#Udate ጅግጅጋ⬇️

አንጋፋው ጋዜጠኛ አለምነህ ዋሴ በፌስቡክ ገፁ ይህን ዜና አሰማ⬇️

"ተረጋግጧል! ጀግናው የኢትዮጵያ መከላከያ ሰራዊት የራሱን ስልጣን ለማስጠበቅ ሲል ኢትዮጵያ ሱማሌንና ህዝቧን በህገወጥ መንገድ ለማስገንጠል ሴራ ሲጎነጉን የነበረውን አብዱ ኢሌን በፅኑ ክንዱ ማረከ። በፍቅር፣ በይቅርባይነትና በመደመር በጎ መንፈስ ላይ የተመሰረተው የጠቅላይ ሚኒስትር ዶ/ር ዐቢይ አህመድ መንግስት በሀገር ህልውና ጉዳይ ምን ይህል ጥርስ እንዳለው ያሳየበት እርምጃ ሆኗል። የህግን ጥሬ ቃል ከእውንተኛ መንፈሱ እየገነጠሉ ለራሳቸው ጥቅም የሀገርን ህልውና መያዣ ለማድረግ ለሚያስቡ የሹም ዶሮዎች ይህ የዛሬው ወታደራዊ እርምጃ ጠንካራ ማስጠንቀቂያ ነው።

ዘገባዎች እንደ ሚሉት ኤታማዦር ሹም ባለአራት-ኮከብ ጄኔራል ሳእረ መኮንን--ዛሬ የጦራቸው እጅ ውስጥ ለወደቀው አብዲ ኢሌ "ወደህ በፍቃድህ እጅህን እንድትሰጥ የ24 ሰዓት ዕድሜ ሰጥቼሀለው "ብለውት ነበር ትናንት። ሳይሰጥ ቀረ፤ በኅይል ተያዘ።"

*ይህን መረጃ በተለያዩ መንገዶች ለማጣራት እየሞከርኩ ነው። እውነትነቱን ሊያረጋግጡ የሚችሉ መረጃዎች ካሉ በፍጥነት አቀርባለሁ።

@tsegabwolde @tikvahethiopa

#udate ጅግጅጋ⬇️

አሁን በጅግጅጋ ከሚገኙ ነዋሪዎች ጋር በስልክ ቆይታ አድርጌ ነበር፦ ያናገርኳቸው ሰዎች ከጥቂት ደቂቃዎች በፊት የተደራጁ ሰዎች ወደ ቤታቸው መጥተው መሉ በሙሉ ያላቸውን ንብረት ዘርፈው ሄደዋል። ድብደባም እንደተፈፀመባቸው ነግረውኛል። "አሁን ህይወታችን ነው የተረፈን ህይወታችችን እየጠበቅን ነው" ብለውኛል ያናገርኳቸው አንድ አባት። በአካባቢው ምንም የመከላከያ ሰራዊት እንደሌለ የገለፁልኝ እኚሁ አባት የክልሉን ፖሊስ ልብስ የለበሱ ሰዎች ከተደራጁ ወጣቶች ጋር ተባብረው ከፍተኛ ዝርፊያ እየፈፀሙ ነው ሲሉ ገልፀውልኛል።

@tsegabwolde @tikvahethiopia

#udate ከአፋር ክልል⬆️

በአፋል ክልል አምቢራ ወረዳ ሰርካሞ በሚባል ቀበሌ ዛሬ የጎርፍ መጥለቅለቅ ተከስቶ ነበር። ጎርፉ የሰዎች ቤት ድረስ በመግባት እቃዎችን አበላሽቷል። ይህ ነገር በየአመቱ እንደሚከሰት የቀበሌው ነዋሪ የሆኑ የቻናላችን ቤተሰቦች ገልፀዋል።

@tsegabwolde @tikvahethiopia

#udate ጠ/ሚ ዶ/ር አብይ⬇️

ክቡር ጠቅላይ ሚኒስትር ዶ/ር ዐብይ አህመድ ዛሬ ከጀርመኗ ቻንስለር (መራሂተ-መንግስት) ከክብርት ወ/ሮ አንግላ መርከል ጋር በስልክ ተወያዩ፡፡

