#update ለገጣፎ ለገዳዲ⬆️

የለገጣፎ ለገዳዲ ከተማ #ቄሮዎች በቡራዩ ከተማ የተደረገውን ድርጊት አወገዘዋል። ቄሮዎቹ ዛረ ባደረጉት ሰላማዊ ሰልፍ ድርጊቱ የኦሮሞን ህዝብ አይወክልም ብሎል። ኦሮሞ #አቃፊ እንጂ አግላይ አይደለም #ከሁሉም ብሄር ጋር አብሮ ኖሮል አሁንም ከሁሉም ጋሪ መኖራችን ይቀጥላል። ከመንግስት ጎን ሆነን እንሰራለን ብሎል በመልእክታቸው።

ምንጭ፦ OBN
@tsegabwolde @tikvahethiopia

ትላንት ለአምቦ ልዩ ቀን ነበር!

(Yonas Alemayehu)

ስለ አምቦ ብዙ ፅፈናል፣ ብዙ ጩኸናል። ይህች ከተማ ለኔ ህይወቴ ናት። የዛሬ ማንነት መሰረቴ። አምቦ በወለደቻቸው ልጆች ትመሰላለች። የትም ሄደው የሚያኮሩ ልጆች እናት ናት። አምቦ . . . ዋጋ ከፍላ ሃገር ያቀናች ትልቅ ባለውለታ ናት።

ብዙዎቻችን ሌሎች ከተሞች በተዘዋወርን ቁጥር በከተሞቹ ውስጥ የምናየው የኛዋን #አምቦ እድገት ነው።

ዛሬ ለዚህች ከተማ ይህ ሁሉ ባለሃብት ሊደግፋት ይችላል፤ ካለችበት የኢኮኖሚ አዝቅጥ ቀና ሊያደረጋት ይተባበራል ብዬ አላስብኩም ነበር። በሆነው ነገር ግን ዳግም ተስፋ አደረኩ።

ስለ አምቦ ለማውራት 5 ሆነው ሰብሰብ ብለው ቢጠሩኝ እንኳን አልቀርም። የትላንርናው ግን እንደ ሁልግዜው ለብሶት የተሰባሰብን አልነበረም።

ጠ/ሚሩ፣ የክልሉ ፕሬዝዳንት እና የአዲስ አበባ ከተማ ከንቲባ በተገኙበት በሎርየት ፀጋዬ ገ/መድህን "ምነው አምቦ?" ግጥም የተጀመረው መድረክ ከበርካታ ባለሃብቶች ጋር በጋራ ስለ አምቦ መከርን።

1. 12ሺ ተማሪ ማስተናገድ የሚችል በሃገሪቱ የመጀመሪያው የሚሆን ስታንዳርዱን የጠበቀ ሃይስኩል ት/ቤት
(155-170ሚ ብር)

2. 20ሺ ሰው በመቀመጫ የሚያሰተናግድ አለም አቀፍ ስታድየም (350-400ሚ ብር) እና

3. የሎርየት ፀጋዬ ገ/መድህን የአርት ጋላሪ (እስከ 250ሚ ብር) የገቢ ማሰባሰቢያው መነሻ ፕሮጀክቶች ነበሩ።

አምቦን ለመደገፍ በአዲስ አበባ ከተማ ከንቲባ አስተባባሪነት በHayat Regency Hotel በተደረገ የገቢ ማሰባሰቢያ የእራት ፕሮግራም ጠ/ሚሩ ከሃገር መሪ በስጣታ የተሰጣቸውን የእጅ ሰዓት ለጨረታ ባቀረቡት የተገኘ 5 ሚሊየን ብር መነሻ #ከሁሉም የሃገሪቱ ክፍል ባለሃብቶች በጥቅሉ 350 ሚሊየን ብር ለመሰብሰብ ተችሏል። የእርዳታ የባንክ ሂሳብ ቁጥርም ይፋ ሆኗል።

በምሽቱ ጠ/ሚሩ ለአምቦ ህዝብ ይህችን መልዕክት አስተላልፉልኝ ብለዋል፦

"በኦሮሚያ እያለሙ ያሉ የሌሎች አካባቢ ባለሃብቶች በክልሉ በነፃነት እንዲሰሩና ምንም ስጋት እንዳይገባቸው እነርሱን በመጠበቅ ግንባር ቀደም ሁኑ"

