#update አዲስ አበባ⬆️

በአዲስ አበባ ሲካሄድ የሰነበተው የኢጋድ ስብሰባ በስኬት #ተጠናቅቋል፡፡ በስብሰባው የደቡብ ሱዳኑ ፕሬዝደንት ሳልቫ ኪር፣ ሪያክ ማቻርና የሌሎች ቡድኖች መሪዎች የተሻሻለውን የሰላም ስምምነት ፈርመዋል፡፡ የኢጋድ ሊቀመንበር የሆኑት ጠቅላይ ሚኒስትር #ዐብይ_አህመድ የስምምነቱን ፈራሚዎች እንኳን ደስ ያላችሁ ማለታቸውን ከጠቅላይ ሚኒስትር ፅህፈት ቤት ሃላፊ አቶ ፍፁም አረጋ የትዊተር መልዕክት ለማወቅ ተችሏል።

©ሸገር 102.1
@tsegabwolde @tikvahethiopia

#update አዲስ አበባ ከአንዳንድ አካባቢዎች በስተቀር ፖሊስ ሁኔታዎችን እየተቆጣጠረ ይገኛል። ውጥረት በነበረባቸው አካባቢዎች የንግድ እንቅስቃሴ ቆሟል።

▪️ከሰዓታት በፊት ጠ/ሚ ዶ/ር አብይ አህመድ ሰው #እንዲረጋጋ እና ችግሮችን በንግግር እና በፍቅር እንዲፈታ ጥሪ አቅርበዋል።

በሌላ በኩል⬇️

የፌደራል ፖሊስ ኮሚሽን ኮሚሽነር #ዘይኑ_ጀማል ተቋማቸው የህዝቡን ፀጥታ እና ሰላም ለማስጠበቅ አስፈላጊውን #እርምጃ ሊወስድ እንደሚችል ጠቁመዋል። ቅዳሜ ወደ ሀገር የሚገቡትን የኦነግ አመራሮች ለመቀበል የፀጥታ ተቋሙ በቂ ዝግጅት ማድረጉም ገልፀዋል።

@tsegabwolde @tikvhethiopia

የአግ 7 ወቅታዊ መግለጫ⬇️

አገራችን ኢትዮጵያ ዉስጥ ዛሬ በመከሄድ ላይ ያለዉ የለዉጥ እንቅስቃሴ የለዉጥ ሂደቱ ቀጥተኛ ባለቤት የሆነዉን የኢትዮጵያን #ህዝብ ብቻ ሳይሆን የኢትዮጵያ ሰላምና መረጋጋት የናፈቀዉን መላዉን የአለም ህዝብ ያስደመመ ለዉጥ ነዉ። ይህ እኛ ኢትዮጵያዊያን ለዘመናት ከተጠናወተን የባዶ ድምር የመጠፋፋት ፖለቲካ አላቆን ልዪነቶቻችንን በሰለጠነ መንገድ ማስወገድ ወደምንችልበት የፖለቲካ ስርአት የሚወስደን የለዉጥ ሂደት ባለፉት ጥቂት ወራት በብዙ ውጣዉረዶች ዉስጥ የተጓዘ ቢሆንም አጀማመሩ የሚያበረታታና ተስፋ የሰነቀ ነዉ።

ባለፉት ሁለትና ሦስት ወራት ዉስጥ በግልጽ እንደተመለከትነዉ የዚህ ለዉጥ ደጋፊ የሆኑና ለዉጡን ወደፊት ለማራመድ የሚፈልጉ የሰብዓዊ መብት ታጋዮች፥ ታዋቂ ግለሰቦች፥ የፖለቲካ ድርጅቶችና የሀይማኖት አባቶች ለብዙ አመታት በስደት ከኖሩባቸዉ አገሮች ወደ
እናት አገራቸዉ ኢትዮጵያ ተመልሰዋል። ከእነዚህ ወደ አገራቸዉ ከተመለሱ የፖለቲካ ድርጅቶች ዉስጥ አንዱ አርበኞች ግንቦት 7 ነዉ።

