አግ7~ደብረ ማርቆስ🔝

''ሰላምና መረጋጋት እንዲሰፍን ከአስተዳደር ወሰን እና የማንነት ጉዳዮች ኮሚሽን እና ከብሄራዊ እርቅ ኮሚሽን ጎን ልንቆም ይገባል'' አርበኞች ግንቦት ሰባት
.
.
በሃገሪቱ ሰላምና መረጋጋት እንዲሰፍን ከአስተዳደር ወሰን እና የማንነት ጉዳዮች ኮሚሽን እና ከብሄራዊ እርቅ ኮሚሽን ጎን ልንቆም ይገባል ሲል የአርበኞች ግንቦት ሰባት ለአንድነትና ለዴሞክራሲ #አሳሰበ፡፡

የአርበኞች ግንቦት ሰባት ለአንድነትና ለዴሞክራሲ ከደብረ ማርቆስ ከተማ ነዋሪዎች፣ ከደጋፊዎቹ እና ከአባላቱ ጋር ዛሬ በደብረ ማርቆስ ከተማ ዉይይት አካሂዷል፡፡

የፓርቲዉ ሊቀመንበር ፕሮፌሰር #ብርሃኑ_ነጋ የጎጃም ህዝብ በተለያዩ ጊዜያት ፍትሃዊ አሰራር እንዲሰፍን እንደ ሌሎች የሃገሪቱ ነዋሪዎች ሁሉ ለለዉጡ መስዋዕትነት መክፈሉን ተናግረዋል፡፡

"ወገኖቻችን የደሙላት ፣ ህይወታቸዉን ያጡባትን ሃገር ሰላም አስጠብቀን ለልጅ ልጆቻችን ልናወርስ ይገባል፤ ይህ ካልሆነ ግን ወገኖቻችን ደግመን እንደገደልናቸዉ ነዉ የሚቆጠረዉ" ነው ያሉት፡፡

ሰላም የመኖርና ያለመኖር የህልዉና ጉዳይ በመሆኑ የአስተዳደር ወሰን እና የማንነት ጉዳዮች ኮሚሽን እና የብሄራዊ እርቅ ኮሚሽን ለሚሰሩት ስራ ከጎናቸዉ ልንቆም ይገባልም ብለዋል፡፡

አብመድ እንደዘገበው የአርበኞች ግንቦት ሰባት ለአንድነትና ለዴሞክራሲ ጸሃፊ አቶ #አንዳርጋቸዉ_ጽጌ ስልጣን በህዝብ የተገነባ እንዲሆን እንደሚሰሩ ተናግረዋል፡፡

ምንጭ፦ አብመድ
@tsegabwolde @tikvahethiopia

አና ጎሜዝ🔝

ሁሉም #ኢትዮጵያዊ ለሀገሩ አስተዋጽኦ ስላለው አንዱ የበላይ አንዱ የበታች ነኝ ብሎ ማሰብ እንደሌለበት #አና_ጎሜዝ ተናገሩ። በኢትዮጵያ በ1997 ዓ/ም በተደረገ ምርጫ ታዛቢ የነበሩት አና ጎሜዝ ኢትዮጵያውያን ሁሉ ስለአንድነት እንጂ ስለመከፋፈል ማሰብ የለባቸውም ብለዋል።

የአውሮፓ ህብረት ምክር ቤት አባል የሆኑት ጎሜዝ አሁን ላይ በኢትዮጵያ ከፍተኛ ለውጥ መጥቷልም ብለዋል። ይሁንና በተለያዩ አካባቢዎች ያሉ ግጭቶች ሚሊዮኖች #እንዲፈናቀሉ አድርገዋል ብለዋል። አና ጎሜዝ ኢትዮጵያውያን አንድነት ላይ ከሰሩ ሁሉንም ነገር ማድረግ እንደሚችሉ ዕምነት እንዳላቸው ገልጸዋል።

ምንጭ፦ etv
@tsegabwolde @tikvahethiopia

#UpdateSport በበርኒግሀም የቤት ውስጥ ሩጫ ውድድር በሴቶች 3 ሺህ ሜትር ኢትዮጵያውያን አትሌቶች ከአንደኛ እስከ አራተኛ ደረጃ በመያዝ አጠናቀቁ፡፡ በዚህም #አልማዝ_ሳሙኤል በ8 ደቂቃ 54 ሰከንድ 60 ማይክሮሰከንድ አንደኛ ደረጃን በመያዝ  አጠናቅቃለች፡፡ #አክሱማዊት_እምባየ በ8 ደቂቃ 54 ሰከንድ ከ97 ማይክሮሰከንድ እና #መስከረም_ማሞ በ8 ደቂቃ ከ55 ሰከንድ ከ03 ማይክሮሰከንድ በመግባት ሁለተኛና ሶስተኛ ደረጃን በመያዝ አጠናቀዋል፡፡ ሌላኛዋ #ኢትዮጵያዊ አትሌት #እጅጋየሁ_ታየ በ8 ደቂቃ ከ55 ሰከንድ ከ28 ማይክሮሰከንድ በመግባት የአራተኛ ደረጃን ይዛ ማጠናቀቅ ችላለች፡፡