ለአምቦ ከተማ እርዳታ ማድረግ ልምትሹ

የአካውንት ስም፦ የአምቦ ከተማ እድገት
የኢትዮጵያ ንግድ ባንክ Acc.No. 1000273326417
የኦሮሚያ ኢንትርናሽናል ባንክ Acc.No. 1014375
የኦሮሚያ ህብረት ስራ ባንክ Acc.No. 1000044088421
አዋሽ ባንክ No.01307213953401
.
.
.
በምሽቱ ከተደረጉት ንግግሮች መካከል፦

(Yonas Alemayehu)

" . . . አምቦ የኢትዮጵያዊነት መገለጫ ናት። በዚህ በነበረው ነገር ሁሉ በየዩንቨርሲቲው ችግር ሲነሳና ሰው ሲሞት አምቦ ላይ አንድም የሌላ ብሄር ተማሪ ሞቶ አያውቅም . . . ዛሬ የመጣሁት ተጋብዤ ሳይሆን ታዝዤ ነው፣ Obboo ለማ "ትመጣለህ!" ስላሉኝ፣ እሳቸው አለቃ ናቸው፤ ታዝዣለሁ። የመጣሁት ግን ስለ ታዘዝኩ ብቻ አይደለም አምቦ ስለሆነም ነው . . ." ጠ/ሚሩ ለአምቦ ከተማ እድገት የገቢ ማሰባሰቢያ የእራት ግብዣ ፕሮግራም ላይ ስለ አምቦ ከተናገሩት
.
.
" . . . አምቦ እንደ ፍልስጤም ቀጠና የምትታይ ነበረች። የአምቦ ህዝብ ግጭት ስላማረው ሳይሆን ምክንያት ነበረው . . ." Obboo Lammaa Magarsaa ለአምቦ ከተማ እድገት ድጋፍ ማሰባሰቢያ ፕሮግራም ላይ ከተናገሩት
.
.
" አቶ ተክለብርሃን አምባዬ . . . እርሳቸው ወጥተዋል፤ ሙሌ አንተ አድርስልኝ፤ አቶ ተክለብርሃን 10 የትግራይ ባለሃብት ይዘው አንተም ከፈለክ ተጨመርበት . . . አምቦ ለማልማት ኑ . . . Obboo Lammaa መሬት ከሊዝ ነፃ መሬት ያዘጋጁላችኋል አምቦ ላይ ኢንቨስት ታደርጋላችሁ። ይሄ . . mallም ከሆነ አንድም እንደ ኢንቨስትመንት ነው፤ አንድም የትግራይ እና የአምቦን ህዝብ አንድነት የሚገነባ ነው" ጠ/ሚሩ ለአምቦ ከተማ እድገት በተዘጋጀው የገቢ ማሰባሰቢያ ፕሮግራም ላይ ምሽቱን ከተናገሩት
.
.
ምንጭ፦ (Yonas Alemayehu)
@tsegabwolde @tikvahethioia

ደሴ ወደ ቀድሞ ሰላሟ ተመልሳለች!

#አብሮነትን እና #መቻቻልን ለመናድ የሚደረጉ እንቅስቃሴዎችን ሕዝብና መንግስት በጋራ ሊከላከሉ እንደሚገባ የደሴ ከተማ የሃይማኖት አባቶች እና የሃገር ሽማግሌዎች ተናገሩ።

ካለፈው አርብ ዕለት ጀምራ ላለፉት ሁለት ቀናት አንፃራዊ የሰላም እጥረት አጋጥሟት የነበረችው ደሴ ወደ ቀድሞ #ሰላሟ ተመልሳለች፡፡

በከተማዋ የተለያዩ አካባቢዎች አብመድ ተዘዋውሮ ያነጋገርናቸው የደሴ ከተማ የሃይማኖት አባቶች እና የሃገር ሽማግሌዎች አርብ እና ቅዳሜ የነበረው አለመረጋጋት ከዕሁድ ጀምሮ ወደ ቀደመ ሰላሙ ተመልሷል ብለዋል፡፡