ቻንስለር መርከል ጠቅላይ ሚኒስትሩ ባጭር ጊዜ እያካሄዱ ላሉት የፖለቲካና የኢኮኖሚ ሪፎርም ስራዎች በተለይም ከኤርትራ ጋር ለተፈጠረው ሰላም አድናቆታቸውን በመግለጽ እንኳን ደስ ያለዎት ብለዋቸዋል፡፡

ቻንስለሯም ጠቅላይ ሚኒስትሩ በጥቅምት ወር መጨረሻ ላይ ጀርመን ተገኝተው በአፍሪካ እና በአውሮፓ ጉዳዮች ላይ እንዲመክሩ የጋበዟቸው ሲሆን፣ ጠቅላይ ሚኒስትሩም ግብዣውን መቀበላቸውን አረጋግጠውላቸዋል፡፡

©አቶ ፍፁም አረጋ
@tsegabwolde @tikvahethiopia

#udate ድሬዳዋ⬇️

በድሬዳዋ ከተማ አንዳንዳንድ ቀበሌዎች ሰዎች ላይ ዝርፊያ እንደሚፈፀም ነዋሪዎች ገልፀዋል። መንግስት የህግ የምበላይነትን ሊያሰፍን እንደሚገባም ጠቁመዋል።

ከድሬዳዋ ከተማ ያናገረችኝ አንዲት ወጣት ከጥቂት ጊዜ በፊት በኢትዮጵያ ደረጃ በሰላሟ ተወዳዳሪ ያልተገኘላት ድሬዳዋ ከተማ አሁን ለኑሮ አስቸጋሪ እየሆነች መጥታለች ስትል ትናገራለች። ሰዎች ቤታቸውን ለቀው ወደ ተለያየ ቦታ እንደሄዱም አክላ ገልፃለች። መንግስት እርምጃ ሊወስድ እንደሚገባም ጠቁማለች።

"እኔ ተወልጄ ያደኩት እዛው ቀበሌ ውስጥ ነው ቤተሰቦቼ ከ25 አመት በላይ ከኖርንበት ቤታችን ወተን ዘመድ ጋር ተጠግተን ነው ያለነው።" ስትል በእሷና በቤተሰቧ ላይ የደረሰውን ተናግራለች።

📌ከድሬዳዋ ፖሊስ በኩል የሚሰማ ነገር ካለ ተከታትዬ አሳውቃችኋለሁ።
@tsegabwolde @tikvahethiopia

#udate ራያ⬆️

በትናንትናው ዕለት በራያ የማንነት ጥያቄ ላይ በአዲስ አበባ የአካባቢው ተወላጆች ያነሱትን ጥያቄ አስመልክቶ በጉዳዩ ላይ የክልሉ የመንግስት ኮሚዩኬሽን ጉዳዮች ፅ/ቤት ኃላፊ አቶ #ረዳዒ_ሃላፎም የሰጡት ምላሸ።

©etv
@tsegabwolde @tikvahethiopia

#udate ጅቡቲ⬆️

"ታሪካዊ የዲፕሎማሲ ድል!! ከረጅም አመት መለያየት ቡሀላ ኤርትራና ጅቡቲ ግንኙነታቸውን ለመቀጠል #ተስማምተዋል። ለመላው #የኤርትራ አና #የጅቡቲ ህዝብ እንኳን ደስ ያላችሁ!!"

©ዶክተር ወርቅነህ ገበየሁ
@tsegabwolde @tikvahethiopia

#udate ሶማሌ ክልል⬇️

በሶማሌ ክልል በጅግጅጋ ከተማ በተፈጸመው ጥቃት ሴቶች ለተለያዩ ጉዳቶች የተጋለጡ ሲሆን ሚኒስቴር መ/ቤቱ ከተለያዩ አጋር አካላት ጋር በመተባበርና ባለሙያዎችን ወደ ቦታው በመላክ ከፍተኛ ጉዳት የደረሰባቸው ሴቶች #የስነልቦናና ማበራዊ ድጋፍ እንዲያገኙ አድርጓል፡፡

ከነዚህም መካከል ቀጣይነት ያለው ድጋፍ የሚያስፈልጋቸው 7 ሴቶች ወደ አዲስ አበባ መጥተው አስፈላጊውን የተሀድሶ አገልግሎት እንዲያገኙ ለማድረግ በተደረገው ጥረት ተጎጂዎች በዛሬው ቀን አዲስ አበባ የገቡ ሲሆን አገልግሎቱን ወደሚያገኙበት ማዕከል እንዲገቡ ተደርጓል፡፡

