ሙዱላ⬆️በከምባታና ጠምባሮ ዞን ጠምባሮ ወረዳ ሙዱላ ከተማ በዛሬው ዕለት ህዝባዊ ሰልፍ ተደርጓል። የሰልፉ አስተባባሪ ኮምቴ እንደተናገረው ሰልፉ ደኢህዴን የጠምባሮን ልዩ ወረዳ የመሆን የዘመናት ጥያቄን በቸልታ በማለፉና ህዝቡም ላለፉት 15 ዓመታት ጥያቄውን በሰላማዊ መንገድ ሲጠይቀው የኖረ መሠረታዊ ጥያቄው በመሆኑ ለህዝብ ጥያቄ አስፈላጊው #መልስ ሊሰጥ ይገባል በማለት መሆኑ ተገልጿል። ሰልፉ ያለምንም የፀጥታ ችግር በሰላም መጠናቀቁን የሰልፉ ተካፋዮች ነግረውናል።

ምንጭ፦ ሀ(TIKVAH-ETH)
@tsegabwolde @tikvahethiopia

ሀሰተኛ መረጃ‼️ለሚዛን ቴፒ ዩኒቨርሲቲ ተማሪዎች በሙሉ፦ የ2011 ዓ.ም. የምዝገባ ቀን ህዳር 26-28 ተብሎ የሚሰራጨው መረጃ #ሀሰተኛ መሆኑን የዩኒቨርሲቲው ፕሬዘዳንት ፅ/ቤት በፌስቡክ ገፁ ላይ አሳውቋል።

@tsegabwolde @tikvahethiopia

#Update የሕዝብ ተወካዮች ምክር ቤት ዛሬ ማክሰኞ ጥቅምት 27 ቀን 2011 ዓ.ም. ሲያደርግ የነበረው ስብሰባ ለቋሚ ኮሚቴ ሰብሳቢነት በዕጩነት የቀረቡትን አቶ አማኑኤል አብርሃምና አቶ ሞቱማ መቃሳን #አልቀበልም በማለት ያለ ውሳኔ ተበተነ፡፡

በስብሰባው በዕጩነት የቀረቡት አቶ አማኑኤል የሕግ፣ ፍትሕና ዴሞክራሲ ጉዳዮች ቋሚ ኮሚቴ ሰብሳቢ እንዲሆኑ ሲሆን፣ አቶ ሞቱማ ደግሞ የውጭና የሰላም ጉዳዮች ቋሚ ኮሚቴ በሰብሳቢነት እንዲመሩ ነበር የታጩት፡፡

ፓርላማው በተመሳሳይ ውሎው በፓርላማው የነበሩ 20 ቋሚ ኮሚቴዎችን ወደ አሥር ዝቅ ያደረገ ሲሆን፣ ለምን በሚል በፓርላማው አባላት ለሁለት ሰዓታት የዘለቀ ክርክርም ተደርጎበት ነበር፡፡ የቋሚ ኮሚቴ ሰብሳቢዎችን በሚኒስትር ማዕረግ ለመሰየም ታቅዶ የነበረ ቢሆንም፣ ይኼንን ማዕረግ በመተው የቋሚ ኮሚቴ አደረጃጀቱን አፅድቆታል፡፡

ምንጭ፦ ሪፖርተር
@tsegabwolde @tikvahethiopia

#update ክቡር ጠቅላይ ሚኒስትር ዶክተር #አብይ_አህመድ ከአፍሪካ ሕብረት ኮሚሽን ዋና ጸሃፊ የተከበሩ #ሙሳ_ፋኪ_ማሃማት ጋር እየተካሄደ ባለው የህብረቱ ማሻሻያ ዙሪያ ዛሬ ጥቅምት 27 2011 በፅ/ቤታቸው ተገናኝተው ተወያይተዋል። ውይይቱም ከህዳር 8-9 2011 በህብረቱ ማሻሻያ ዙሪያ ለሚካሄደው የአፍሪካ ህብረት ልዩ የመሪዎች ጉባዔ ግብአት ይሰጣል።

