ወንድሙ #የተገደለበት ሁሉ የገዳዮቹን ወንድሞች #ልግደል ካለ ሁላችንም ያለ ወንድም እንቀራለን!!
.
.
.

"በክልላችን በነበረው ብልሹ አስተዳደር ብዙ ችግሮች ተፈጥረዋል። ሁላችንም ተበድለናል። የተፈጸሙትን በደሎችና ችግሮች እንቁጠራቸው ብንል አንችልም። ይቅርታ አድርጉልኝና ማን ማንን እንደሚያጽናና አላውቅም። በደሎቹን ማስታወስና ቁስላችንን መቆስቆስ አያስፈልግም። አልሃምዱሊላህ አሁን ሁሉም አልፏል። ወገኖቼ እምባ ይብቃን፥ ማቃችንን እንጣል፥ በአዲስ መንፈስ እንነሳ። የጥላቻን እና ብቀላን ጦስ እስኪበቃን አይተናል። ወንድሙ የተገደለበት ሁሉ የገዳዮቹን ወንድሞች ልግደል ካለ ሁላችንም ያለ ወንድም እንቀራለን፥ ሁላችንም እንጠፋለን። ጥላቻ #በፍቅር እንጂ በበቀል አይሸነፍም። ስለዚህ #ካለፈው ተምረን #በፍቅር እና #በይቅርታ፥ በአዲስ ሞራል እጅ ለእጅ ተያይዘን ለጋራ ሰላም፥ ዲሞክራሲና ልማት እንረባረብ"

የሶማሌ ክልል ምክትል ርዕሰ መስተዳደር (#ሙስጠፈ_መሀመድ_ኡመር)

©Yoseph Legess
@tsegabwolde @tikvahethiopia

ጳጉሜ 2 - የፍቅር ቀን

#በፍቅር ተደምረን፤ #በይቅርታ እንሻገር!

ክፉ አያግኛችሁ! ሰላም እደሩልኝ!
@tsegabwolde @tikvahethiopia

🕊ዝግጅቱ በሰላም ተጠናቋል🕊

የአዲስ አበባ ወጣቶችም ከተለያዩ የኦሮሚያ ክልል የመጡትን እንግዶች(ቄሮዎች) #በፍቅር እና በአክብሮት እየሸኙ ይገኛሉ።

@tsegabwolde @tikvahethiopia

አርባ ምንጭ! ነገ በአርባ ምንጭ ከተማ በአዲስ አበባ ዙሪያ የተፈፀመው ድርጊት የሚያወግዝ ሰልፍ እንደሚደረገ ሰምቻለሁ። ጨዋው የአርባ ምንጭ ህዝብ ተቃውሞውን እና ሀዘኑን በሰላማዊ መልኩ እንደሚገልፅ ሙሉ እምነት አለኝ። ለዚህ ደግሞ ሰላም ወዳዶቹ የአርባ ምንጭ ወጣቶች ምስክር ናቸው።
.
.
ተጨማሪ...

የጋሞ ጎፋ ዞን አስተዳደር ጉዳት ለደረሰባቸው ወገኖች ለጊዜው የ1 ሚሊየን ብር ድጋፍ እንደሚያደርግ የተጠቆመ ሲሆን በአዲስ አበባ ዙሪያ የተፈፀመውን ድርጊት በእጅጉ ኮንኗል። ጋሞ ጎፋ ዞን ብሔር ብሔረሰቦች ተቻችለው #በፍቅር የሚኖርበት ዞን በመሆኑ መላው የዞኑ ህዝብ በትግስት እና #አኩሪ ዕሴቱን በመጠበቅ እንዲሁም በህግ #ተቀባይነት የሌለው ተግባር #በላመፈጸም እንዲተባበር ከዞኑ ጥሪ ቀርቧል።

@tsegabwolde @tikvahethiopia

ደብረ ማርቆስ⬆️

ኢትዮጵያና ኤርትራ ለሁለት አስርት ዓመታት ያህል ያሳለፉትን ኩርፊያ ይበቃል በማለት የሰላምና የወዳጅነት ስምምነት መፈረማቸውን ተከትሎ በርካታ በጎ ተግባራትን በመስማት ላይ እንገኛለን፡፡

ከወደ ደብረማርቆስ የተሰማው ጉዳይም የዚሁ አዲስ ጅምር አንዱ አካል ነው፡፡

የደብረማርቆስ ህዝብ ከዓመታት መለያየት በኋላ #ከኤርትራ የመጡ አብሮ አደጎቹን ተቀብሏል፡፡

ከ20 ዓመታት በፊት ኑሯቸውን በደብረ ማርቆስ ከተማ አድርገው ነበር፤ የወቅቱ አስከፊ የፖለቲካ ውሳኔ ግን በአካል እንጂ በመንፈስ ካልተለዩት ህዝብ ጋር ሳይፈልጉ ተገደው እንዲለዩ አደረጋቸው፡፡

