጋውን ተረድቶ በወሰደው አፀፋ በበርካታ የናይጀሪያ መገናኛ ብዙሃን ዘንድ አድናቆትን አስገኝቶለታል፡፡

ተጓዦች ከፍተኛ መደናገጥ ውስጥ ገብተው እንደነበርም በአውሮፕላኑ ውስጥ የነበረው የናይጄሪያ የዜና አገልግሎት ዘጋቢ ተናግሯል፡፡

ምንጭ፡-የናይጀሪያ ዜና አገልግሎት
@tsegabwolde @tikvahethiopia