ባህር ዳር⬆️የኢትዮጵያ፣ የኤርትራና የሶማሊያ መሪዎች የአፍሪካ ቀንድን የኢኮኖሚ ትብብር ለማጠናከር ሰላምና #ደህንነትን ለማረጋገጥ በሚቻልበት ጉዳይ ላይ ተወያይተዋል። የጠቅላይ ሚኒስትር ፅ/ቤት እንዳስታወቀው በሶስትዮሽ ምክክሩ ሀገራቱ በአለም አቀፍ ጉዳዮች ላይም በተቀናጀና በተጠናከረ መልኩ አብሮ ለመስራትም ተስማምተዋል።

ምንጭ፦ የጠ/ሚ ፅ/ቤት
@tsegabwolde @tikvahethiopia

አሳዛኝ ዜና‼️

በመተማ ዮሐንስ ትላንት ረፋዱ ላይ ቤት ውስጥ #ተደብቀው ተኩስ በከፈቱ አካላት በ23 ሰዎች ላይ #የሞትና የአካል #መቁሰል አደጋ መድረሱን የምዕራብ ጎንደር ዞን ፖሊስ መምሪያ አስታወቀ።

የመምሪያው ሃላፊ ኮማንደር #ጌትነት_አልታሰብ ማምሻውን ለኢዜአ እንደገለፁት ከረፋዱ 4 ሰዓት አካባቢ በቤት ውስጥ መሽገው በተከቀመጡ ግለሰቦች በተከፈተ ተኩስ የ3 ሰዎች ህይዎት ሲያልፍ በ20 ሰዎች ላይ ቀላልና ከባድ የአካል ጉዳት  ደሷል።

የቅማንት ማህበረሰብ ተቆርቋሪ ነኝ በሚሉ አካላት በከተማው ባለ የመኖሪያ ቤት ውስጥ በመመሸግ በመንገድ ይጓዙ በነበሩ ሰላማዊ ሰዎች ላይ በከፈቱት ተኩስ ጉዳቱ ሊደርስ መቻሉን ገልፀዋል።

ጉዳቱ ከደረሰባቸው መካከልም አንድ የፀጥታ አካልን ጨምሮ ሴቶችና ወጣቶች ይገኙበታል ብለዋል።

ጉዳቱን ካደረሱት አካላት መካከልም አራቱ እጃቸውን የሰጡ ሲሆን ቀሪዎቹ በሰላማዊ መንገድ ለፀጥታ ሃይሉ እጃቸውን እንዲሰጡ እየተጠየቁ ነው  ብለዋል።

ጉዳት ካደረሱት ግለሰቦችም 9 የክላሽንኮቭ፣ አንድ ኤፍ ኤን መሳሪያ፣አንድ ሽጉጥ፣ አንድ ቦንብና በርካታ ጥይት ተይዟል ሲሉም ኮማንደር ጌትነት አስታውቀዋል።

በደረሰው ጉዳት ህይወታቸው ያለፈ ግለሰቦች አስከሬን ወደ ቤተሰቦቻቸው የተላከ ሲሆን የቆሰሉት ሰዎች ደግሞ በመተማ ዮሐንስ ጤና ጣቢያ፣ በገንዳ ውሃ ሆስፒታልና በጎንደር ሪፈራል ሆስፒታል ህክምና እየተደረጋላቸ ነው ብለዋል።

ለዘመናት ተሳስሮ በኖረው የአማራና የቅማንት ማህበረሰብ መካከል ግጭት ለመፍጠር የሚንቀሳቀሱ አካላት ከድርጊታቸው እንዲቆጠቡ ያሳሰቡት ከማንደሩ፤ ችግሩ አስኪበርድ የአካባቢው የሃይማኖት አባቶችና የሃገር ሽማግሌዎች ህብረተሰቡን በማስተማር የድርሻቸውን ሊወጡ ይገባል ብለዋል።

ወጣቱ የአካባቢውን ሰላም በመጠበቅ  ከፀጥታ ሃይሉ ጎን በመሰለፍ ጥፋተኞችን የመለየትና በህግ ተጠያቂ እንዲሆኑ በማደረግ ማገዝ እንዳለበትም ጥሪ አቅርበዋል።