አርበኞች ግንቦት 7 ገና ከምስረታዉ ጀምሮ ካራመዳቸዉና ዛሬም በግምባር ቀደም ከሚያራምዳቸዉ መርሆዎች ዉስጥ አንዱና ዋነኛዉ ኢትዮጵያ ዉስጥ የሚመሰረተዉ የፖለቲካ ስርአት በዜግነት ላይ የተመሰረተ የፖለቲካ ስርአት መሆን አለበት የሚል ጠንካራ መርህ ነዉ።

የዜግነት ፖለቲካ ደግሞ የራሱ መብትና ነጻነት እንዲከበር የሚፈልገዉን ያክል እሱም የሌሎችን መብትና ነጻነት ማክበር እንዳለበት የሚያውቅና የሚረዳ ዜጋ መኖርን የግድ ይላል። አርበኞች ግንቦት 7 ኢትዮጵያ ዉስጥ መገንባት አለበት ብሎ ለአመታት የታገለለት ዲሞክራሲያዊ ስርአት ከሚፈልጋቸዉ ቅድመ ሁኔታዎች ዉስጥ አንዱና ትልቁ የፖለቲካ አካሄዳቸዉ ከማይጥመንና በሃሳብ ከምንለያያቸዉ ግለሰቦችና ድርጅቶች ወይም የወል ስብሰቦች ጋር ተከባብሮና ተቻችሎ መኖር መቻልን ነዉ። የማይስማማንን እና የምንቃወመዉን የፖለቲካ አቋም ሠላማዊ በሆነ መንገድ ማስተናገድ የማንችል ከሆነ #ዲሞክራሲያዊ ስርአት መገንባት ቀርቶ ስለ ዲሞክራሲ ማሰብም አንችልም።

ባለፈዉ እሁድ ጳጉሜ 4 ቀን 2010 ዓም በዉጭ አገሮች ለረጂም አመታት ይንቀሳቀሱ የነበሩት የአርበኞች ግንቦት 7 ንቅናቄ ከፍተኛ አመራር አባላት ወደ አገራቸዉ ሲመለሱ የአዲስ አበባና አካባቢዉ ነዋሪ ህዝብ በነቂስ ወጥቶ የኔ ነዉ ብሎ የሚያምንበትን የኢትዮጵያ ሰንደቅ አላማ እያውለበለበ በደስታና በሆታ ከፍተኛ አቀባበል አድርጎላቸዋል።

አገር ውስጥ ሆነው በነጻነት ትግል ለማካሄድ እንዳይችሉ የተገፉ ሌሎችም የፖለቲካ ድርጅቶች ባለፉት ሶስት ወራት ዉስጥ ወደ አገራቸዉ ወደ ኢትዮጵያ ተመልሰዋል፥ አሁንም በመመለስ ላይ ናቸዉ። እነዚህ ወደ አገራቸዉ የሚመለሱ የተለያዩ የፖለቲካ ድርጅቶች እናራምዳለን ብለዉ የታገሉለትን የፖለቲካ ፕሮግራምና የኤኮኖሚ ፖሊሲ አምኖ የተቀበለ አባልና ደጋፊ አላቸዉ። የአርበኞች ግንቦት 7 አባላትና ደጋፊዎች የንቅናቄዉ አመራር አባላት ከዉጭ አገሮች ሲገቡ #ያሰኛቸዉን አርማና መፈክር ይዘዉ ወጥተዉ አንደተቀብሏቸዉ ሁሉ አሁን በመግባት ላይ ያሉና ወደፊትም ወደ አገራቸዉ የሚገቡ የፖለቲካ ድርጅቶች አባላትና ደጋፊዎች ያሰኛቸዉን አርማና መፈክር አንግበዉ መሪዎቻቸዉን የመቀበል ሙሉ #መብት ሊኖራቸዉ ይገባል ብሎ አርበኞች ግንቦት 7 በጽኑ ያምናል። ንቅናቄው ከተቋቋመበት ጊዜ ጀምሮ በጽናት እየታገለ ያለው ዜጎች ድጋፋቸውንም ሆነ ተቃውሟቸውን #በነጻነት መግለጽ የሚችሉበት ሥርአት በአገራችን እንዲሰፍን ነዉ እንጂ አንዱ የሌላውን መብት በጉልበትና በሀይል መጨፍለቅ እንዲችል አይደለም።

