#update ጠ/ሚ ዶ/ር አብይ⬆️

ክቡር ጠቅላይ ሚኒስትር ዶ/ር አብይ አህመድ ማምሻውን በድንገት በሽራተን ሆቴል ተገኝተው በእሳቸው ጥያቄ በቻይና የነጻ ትምህርት ዕድል አግኝተው የሚሄዱ የረጅም እና የአጭር ጊዜ ሰልጣኞችን በማግኘትና መልካም የትምህርት ጊዜ እንዲሆንላቸው በመመኘት #ሽኝት
አደረጉላቸው።

ተማሪዎቹም 50 የሁለተኛ (masters) እና የሶስተኛ (PhD) ዲግሪ፣ 100 የበትረ-ሳይንስ የመጀመሪያ ዲግሪ፣ 50 ከዓመቱ የወርቅ ሜዳሊያ ተመራቂዎች የተመረጡ፣ እንዲሁም 50 ከኪነ-ጥበብ ባለሙያዎች የተመረጡ በድምሩ 250 ሲሆኑ፣ ከሚቀጥለው ሳምንት ጀምሮ ወደ ቻይና እንደሚያቀኑ ይጠበቃል። ይህም የሁለቱን አገሮች ህዝቦች ትስስር እንደሚያጠናክር ይጠበቃል።

©አቶ ፍፁም አረጋ
@tsegabwolde @tikvahethiopia

#Update ቡኖ በደሌ⬆️

ከኦሮሚያ የተፈናቀሉ ዜጎች ሽኝት ተደረገላቸው። ባለፈው ዓመት ከኦሮሚያ ክልል ቡኖ በደሌ ዞን ቦረቻ ወረዳ ተፈናቅለው የነበሩ ዜጎች አካባቢው ሰላም በመሆኑ ወደ መጡበት እንዲመለሱ #ሽኝት ተደርጎላቸዋል።

የአማራ ክልል አደጋ መከላከልና ምግብ ዋስትና ማስተባበሪያ ጽሕፈት ቤት ምክትል ኃላፊ አቶ #አማረ_ክንዴ አንደተናገሩት ተፈናቃዮች እንዲመለሱ ከዞኑ አስተዳደር ጋር ስምምነት ላይ ተደርሷል።

በጉዞ ላይ እና ከደረሱም በኋላ የሚጠቀሙባቸው አልሚ ምግብ እና ዱቄት መዘጋጀቱንም ኃላፊው ተናግረዋል።

አቶ አህመድ ኑር ከተፈናቃዮች መካከል አንዱ ሲሆኑ የክልሉ መንግሥት ላደረገው ድጋፍ ምስጋና አቅርበዋል።

መንግሥት የዜጎችን ተዘዋውሮ የመሥራት ሕገ-መንግሥታዊ መብት ማስጠበቅ አንዳለበትም አቶ #አህመድ አሳስበዋል።

ምንጭ ፦ አ.ብ.መ.ድ.
@tsegabwolde @tikvahethiopia