ክብርት ወ/ሮ አስቴር ዳዊት የሴቶችና ህጻናት ጉዳይ ሚኒስቴር የሴቶች ዘርፍ ሚኒስትር ዴኤታ እና የተባበሩት መንግስታት የሴቶች ኤጀንሲ
(UN Women) የኢትዮጵያ #ተጠሪ በቦታው በመገኘት አቀባበል በማድረግ ጉዳት የደረሰባቸውን ሴቶች አነጋግረዋል፡፡

ምንጭ፦ የሴቶችና ህጻናት ጉዳይ ሚኒስቴር
@tsegabwolde @tikvahethiopia

#udate አርበኞች ግንቦት 7⬇️

በኢትዮጵያ ፖለቲካ ውስጥ ለውጥ እንዲመጣ የሁሉም ሀሳብ አራማጆች #ለዘለቄታዊ ለውጥ ቁጭ ብሎ መወያየት እንደሚገባ የአርበኞች ግንቦት ሰባት ለአንድነትና ለዲሞክራሲ ንቅናቄ ሊቀመንበር ፕሮፌሰር ብርሃኑ ነጋ ገለፁ።

ሊቀመንበሩ በቦሌ አየር ማረፊያ በሰጡት መግለጫ #የምርጫ ጊዜ ሰሌዳ ለመጠበቅ ከመጣር ይልቅ #ትክክለኛ ምርጫ ማካሄድ የሚችል ስርዓትና #ተቋማት መኖራቸውን ማረጋገጥ ቅድሚያ ሊሰጠው እንደሚገባ ገልፀዋል።

የለውጡ ኃይል የሀገሪቱን ረጅም የመከራ ቀን በመሳጠርም ትልቅ አስተዋፅኦ ማድረጉንም አስታውቀዋል።

ከሁሉ በላይ ሁላችንም ለሀገር ለውጥ #እንወያይ የሚል ሀሳብ አንግቦ ለተግባራዊነቱም መስራቱ መጪው ጊዜ #ብሩህ ይሆናል የሚል ተስፋ እንዳሰነቃቸውም ገልፀዋል።

የአርበኞች ግንቦት ሰባት ከሁሉም ኃይሎች ጋር ተመካክሮ የተገኘውን ይህን እድል መጠቀም እንደሚሻም ነው ያሰትወቁት ።

በፖለቲካ ምክንያት ሰውን እንደጥላት የማየት አስተሳሰብ ከህብረተሰቡ ሊወጣ ይገባል #መረጋጋት ያስፈልጋል ብለዋል ፕሮፌሰሩ።

የሀገሪቱን ዘለቂ ሰላም ለማምጣትና ዲሞክራሲያዊ ባህልን ለማጎልበት ህብረተሰቡ ለመወያየትና ለመደማመጥ የሚቻልበት ሁኔታ መፍጠር አለበት ስለዚህም ለሁሉም ነገር ነገሮችን #ተረጋግቶ ማሰብ ይገባል ብለዋል።

እኛ ዲሞክራሲያዊ ስርዓት እንዲመጣ ከማድርግ ውጪ ሌላ ዓለማ የለም ይህን ስራ ለመተግበር ግን ብዙ ስራ ይጠይቃል ይህንንም ከሁሉም ጋር በጋራ ለመስራት ፍቃደኛ ነን ብለዋል ሊቀመንበሩ በመግለጫቸው።

ፕሮፌሰር ብርሃኑ እኛ በህብረ ብሔራዊ ስሜት ሀገርን ለመገባት አስበን ብንመጣም #በብሔር ከተደራጁ አካት ጋርም ቢሆን በዲሞክራሲያዊ መልኩ #ለመወያየት ዝግጁ ነን ብለዋል።

©etv
@tsegabwolde @tikvahethiopia

#udate ኢንሴኖ⬇️

ቡታጅራ አቅራቢያ ኢንሴኖ በተባለች ከተማ አለመረጋጋት መኖሩን በከተማዋ የሚገኙ የቻናላችን አባላት ገልፀዋል። የክልል ልዩ ሀይል ሁኔታውን ለመቆጣጠር እየሰራ እንደሆነም ተሰምቷል።

📌ለአለመረጋጋቱ መነሻ የሆነውን ጉዳይ እንዲሁም ስለ ደረሰው ጉዳት ዝርዝር እና የተጣራ መረጃ ሲደርሰኝ ወደናተ አደርሳለሁ።
@tsegabwolde @tikvahethiopia