ከሰሞኑ በአንዳንድ የአዲስ አበባ አካባቢዎች የኦሮሞ ነጻነት ግንባር መሪዎች ወደ አገራቸዉ ሲመለሱ ደማቅ አቀባበል ለማድረግ የድርጅቱ አባላትና ደጋፊዎች በጎዳናዎች ላይ የሰቀሉትን የድርጅታቸውን ባንዲራ እናወርዳለን በሚሉና መውረድ የለበትም በሚሉ ሀይሎች መካከል የተነሳዉ አግባብ የለሽ #ግጭት ንቅናቄያችን የሚታገልለትን የዲሞክራሲ መርህ #የሚጻረር ተግባር ከመሆኑም በላይ በአገራችን የፈነጠቀውን የመቻቻል ፖለቲካ ከጅምሩ የሚያደበዝዝ በመሆኑ አርበኞች ግንቦት 7 ድርጊቱን በጽኑ #እያወገዘ በዚህ ተግባር ላይ የተሰማሩ የንቅናቄያችን አባላትና #ደጋፊዎች ቢኖሩ ከዚህ አይነቱ ትርጉም የለሽና ፀረ-ዲሞክራሲ የሆነ እንቅስቃሴ በአስቸኳይ #እንዲታቀቡ ያሳስባል።

አገራችን ኢትዮጵያ ዉስጥ የፖለቲካ ልዩነቶችን ማስተናገድ የሚችል የፖለቲካ ስርአት እንገነባለን ስንል የተለያዩ የፖለቲካ ሀይሎች በፖለቲካ አስተሳስብና በርዕዮተ አለም ቢለያዩም በልዩነቶቻቸዉ ላይ ተከባብረዉና የህዝብን ዳኝነት ተቀብለዉ መኖር አለባቸዉ ማለት ነዉ።

ስለሆነም ከሰሞኑ በአንዳንድ የአዲስ አበባ አካባቢዎች በታዩ ሽኩቻዎች ላይ በሁለቱም ጎራዎች የተሳተፉ ሀይሎች ሁሉ እንደ ማህበረሰብ አንድ ላይ ከሚያጠፋን የፖለቲካ አካሄድ ተላቅቀዉ እንደ አንድ አገር ህዝብ ጎን ለጎን አብሮ የሚያቆመንን የፖለቲካ ስርአት በጋራ መገንባት የሚያስችለንን ሁኔታ ፈጥረን የጋራ አገራችንን በጋራ እንድንገነባ አርበኞች ግንቦት 7 አገራዊ የአደራ ጥሪ ያስተላልፋል።

ኢትዮጵያ በልጆቿ ታፍራና ተከብራ ለዘለአለም ትኑር!!!

የአርበኞች ግንቦት 7 ንቅናቄ
@tsegabwolde @tikvahethiopia

#update የኦነግ አቀባበል⬇️

ለኦሮሞ ነፃነት ግንባር (ኦነግ) የሚደረገው የአቀባበል ስነ ስርዓት ሰላማዊ በሆነ መንገድ እንዲጠናቀቅ #ህብረተሰቡ የበኩሉን እንዲወጣ የኦሮሚያ ብሄራዊ ክልላዊ መንግስት ጥሪ አቅርቧል።

