#update የኦሮሞ ነፃነት ግንባር (ኦነግ) መሪ አቶ ዳውድ ኢብሳ ቦሌ አየር ማረፊያ ሲደርሱ ከሰጡት አስተያየቶች ዋና ዋና ነጥቦች:-

• መንግስት ይህ ለውጥ #በሰላማዊ መንገድ እንዲሄድ ለዚህ በር ስለከፈተ ይህ ለውጥ ግቡ እንዲመታ ተሳትፎ ለማድረግ ነው ወስነን የመጣነው፡፡

• ከህዝቡ ጋር ሰላማዊ የትግል መንገድ ስነ ስርዓት አካሄድ ላይ ውይይት የማድረግ እቅድ አለን፡፡

• ይህ ለውጥ ግቡን የሚመታበት ሁኔታ ላይ ከመንግስት ጋር #ውይይት እናደርጋለን፡፡

• ተፎካካሪ ፓርቲዎች #ሰላማዊ ትግል ውስጥ መከተል ያለባቸው ስነ ስርዓቶች ላይ ውይይት እናደርጋለን፡፡

• #የሕግ የበላይነት እንዲሰፍን ሁሉም #ተሳትፎ እንዲያደርግ እንሰራለን፡፡

• የረጅም ጊዜ እቅዳችን በኢትዮጵያ ውስጥ ዘላቂ የዴሞክራሲ ስርዓት እንዲሰፍንና ህዝቡ በራሱ መሪዎቹን እንዲመርጥ ማድረግ ነው፡፡

©etv
@tsegabwolde @tikvahethiopia

#update ኦቦ ዳውድ ኢብሳ⬇️

በሀገሪቱ አየታየ ያለው ለውጥ እንዳይደናቀፍ ጥያቄዎች #በሰላማዊ መንገድ ሊቀርቡ አንደሚገባ የኦሮሞ ነጻነት ግንባር (ኦነግ) ሊቀመንበር አቶ ዳውድ ኢብሳ ገልጸዋል።

የኦሮሞ ነፃነት ግንባር ሊቀመንበር አቶ #ዳውድ_ኢብሳ ከfbc ጋር በነበራቸው ቆይታ ለውጡ እንደዚህ ቀደም ለውጦች በጅምር እንዳይቀር ሁሉም የየበኩሉን ሊወጣ ይገባል ብለዋል።

በተለይም ወጣቱ የሚያነሳቸውን ጥያቄዎችንም ሆነ ቅሬታዎች ሲገልጽ፥ ህግና ስርዓትን በተከተለና የሌሎችን መብት በማክበር ብቻ መሆን እንዳለበት አስገንዝበዋል።

ይህ ካልሆነ ብዙ #መስዋትነት የተከፈለበት ለውጥ ከግቡ ሳይደርሰ ሊጨናገፈና ወደ አልተፈለገ አቅጣጫ ሊወስድ እንደሚችል ነው አቶ ዳውድ የተናገሩት።

የኦሮሞ ነጻነት ግንባር ወደ ሀገር የገባውም #ልዩነትን ለማጥፋት እንዳልሆነ የገለጹት ሊቀመንበሩ የሰው ልጆች እስካሉ ድረስ ልዩነቶች መኖራቸውንም አስረድተዋል።

ይሁን እንጂ ልዩነቶን #ለማጥበብ በተረጋጋ መንፈስና በሰከነ አካሄድ ውይይቶችን ማድረግ እደሚየስፈልግ ተናግረዋል ተናግረዋል።

ሰውን #በመግደልና ንብረትን በማውደም ልዩነት ይሰፋል እንደሆነ እንጂ የማይጠብ መሆኑንም ያመላከቱት የግንባሩ ሊቀመነበር ይህንን አይነት ድርጊት መቼም ቢሆን ድርጅታቸው የማይደግፍና የማይቀበል መሆኑን አስገንዝበዋል።

አብዛኛው ህዝብ ለውጡን እንደሚፈልገው የተናገሩት የኦሮሞ ነጻነት ግናባር የፖለቲካ ፓርቲዎች በጋራ መስራት እንዳለባቸውም አሳስበዋል።

እንደ አቶ ዳውድ ገለጻ አብዛኛው ህዝብ ለውጡን እንደሚፈልገው ሲሆን፥ የኦሮሞ ነጻነት ግናባር እና ሌሎች የፖለቲካ ፓርቲዎች በጋራ መስራት እንዳለባቸውም አሳስበዋል።