#udate ትላንት ኢንሴኖ ላይ የነበረው ውጥረት ወደ ቡታጀራ ከተማ ተሻግሮ ዛሬ የንግድ እንቅስቃሴ ተስተጓጉሎ ውሏል። የፀጥታ አስከባሪዎች ሁኔታውን ለመቆጣጠር ወደ ከተሞቹ የገቡ ሲሆን ነዋሪው የፀጥታ ሀይሉ ይበልጥ ሊጨመር ይገባል ሲል መልዕክታቸውን ልከዋል።

📌በዚህ አጋጣሚ ወጣቶች ከስሜታዊነት ወጥተው የሀገርን ሰላም ሊያስጠብቁ ይገባል። የሀይማኖት አባቶችም ወጣቱን ሊመክሩት ይገባል።

ከክልሉ መንግስት የሚሰማውን ተከታትዬ አደርሳችኋለሁ።
@tsegabwolde @tikvajethiopia

#udate ኦፌኮ እና ሰማያዊ ፓርቲ⬇️

ሰሞኑን በተለያዩ የአዲስ አበባ አካባቢዎች በአርማ እየተመካኘ እየተፈጠረ ያለው አምባጓሮ ከቁጥጥር ውጪ ሆኖው ወደ ሁከትና ብጥብጥ ከማምራቱ በፊት መንግሥት #አፋጣኝ #እርምጃ እንዲወስድ የኦሮሞ ፌደራሊስት ኮንግረስ (ኦፌኮ) እና ሰማያዊ ፓርቲ ዛሬ ባወጡት የጋራ መግለጫ ጠየቁ።

ሁለቱ የፖለቲካ ፓርቲዎች በመግለጫቸው ላይ "ትናንት አስከፊውን አገዛዝ ከጫንቃችን አሽቀንጥረን ለመጣል ያደረግነው ብርቱ ተጋድሎ በጎመራ ማግሥት የለውጡን ሂደት መደገፍና አገሪቱን እንደ አገር የማስቀጠሉ ጉዳይ ቅድሚያ ሊሰጠው ሲገባ በአሁኑ ወቅት አልፎ አልፎ የሚታዩት ግጭቶችና ሥርዓት አልበኝነት አሳሳቢ ደረጃ ላይ ደርሷል" ብለዋል።

ፓርቲዎቹ በተለይ ሰሞኑን በአዲስ አበባና በዙሪያዋ ከሰንደቅ አላማ ጋር በተያያዘ የተፈጠረው እሰጣገባ በብርቱ እንደሚያሳስባቸው ገልፀዋል። ቢዚህም ሳቢያ በተፈጠረ ፉክክር "ትውልዱን ለግጭት ማነሳሳት ፍፁም ሊወገዝ የሚገባው እኩይ ተግባር ነው" ሲሉ አውግዘዋል።

ኦፌኮና ሰማያዊ በመግለጫቸው ላይ ጨምረውም "እያንዳንዳችን ፍላጎታችንንና ድጋፋችንን ለምንሻው አካል እየሰጠን አንዳችን የአንዳችንን ሃሳብም ሆነ መልካም ድርጊትን እያከበርን የተጀመረውን ለውጥና ሽግግር መደገፍ ወሳኝ ነው" ብለዋል።

ፓርቲዎቹ በአርማ እየተመካኘ የሚፈጠር አምባጓሮ ባስቸኳይ እንዲቆምና ወጣቱ ትውልድ በፍቅርና በመቻቻል ዘመኑን እንዲዋጅ ጥሪ አቅርበዋል።

በተጨማሪም የአገር ሽማግሌዎች፣ የሃይማኖት አባቶች፣ የአባገዳ መሪዎች ወጣቶችን #እንዲያረጋጉ ጥሪ አቅርበዋል።

©BBC
@tsegabwolde @tikvahethiopia

#udate ሳምንታዊ የመንግስት መግለጫ⬇️

በኢትዮጵያ #የህግ የበላይነትን ለማስከበር ከመቼውም ጊዜ በላይ ትኩረት ሰጥቶ እንደሚሰራ አስታወቀ።

የአገሪቷን ሰላም፣ ልማት እና ዴሞክራሲ ለማረጋገጥ የህግ የበላይነት መከበር እንዳለበት የመንግስት ኮሚዩኒኬሽን ጉዳዮች ጽህፈት ቤት ለኢትዮጵያ ዜና አገልግሎት በላከው ሳምንታዊ የመንግስት አቋም መግለጫው አመልክቷል።

