#update የፀረ ሽብር ህግ⬇️

ጠቅላይ አቃቤ ህግ በፀረ-ሽብር ህጉ ክፍተቶች ዙሪያ ሲያካሄድ የነበረውን #የጥናት ውጤት ይፋ አድርጓል።

የህግና ፍትህ ጉዳዮች አማካሪ ጉባዔ የፀረ-ሽብር ህግ እና ሲቪክ ማህበራት ህግ ላይ ባሉ ክፍተቶች ዙርያ ባለፉት ሶስት ወራት ጥናት ሲያካሂድ እንደነበረ የጠቅላይ አቃቤ ህግ የህዝብ ግንኙነትና ኮሚኑኬሽን ዳይሬክተር አቶ #ታዬ_ደንደአ ለኢቲቪ ገልፀዋል፡፡

እነዚህ ሁለቱ ህግጋት ላይ ህብረተሰቡም ሆነ የተፎካካሪ ፖለቲካ ፓርቲዎች የሚያነሱትን ጥያቄ ከግምት በማስገባት መንግስት የፖለቲካ ምህዳሩን ለማስፋት ካለው ቁርጠኝነትም ጋር ተያይዞ ህግጋቱን ሲመረምር እንደነበረም ነው የገለፁት፡፡

በዚሁ መሰረት ጉባኤው በፀረ-ሽብር ህጉ ከለያቸው ክፍተቶች አንዱ የአዋጁ ይዘትና አተረጓጎም ነው፡፡

በመረጃ አሰባሰብ ረገድም ክፍተት እንዳለበት ተመልክቷል፡፡ በሽብር ወንጀል ተጠርጥረው በቁጥጥር ስር የሚውሉ ሰዎች የዋስትና መብት አለማግኘታቸውና የፍርድቤትን ስልጣን መገደብም ህጎቹ ላይ የሚታዩ ክፍተቶች በሚል በጉባኤው ታይተዋል፡፡

የህጉ አተገባበርም የጐላ ክፍተት ያለበት መሆኑን ነው የተገለፀው፡፡ በዚህም መሰረት ጉባዔዉ ሶስት አማራጮችን አቅርቧል፡፡

ህጉ ያስፈልጋል አያስፈልግም የሚለው ከነዚህ ውስጥ ዋነኛው ነው፡፡ በዚህ ጉዳይ ላይም በመጪው ረቡዕ የተመዘገቡም ሆነ ያልተመዘገቡ የተፎካካሪ የፖለቲካ ፓርቲዎችና ሌሎች አካላት በሚገኙበት የጥናቱ ውጤት ላይ ግብዓት የሚሰበሰብ ይሆናል፡፡

የህግና ፍትህ ጉዳዮች አማካሪ ጉባዔ በሌሎች ህጐች ላይም የማሻሻያ ጥናቶች እያደረገ ነው፡፡

ምንጭ፦ የኢትዮጵያ ቴሌቪዥን
@tsegabwolde @tikvahethiopia