ወይዘሪት ብርቱካን‼️

ወይዘሪት #ብርቱካን_ሚደቅሳ መንግስት ባደርግላት ጥሪ መሰርት ነገ ጠዋት 1:30 አዲስ አበባ ~ ቦሌ ዓለም አቀፍ ኤርፖርት ትድርሳለች። ተወልዳ ባደገችበት አዲስ አበባ ፈረንሳይ ልጋሲዮን ሠፈር ለብርቱካን ደማቅ አቀባበል ለማድረግ ዝግጅቶች ተጠናቀዋል።

@tsegabwolde @tikvahethiopia

ወይዘሪት #ብርቱካን_ሚደቅሳ በሰላም ኢትዮጵያ ገብታለች።
@tsegabwolde @tikvahethiopia

ፎቶ⬆️ታዋቂዋ ፖለቲከኛ #ብርቱካን_ሚደቅሳ ይኖሩበት ከነበረው አሜሪካ ዛሬ ወደ ሀገራቸው ተመልሰዋል። ቤተሰቦቻቸው በሚኖሩበት በአዲስ አበባው ፈረንሳይ ለጋሲዮን ሰፈር ሲደርሱ ደማቅ አቀባበል ጠብቋቸዋል።

ፎቶ፦ ዞላ(TIKVAH-ETH)
@tsegabwolde @tikvahethiopia

ሰበር ዜና‼️

ወይዘሪት #ብርቱካን_ሚደቅሳ በነገው ዕለት የሀገሪቱ የምርጫ ቦርድ ሀላፊ ሆነው ሊሾሙ መሆኑ ተሰምቷል።

የህዝብ ተወካዮች ምክር ቤት ነገ በሚያደርገው ስብሰባ ወሪት ብርቱካንን የምርጫ ቦርዱ ሀላፊ እንዲሆኑ በጠቅላይ ሚንስትር ዶክተር #ዐብይ_አህመድ መንግስት የሚቀርብለትን ሹመት ድምፅ ይሰጥበታል።

ወይዘሪት ብርቱካን ከሰባት አመታት ስደት በኋላ መንግስት ባደረገላቸው ጥሪ በቅርቡ ወደሀገር ቤት መመለሳቸው ይታወሳል።

ምንጭ፦ wazemaradio
@tsegabwolde @tikvahethiopia

የህዝብ ተወካዮች ምክር ቤት‼️

ፓርላማው ነገ የብሔራዊ ምርጫ ቦርድ ሰብሳቢን ሹመት ያፀድቃል ተብሎ ይጠበቃል።

• የቀድሞ የተቃዋሚ ፓርቲ መሪ ወ/ት #ብርቱካን_ሚደቅሳ ሰብሳቢ ይሆናሉ ተብሏል

• የሰብዓዊ መብት ኮሚሽን ኮሚሽነር ጉዳይ #ውሳኔ ላይ #አልተደረሰም

በነገው ዕለት አራተኛ ዓመት የሥራ ዘመን ሰባተኛ መደበኛ ስብሰባውን ያካሂዳል ተብሎ የሚጠበቀው የሕዝብ ተወካዮች ምክር ቤት፤ ለብሔራዊ ምርጫ ቦርድ ሰብሳቢነት በጠቅላይ ሚኒስትር #አብይ_አሕመድ ዕጩ ሆነው የሚቀርቡትን የቀድሞዋ የተቃዋሚ ፓርቲ መሪና የሕግ ባለሞያ ወ/ት ብርቱካን ሚደቀሳ ሹመት ያፀድቃል ተብሎ ይጠበቃል።

በሌላ በኩል የዓለም አቀፍ ሕግ ባለሞያው አቶ ዳንኤል በቀለ (እጩ ዶክተር) ለሰብዓዊ መብት ኮሚሽን ኮሚሽነርነት በዕጩነት ቀርበው በመንግሥትና በእርሳቸው በኩል የተጀመረ ንግግር ቢኖርም እስካሁን የመጨረሻ ውሳኔ ላይ አለመደረሱን ምንጮች ጠቁመዋል።