በኢትዮጵያ እየተካሄደ ያለው ለውጥ ለህዝቦቿ ተስፋ ሰጪ ከመሆኑ በላይ ከአገር አልፎ ለአጎራባች የአፍሪካ አገሮች ጭምር ተምሳሌት መሆኑን የታወቁ የዓለም ፖለቲካ ተንታኞችና ተቋማት እየመሰከሩለት መሆኑን ጠቅሷል።

ይሁን እንጂ ለውጡን የማይደግፉ ቡድኖች አንዳንድ አደናቃፊ ተግባራትን ሲፈፅሙ እንደሚስተዋል አመልክቷል።

እነዚህ አካላት ከሰሞኑ በቡራዩ እና በአዲስ አበባ አንዳንድ አካባቢዎች ባስነሱት ግጭት የሰው ህይወት ጠፍቷል፤ “የዜጎች ጥሪትም ወድሟል” ሲል አመልክቷል።

“የንፁሃን ዜጎችን ደም ማፍሰስ፣ አካል ማጉደል እና ለዓመታት ለፍተውና ደክመው ያፈሩትን ሃብት በመዝረፍና በማውደም፤ ሁሉም የሚረባረብለትን የለውጥ ጉዞ ለማጠልሸት መስራት ለማንም ትርፍ አያስገኝም” በማለትም አስገንዝቧል።

በመሆኑም በደረሰው ጉዳት ህዝብ እና መንግስት አዝነዋል ያለው የመንግስት መግለጫ “ድርጊቱ የየትኛውንም ብሄር የማይወክል እና ክስተቱ ለውጡን የሚያፋጥን እንጂ ሊያደበዝዝ አይችልም” ብሏል።

በአዲሲቷ ኢትዮጵያ ከእንግዲህ ማሸነፍና ሥልጣን መያዝ የሚቻለው የተሻለ ሃሳብ በማቅረብ ተወዳድሮ በማሸነፍ እንጂ #በአመጽና በኃይል ሊሆን እንደማይችልም በመግለጫው ተመልክቷል።

የህግ የበላይነት ባልሰፈነበት ሁኔታ የአገሪቷን #ሰላም፣ ልማት እና ዴሞክራሲ ማረጋገጥ የማይቻል በመሆኑ መንግስት ኃላፊነቱን ለመወጣት ከመቼውም ጊዜ በላይ ለህግ የበላይነት #መከበር በትኩረት እንደሚሰራ አስታውቋል።

@tsegabwolde @tikvahethiopia

#Udate የኢትዮጵያ፣ የሱዳንና የጂቡቲ መሪዎች የጅማ ዩኒቨርሲቲ ሜዲካል ማዕከልን #መረቁ። የሜዲካል ማዕከሉ 800 የመኝታ ክፍሎች ያሉት ሲሆን፥ በደ/ምዕራብ ኢትዮዽያ ለሚገኙ ከ20 ሚሊየን በላይ ዜጎች የህክምና አገልግሎት መስጠት እንደሚይስችል ተነግሯል።

@tsegabwolde @tikvahethiopia

#Udate የሚዲያ ሕጎች የውይይት መድረክ ከሁሉም ተፉካካሪ የፖለቲካ ፖርቲ እና የሚዲያ ተቋማት አመራሮች ጋር ዛሬ በካፒታል ሆቴል ውይይት ተካሂዷል።

@tsegabwolde @tikvahethiopia

#udate ህንድ ለሁለተኛ ጊዜ ወደ ስፔስ ልታደርግ የነበረውን ጉዞ ከአንድ ሰዓት በታች ጊዜ ሲቀረው በቴክኒክ ችግሮች አማካኝነት ሰርዛለች፡፡ ሳተላይቱ በምስራቃዊ ህንድ ስሪሃሪኮታ ስፔስ ሰኞ 2፡51 ለመንቀሳቀስ ፕሮግራም እንደነበረ ቢቢሲ በዘገባው ገልጿል፡፡ የተሰረዘው የስፔስ ጉዞ መቼ እንደሚደረግ በቀጣይ የሚገለፅ መሆኑም ተገልጿል፡፡

Via #ENA
@tsegabwolde @tikvahethiopia