ምንጭ፦ የጠ/ሚ ፅ/ቤት
@tsegabwolde @tikvahethiopia

🔝በጠቅላይ የሚንስትር ጽ/ቤት በተሰጠው ጋዜጣዊ መገለጫ ተከትሎ የወጣው የፕሬስ መግለጫ።

@tsegabwolde @tikvahethiopia

መግለጫ‼️

ከትግራይ ብሄራዊ ክልላዊ መንግስት የተሰጠ መግለጫ፦

ዜጎች በሃገራቸው ውስጥ በነፃነት የመንቀሳቀስ እንዲሁም በመረጡት ኣከባቢ የመኖር እና ሃብት የማፍራት ህገ-መንግስታዊ መብታቸው መሆኑ ከተረጋገጠ ቆይቷል፡፡ የፌደራልና የክልል መንግስትም ይህ ህገ-መንግስታዊ የዜጎች መብት ሳይሸራረፍ ተግባራዊ ለማድረግ ኣስፈላጊውን ሁሉ እንዲያደርጉና ጥሰት ሲያጋጥም ደግሞ ኣስቸዃይ መፍትሔ በመስጠት በእንደዚህ ዓይነት የጥፋት ድርጊት ለሚሳተፉ ኣካላት ህግ ፊት ማቅረብ ደግሞ ህግ-መንግስታዊ ግዴታ ኣለባቸው፡፡

ይሁን እንጂ ባለፉት ጥቂት ኣመታት በተለያዩ የኣገራችን ክፍሎች የተለያዩ ብሄረሰብ ተወላጆች ማንነታቸውን መሰረት ያደረገ በህይወት እና ንብረታቸው ላይ የሚደርስ የጥቃት ዜና መስማት እየተለመደ መጥቷል፡፡ በትግራይ ተወላጆችም ተመሳሳይ በደል መፈፀሙን የሚታወቅ ነው፡፡ በተለይም በኣማራ ክልል ከ2008 ዓ.ም ጀምሮ የትግራይ ተወላጆች ህይወትና ንብረት ላይ የደረሰው ጉዳት ከባድና በተደጋጋሚ ህገ-መንግስታዊ ጥሰት እየተፈፀመ ይገኛል፡፡ የየኣከባቢው ህዝብ አደጋውን ለመቀነሰ ጥረት ባያደርግ ንሮ ከዚህ የከፋ ጥፋት ሊደርስ ይችል እንደነበረ ይታመናል፡፡

የተለያዩ ኣጀንዳዎች በመቅረፅ በትግራይ ህዝብ ሰላምና ድህንነት በማወክ ዙርያ የሚደረግ ዘመቻ ኣሁንም ሳያቋርጥ እንዲቀጥል እየተደረገ ነው፡፡ በትግራይ ክልል ጉዳይ ላይ እጅን ከማስገባት በተጨማሪ ከትግራይ ጋር የሚያስተሳስሩ መንገዶች በመዝጋት እና የትግራይን
መሬት በሃይል ለመውረር መፈለግ የመሳሰሉ ያረጁና ሃሏ ቀር ኣስተሳሰቦችና ክፉ ተግባራትም እየታዩ ናቸው፡፡ ይህ በእንዲህ እንዳለ ኣሁንም ትላንት በመተማና ሌሎች አከባቢዎች ተመሳሳይ ግፍ ተፈፅሟል፡፡ ችግር በተፈጠረባቸው ኣከባቢዎች ኣንዳንድ የኣማራ ክልል ከፍተኛ የስራ ሃላፊዎች ኣስቀድመው በማንቀሳቀስ የደረሰውን ግፍ እንዲፈፀም ኣመራር የሰጡ መሆኑን ታውቆ ባስቸኳይ ወደ ህግ ሊቀርቡ ይገባል፡፡

ሰዎች ለማህበራዊ ልማት ሊተጉ ሲገባ ለጥፋት እንቅልፍ ኣጥተው ሌተቀን ሲሰሩ ማየት ኣሳዛኝ ሲሆን ጥፋትን በጥፋት መመለሰ ግን ቀላል መሆኑን ሊሰመርበት ይገባል፡፡

