#update አዲስ አበባ ዩኒቨርሲቲ⬇️

የከፍተኛ ትምህርት ተቋማት ተማሪዎች ምክንያታዊ ያልሆኑ ጥያቄዎችን ወደ ብሄር #ግጭት ከሚለውጡ አካላት ራሳቸውን ሊጠብቁ እንደሚገባ የአዲስ አበባ ዩኒቨርሲቲ #አሳሰበ።

ዩኒቨርሲቲዎች የልህቀት ብቻ ሳይሆን የባህል ልውውጥ ትልቅ መድረኮች መሆናቸው እሙን ነው።

ከቅርብ ጊዜ ወዲህ ደግሞ ጥላቻ እና ልዩነትን የሚዘሩ አካላት እነዚህን ከፍተኛ የትምህርት ተቋማት ኢላማ አድርገው ሁከት እና ግርግር እንዲነሳ #ሲጥሩ ተስተውለዋል።

ተቋማቱን ከምርምር ማዕከልነት ወደ ግጭት መናኸሪያነት ለመለወጥ የሚንቀሳቀሱ ሀይሎች ምክንያታዊ ያልሆኑና የግለሰብ ጉዳዮችን አግዝፈው ወደ ብሄር እና ሀይማኖት ተኮር ግጭት ሲቀይሩም ታይቷል።

fbc ያነጋገራቸው የአዲስ አበባ ዩኒቨርሲቲ አዲስ ገቢ ተማሪዎችም፥ አሁን ላይ የጥፋት ተልዕኮ ካነገቡ ሀይሎች ራሳችን ልንጠብቅ ይገባል ብለዋል።

መከባበር እና አብሮነትን ማስቀጠል ቀዳሚው ተግባር መሆን እንዳለበትም ያነሳሉ።

ተማሪዎች በግቢ ቆይታቸው ጥያቄ እና ሀሳባቸውን በዴሞክራሲያዊ እና ሰላማዊ በሆነ መንገድ መግለፅ እንዳለባቸው ጠቅሰው፥ ለሚነሱ ጥያቄዎችም አፋጣኝ ምላሽ መስጠት እንደሚገባም ተናግረዋል።

በከፍተኛ ትምህርት ተቋማት ሀሳብ በነፃነት የሚንሸራሸርበት ለሀገር እና ወገን የሚበጁ ጉዳዮች የሚመከሩበት መድረክ ሊመቻች ይገባል ባይ ናቸው፤ የትምህርት ዘመኑ በሰላም እንዲጠናቀቅ የበኩላቸውን እንደሚወጡ በመጥቀስ።

የአዲስ አበባ ዩኒቨርሲቲ የውጭ ግንኙነት፣ ትብብር እና ኮሙዩኒኬሽን ዳይሬክተር ዶክተር ደመቀ አጭሶ በበኩላቸው፥ የዩኒቨርሲቲው ተማሪዎች ምክንያታዊ በሆነ የሀሳብ ሙግት እንደሚያምኑ ይናገራሉ።

ዩኒቨርሲቲው በቀጣይም የመማር ማስተማሩ ሂደት ሰላማዊ ሆኖ እንዲቀጥል እና ተማሪዎች የሚያነሷቸው ጥያቄዎች በሚፈቱበት ሁኔታ ተከታታይ #ምክክሮችን ያደርጋልም ነው ያሉት።

የአዲስ አበባ ዩኒቨርሲቲ በነገው እለት በመማር ማስተማር ሂደቱ እና የሀገሪቱን ሰላም አስጠብቆ ማስጠቀል በሚቻልበት ሁኔታ ላይ ለአዳዲስ ተማሪዎቹ ገለጻ ያደርጋል።

በዩኒቨርሲቲው ተምረው ከፍተኛ ደረጃ ላይ የደረሱ ሰዎችም የማነቃቂያ መልዕክት ያስተላለፋሉ ተብሎ ይጠበቃል።

ምንጭ፥ fbc
@tsegabwolde @tikvahethiopia

አግ7~ደብረ ማርቆስ🔝

''ሰላምና መረጋጋት እንዲሰፍን ከአስተዳደር ወሰን እና የማንነት ጉዳዮች ኮሚሽን እና ከብሄራዊ እርቅ ኮሚሽን ጎን ልንቆም ይገባል'' አርበኞች ግንቦት ሰባት
.
.
በሃገሪቱ ሰላምና መረጋጋት እንዲሰፍን ከአስተዳደር ወሰን እና የማንነት ጉዳዮች ኮሚሽን እና ከብሄራዊ እርቅ ኮሚሽን ጎን ልንቆም ይገባል ሲል የአርበኞች ግንቦት ሰባት ለአንድነትና ለዴሞክራሲ #አሳሰበ፡፡

የአርበኞች ግንቦት ሰባት ለአንድነትና ለዴሞክራሲ ከደብረ ማርቆስ ከተማ ነዋሪዎች፣ ከደጋፊዎቹ እና ከአባላቱ ጋር ዛሬ በደብረ ማርቆስ ከተማ ዉይይት አካሂዷል፡፡

የፓርቲዉ ሊቀመንበር ፕሮፌሰር #ብርሃኑ_ነጋ የጎጃም ህዝብ በተለያዩ ጊዜያት ፍትሃዊ አሰራር እንዲሰፍን እንደ ሌሎች የሃገሪቱ ነዋሪዎች ሁሉ ለለዉጡ መስዋዕትነት መክፈሉን ተናግረዋል፡፡

"ወገኖቻችን የደሙላት ፣ ህይወታቸዉን ያጡባትን ሃገር ሰላም አስጠብቀን ለልጅ ልጆቻችን ልናወርስ ይገባል፤ ይህ ካልሆነ ግን ወገኖቻችን ደግመን እንደገደልናቸዉ ነዉ የሚቆጠረዉ" ነው ያሉት፡፡

ሰላም የመኖርና ያለመኖር የህልዉና ጉዳይ በመሆኑ የአስተዳደር ወሰን እና የማንነት ጉዳዮች ኮሚሽን እና የብሄራዊ እርቅ ኮሚሽን ለሚሰሩት ስራ ከጎናቸዉ ልንቆም ይገባልም ብለዋል፡፡

አብመድ እንደዘገበው የአርበኞች ግንቦት ሰባት ለአንድነትና ለዴሞክራሲ ጸሃፊ አቶ #አንዳርጋቸዉ_ጽጌ ስልጣን በህዝብ የተገነባ እንዲሆን እንደሚሰሩ ተናግረዋል፡፡

ምንጭ፦ አብመድ
@tsegabwolde @tikvahethiopia