መስዋትነት የተከፈለውም የሰባዊና ዴሞክራሲያዊ መብቶችን ለማስከበርና ለመስጠበቅ መሆኑንም አመላክተዋል።

©fbc
@tsegabwolde @tikvahethiopia

#update ባሊ ርክክብ⬆️

አባ ገዳ በየነ ሰንበቶ ስልጣናቸውን ለአባ ለአበ ገዳ ጎበና ሆላ ኢሬሶ አስረከቡ።

ትናንት ምሽት በተካሄደ የስልጣን ርክክብ (ባሊ ርክክብ) ስነ ስርዓት ነው የስልጣን ጊዜያቸውን ያጠናቀቁት አባ ገዳ በየነ ሰንበቶ ስልጣናቸውን #በሰላማዊ መንገድ ያስረከቡት።

የስልጣን ርክክቡ የተካሄደውም የኦሮሞ ህዝብ ለዘመናት በዴሞክራሲያዊ መንገድ በየ8 ዓመቱ ስልጣን ሲረካከብበት በነበረው በገዳ ስርዓት መሰረት ነው።

በዚህም መሰረት ነው ላለፉት 8 ዓመታት ሲመሩ የነበሩት #የቢርመጂ ቱለማ አባ ገዳ በየነ ሰንበቶ ለአዲሱ የሜልባ አባ ገዳ ጎበና ሆላ ኢሬሶ ስልጣናቸውን ያስረከቡት።

አባ ገዳ በየነ ሰንበቶ ከአዲሱ የሜልባ አባ ገዳ ጎበና ሆላ ኢሬሶ ጋር ተመራርቀው በሰላማዊ መንገድ ስልጣን ተረካክበዋል።

ምንጭ፦ ፋና ብሮድካስቲንግ
@tsegabwolde @tikvahethiopia

#update ኦነግ⬇️

የኦሮሞ ነፃነት ግንባር (ኦነግ) ሊቀ-መንበር አቶ #ዳዉድ_ኢብሳ በቅርቡ ከዋልታ ሚዲያና ኮሚኒኬሽን ኮርፖሬት ጋር ቃለ-ምልልስ አድርገዋል። ቃለ ምልልሱን መሰረት አድርጎ ዘገባ የሰራዉ ዋልታም «ኦነግ ወደ አገር ቤት ሲመለስ ትጥቁን ፈቶ ነዉ የገባዉ የሚለዉን መረጃ» አቶ ዳዉድ ኢብሳ ማስተባበላቸዉን ገልፀዋል። አቶ ዳዉድ «ትጥቅ መፍታት የሚባል በጣም ሴንሴትቭ [ጥንቃቄ የሚያስፈልገዉ] ጥያቄ ነዉ። ትጥቅ ፈታ አይባልም። ትጥቅ ፈታን፣ ፈቱ መባልም አንፈልግም። ምክንያቱም ከዚህ ጋር ተያይዞ ያለዉ ምንድነዉ፣ አንዱ ትጥቅ የሚፈታ፣ አንዱ ትጥቅ የሚያስፈታ ይመስላል። አይደለም፣ እንደሱ አይደለም የመጣነዉ። በአጠቃላይ አገሪቱ በሰላም እንድትጠበቅ የኦሮሞ ነፃነት ግንባር ያለዉ ሚና፣ በዚህ ዉስጥ እንዴት እንደሚሳተፍ፣ በዚህ ዉስጥ የኛ ሚና ምን እንደሚሆን፣ በዚህ ነዉ የተሰማማነዉ»

ይህ በተንቀሳቃሽ ምስል የወጣ ሲሆን በዋልታ የፌስቡክ ገፅ ላይ የወጣዉ ደግሞ እንደሚከተለዉ ይነበባል፣ «ኦነግ ወደ ሀገር ቤት የገባው ከኢትዮጵያ መንግሥት ጋር ትጥቁን ፈትቶ #በሰላማዊ መንገድ ለመታገል ነው ተብሎ የሚነገረው መሰረት ቢስ ወሬ ነው። እኛ ትጥቅ እንድንፈታ የተስማማንበት ስምምነት የለም። የታጠቀው አካል ትጥቅ ይዞ እያለ እኛ ትጥቅ የምንፈታበት ምክንያት አይኖርም።»