የትግራይ ህዝብና መንግስት ደግሞ ለጥፋት ሳይሆን ለጋራ ልማትና ሰላም የቆመ በመሆኑ የሁለቱን ህዝብ ወንድማማችነት የሚያጠናክሩ እንጂ የሚያፈርሱ ስራዎች የማንሰራ መሆኑን አሁንም በድጋሜ ለመግለፅ እንወዳለን፡፡ይህ ማለት ግን በህዝባችን ላይ የሚፈፀሙ የጥፋት ተግባሮች ኣይተን እንዳላየን እንሆናለን ማለት ኣይደለም፡፡

በህዝባችን ንብረትና ህይወት ላይ ጉዳት ያደረሱ በሙሉ እንደ ክልል መንግስት በህግ እንዲጠየቁ ጥረት የምናደርግ ይሆናል፡፡ የኣማራ ክልል እና የፌደራል መንግስትም ህገ-መንግስቱን ያለ ማቋረጥ በተደጋጋሚ በሚጥሱ ኣካላት ላይ ህጋዊ እርምጃ ሊወስዱ ይገባል፡፡

ለዘመናት ኣብረው የነበሩና በብዙ መንገድ የተሳሰሩትን ህዝቦች ኣንድነታቸውና ወዳጅነታቸው ኣጠናክረው እንዲቀጥሉ ከማስቀጠል ይልቅ ማንነት ላይ መሰረት ያደረገ ጥቃት ሲፈፀም ማየት የሚያሳዝን እና የሚሳፍር ድርጊት ነው፡፡ የኣማራ ክልል ህዝብና መንግስት እንዲሁም የፈደራል መንግስት ይህ ማንነት መሰረት ኣድርጎ እየተፈፀመ ያለውን በደል ኣጥብቆ በማወገዝ ኣስቸኳይ ምላሽ በመስጠት የዜጎችን ደህንነት እንዲጠበቅ፣ የወደመ ንብረታቸው እንዲተካና በተለያዩ ግዚያት በህዝብ ላይ ግፍ የሚያደርሱትን ወንጀለኞች በሙሉ እንዲሁም መንግስት በቅርብ በምህረት ለቋቸው ሲያበቃ በወንጀል ተግባር ላይ የተሰማርቱን ጨምሮ ወደ ህግ እንዲቀርቡ የትግራይ ብሄራዊ ክልላዊ መንግስት ጥሪውን ያቀርባል፡፡

በመጨረሻም የትግራይ ብሄራዊ ክልላዊ መንግስት በማንነታቸው ምክንያት ጥቃት እና ግፍ ለተፈፀመባቸው ሁሉ የተሰማውን ሓዘን በመግለፅ የዚህ ኣስነዋሪ ተግባር ሰለባ ለሆኑ ቤተሰብና ኣካላት በትግራይ ህዝብ እና መንግስት ስም መፅናናትን ይመኛል፡፡

የትግራይ ኮሚኒኬሽን ጉዳዮች ቢሮ
መቐለ
ጥቅምት 27/2011 ዓ.ም

@tsegabwolde @tikvahethiopia

#update ሰላም ሚኒስቴር⬆️

የሰላም ሚኒስትሯ ክብርት #ሙፈሪያት_ካሚል የተጠሪ ተቋማት አመራሮችን በቢሯቸው አግኝተው አነጋገሩ።

ሚኒስትሯ የሰላም ሚኒስቴር ስምንቱ ተጠሪ ተቋማት አመራሮችን በትናንትናው እለት አግኝተው አነጋግረዋል፡፡

ተቋማቱ የተጣለባቸውን ኃላፊነት በብቃት ይወጡ ዘንድ ሰባት ስትራቴጂክ ኮሚቴዎች ተዋቅረው ስራዉ የተጀመረ መሆኑንም ተናግረዋል፡፡

እነዚህም እቅድ፣ የሰው ኃይልና መዋቅር፣ የሚዲያና ኮሙኒኬሽን፣ ሞደርናይዜሽንና አይቲ፣ የሰላምና ህግ ማስከበር፣ የህግ ማእቀፍ እና የሪሶርስ ሞቢላይዜሽንና ፋይናንስ ጉዳዮችን ወጥነት ባለው መንገድ ዘመኑ በሚጠይቀው አሰራር እንዲቃኝ ለማድረግ የታሰበ ነው፡፡