የክልሉ የመንግስት ኮሙዩኒኬሽን ጉዳዮች ቢሮ ሀላፊ ዶክተር ነገሪ ሌንጮ በዛሬው እለት በሰጡት መግለጫ፥ ኦሮሞ ነፃነት ግንባር የፊታችን ቅዳሜ መስከረምን 5 2011 ዓ.ም አዲስ አበባ ደማቅ የአቀባበል ስነ ስርዓት እንደሚደረግ አስታውቀዋል።

ለኦነግ የሚደረገው አቀባበል ስነ ስርዓት ለኦሮሞ ህዝብ ክብር የሚዘጋጅ ነው ያሉት ዶክተር ነገሪ፥ ለኦሮሞ ነፃነት ግንባር ደማቅ አቀባበል ለማድረግ ዝግጅት መጠናቀቁን አስታውቀዋል።

ለኦሮሞ ነፃነት ግንባር የሚደረገው አቀባበል ሰላማዊ በሆነ መንገድ እንዲጠናቀቅ ህብረተሰቡ የበኩሉን ሀላፊነት እንዲወጣም ጥሪ አቅርበዋል።

ዶክተር ነገሪ፥ በአሁኑ ወቅት በሀገሪቱ የዴሞክራሲ ምህዳር መስፋፋቱን ተከትሎ መቀመጫቸውን በውጭ ሀገራት አድርገው የነበሩ የተለያዩ የፖለቲካ ድርጅቶች ወደ ሀገር እየገቡ መሆኑን አንስተዋል።

ከውጭ ሀገራት እየተመለሱ ላሉና ለተመሱ የፖለቲካ ድርጅቶችም በክልል እና በፌደራል ደረጃ አቀባበል ተደርጎላቸዋልም፤ እየተደረገላቸው ይገኛልም ያሉት ዶክተር ነገሪ፥ መስከረም 5 2011 ዓ.ም ምህረት የሚደረገው አቀባበል በተለይ ወጣቶች የህዝቡን አንድነት በሚጠብቅ መልኩ እንዲሆን ማድረግ አለበት ሲሉም መልእክታቸውን አስተላልፈዋል።

ይህ የአቀባበል ስነ ስርዓት #የማያስደስታቸው አካላት ሊኖሩ ይችላሉ ያሉት ዶክተር ነገሪ፥ በተለይ ወጣቱ ከእነዚህ አካላት የሚመጡ ትንኮሳዎችን በብስለት ማለፍ እንዳለበትም አሳስበዋል።

እንዲሁም የአቀባበል ስነ ስርዓቱ ላይ ለየት ያለ ነገር በሚመለከቱበት ወቅት ለፀጥታ አካላት ጥቆማ እንዲሰጡም ጥሪ ማቅረባቸውን የክልሉ መንግስት ኮሙዩኒኬሽን ጉዳዮች ቢሮ አስታውቋል።

ዶክተር ነገሪ አክለውም፥ ማንኛውም አካል #ይገልፀኛል፤ ይወክለኛል የሚለውን ምልክትና ባንዲራ የመያዝ መብት አለው፤ የተደረገው ትግልም ሀሳብን በነፃነት መግለጽ እንዲቻል ነው ብለዋል።

ሆኖም ግን በአሁኑ ወቅት ከባንዲራ ጋር ተያይዞ በአዲስ አበባ ከተማ በትናንትናው እና በዛሬው እለት የሚስተዋሉ ችግሮች በምንም መስፈርት #ተቀባይነት የሌለ ነው ሲሉም ገልፀዋል።

አሁን ያለንበት ወቅት ምክንያት ፈልገን የምንጣላበት ሳይሆን ምክንያት ፈልገን አንድነታችንን የምናጠናክርበት ነው ያሉት ዶክተር ነገሪ፥ ማንኛውም አካል ከባንዲራ ጋር በተያያዘ #ሊጋጭ አይገባም ብለዋል።