በመተማ ዩሐንስ ከተማ ረፋዱ አካባቢ በተፈጠረው  ግጭትም የፌደራል መከላከያ ሰራዊት፣ የክልሉ ልዩ ሃይል፣ የፖሊስ አባላትና የአካባቢ ሚሊሻዎች በጋራ በመሆን ወደ  አካባቢው እንዲረጋጋ ጥረት አድርገዋል።

ምንጭ፦ ኢዜአ
@tsegabwolde @tikvahethiopia

የወላይታ ዞን ምክር ቤት‼️

የወላይታ ዞን ምክር ቤት ትላንት በጀመረው 4ኛ ዙር 6ኛ የሥራ ዘመን 2ኛ መደበኛ ጉባኤ የዋናና ምክትል አፈ ጉባኤ #ሹመትን አጸደቀ፡፡

ምክር ቤቱ ወይዘሮ አበበች ኢራሾን የዞኑ ዋና አፈ ጉባኤና ወይዘሮ ዝናሽ በየነን  ምክትል አፈ ጉባኤ አድርጎ ሾሟል።

ምክር ቤቱ ነባር አመራሮት ወደ ከፍተኛ ትምህርተ ቤት መግባታቸውን ተከተሎ ሹመቱን መስጠቱንና አዲስ አመራሮቹ የለውጡን ሂደት አጠናክሮ ለማስቀጠል ብቃት ያላቸው ስለመሆናቸው በወቅቱ ተገልጿል።

ጉባኤው ዛሬም ቀጥሎ የምክር ቤቱ 4ኛ ዙር 6ኛ የሥራ ዘመን አንደኛ መደበኛ ጉባኤ ቃለ ጉባኤን እንዲሁም የ2010 አፈጻጸም ሪፖርት ለውይይት ቀርቦ እንደሚጸድቅ ተመልክቷል።

በተመሳሳይ የምክር ቤቱ ቋሚ ኮሚቴዎችና የዞኑ ከፍተኛ ፍርድ ቤት የ2010 ዕቅድ አፈጻጻም ሪፖርት ቀርቦ የሚጸድቅ ሲሆን የተጓደሉ የቋሚ ኮሚቴዎች አባላት የሟማያ ምርጫም እንደሚካሄድ ታውቋል ።

የወላይታ ብሔር የክልል እንሁን ጥያቄ ለምክር ቤቱ እንደሚቀርብና የዞኑ ዋና አስተዳዳሪን ጨምሮ የተለያዩ ሹመቶች እንደሚሰጡም ይጠበቃል፡፡

ምንጭ፦ የኢትዮጵያ ዜና አገልግሎት
@tsegabwolde @tikvahethiopia

#update ኢትዮጵያ #ወታደራዊ ሃይሏን ለማዘመን በምታደርገው ጥረት የሕዋ ሃይልን የመከላከያ ሃይሏ አንድ አካል ለማድረግ ማቀዷን ብሉምበርግ በዘገባው አስነብቧል፡፡ “ዘመናዊ ጦርነት የየብስ፣ አየር፣ ባሕር፣ ሳይበር እና ጠፈር (ሕዋን) ያካተተ በመሆኑ ይህንኑ ከግምት ያስገባ መከላከያ ሃይል #እየገነባች ነው፡፡ በቅርቡ የተከለሰው የሀገሪቱ መከላከያ ፖለሲ ባሕር ሃይልን እና ወደፊት ደሞ የሳይበር ደኅንነትን እና ጠፈር ሃይልን የሚያካትት ይሆናል” የሚል ምላሽ ከጠቅላይ ሚንስትሩ ጽህፈት ቤት ማግኘቱንም አክሎ ዘግቧል፡፡