የከተማዋ ነዋሪ አቶ ከበደ ወልደ ሩፋኤል አብሮነትን እና መቻቻልን ለመናድ የሚደረጉ እንቅስቃሴዎችን ሕዝብና መንግስት በጋራ ሊከላከሉ ይገባል ብለዋል፡፡

ሰላም #ከሁሉም በላይ ነው፤ ሰላም ከሌለ ሃገር፣ ቤትና ርስት ትርጉም የላቸውም፤ ስለዚህ ወጣቱ ለግጭት ምክንያት የሚሆኑ አሉባልታዎችን በማስተዋልና በማገናዘብ ሊመረምር ይገባል ነው ያሉት አቶ ከበደ፡፡

ሌላው አስተያየት ሰጪ ሼህ በሽር አሊ ‹‹ደሴ የሃይማኖት መከባበርንና መቻቻልን ለዘመናት ያፀናች ከተማ ናት›› የቆየውን እሴትና አብሮነት የሚሸረሽሩ ድርጊቶች አልፎ አልፎ የ ስለሚስተዋሉ ማረም ይገባል ብለዋል፡፡ ‹‹ተዛምደናል፣ ተጋብተናል፤ ተዋልደናል፤ እናም ሊለያይ የማይችለውን አንድነት መጠበቅ አለብን ነው ያሉት።

‹‹አንዱ በሌላው ላይ መነሳት የፈጣሪም ሆነ የደሴ ከተማ መለያ እና አስተምህሮ አይደለም›› ያሉት የመካነ ኢየሱስ ሰላም ማህበረ ምዕመናን መሪ እና የደሴ ከተማ የሃይማኖት ፎረም ፀኃፊ ቄስ መስፍን ጌታሁን ድብቅ ዓላማ በመያዝ የሚንቀሳቀሱ እና ለጥፋት ምክንያት የሚሆኑ አካላትን መንግስት እየለየ እርምጃ ሊወስድ ይገባል ብለዋል፡፡

የደሴ ከተማ አስተዳደር እስልምና ጉዳዮች ሰብሳቢ ሼህ ሰኢድ ዑመር ግዛቸው ደግሞ የከተማዋ የሃይማኖቶች ፎረም በየጊዜው የሚፈጠሩ ችግሮችን ለይቶ ከመፍታት በዘለለ የቀደመውን አብሮነትና መቻቻል ለመመለስ እንደሚሰራ ነው የተናገሩት፡፡

"አልፎ አልፎ በከተማዋ የሚስተዋሉ ግጭቶች ፖለቲካዊ እና አስተዳደራዊ ችግሮች ናቸው ቢባሉም ሃይማኖታዊ ዝንባሌ ለማስያዝ የሚጥሩ አሉ" ያሉት ደግሞ በኢትዮጵያ ኦርቶዶክስ ተዋህዶ ቤተ ክርስቲያን የደሴ ከተማ ቤተ ክህነት ዋና ፀኃፊ እና የሃይማኖት ፎረም ሰብሳቢ መምህር ከተማው ኃይሌ ናቸው። ችግሩን ለይቶ አስተዳደራዊ እርምት በመውሰድ ለቀጣይ ስጋት እንዳይኖር ማድረግ እንደሚገባም ነው ያሳሰቡት። "የሃይማኖት አባቶች ሽምግልና እና አስተምህሮ ይቀጥላል፤ የሃይማኖት ፎረሙም በቀጣይ እየተሰበሰበ ዘላቂ መፍትሄ ለማፈላለግ ይሰራል" ብለዋል መምህር ከተማው፡፡

ግጭት በሚስተዋልባቸው ቦታዎች ላይም በግለሰብ እጅ ሊያዙ የማይገባቸው የጦር መሳሪያዎች ተስተውለዋል ያሉት አስተያየት ሰጪዎቹ መንግስት የሕዝብን ደኅንነት ለመጠበቅ ቅድሚያ ሰጥቶ እንዲሰራም አሳስበዋል፡፡

Via AMMA
@tsegabwolde @tikvahethiopia