©fbc
@tsegabwolde @tikvahethiopia

#update አዲስ አበባ - ዛሬ⬇️

🔹1

ዛሬም በአዲስ አበባ አንዳንድ አካባቢዎች #ስንደቅ_አላማ በመስቀልና የከተማዋን ጎዳናዎች በማቅለም ዙሪያ አለመግባባቶች ታይተዋል። #አዲሱ_ገበያ አካባቢ የኦነግን አርማ ይሰቀል/ይቀባ በሚሉና ቀድሞ የተሰቀለው አረንጓዴ ቢጫ ቀዩ ስንደቅ #አናስነካም ባሉ ወጣቶች መካከል ግብ ግብ ተነስቶ ፖሊስ ጣልቃ ገብቷል። በአስለቃሽ ጭስ ወጣቶቹን መበተን ያቃተው ፖሊስ ጥይት ወደ ስማይ #ተኩሷል። ኋላም በዶፍ ዝናብ ምክንያት ወጣቶቹ #ተበትነዋል።
.
.
🔹2

የአዲስ አበባ ወጣቶችም ሆኑ የኦነግ ደጋፊዎች ከጠብ #አጫሪነት እንዲቆጠቡ ይህ ካልሆነ ግን ፖሊስ የህዝቡን ደህንነት ለማስከበር #እርምጃ እንደሚወስድ የፌደራል ፖሊስ ኮምሽነር ዘይኑ ጀማል አስታወቁ። ባለፉት ሁለት ቀናት ለንብረት ውድመት ምክንያት የሆኑ ግጭቶች መከሰታቸውንና ሁኔታው ተባብሶ በፖሊስ ጣቢያዎች ላይ ጉዳት ለማድረስ ሙከራ መደረጉን የተናገሩት ኮምሽነር ዘይኑ ማናቸውም ዜጋ ያመነበትን የፖለቲካ ድርጅት አርማ ይዞ #የመውጣትና ተገቢ በሆኑ አካባቢዎች የመስቀል መብቱ የተከበረ ሲሆን፣ ጎዳናዎችንና የጋራ መገልገያዎችን #ቀለም መቀባት ግን ተገቢ አለመሆኑን አስረድተዋል።
.
.
🔹3

#የኦነግ አቀባበል ኮሚቴ በሰጠው መግለጫ የድርጅቱ ደጋፊዎች ከግጭት እራሳቸውን በማራቅ በሰላማዊ መንገድ እንዲንቀሳቀሱ #አሳስቧል።

ምንጭ፦ ዋዜማ ራድዮ
@tsegabwolde @tikvahethiopia

#udate ኢንሴኖ⬇️

ቡታጅራ አቅራቢያ ኢንሴኖ በተባለች ከተማ አለመረጋጋት መኖሩን በከተማዋ የሚገኙ የቻናላችን አባላት ገልፀዋል። የክልል ልዩ ሀይል ሁኔታውን ለመቆጣጠር እየሰራ እንደሆነም ተሰምቷል።

📌ለአለመረጋጋቱ መነሻ የሆነውን ጉዳይ እንዲሁም ስለ ደረሰው ጉዳት ዝርዝር እና የተጣራ መረጃ ሲደርሰኝ ወደናተ አደርሳለሁ።
@tsegabwolde @tikvahethiopia

#update አዲስ አበባ⬆️

የአዲስ አበባ ከተማ አስተዳደር "ሀሳብ አመንጪ ህብረት" ( think tank group) ሊያቋቁም ነው። አስተዳደሩ በከተማዋ የሚገኙ ምሁራን፣ የሚዲያ ባለሙያዎች፣ ተፅዕኖ ፈጣሪ ግለሰቦችን ጨምሮ ከተለያዪ የማሕበረሰብ ክፍሎች ከተወጣጡ ግለሰቦች ጋር በከተማዋ አስተዳደራዊ ራዕይ እና አወቃቀር ላይ ሀሳብ አመንጪ ህብረት ለመመስረት ውይይት አድርጓል።