ይህ በፌስቡክ ገፅ ላይ የወጣዉ ከተንቀሳቃሽ ምስል ይዘት ዉጭ በተሳሳተ ትርጉም ከአውድ ዉጭ የተወሰደዉና ከፍተኛ አከራከሪ ነጥብ መሆኑን የኦነግ ስራ አስፈጻም ኮሚቴ አባል፣ የልዑክ መሪ እንድሁም የድርድሩ ኮሚቴ አባል አቶ #ኢብሳ_ናጋዎ ለDW ተናግረዋል። በተንቀሳቃሽ ምስሉ ላይ የኦነግ ሊቀ-መንበር አቶ ዳዉድ ያሉት አንደኛ ወደ አጋር ቤት እንድንመጣ በሰላማዊ መንገድ ለመታገል፣ እንዲሁም ደግሞ ባለፈዉ ጊዜ በጦርነት ላይ ስለነበረን ጦርነቱ ቆሞ፤ የትጥቅ ጥያቄ እንዳከተመ ብዙ ጊዜ ተናግረናል፣ በዚህ ሒደት ዉስጥ የኦነግ ሰራዊት ደግሞ በተመክሮ አማካኝነት በአገሪቱ ዉስጥ ከፀጥታ ሃይሎች ጋር ሆኖ ሊጫወት የምያስችል ምና የቀየሰ ነዉ፣ ሲሉ አቶ ኢብሳ አብራርተዋል። ከዚህ ዉጭ ግን አሁን በፌስቡክ ላይ የኦነግ ሰራዊት «ትጥቅ ፈቶ ይበተናል፣ የለም መታጠቅ አለበት የምለዉ ነገር አቅጣጫዉን የሳተ ዉዥንብር ነዉ» ስሉ የድርድሩ ኮሚቴ አባል አቶ ኢብሳ ገልፀዋል።

ምንጭ፦ ዶቼ ቨለ
@tsegabwolde @tikvahethiopia

#update ኦብነግ⬆️

የኦጋዴን ብሔራዊ ነጻነት ግንባር (ኦብነግ) ወደ አገር ቤት ተመልሶ #በሰላማዊ መንገድ ለመታገል ከመንግስት ጋር መስማማቱን የውጭ ጉዳይ ሚኒስትር ዶ/ር #ወርቅነህ_ገበየሁ ገለፁ፡፡

ዶ/ር ወርቅነህ በፌስቡክ ገፃቸው ላይ ባሰፈሩት ፅሁፍ “በዛሬው እለት በኤርትራ አስመራ በነበረን አገራዊ ተልኮ ለረጅም አመታት የትጥቅ ትግልን አማራጭ አድርጎ ሲንቀሳቀስ ከነበረው የኦጋዴን ብሔራዊ ነጻነት ግንባር (ኦብነግ) ጋር ባደረግነው ድርድር ወደ አገር ቤት ተመልሰው በሰላማዊ መንገድ እንዲታገሉ ከስምምነት ደርሰናል” ብለዋል።

@tsegabwolde @tikvahethiopia

ወላይታ ሶዶ ዩኒቨርሲቲ‼️

የወላይታ ሶዶ ዩኒቨርሲቲ ተማሪዎችን ውዥንብር ውስጥ እና አላስፈላጊ ስጋት ውስጥ የሚከቱ #ግለሰቦች ላይ ከፀጥታ ሀይላት ጋር በመሆን እርምጃ እየወሰድኩ ነው ብሏል። ዩኒቨርሲቲው አጥፊዎች በጥፋታቸው መጠን በዲሲፕሊንና በህግ ይጠየቃሉ ሲል ገልጿል። ለተማሪዎች ደህንነት ሲባልም የግቢው መግቢያ 2 ሰዓት እንዲሆን መደርጉን ከዩኒቨርሲቲው ተሰምቷል። ተማሪዎችም ለዩኒቨርሲቲው የዲሲፕሊን ስርዓት ተገዥ እንዲሆኑ #አጥብቆ አሳስቧል።

በሌላ በኩል...