ምንጭ፦ ብሉምበርግ(wazemaradio)
@tsegabwolde @tikvahethiopia

#update በምእራብ ሸዋ ዞን ኢሉ ገላን ወረዳ ‘’የገዳ መጫ” የኢሬቻ በዓልን ለማክበር ዝግጅቱ #መጠናቀቁን የወረዳው  የባህልና ቱሪዝም ጽህፈት ቤት አስታውቋል። የፊታችን #እሁድ በሚከበረው በዓል ከኦሮሚያ ክልል 10 ዞኖች የተውጣጡ አባገዳዎችና ሌሎች እንግዶች ይሳተፉበታል ተብሏል፡፡ በዓሉ #ሰላማዊ ሆኖ እንዲከበር ከወረዳውና ከኢጃጂ ከተማ የተመለመሉ ፎሌዎችና ቄሮዎች ከፀጥታ አካላት ጋር ተቀናጅተው እንደሚሰሩ ተገልጿል።

@tsegabwolde @tikvahethiopia

አባያ ሀይቅ‼️

የእምቦጭ አረምን ከአባያ ሐይቅ ማስወገድ ከመጀመሩ በፊት በቂ ጥናት እንደሚያስፈልግ የጋሞ ጎፋ ዞን ደንና አከባቢ ጥበቃ ጽህፈት ቤት ገለጸ።

የጽህፈት ቤቱ ኃላፊ አቶ #ዮሰፍ_ኩማ ለኢዜአ እንዳሉት ሐይቁ በውስጡ አዞን ጨምሮ የተለያዩ ተሳቢ እንስሳት በመያዙ አረሙን በሰው ጉልበት ለማስወገድ የተደረገው ሙከራ አልተሳካም።

መስሪያ ቤታቸው ባለፈው ዓመት በካሄደው የዳሰሳ ጥናት ከ1 ሺህ 705 ሄክታር በላይ የሐይቁ ክፍል በእምቦጭ መያዙ ማረጋገጡን ተናግረዋል፡፡

ባለፈው ክረምት ለመከላከል ጥረት ቢደረግም አረሙ በሐይቁ ላይ በእጥፍ መጨመሩን አስረድተዋል፡፡

ሐይቁን ከእምቦጭ አረም የመከላከል ስራ ከዞኑ አቅም በላይ መሆኑን ያስታወቁት  አቶ ዮሱፍ “አጥኝ ቡድን እንዲቋቋም ለሚመለክታቸው የክልልና የፌዴራል ተቋማት ጥያቄ ቀርቦ  ምላሽ እየተጠበቀ ነው “ብለዋል፡፡

አረሙ በሐይቁ ላይ በከፍተኛ ፍጥነት እየተስፋፋ በመሆኑ ለማስወገድ ባለ ድርሻ አካላትን ያሳተፈና በጥናት ላይ የተመሰረተ መፍትሔ እንደሚያስፈልግ ገልጸዋል።

የደቡብ ክልል አካባቢ ደንና የአየር ንብረት ለውጥ ቁጥጥር ባለስልጣን ዋና ዳይሬክተር አቶ ሳሙኤል ቀቀቦ በበኩላቸው ሀይቁን ከእምቦጭ አረም የመከላከል የንቅናቄ ስራ በአጭር ጊዜ እንደሚጀመር አስታውቀዋል፡፡

በሀይቁ አዋሳኝ አካባቢ የተውጣጡ ዘጠኝ አባላት ያለው ቡድን በመጪው ሰኞ ወደ አማራ ክልል ባህር ዳር ከተማ አምርቶ የጣና የእምቦጭ አረም አወጋገድ ልምድ ቀስሞ እንደሚመለስ አመልክተዋል፡፡

የአባያ ሀይቅ ረግረጋማ አካባቢዎች አስቸጋሪነት፣ አዞን ጨምሮ የተለያዩ እንስሳት አደገኛነትና በክልሉ በተለያዩ አካባቢዎች አጋጥሞ የነበረው አለመረጋጋት በመከላከል ስራው ላይ እንቅፋት ሆኖ መቆየቱን አስታውሰዋል፡፡

ከጣና እምቦጭን ለማስወገድ የተዘጋጁ ማሽኖች የአባያን ረግረጋማ ቦታዎች በምን አይነት መልኩ ለማስወገድ እንደሚቻል ልምድ የሚገኝበት መሆኑን አቶ ሳሙኤል ገልጸዋል፡፡