ምንጭ፦ የአዲስ አበባ ከንቲባ ቢሮ
@tsegabwolde @tikvahethiopia

#update ፌደራል ፖሊስ-አልታገስም አለ⬆️

ወደ ሀገር ቤት የሚገቡ የድርጅት አመራሮችን ለመቀበል በሚደረግ ቅድመ ዝግጅት ላይ በወጣቶች መካከል እየተፈጠረ ያለውን ግጭትና ህገወጥ ተግባር ከዚህ በኋላ #እንደማይትገስ የፌደራል ፖሊስ አስታወቀ።

የፌደራል ፖሊስ ኮሚሽን ኮሚሽነር ጀነራል ዘይኑ ጀማል ከአርበኞች ግንቦት 7 ንቅናቄ ሊቀመንበር ፕሮፌሰር ብርሃኑ ነጋ እና ከኦሮሞ ነጻነት ግንባር የስራ አስፈጻሚ አባል አቶ ኢብሳ ነገዎ ጋር በመሆን መግለጫ ሰጥተዋል።

በመግለጫው ላይም ኮሚሽነር #ዘይኑ_ጀማል፥ በትናንትናው እለት እና ዛሬ ወደ ሀገር ቤት የሚገቡ የድርጅት አመራሮችን ለመቀበል በሚደረግ ቅድመ ዝግጅት ላይ በወጣቶች መካከል ግጭት መፈጠሩን አስታውቀዋል።

በአቶ ዳውድ ኢብሳ የሚመራውን #የኦነግ ቡድን ለመቀበል እየተደረገ ባለ ቅድመ ዝግጅት ወቅት ወጣቶች የድርጅቱን አርማ ለመስቀል ዝግጅት እያደረጉ ነበር፤ ይህንን የከለከላቸው አካል የለም ያሉት ኮሚሽነር ዘይኑ፥ ሆኖም ግን አስፋልትን ጨምሮ የተለያዩ ተቋማትን እንዳያቀልሙ ተከልክው፤ ይህንንም ተወያይተን እሺ ብለው ተቀብለው ትተው ነበር ብለዋል።

ሆኖም ግን ማንም ያልፈቀደላቸው አካላት የእነሱን ባንዲራ አውርደው የሌላ ለመስቀል ሲሉ ግጭት ተፈጥሯል ሲሉም ገልፀዋል።

ግጭቱ ለማንም ጠቃሚ አይደለም ያሉት ኮሚሽነር ዘይኑ፥ ችግሩን #በውይይት መፍታት ሲቻል ወደ አላስፈላጊ ግጭት መግባት ተገቢ አይደለም ሲሉም ተናግረዋል።

ፖሊስ የህግ የበላይነትን የማስከበር ሀላፊነት ስላለበት ከዚህ በኋ እንዲህ አይነት #ግጭቶችን በትእግስት እንደማያልፍም ኮሚሽነር ዘይኑ አሳስበዋል።

የአርበኞች ግንቦት ሰባት ንቅናቄ ሊቀመንበር ፕሮፌሰር #ብርሃኑ_ነጋ፥ የዴሞክራሲ ስርዓትን እንገንባ ብለን ስንሰና ስርዓቱን ለመገንባት የሚያስፈልግ እነዚህን ባህሪያትን ተቀብለን ካልተነሳን ግን ስርዓቱን መገንባት እንችልም ብለዋል።

የዴሞክራሲ ስርዓት ግንባታ ውስጥ ልዩነቶችን መቀበል የግድ ነው ያሉት ፕሮፌሰር ብርሃኑ፥ ልዩነቶቹ ደግሞ ሀሳቦችን፣ አርማዎችን እና ባንዲራዎችን ሊያጠቃልል ይችላል ብለዋል።

ትናንትና እና ዛሬ በአዲስ አበባ የተስተዋሉ ችግሮች ደግሞ ከዚህ ጋር የሚፃረሩ ነው ያሉት ፕሮፌሰር ብርሃኑ፥ ማንኛውም አካል ስሜቴን ይገልፅልኛል ያለውን አርማ የመያዝ እና የማውለብለብ #መብት አለው ሲሉም ተናግረዋል።