የኢትዮጵያ ፌደራል ፖሊስ ኮሚሽን የከፍተኛ ትምህርት መማር ማስተማር ሂደት #በሰላማዊ መንገድ እንዲቀጥል ከወትሮው በተለየ ከሀገሪቱ ዩኒቨርሲቲዎች እና ኮሌጆች ጋር እየሰራ እንደሆነ ባለፈው ሳምንት መግለፁ አይዘነጋም። ፌደራል ፖሊስ በተለያዩ አካባቢዎች ጥብቅ ቁጥጥርና ጥበቃ እያከናወነ እንደሆነም ገልፆ ነበር።

@tsegabwolde @tikvahethiopia

አላማጣ ቆቦ‼️

የትግራይን ክልል ከአማራ ክልል የሚያገናኘው አላማጣ ቆቦ መስመር ለተሽከርካሪዎች ከተዘጋ 5 ቀናት አስቆጥሯል። መንገዱ የተዘጋው በአላማጣ ከተማ #የታሰሩ ሰዎች እንዲፈቱላቸው በጠየቁ የቆቦ ከተማ ወጣቶች ነው ተብሏል።

የሰሜን ወሎ ዞን ፖሊስ መምርያ እንዳስታወቀው ችግሩን #በሰላማዊ መንገድ ለመፍታት #ውይይት እየተካሄደ ነው።

የአላማጣ ከተማ ነዋሪዎች በበኩላቸው - መንገዱ በመዘጋቱ ለስራቸውን #እንቅፋት እየፈጠረባቸው መሆኑን ተናግረዋል።

ምንጭ፦ የአሜሪካ ድምፅ ራድዮ(የትላንት ምሽት ዘገባ)
@tsegabwolde @tikvahethiopia

አቶ ቶሌራ አዳባ-ኦነግ‼️

የኦሮሞ ነፃነት ግንባር /ኦነግ/ እና የኦሮምያ ገዥ ፓርቲ የኦሮሞ ዴሞክራሲያዊ ፓርቲ /ኦዴፓ/ በመተማመን እና በመግባባት መንፈስ እንደሚሠሩ የኦነግ ቃል አቀባይ አቶ #ቶሌራ_አደባ ተናግረዋል።

ቃል አቀባዩ ከቪኦኤ ጋር ባደረጉት ቃለ-ምልልስ በትጥቅ ትግል መቀጠል የሚፈልግ ካለ መንግሥት በሰላም አሳምኖ ለመመለስ ጥረት ማድረግ አለበት፤ ካለበለዚያ “መንግሥት የሕግ የበላይነትን ለማስከበር ግዴታ ስላለበት በወሰነበት መንገድ ሁኔታውን መቆጣጠር ይችላል” ብለዋል።

በኦዴፓና በኦነግ መካከል ሰሞኑን የተደረሰው ስምምነት አዲስ አለመሆኑን የጠቆሙት አቶ ቶሌራ በግንባራቸውና በኢትዮጵያ መንግሥት መካከል ሰኔ 1/2010 ዓ.ም. አሥመራ ላይ የተደረሰውን ባለሦስት ነጥብ ስምምነት በፈጠነ ሁኔታ ተግባራዊ ማድረግ በሚቻልባቸው መንገዶች ላይ ያተኮረ መሆኑን ገልፀዋል።

የአሥመራው ስምምነት “ኦነግ #በሰላማዊ መንገድ ትግሉን በሃገር ቤት እንዲቀጥል ማድረግ ማስቻል፤ ካለው መንግሥትና በተለይም ከኦሮምያ ክልላዊ መንግሥት ጋር የኦሮሞን ጉዳይ በተመለከተ መብቱንና ጥቅሙን ለማስከበር በጋራ የሚሠራበትን ሁኔታ በመደጋገፍ መሥራት የሚቻልበትን ሁኔታ ማመቻቸት፤ እንዲሁም የኦሮሞ ነፃነት ግንባር ታጋዮች ትግላቸውን በመንግሥት ድጋፍ የሚቀጥሉበትን ሁኔታ በመመካከርና በመነጋገር ማመቻቸት” እንደሆነ የኦሮሞ ነፃነት ግንባር ቃል አቀባይ አመልክተዋል።

ምንጭ፦ የአሜሪካ ድምፅ ራድዮ
@tsegabwolde @tikvahethiopia

#update በጉጂ ዞን ይንቀሳቀሱ የነበሩ የኦሮሞ ነጻነት ግንባር /ኦነግ/አባላት ከጫካ ወጥተው #በሰላማዊ መንገድ ለመታገል መወሰናቸውን ገለጹ፡፡ በዞኑ ሻኪሶና ጎሮዶላ ወረዳ የትጥቅ ትግል ሀሳብ የነበራቸው 20 የኦነግ አባላት ትጥቃቸውን በማስቀመጥ በሰላማዊ መንገድ ለመታገል ተመልሰዋል፡፡

@tsegabwolde @tikvahethiopia

TIKVAH-ETH ማጠቃለያ🗞ጥር 17/2011 ዓ.ም.