በመንግሥትና በአቶ #ዳንኤል_በቀለ መካከል ንግግር መጀመሩንና ነገር ግን ውሳኔው አለመጠናቀቁን ለማወቅ ተችሏል።

🔹አቶ ዳንኤል በቀለ (እጩ ዶክተር) ከአዲስ አበባ ዩኒቨርስቲ በሕግ የመጀመሪያ ዲግሪና በዲቨሎፕመንት ስተዲስ በሁለተኛ ዲግሪ ተመርቀዋል። እንግሊዝ ከሚገኘው ኦክስፎርድ ዩኒቨርስቲ በዓለም አቀፍና የሰብዓዊ መብቶች ሕግ በማስተርስ ተመርቀዋል። በተጨማሪም በዓለም አቀፍ ሕግ ከዚያው ከኦክስፎርድ የዶክትሬት ዲግሪያቸውን ለመጨረስ የአንድ ወር ጊዜ ብቻ ይቀራቸዋል።

አቶ ዳንኤል በቀለ በኢትዮጵያ የሕግ አማካሪና ጠበቃ ሆነው ሠርተዋል፣ በሕብረት ኢንሹራንስ የሕግ ዳይሬክተረ ነበሩ። መንግሥታዊ ባልሆነው ግብረ ሰናይ ድርጅት (Actionaid- Ethiopia ) አክሽን ኤድ ኢትዮጵያ የፖሊሲ ዳይሬክተር ሆነው አገልግለዋል። በምርጫ 97 ከቅንጅት አመራሮች ጋር ታስረው ነበር። ከእስር ከተለቀቁ በኋላ በዓለም ዓቀፉ የሰብዓዊ መብት ተሟጋች ድርጅት ሂዩማን ራይትስ ዎች የአፍሪካ ዲቪዥን ዳይሬክተር ነበሩ።

ምንጮች እንደገለፁት አቶ ዳንኤል በቀለ የኢትዮጵያ ሰብዓዊ መብት ኮሚሽንን በኮሚሽነርነት እዲመሩት ከፍተኛ ፍላጎት እንዳለና በቅርቡ ውሳኔ ላይ እንደሚደረስ ነው። በዚህ መሰረት በነገው ዕለት ለሕዝብ ተወካዮች ምክር ቤት የሚቀርበው ሹመት የብሔራዊ ምራጫ ቦርድ እጩ ሰብሳቢ ወ/ት ብርቱካን ሚደቅሳ ብቻ ነው።

🔹ወ/ት ብርቱካን ሚደቅሳ ከአዲስ አበባ ዩኒቨርስቲ በሕግ በመጀመሪያ ዲግሪ ተመርቀዋል። ከረዳት ዳኛነት እስከ ፌደራል ፍርድ ቤት በዳኛነት አገልግለዋል። በጥብቅና ሞያና በሕግ አማካሪነት ሠርተዋል። በ1992 ዓ.ም ተወልደው ያደጉበትን (ፈረንሳይ ለጋሲዮን) አካባቢ በመወከል ለሕዝብ ተወካዮች ምክር ቤት የግል ተወዳዳሪ ነበሩ። የቅንጅት ፓርቲ ተቀዳሚ ም/ሊቀመንበር ሆነው ሠርተዋል። በእዚህ ወቅትም ለእስር ተዳርገዋል። ከእስር ከተፈቱ በኋላ አንድነት ፓርቲን በሊቀመንበርነት መርተዋል። በመጨረሻም ለሁለተኛ ጊዜ ታስረዋል። ከእስር ከተለቀቁ በኋላ ወደ ዩናይትድ ስቴትስ ተጉዛ National Endowment for Democracy (NED) ኔድ በተሰኘ የታወቀ የዴሞክራሲ የምርምር ተቋም ውስጥ ተመራማሪ ፌሎ በመሆን ለአንድ ዓመት በዴሞክራሲ ላይ ምርምር አድርገዋል። በሃርቫርድ ዩኒቨርስቲ ውስጥም (Scholars at Risk) በተሰኘ ፕሮግራም ለአንድ ዓመት ሰልጥነዋል።

በዚሁ በሃርቫርድ ዩኒቨርስቲ የሕዝብ አስደዳደር (Public Administration) በሁለተኛ ዲግሪ ተመረቀዋል። ምክር ቤቱ ነገ አምባሳደር ሳሚያ ዘካሪያን በወ/ት ብርቱካን ተክቶ ለብሔራዊ ምርጫ ቦርድ ሰብሳቢነት ይሾማል ተብሎ ይጠበቃል። በተጨማሪም ያልተሟሉ የምክር ቤቱን የቋሚ ኮሚቴ ሊቀ መናብርት ሹመትን ለማፅደቅ የውሳኔ ሐሳብ ይቀርባል ተብሎ ይጠበቃል።