የኦሮሞ ነጻነት ግንባር የስራ አስፈጻሚ አባል አቶ #ኢብሳ_ነገዎ በበኩላቸው፥ ሰሞኑን በአዲስ አበባ እና አካባቢዋ የተስተዋለው ችግር #ተቀባይነት የሌለው መሆኑን አንስተዋል።

ወጣቱም ከዚህ አይነት እንቅስቃሴዎች ሊቆጠብ እንደሚገባም አቶ ኢብሳ ጥሪ አስተላልፈዋል።

አሁን ላይ እየታየ ያለው ግጭት እና ያልተገባ #ፉክክር ድርጅታቸውን የማይወክል መሆኑንም ነው አቶ ኢንብሳ ተናግረዋል።

©Fbc
@tsegabwolde @tikvahethiopia

ዛሬም እደግመዋለሁ...ሰዎች #እናስተውል! ስለ ሀገር ክብር እና ስለ #ባንዲራ ክብር የምናወራው ሰላማዊ ሀገር #ሲኖረን ብቻ ነው። ከሌሎች ሀገራት ትምህርት መውሰድ ካልቻልን ነገ እኛም የነሱ ዕጣ ይደርሰናል። ዛሬ ቆም ብለን ካላስተዋልን ነገ እኛን እንኳ የሚቀብረን እናጣለን! ዛሬ በደንብ ካላሰብን ለታሪክ ነጋሪ እንኳን በዚህች ምድር ሰው አይኖርም።
.
.
ተው ግን ፈጣሪን ክፉኛ አናስቀይመው፤ የለመነውን ምንም ሳይሰስት እየሰጠን እኛ ግን ያለንን ባለማወቃችን ወደ ተሳሳተ አቅጣጫ እያመራን ነው።
.
.
በምታምኑት አምላክ ስም መሬት ላይ ተደፍቼ ልማፀናችሁ የቴሌግራም እና የፌስቡክ አርበኞች #ለምስኪን ህፃናት ህይወት ብላችሁ ህዝብን ለጥፋት ከመቀስቀስ ተቆጠቡ! በምታምኑት አምላክ ይሁንባችሁ ነገሮችን እያጋነናችሁ ህዝቡን ለጥፋት አትገፋፉት! ለምስኪን ህፃናት ቀጣይ ህይወት ብላችሁ አደብ ግዙ!

ፍቅር ይሻለናል!
አንድነት ይሻለናል!
ፈጣሪን መፍራት ይበጀናል!
ከስሜታዊነት መውጣት ይበጀናል!
እኔ ብቻ አዋቂ ነኝ ከሚል ስሜት መውጣት ይበጀናል!

ፈጣሪ ሀገራችንን ይጠብቅልን!
#ETHIOPIA

ፀጋአብ ወልዴ~ኢትዮጵያ
@tsegabwolde @tikvahethiopia

#update ቀዳማዊት እመቤት #ዝናሽ_ታያቸው በኦሮሚያና ደቡብ ክልሎች ለሚገነቡ ሁለተኛ ደረጃ
ትምህርት ቤቶች የግንባታ ማስጀመሪያ የመግባቢያ ስምምነት ከክልሎቹ ትምህርት ቢሮ ኃላፊዎች ጋር በትናንትናው ዕለት ፈርመዋል።

©fbc
@tsegabwolde @tikvahethiopia

#update ከተመረቀ አንድ ወር ያልሞላው #የረጲ ሀይል ማመንጫ ስራ አቆመ። ከቆሻሻ ሀይል የሚያመነጨው ይህ ተቋም ከታቀደውና ከዲዛይኑ ሀይል የማምረት አቅም በግማሽ ያህል ብቻ መስራት ቢጀምርም አሁን ያላለቁ ስራዎችን ለማከናወን በሚል ስራ ማቆሙን ሪፖርተር ዘግቧል።

@tsegabwolde @tikvahethiopia