አረሙን ለመከላከል በሚደረገው ጥረት የስምጥ ሸለቆ ሀይቆች ባለስልጣንና ሌሎች ባለድርሻ አካላት በቅንጅት ሊንቀሳቀሱ እንደሚገባ ጠቁመዋል፡፡

አርባምንጭ ዩኒቨርሲቲ የተለያዩ ጥናቶችን ማድረጉን የገለጹት ዋና ዳይሬክተሩ የአርባምንጭ ቴክኒክና ሙያ ኮሌጅ አረሙን ማስወገጃ ጀልባ ሰርቶ ባለፈው ዓመት የሙከራ ስራ መጀመሩን አውስተዋል፡፡

አቶ ሳሙኤል እንዳመለቱት ከጣና ሀይቅ የሚገኘውን ተሞክሮ በመውሰድ ውጤታማ ስራ ለማከናወን ዝግጅት ተደርጓል፤ ባለፈው ዓመት በተደረገው የመከላከል ስራ ከ36 ሄክታር በላይ አረም ማጽዳት ተችሏል፡፡

በውስጡ ከ54 በላይ ብዝሃ ህይወት የያዘውና ከስምጥ ሸለቆ ሐይቆች በስፋቱ ቀዳሚ የሆነው አባያ ሐይቅ በአረሙ ከተጠቃ አንድ አመት ቢሆንም እስከአሁን ከሙከራ ውጭ አጥጋቢ የሆነ የመከላከል ስራ አለመከናወኑ ተመልክቷል፡፡

@tsegabwolde @tikvahethiopia

ሰው ሰራሽ ዜና አንባቢ‼️

ቻይና በአለም #የመጀመሪያውን ሰው ሰራሽ ዜና አንባቢ ይፋ አደረገች፡፡ ሰው ሰራሽ ዜና አንባቢው ማሽን የሰው መልክ ያለው ሮቦት ነው፡፡

ሮቦቱ በቻይና ብሔራዊ የዜና ተቋም በሆነው ሽንዋ ዜናዎችን ሲያነብ የድምጽ አወጣጡ፣ የፊትና የእጅ እንቅስቃሴ እውነተኛ ሰውን እንደሚመስል ለመመልከት ተችሏል፡፡

‹‹ሶጎዮ›› በሚባል የቻይና የኢንተርኔት መረብ እና በሽንዋ የበለፀገው ሮቦት እረፍት ሳያደርግ በቀን ለ24 ሰዓት መረጃን የማቀበል አቅም አለው ተብሏል፡፡

ሮቦቱ በቻይንኛ እና በእንግሊዘኛ ቋንቋዎች መረጃዎችን ለተመልካቾች እንደሚያቀርብ ተጠቁሟል፡፡

ምንጭ፦ ዘ ጋርዲያን
@tsegabwolde @tikvahethiopia

#Update በመቀለ ከተማ ከ77 ሚሊዮን ብር በሚበልጥ ወጪ የ11 ኪሎ ሜትር የድንጋይ ንጣፍ መንገድ ግንባታ ሥራ ለማከናወን #ዝግጅት እየተደረገ ነው፡፡

@tsegabwolde @tikvahethiopia

ፍትህ‼️የጋዜጠኛ ተመስገን ደሳለኝ ፍትህ መፅሄት የመጀመሪያዋ እትም ዛሬ ገበያ ላይ ትውላለች።

@tsegabwolde @tikvahethiopia

ባህር ዳር‼️

ጠቅላይ ሚኒስትር ዶክተር #ዐብይ_አህመድ፣ ፕሬዝዳንት ኢሳያስ አፈወርቂ እና ፕሬዝዳንት ሙሀመድ አብዱላሂ ፋርማጆ ለ7 ሚሊዮን ህዝብ አገልግሎት መስጠት የሚያስችለውን የ‹‹ጥበበ ግዮን ስፔሻላይዝድ ሆስፒታል›› ይመርቁታል ተብሎ እየተጠበቀ ነው።

ምንጭ፦ አብመድ
@tsegabwolde @tikvahethiopia