ምንጭ፦ ፂዮን ግርማ(ቪኦኤ የአማርኛው አገልግሎት)
@tsegabwolde @tikvahethiopia

ወይዘሪት #ብርቱካን_ሚደቅሳ በዛሬው ዕለት የሀገሪቱ የምርጫ ቦርድ ሀላፊ ሆነው ይሾማሉ።

@tsegabwolde @tikvahethiopia

#Update ወ/ሪት #ብርቱካን_ሚደቅሳ የምርጫ ቦርድ ሰብሳቢ በመሆን መሾማቸው የሀገሪቱን የምርጫ ስርዓት ታዓማኒነት ከፍ እንደሚያደርግ የአለም አቀፍ መገናኛ ብዙኃን ገለፁ፡፡

©etv
@tsegabwolde @tikvahethiopia

ወይዘሪት ብርቱካን ሚደቅሳ🔝

የኢትዮጵያ ብሔራዊ የምርጫ ቦርድ ሰብሳቢ ሆነው የተሾሙት ክብርት ወይዘሪት #ብርቱካን_ሚደቅሳ ከቦርዱ ሰራተኞች ጋር ትውውቅ አደረጉ።

በትውውቅ ፕሮግራሙ ላይ የቦርዱ ሰብሳቢ ክብርት ወይዘሪት ብርቱካን ሚደቅሳ እንደገለፁት በተቋሙ ሪፎርም የሚያስፈልጋቸው ስራዎች በመለየት መስራት እንደሚያስፈልግ፣ የተጀመሩት ምርጫን በቴክኖሎጂ የማዘመን ስራዎች ተጠናክረው እንደሚቀጥሉ ገልፀው ከፊት ለፊታችን የሚጠብቁንን ስራዎች ከመላው ሰራተኞች ጋር በጋራ እንደሚሰሩ አስታውቋል።

የቦርዱ ሰብሳቢ የነበሩት ክብርት አምባሳደር ሳሚያ ዘካሪያ በበኩላቸው የቦርዱ ሰብሳቢ ሆነው የተሾሙት ክብርት ወ/ት ብርቱካን ሚደቅሳ ለተቋሙ ትክክለኛ ሰው መሆናቸውን ገልፀው ኃላፊነታቸውን በብቃት መወጣት የሚችሉ መሆናቸውን ተናግሯል።

ክብርት የቦርዱ ሰብሳቢ ወ/ት ብርቱካን ለተቋሙ በሁሉም መመዘኛ ትክክለኛ ሰው መሆናቸውን እና እሳቸው ወደ ተቋሙ በመምጣታቸው በጣም ደስተኛ መሆናቸውንና በአገራችን ዴሞክራሲ ስርዓት የራሳቸውን ዓሻራ ማሳረፍ እንደሚችሉ የቦርዱ አባላትና ሰራተኞች አስተያየታቸውን ገልፀው፤ መልካም የስራ ዘመን እንዲሆንላቸው መልካም ምኞታቸውን ገልፀዋል።

ምንጭ፦ የኢትዮጵያ ምርጫ ቦርድ
@tsegabwolde @tikvahethiopia

አብን‼️

የኢትዮጵያ ብሄራዊ ምርጫ ቦርድ ለአማራ ብሔራዊ ንቅናቄ (አብን) የህጋዊ ሰውነት ማረጋገጫ የምስክር ወረቀት ሰጠ።

የኢትዮጵያ ምርጫ ቦርድ ሰብሳቢ ወይዘሪት #ብርቱካን_ሚደቅሳ ለfbc እንዳረጋገጡት፥ ለአብን የህጋዊ ሰውነት ማረጋገጫ የምስክር ከጥር 28 2011 ዓ.ም ተሰጥቷል።

በዚህም መሰረት ብሄራዊ የምርጫ ቦርድ ለአማራ ብሔራዊ ንቅናቄ (አብን) #የሀገር_አቀፍ_የፖለቲካ_ፓርቲ የምዝገባ እና የህጋዊ ሰውነት ማረጋገጫ የምስክር ወረቀት ሰጥቷል።

ከዚህ በተጨማሪም የኢትዮጵያ ምርጫ ቦርድ ለሁለት ተፎካካሪ የፖለቲካ ፓርቲዎች ህጋዊ እውቅና መስጠቱንም ወይዘሪት ብርቱካን ተናግረዋል።

የአማራ ብሔራዊ ንቅናቄ(አብን) ሰኔ 3 2010 ዓ.ም በይፋ ተቋቁሞ የተለያዩ እንቅስቃሴዎችን ሲያደርግ መቆየቱ ይታወቃል።

ምንጭ፦ fbc
@tsegabwolde @tikvahethiopia