ስትራቴጂክ ኮሚቴዎቹ በአንድ ወር ጊዜ ውስጥ ጥናት አድርገውና ተቋማቱ ያሉበትን ሁኔታ ተንትነው እንዲያቀርቡ እንደሚጠበቅም ታውቋል፡፡ ሚኒስቴሩ በአገር ውስጥና በቀጠናው የተጣለበትን ኃላፊነት በብቃት ይወጣ ዘንድ ተቋማቱ ያላቸውን አሰራር ከመሰረቱ አጥንቶ
ለችግሮቻቸው መፍትሔ መስጠትና ዘመን ተሸጋሪ የሆኑ አሰራሮችን መተግበር ግዴታ እንደሆነም ሚኒስትሯ ገልጸዋል፡፡

በውይይቱ ላይ የሰላም ሚኒስቴር ተጠሪ ተቋማት አብዛኞቹ የሰው ኃይላቸው ገበያው ከሚያቀርበው የሰው ኃይል ላይ ተጨማሪ ብቃትና እሴት ማከልን የሚጠይቅ መሆኑ የተነሳ ሲሆን የአቅም ግንባታና ሞደርናይዜሽን ስራው ትኩረት ሊሰጠው እንደሚገባም ተነስቷል፡፡

አብዛኞቹ ተጠሪ ተቋማት መዋራቸው ብዙ ጉድለት ያለበትና መሻሻል የሚጠይቅ መሆኑ፣ አንዳንዶቹም የተቋቋሙበትን አዋጅ ወደ መመሪያና ሊያሰሩ ወደሚችሉ የአሰራር ማእቀፎች ያለቀየሩ፣ የዘመነና ግልጽ አሰራር ያልተዘረጋላቸው እንደሚበዙ የተነሳ ሲሆን ትኩረት ተደርጎ
ማስተካከል እንደሚገባም አመራሮቹ ሀሳብ ሰጥተዋል፡፡ ከዚህ በተጨማሪም በሰላም ዙሪያ ማኅበረሰቡ የድርሻውን የሚወጣበት (Mobilization Strategy) እንደሚያስፈልግ በውይይቱ ላይ ቀርቧል፡፡

የሰላምና ደኅንነት ዘርፉ ነገን አሻግሮ የሚያሳይ ዘመኑ የደረሰበትን አሰራር የሚከተል የ10 ዓመት የእቅድ ፍኖተ ካርታ እንደሚያስፈልገውና ይህንን ለማዘጋጀትም ሁሉም ተቋማት እንዲረባረቡ ክብርት ሚኒስትሯ አቅጣጫ አስቀምጠዋል፡፡

ሰላም የሁሉም ህዝብና አገራችን ውስጥ የሚገኙ ሁሉም ተቋማት ድምር ውጤት መሆኑ ታውቆ ሁሉም ለሰላሙ መረባረብ አንዳለበትም ሚኒስትሯ አክለው ገልጸዋል፡፡

ምንጭ፦ EPRDF
@tsegabwolde @tikvahethiopia

ማስታወቂያ⬆️ ጤናማ በሆነ መልኩ ከበቂ የባለሙያ ምክር ጋር የሰውነት ክብደትዎን ለመቆጣጠር እንዲሁም ቦርጮን ለማጥፋት በአማራጭ ያሉ የሰውነት ክብደት መቀነሻዎችን ይጠቀሙ። ለማንኛውም ጥያቄዎ ቃሊቲ ካፍደም ፕላዛ 2ኛ ፎቅ ብቅ ይበሉ : ወይም በተንቀሳቃሽ ስልክ 0911042543 ይደውሉ። ያሉበትም እናመጣለን እንልካለን።