Via FBC
@tsegabwolde @tikvahethiopia

አዳማ🔝

የኤርትራ ፐብሊክ ዲፕሎማሲና የባህል ልኡክ አባላት ከአዳማ አባ ገዳዎችና ነዋሪዎች ጋር እየተወያዩ ነው። የአዳማ ከተማ አባ ገዳዎችና ነዋሪዎች ለኤርትራ ፐብሊክ ዲፕሎማሲና የባህል ልኡክ አባላት በአባ ገዳ አዳራሽ አቀባበል አድርገውላቸዋል። በአሁኑ ስዓትም የኤርትራ ፐብሊክ ዲፕሎማሲና የባህል ልኡክ አባላት ከአዳማ አባ ገዳዎችና ነዋሪዎች ጋር በአባ ገዳ አዳራሽ እየተወያዩ መሆኑን ከኦሮሚያ ኮሙዩኒኬሽን ቢሮ የተገኘው መረጃ ያመላክታል።

@tsegabwolde @tikvahethiopia

#UpdateSport ዛሬ #በመቀለ በተደረገው የመቀሌ 70 እንደርታ እና የባሕር ዳር ከነማ ጨዋታ ባለሜዳው መቀሌ 70 እንደርታ ባሕር ዳር ከነማን 1ለ 0 #አሸንፏል።

@tsegabwolde @tikvahethiopia

ከአዲስ አበባ ዩኒቨርሲቲ🔝

"የአዲስ አበባ ዪንቨርሲቲ የስነ ጥበባት ኮሌጅ ተማሪዎች ዛሬ ስለእናት የበጎ አድራጎት ድርጅትና ጥቁር አንበሳ የሚገኘው የካንሰር ታማሚዎችን ጠይቀዋል።"

@tsegabwolde @tikvahethiopia

‹‹ዛፍ ፍሬ እንዲያፈራ አበባውን ማርገፍ እንዳለበት ሁሉ የሰው ልጅም መልካም ነገርን ለመቀበልም ቂምና በቀልን መተው አለበት፡፡›› መጋቢ ሀዲስ #እሸቱ_አለማየሁ

#ሼር #share
@tsegabwolde @tikvahethiopia

ወንጀል ነክ መረጃ‼️

በቦሌ ክፍለ ከተማ ወረዳ 13 ክልል ልዩ ቦታው ገርጅ ላስታ ሰፈር አካባቢ ከሌሊቱ 5፡00 ገደማ ባለቤቱን የገደለው ተከሳሽ በፈፀመው #አሰቃቂ የነፍስ ማጥፋት ወንጅል በእስራት ተቀጣ፡፡

የክስ መዝገቡ እንደሚያስረዳው ተከሳሽ #አለማየሁ_አየለ በወንጀል ህጉ አንቀጽ 539/1/ሀ የተመለከተውን ክልከላ በመተላለፍ የገዛ ባለቤቱን በእኔ ላይ ሌላ ወንድ ወደሻል በሚል ሰበብ ጭካኜ በተሞላበት ሁኔታ በያዘው ዱላ #ጭንቅላቷን ደጋግሞ በመምታትና እና የቀኝ እጇን በቢላዋ በመውጋት ቤቱን ቆልፎባት የሄደ በመሆኑ በተከሰተው ከፍተኛ የደም መፍሰስና በተፈፀመባት አሰቃቂ የግድያ ወንጀል ህይወቷ ሊያልፍ ችሏል፡፡

ዐቃቤ ህግም የሰውና የሰነድ ማስረጃዎችን በማደራጀት ለፍርድ ቤቱ ያቀረበ ሲሆን የፌዴራሉ ከፍተኛ ፍርድ ቤት ልደታ ምድብ 20ኛ ወንጀል ችሎትም መዝገቡን መርምሮ በማጠራት ጥር 28 ቀን 2011ዓ.ም በዋለው ችሎት ወንጀለኛው በ21 ዓመት ጽኑ እስራት እንዲቀጣ ወስኖበታል።

ምንጭ፦ የፌደራል ጠቅላይ አቃቤ ህግ
@tsegabwolde @tikvahethiopia