ዘንድሮ ለሰባተኛ ጊዜ የሚከበረው የኢፌዴሪ መከላከያ ሠራዊት ቀን በአየር ኃይልና በኦሮሚያ ክልል መንግሥት ትብብር #በአዳማ ከተማ እንደሚከበር፣ የኢፌዴሪ መከላከያ ኢንዶክትሪኔሽንና የሕዝብ ግንኙነት ዳይሬክቶሬት አስታውቋል፡፡ በዓሉም የካቲት 7 ቀን 2011 ዓ.ም. እንደሚከበር ተገልጿል፡፡
.
.
ዛሬ ማለዳ በተካሄደው የዱባይ ማራቶን ጌታነህ ሞላ የቦታውን ፈጣን ሰዓት በማስመዝገብ አሸንፏል። በሴቶች ኬንያውያን እኤአ ከ2006 በኋላ ለመጀመሪያ ጊዜ አሸንፈዋል፡፡
.
.

አቶ #በረከት_ስምዖንና አቶ #ታደሰ_ካሳ በተጠረጠሩበት የጥረት ኮርፖሬት የሀብት ብክነት ጉዳይ ዛሬ በባሕር ዳርና አካባቢዋ ከፍተኛ ፍርድ ቤት ቀርበዋል፡፡
.
.
#የአገር_መከላከያ_ሰራዊት አባላት እና የሶማሌ ክልል #ልዩ_ሀይል አባላት ዛሬ #በጅግጅጋ_ከተማ የፅዳት ስራ አከናውነዋል።
.
.
በነጭ ሣር ፓርክ ላይ ለጊዜው ባልታወቀ ምክንያት እሳት ተነስቶ 1 ሺ ሄክታር የሚሆን የፓርኩ ክፍል ወድሟል።
.
.
በድሬዳዋ ከተማ #የተቀሰቀሰው_ተቃውሞ ዛሬ ጥር 17/2011 ዓ.ም. ቀጥሎ ውሏል። የኢንተርኔት አገልግሎት ተዘግቷል።
.
.
የኢትዮጵያ ኤሌክትሪክ አገልግሎት በ2 ዙር በተካሄደ ነፃ የስራ ዘመቻ 3.5 ሚሊዮን ብር የሚገመት ስራ መሰራቱን ተናግሯል።
.
.
የኢፌዲሪ ጤና ጥበቃ ሚኒስቴር የ100 ቀናት እቅዱን በአርባምንጭ ከተማ ገምግሟል።
.
.
በሱማሌ ክልል በተፈጠረው ግጭት እጃቸውን በማስገባት ወንጀል ሰርተው ከሀገር የወጡ ባለስልጣናትን ወደሀገር #በመመለስ በህግ ተጠያቂ ለማድረግ ከተሸሸጉባቸው ሀገራት ጋር ስምምነት ላይ መደረሱን የፌደራል ጠቅላይ ዐቃቤ ህግ አስታውቋል።
.
.
በሳኡዲ አረቢያ በተለያየ ምክንያት ታስረው የነበሩ 368 ኢትዮጵያውያን ዛሬ ወደ አገራቸው ገብተዋል።
.
.
በድሬዳዋ ከተማ የተፈጠረው የሰላም መደፍረስ የሕዝቡን አብሮነት እና ተቻችሎ የመኖር እሴት የሚሸረሽር በመሆኑ ሰላምን በማወክ ተግባር የተሰማሩ ግለሰቦች ከድርጊታቸው እንዲቆጠቡ የከተማ አስተዳደሩ አሳስቧል።
.
.
በኢትዮጵያ #የመጀመሪያ የሆነ የሚዲያ ኤክስፖ በኤግዚብሽን ማዕከል ዛሬ ተከፍቷል።
.
.
የቀድሞ የደህንነት ኃላፊ አቶ #ጌታቸው_አሰፋን በቁጥጥር ስር ለማዋል ከክልሉ መንግሥት ጋር እየሰራ እንደሆነ የፌደራል ጠቅላይ አቃቤ ህግ ዛሬ በሰጠው ጋዜጣዊ መግለጫ ገልጿል።
.
.
በጉጂ ዞን ይንቀሳቀሱ የነበሩ የኦሮሞ ነጻነት ግንባር /ኦነግ/አባላት ከጫካ ወጥተው #በሰላማዊ መንገድ ለመታገል መወሰናቸውን ገልፀዋል።
.
.
የሱማሌ ክልል መሪ--አቶ #ሙስጠፋ_ኡመር-የፌዴራል ገንዘብ ሚኒስትሩን አቶ #አህመድ_ሺዴን-በይፋ በክልሉ መንግስት ላይ "ዓመፃ-ክህደት በመፈፀም" እጅግ ከባድ ወንጀል #ከሰዋል።