#Update ክቡር ጠቅላይ ሚኒስትር ዶክተር #አብይ_አህመድ ከካናዳው አቻቸው ጀስቲን ትሩዶ ጋር በጋራ ጉዳዮች ዙሪያ ጥቅምት 26 ቀን 2011 በስልክ ተወያይተዋል። በውይይቱ ወቅትም ጠቅላይ ሚኒስትር ጀስቲን ትሩዶ በኢትዮጵያ የመጣውን ለውጥ፤ በተለይም በሴቶችን በቁልፍ የመንግስት አመራር ቦታዎች መሳተፍ መንግስታቸው እንደሚያደንቅና በሙሉ ልብ ለመደገፍና ለመተባበር ዝግጁ መሆኑን ገልፀውላቸዋል። ጠቅላይ ሚኒስትር ጀስቲን ትሩዶ የመጣውን ለውጥ ተከትሎ አገሪቱ በአህጉራዊ መድረክ እየተጫወተች ያለውን ሚና በማድነቅ ኢትዮጵያን ለመጎብኘት ያላቸውን ፍላጎት በስልክ ውይይታቸው ወቅት ጠቅሰዋል።

ምንጭ፦ የጠ/ሚ ፅ/ቤት
@tsegabwolde @tikvahethiopia

በቦንብ ፍንዳታ የሰው ህይወት አለፈ‼️

በደባርቅ ወረዳ በቦንብ ፍንዳታ አራት የአንድ ቤተሰብ አባላት #ህይወት አለፈ።

በሰሜን ጎንደር ዞን ደባርቅ ወረዳ በአንድ ግለሰብ መኖሪያ ቤት በህገ ወጥ መንገድ የተቀመጠ የእጅ ቦንብ ፈንድቶ አራት የአንድ ቤተሰብ አባላት ህይወት ማለፉን ፖሊስ አስታወቀ፡፡

የደባርቅ ወረዳ ፖሊስ ጽህፈት ቤት የወንጀል መረጃ ዋና የስራ ሂደት አስተባባሪ ኢንስፔክተር ግርማይ አለባቸው ለኢትዮጵያ ዜና አገልግሎት
ዛሬ እንደገለፁት አደጋው የደረሰው ጥቅምት 24 ቀን 2011ዓ.ም ከጠዋቱ 3 ሰአት ላይ በወረዳው አደባባይ ጽዩን ቀበሌ በሚገኘው መኖሪያ ቤት ውስጥ በህገ ወጥ መንገድ የተቀመጠ የእጅ ቦንቡን የቤቱ አባወራ በመነካካት ላይ እያሉ እጃቸው ላይ #በመፈንዳቱ ነው፡፡

በፍንዳታውም አባወራውና ባለቤታቸው እንዲሁም የሁለት ልጆቻቸው ህይወት ወዲያውኑ ሲያልፍ በመኖሪያ ቤቱ ውስጥ የነበሩ ሌሎች ሁለት የቤተሰብ አባላት የመቁሰል አደጋ ደርሶባቸዋል፡፡

የመቁሰል አደጋ የደረሰባቸው ግለሰቦች በደባርቅ ሆስፒታል የህክምና እርዳታ ሲደረግላቸው ቆይቶ ወደ ጎንደር ዩኒቨርሲቲ ሆስፒታል ለከፍተኛ ህክምና መላካቸውን ዋና ኢንስፔክተሩ ተናግረዋል፡፡

ጅምላ ጨራሽ መሳሪያዎችን በቤት ውስጥ ደብቆ ማስቀመጥ ወንጀል ከመሆኑም በላይ ለአደጋ የሚያጋልጥ በመሆኑ ህብረተሰቡ ከእንደዚህ አይነት ድርጊት መቆጠብ እንዳለበትም ዋና ኢንስፔክተሩ አስገንዝበዋል፡፡

ምንጭ፦ ኢዜአ
@tsegabwolde @tikvahethiopia