ገንደ ውሃ‼️

የገንደ ውሀ ከተማ ኮሚኒኬሽን ቢሮ ሀላፊ አቶ #አራጋው_ሰንታ ዛሬ ጠዋት ለAPው ጋዜጠኛ ኤልያስ መሰረት በስልክ የተናገሩት፦

•እንደተባለው የህብረተሰቡ አቋም የሱር ኮንስትራክሽን መኪኖች ይፈተሹልን ነበር ምክንያቱም በህብረተሰቡ ዘንድ ድርጅቱ ትልልቅ የጦር መሳርያዎችን ከሱዳን ወደሌላ ክልልሎች ያስተላልፋል የሚል ጥርጣሬ ነበር። እነሱ ግን ይባስ ብለው በመከላከያ ታጅበው መጡ።

•በመሀል መከላከያዎች ህዝቡ ላይ መተኮስ ጀመሩ። አንድ ህፃን እና ሎሎች ሁለት ሰዎች እኛ ከተማ ላይ ሞተዋል። ኮኪት ከተማ ላይም የሞቱ ሰዎች አሉ። እነዚህ በሙሉ ንፁሀን ዜጎች እና ምንም መሳርያ ያልታጠቁ ነበሩ። ኮኪት ከተማ ላይ ግን የሞቱ የመከላከያ አባት እንዳሉ ሰምቻለሁ።

•ትናንት በተካሄደ ሰልፍ ህዝቡ ሱር ይፈተሽልን፣ ገዳዮች ለፍርድ ይቅረቡ እና ሰላም ይስፈን ብለው ጠይቀዋል።

በተጨማሪ...

የኮኪት ከተማ ነዋሪው ይመር ስለ ማክሰኞው ግድያ ለጋዜጠኛ ኤልያስ በስልክ የተናገረው፦

•የሱር መኪናዎች ገንደ ውሀ ላይ ህዝቡን አዘናግተው እንዳለፉ ሲወራ ህዝቡ ኮኪት ከተማ ላይ ሆኖ ጠበቃቸው። ይህ የሱር አካሄድ ጥርጣሬን ጫረ።

•ኮኪት ከተማ አቅራቢያ አንድ ድልድይ አለ። መከላከያዎች ድልድዩን አልፈው ብቅ እንዳሉ እና ህዝቡን እንዳዩት መተኮስ ጀመሩ። በዚህም ከአንድ ቤት ሶስት ሴቶች ተገድለዋል። በአጠቃላይ እኛ ከተማ ብቻ አምስት ሰው ሞቶ ስምንት ሰው ቆስሏል።

•ከከተማው አንድ ወይም ሁለት ኪሎሜትር ርቀት ላይ ባለ እና አንደኛ ጎራ በተባለ ተራራ ላይም ከባድ መሳርያ ተተኩሶ ሲነድ ነበር።

•ህዝቡ በመጀመርያ ድንጋይ ሲወረውር ነበር። ከዛ በሁዋላ ግን አስፓልት ላይ የቆመ ሰው ሲመታ አንድ ሁለት ጥይቶች ወደ መከላከያ ተተኩሰዋል። የሞቱ ወታደሮች እንዳሉ ግን አልሰማንም።

•በመጨረሻ መኪኖቹን ኑ ፈትሹ ተብሎ ሲፈተሹ የተባለው መሳርያ አልተገኘም። አዳር ላይ ምን ሲሰሩ እንዳደሩ ግን አይታወቅም። አሁን መከላከያዎች #ወጥተዋል፣ ድባቡም #የተሻለ ነው።

ምንጭ፦ ጋዜጠኛ ኤልያስ መሰረት
@tsegabwolde @tikvahethiopia

አጫጭር መረጃዎች ፦

- ጠቅላይ ሚኒስትር ቦሪስ ጀንሰን ከፅኑ ህሙማን ክፍል #ወጥተዋል። የጤናቸው ሁኔታም ጥሩ የሚባል ደረጃ ላይ እንደሆነ ተገልጿል።

- በዩጋንዳ በ24 ሰዓት 338 የላብራቶሪ ምርመራ ተደርጎ ሁሉም ከቫይረሱ ነፃ መሆናቸው ተረጋግጧል። በዩጋንዳ በኮሮና ቫይረስ የተያዙ ሰዎች 53 እንደሆኑ ይታወቃል።

- ደቡብ ሱዳን ሶስተኛውን (3) የኮሮና ቫይረስ ኬዝ ሪፖርት አድርጋለች። ቫይረሱ የተገኘበት ግለሰብ ከመጀመሪያው ኬዝ ጋር ንክኪ ያለው ነው።

- የሴኔጋል መንግስት ተጨማሪ 10 ሰዎች ከኮሮና ቫይረስ ማገገማቸውን አሳውቋል። አጠቃላይ ከቫይረሱ ያገገሙ ሰዎች 123 ደርሰዋል። በሌላ በኩል ባለፉት 24 ሰዓት 199 የላብራቶሪ ምርመራ ተደርጎ 6 ሰዎች ቫይረሱ ተገኝቶባቸዋል፤ ይህም በሀገሪቱ ያሉ በቫይረሱ የተያዙ ሰዎችን ቁጥር 250 አድርሶታል።

- ሱዳን ዛሬ አንድ ተጨማሪ በኮሮና ቫይረስ የተያዘ ሰው እንደተገኘ አሳውቃለች። በቫይረሱ የተያዙ ሰዎች ቁጥር 15 ደርሷል።

- በዩናይትድ ኪንግደም በ24 ሰዓት 4,344 ሰዎች በኮሮና ቫይረስ መያዛቸው ተረጋግጧል፤ 881 ሰዎችም ሞተዋል።

- በአሜሪካ በኮሮና ቫይረስ የተያዙ ሰዎች ከ456 ሺህ በልጧል። እንዲሁም በቫይረሱ የሞቱ ሰዎች ከ16 ሺህ በላይ ሆኖ ተመዝግቧል። ቁጥሩ በየሰዓቱ ተቀያያሪ ነው።

- በዩናይትድ ኪንግደም የ101 ዓመት አዛውንት ከቫይረሱ አገግመው ከሆስፒታል መውጣታቸው ተነግሯል።

@tikvahethiopiaBot @tikvahethiopia