ምንጭ፦ አዲስ ስታንዳርድ፣ fbc፣ ኢዜአ፣ ኢ.ፕ.ድ.፣ elu፣ ቢቢሲ፣ የTIKVAH-ETH ቤተሰብ አባላት

.
.
አመሰግናለሁ! ሰላም እደሩ!!
ሀገራችን ቸር ትደር!!
ጥር 17/2011 ዓ.ም.
@tsegabwolde @tikvahethiopia

ተጠርጣሪዎቹ ከእስር እየተለቀቁ ነው‼️

የድሬደዋ አስተዳደር በቅርቡ በከተማው በተካሄደው ተቃውሞ እና ሁከት ጋር በተያያዘ #ጠረጠርኳቸው በሚል በቁጥጥር ስር ካዋላቸው ከሦስት መቶ በላይ ሰዎች የአብዛኞቹን ክስ በማቋረጥ በነፃ እየለቀቀ ይገኛል። ከቀናት አስር በኃላ በቂ ማስረጃ ባለመኖሩ የተለቀቁ ተጠርጣሪዎችና ቤተሰቦች እንዲሁም ወዳጆች በእምባ ተራጭተዋል፡፡ በከተማው ለቀናት የተከሰተውን ተቃውሞ ተከትሎ የፀጥታ ሀይሉ በወሰደው ሰፊ እርምጃ ከሶስት መቶ በላይ የሚሆኑ ተጠርጣሪዎችን አፍሶ በመያዝ ከአስራ አምስት ቀናት በላይ በቁጥጥር ስር ውለው ጉዳያቸው ሲመረመር ቆይቷል፡፡ ከነዚህ ተጠርጣሪዎች ሁለት መቶ አስራ ስምንት የሚሆኑትን የፌደራል ጠቅላይ ዐቃቤ ህግ እና ፖሊስ ውሰኔ ክሳቸው ተቋርጦ በነፃ እንዲለቀቁ ተደርጓል፡፡

ከሳምንት በፊት በሀላፊነት የተሾሙት የአስተዳደር ፖሊስ ኮምሽን ኮምሽነር ኮማንደር አለሙ መርጋ ተጠርጣሪዎቹ ስለተለቀቁበት ምክንያት አስረድተዋል፡፡

ከትናንት በስቲያ ጀምሮ ተጠርጣሪዎችን በመልቀቅ ላይ የሚገኙት ጠቅላይ ዐቃቤ ህግና ፖሊስ ተጠርጣሪዎቹን ከመልቀቃቸው በፊት ከተጠርጣሪዎች ፣ ከቤተሰብና በነፃ ጥብቅና ቆመው ከነበሩ የህግ ባለሞያዎች ጋር ውይይት አካሂደዋል። ኮምሽነሩ ስለውይይቱ ዓላማ ተናግረዋል፡፡ በተለያዩ ቀናት በተካሄደው በዚህ ውይይት በከተማው የተፈጠረውን ሁከት ተከትሎ በጅምላ ተይዘው የቆዩ ተጠርጣሪዎች ከድርጊቱ ጋር ምንም ዓይነት ግንኙነት ሳይኖር ጭምር መሆኑነንና፣ በምርመራ ሂደትም ከመርማሪዎች ከብቃት ጋር የተያያዙ ችግሮች እንደነበሩ ተነስተዋል፡፡ ወጣቶቹም #በሰላማዊ መንገድ ትግላችንን እንቐጥላለል ብለዋል፡፡

