#update ቡራዩ⬇️

በዛሬው እለት ቡራዩ እና በአዲስ አበባ ዙሪያ የሚገኙ አከባቢዎች ወደ ሰላምና #መረጋጋታቸው ተመልሰዋል።

የኦሮሚያ ክልል ኮሙዪኒኬሽን ቢሮ ሀላፊ ዶክተር ነገሪ ሌንጮ በሰጡት መግለጫ፥ ችግሩን በመፍጠር ህዝብን #ለአደጋ በማጋለጥ የፖለቲካ አላማቸውን ከግብ ለማድረስ ከፍተኛ ገንዘብ በመመደብ ከአዲስ አበባ ጀምሮ የተንቀሳቀሱ ካላት መኖራቸውን አስታውቀዋል።

የዚህ ጥፋት ሀይል አካል የሆነ 99 አባላት ካለው ቡድን ውስጥ ስድስት ሰዎች የጦር መሳሪያ ማለትም፥ 3 ክላሽ እና 8 ሽጉጥ ሁለት መኪና፣ የባንክ እንዲሁም ደብተር እና የቡራዩ ከተማ መሬት አስተዳደር #ሀሰተኛ ማህተም ይዘው በቁጥጥር ስር መዋላቸውን ነው ያስታወቁት።

የሀሰት ገንዘብን ጨምሮ መጠኑ ከፍ ያለ ገንዘብ መያዙን እና በተጨማሪም በተያዙት ሰዎች የባንክ ሂሳብ ውስጥ 8 ሚሊየን ብር ተገኝቷል ብለዋል።

በዛሬው ዕለትም የቀሩትን ተጠርጣሪዎች በቁጥጥር ስር ለማዋል ፖሊስ እየተከታተለ እንደሚገኝ ጠቁመዋል።

የቡራዩ ከተማ አስተዳደር ከህብረተሰቡ ጋር በመወያየት እስካሁን ከ300 በላይ የተፈናቀሉ ዜጎችን ወደ ቀያቸው አንዲመለሱ ማድረጉን አስታውቀዋል።

የቀሩትንም ለመመለስ አስፈላጊው ድጋፍ የፌደራል መንግስትና የአዲስ አበባ ከተማ አስተዳደርን ጨምሮ የክልሉ መንግስት በጋራ እየሰሩ ይገኛሉም ብለዋል።

በግድያና ዝርፊያ ተጠርጥረው በቁጥጥር ስር ከዋሉት 200 ሰዎች መካከል በ23 ሰዎች ላይ መረጃ ተመርምሮ እየተጠናቀቀ በመሆኑ
ፍርድ ቤት እንደሚቀርቡ ዶክተር ነገሪ ተናግረዋል።

ንብረታቸው የተዘረፈ ሰዎች ንብረታቸው ከዘራፊዎች ተሰብስቦ ተመልሷል ያሉት ሀላፊው፥ የክልሉ መንግሰት አስፈላጊውን ድጋፍ አድርጎ የተዘረፈውን ንብረት በቦታው ለመመለስ እየሰራ ይገኛል ብለዋል።

©fbc
@tsegabwolde @tikvahethiopia

ሊቢያ‼️

የውጭ ጉዳይ ሚኒስቴር #በሊቢያ ህይወታቸው #ለአደጋ ተጋልጦ የነበሩ #ኢትዮጵያውያን ዛሬ ምሽት ወደ ሀገራቸው እንደሚመለሱ አስታወቀ።

#ካይሮ የሚገኘው የኢትዮጵያ ኤምባሲ ሊቢያ ከሚኖሩ ሌሎች በጎ አድራጊ ኢትዮጵያውያን እና የዓለም አቀፍ የፍልሰት ድርጅት (አይ.ኦ ኤም) ጋር በመተባበር 15 የሚሆኑ ኢትዮጵያዊያን ምሽቱን ከትሪፖሊ ወደ ሀራቸው እንዲመለሡ ይደረጋል።

Via~fbc
@tsegabwolde @tikvahethiopia

#update አደጋ ለመቆጣጠር የተንቀሳቀሰው ተሽከርካሪ እራሱ #ለአደጋ ተጋለጠ። ዛሬ ማለዳ ላይ ቁስቋም በተለምዶ ሳንባ ነቀርሳ ተብሎ በሚጠራው አካባቢ የተነሳውን እሳት ለመቆጣጠር ሲንቀሳቀስ የነበረው የእሳትና ድንገተኛ አደጋዎች መከላከል ተሽከርካሪ አሜሪካ ኤምባሲ ፊት ለፊት ከቤት መኪና ጋር ተጋጭቶ የመገልበጥ አደጋ ደርሶበታል። የዓይን እማኞች እንደዳሉት አሽከርካሪዎችን ጨምሮ ተሳፋሪዎች ወደ ህክምና የተወሰዱ ሲሆን ለህይወት የሚያሰጋ አደጋ እንደዳልደረሰባቸው ገልጸዋል።

via EPA
@tsegabwolde @tikvahethiopia