ከህብረተሰቡ ለተነሱት ጉዳዮች በፖሊስ እና ዐቃቤ ህግ በኩል ተወስደው የሚታረሙ መሆኑ ተገልፇል፡፡ በሌላ በኩል ከዚሁ ጋር በተያያዘ ተጠርጥረው ፍ/ቤት ቀርበው ግዜ ቀጠሮ ተጠይቆባቸው ከነበሩና ዛሬ ፍርድ ቤት ከሚቀርቡ ዘጠና ተጠርጣሪዎች አብዛኞቹን ክስ በማቋረጥ መልቀቃቸው ለፍ/ቤቱ ተገልፃል፡፡

ምንጭ፦ የጀርመን ራድዮ
@tsegabwolde @tikvahethiopia

#update ገዢውን ፓርቲ ጨምሮ 107 ተፎካካሪ ፓርቲዎች #በሰላማዊ_መንገድ ለመፎካከር የሚያስችላቸውን የጋራ የአሰራር የቃልኪዳን ሰነድ ፈርመዋል።

Via Abrha Desta
@tsegabwolde @tikvahethiopia

ምንጃር ሸንኮራ----ፈንታሌ‼️

በአማራ ክልል ሰሜን ሸዋ ምንጃር ሸንኮራና በኦሮሚያ ክልል ፈንታሌና በሦሰት ወረዳዎች መካከል በቦታ እና በግጦሽ መሬት ይገባኛል ምክንያት ሰሞኑን በተፈጠረ ግጭት የሰው ሕይወት መጥፋቱን የአካባቢው ነዋሪዎች ገለጹ።፡ መከላከያ ሰራዊት ወደ አካባቢው ገብቶ የማረጋጋት ሥራ እየሠራ መሆኑም ተመልክቷል።

ስማቸው እንዳይጠቀስ የፈለጉ የአረርቲ ከተማ ነዋሪ በስልክ ለጀርመን ራድዮ እንደተናገሩት በፊትም ከእሳር ግጦሽና ከውኃ አጠቃቀም ጋር በተያያዘ አልፎ አልፎ ግጭቶች እንደሚስተዋሉ አመልክተዋል።

ባለፉት ሁለት ቀናት በኢዶ፣ ፊናናጆ፣ ቂሌ አርባና ክትቻ በተባሉ አካባቢዎች የታየው ግን ከሁሉም የከፋ ነበር ያሉት እኚህ የዓይን ምስክር ባለፉት 3 ቀናት ከፍተኛ የተኩስ ልውውጥ እንደነበርና በግጭቱም የሰው ሕይወት ጠፍቷል፤ የአካል ጉዳት ደርሷል፤ ንብረትም ወድሟል ብለዋል፡፡ የመከላከለያ ሰራዊት ወደ አካባቢው በመግባቱ ተኩስ መቆሙንና አሁን አንፃራዊ ሰላም እየታየ እንደሆነም አረጋግጠዋል።

ስለአካባቢው ሁኔታ እንዲስረዱኝ ለምንጃር ሽንኮራን ዋና አስተዳዳሪ አቶ ይትባረክ አብርሀም ሰልክ ደውዬ ጠይቂያቸው ነበር። ነገር ግን ስብሰባ ላይ ነኝ በሚል ዝርዝር መረጃ ለመስጠት አልፈቀዱም።

የአማራ ክልል የመንግስት ኮሙኒኬሽን ጉዳዮች ጽ/ቤት ምክትል ዳይሬክተር አቶ መላኩ አላምረው በበኩላቸው ከግጦሽ መሬት ጋር በተያያዘ በአካበቢው ግጭት አልፎ አልፎ እንደሚከሰት ጠቅሰው ይህም የዛው አካል ሊሆን ይችላል ብለዋል፡፡ ሌላ የተለየ ፍላጎት ያለው አካል ነገሩን አባብሶት ከሆነ እንደሚጣራም አስረድተዋል።

በግጭቱ ከአማራ ክልል በኩል ሦስት ሰዎች ተገድለዋል፣ ሌሎች 3 ደግሞ ቆስለዋል ነው ያሉት። በሌላው ወገን በኩል ያለውን ጉዳት እንደማያውቁም ለባህርዳሩ ወኪላችን ዓለምነው መኮንን ተናግረዋል።

የአማራ ክልል ከኦሮሚያ ክልል ጋር #በሚዋሰንባቸው በምንጃር ሸንኮራ ወረዳና በኦሮሚያ ፈንታሌና ቦሦት አካባቢዎች ተከስቶ የነበረውን ግጭት ለማስቆም መከላከያ ወደ አካባቢው እንዲገባ ተደርጓል። በአሁኑ ሰዓት የኦሮሚያም ሆነ የአማራ የጸጥታ አካላት አካባቢውን ለቀው እንዲወጡ ተደርጓልም ብለዋል።

የአማራ ክልል መንግሥት አሁንም ቢሆን ችግሩ #በሰላማዊ መንገድ በውይይትና በስምምነት እንጅ #ግጭት በመቀስቀስ ይፈታል ብሎ እንደማምንና በሁለቱም ክልሎች የሚገኙ ኗሪዎችን ባካተተ መልኩ የማያዳግም መፍትሔ እንዲሰጠውም ይሠራል ብለዋል።

ምንጭ፦ የጀርመን ራድዮ
@tsegabwolde @tikvahethiopia

ጅማ የቲክቫህ ቤተሰቦች...

"ዛሬ በጅማ ከፍተኛ ተቃውሞ ነበር፤ አክቲቪስትና የOMN ዳይሬክተር ጀዋር መሀመድ በቁጥጥር ስር ሊውሉ ነው በሚል የጅማ ከተማ ነዋሪዎች ደምፃቸውን #በሰላማዊ መንገድ ነው ያሰሙት። በአሁን ሰዓት በከተማው የትራንስፖርት እንቅስቃሴ አልፎ አልፎ ይታያል።"

@tsegabwolde @tikvahethiopia

"...በምርጫው ዕለት በአገሪቱ ደም ለማፋሰስ የሚፈልጉ ኃይሎች ነበሩ ነገር ግን ሴራቸው ከሽፏል" - አምባሳደር ዲና ሙፍቲ

የኢትዮጵያ ህዝብ ምርጫውን #በሰላማዊ መንገድ በማከናወን በእለቱ ደም ለማፋሰስ ያቀዱ ኃይሎችን ሴራ አክሽፏል ሲሉ የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ተናገሩ።

ቃል አቀባዩ ይህን ያሉት ዛሬ በሰጡት መግለጫ ነው።

አምሳባሳደሩ በምርጫው ወቅት እና ከምርጫ በኋላ በአገሪቱ ደም እንዲፋሰስ የሚፈልጉ ኃይሎች እንደነበሩ አስታውሰዋል።

በምርጫው እለት የነበረውን ሂደት በርካታ አገር አቀፍ እና አለም አቀፍ መገናኛ ብዙሃን በስፋት ሽፋን የሰጡት መሆኑንም ገልጸዋል።

የአፍሪካ ህብረት የምርጫ ታዛቢ ቡድን ምርጫው ታማኝና ሰላማዊ እንደነበር ማረጋገጡንም አክለው መናገራቸውን ኢዜአ አስነብቧል።

@tikvahethiopia

#SUDAN #ETHIOPIA

የኢትዮጵያ እና የሱዳን ጉዳይ !

ኢትዮጵያ እና ሱዳን በመካከላቸው ያሉ ያልተፈቱ ቀዳሚ ጉዳዮቻቸውን በሰላማዊ መንገድ በውይይት ለመፍታት ቁርጠኛ መሆናቸው ገለፁ።

ኬንያ ፤ ናይሮቢ የሚገኙት የኢትዮጵያ ጠ/ሚ ዶክተር ዐቢይ አህመድ ከጄኔራል አብዱል ፈታሕ አል-ቡርሃን ጋር ውይይት አድርገዋል።

ውይይቱን ተከትሎ በማህበራዊ ትስስር ገፃቸው ላይ " ሁለቱ ሀገራት በሰላማዊ መንገድ ሊሠሩባቸው የሚችሉ በርካታ የትብብር መሠረቶች እንዳሏቸው አረጋግጠናል " ብለዋል።

" ያለን ትሥሥር ከየትኛውም መከፋፈል የሚበልጥ ነው " ያሉት ዶ/ር ዐቢይ " ሁለታችንም ያልተፈቱ ቀዳሚ ጉዳዮችን #በሰላማዊ መንገድ በውይይት ለመፍታት ቁርጠኝነታችንን ገልጸናል " ሲሉ አሳውቀዋል።

@tikvahethiopia