ዛሬ ታሪክ ተቀይሯል መለያየት በአብሮነት፤ ጥላቻ #በፍቅር ድል ተነስተዋል፡፡

እናም አቶ ተስፋ ሚካኤል ግደይና አቶ መድሃኔ ግደይ ወደ ቀድሞ ከተማቸው ተመልሰዋል፡፡ ደብረ ማርቆስም የትናንት ልጆቿን የዛሬ እንግዶቿን እልል…! ብላ
ተቀብላለች፡፡

ከአቀባበሉ በኋላ ደግሞ የህዝቡን ቃል አክባሪነት እና ታማኝነት ያስመሰከረ አንድ አስገራሚ ዕውነታ ተገለጠ፡፡

ወደ ኤርትራ በሄዱበት ወቅት ትተውት የሄዱት ቤት ተጠብቆ ቆይቶላቸው ነበርና ህዝቡ ለባለቤቶቹ አስረክቧል፡፡

የኢትዮጵዊነት እሴትም በተግባር ታየ በተጨማሪም ህዝቡ ለኤርትራዊያኑ ወንድሞቹ የጋቢ ስጦታም አበርክቶላቸዋል።

©fbc
@tsegabwolde @tikvahethiopia

"እኛ ኢትዮጵያዊያን በፍቅር የተደመርን፤ #በፍቅር ያደግን ሰዎች ነን! አማራ~ኦሮሞ ትላልቅ ብሄሮች ለኢትዮጵያ #ውበት ነን!"

የአምቦ ዩኒቨርሲቲ(አዋሮ ካምፓስ) ተማሪዎች ዛሬ ባደረጉት የአንድነት ሰልፍ ካሰሙት መፈክር የተወሰደ!
@tsegabwolde @tikvahethiopia

አማራ🕊ቅማንት!

የአማራ ክልል ምክትል ርዕሰ መስተዳድር አቶ ላቀ አያሌው ሰሞኑን ግጭት እየተስተዋለባቸው ባሉ የማዕከላዊ ጎንደር ቀበሌዎች በመገኘት ከአርሶ አደሮች ጋር ዛሬ ተወያይተዋል። ካሳለፍነው እሁድ ሌሊት ጀምሮ በጭልጋ ወረዳ ባሉ ቀበሌዎች በተመሳሳይ ሰዓት በተፈጠረ ጥቃት የሰው ህይወት አልፏል፡፡ በርካታ ቤቶች ላይ ደግሞ ቃጠሎእና ዝርፊያ ተፈጽሟል።

ምክትል ርዕሰ መስተዳድሩ አቶ #ላቀ_አያሌው ቤት ንብረታቸው ተቃጥሎ ንብረታቸውን ጭምር ተዘርፈው ተፈናቅለው በአንድ ቦታ ከተሰበሰቡ
ተፈናቃዮች ጋር ባደረጉት ቆይታ አርሶ አደሮቹ በርካታ ሃሳቦችን አቅርበዋል።

የአማራና ቅማንት ህዝብ ዘመናትን በአብሮነት #በሰላምና #በፍቅር አሳልፎ የተዋለደ አንድ ህዝብ ቢሆንም ሁለቱ ህዝብ እንዲለያይ ተደርጓል። ይሁን እንጅ በተፈጠረው ሴራ አሁንም ድረስ ግጭቶች እንዲፈጠሩ ብሎም ሞትና ስደት እንዲፈጠር መደረጉ አሳዛኝ ነው ያሉት አርሶ አደሮቹ በተለይ የቅማንት ሰዎች ነን የሚሉ ዘመናዊ መሳሪያና የወታደር ልብስ የታጠቁ አካላት በአማራው ላይ ግፍ እየፈፀሙ ናቸው ብለዋል።

ራሳችንን ለመከላከል ጥረት በምናደርግበት ወቅትም የማናውቃቸው ፀጥታ ነን የሚሉ አካላት አማራው ላይ ጫና እያሳደሩ ለሞት ስደት እና ዝርፊያ እንድንዳረግ አድርገዋል ብለዋል።

መንግስት ወንጀል እየፈፀሙ ያሉ ግለሰቦችን ድርጅቶችንና በማንነት ስም የሚነግዱ አካላትን በመለየት እርምጃ መውሰድና ህግን ማስከበር አለበት ብለዋል።

አሁን ተፈናቅለን ያለን አርሶ አደሮች መሰረታዊ ፍላጎቶቻችንን እየጨረስን በመሆኑ መንግስት ሊደርስልን ይገባልም ብለዋል።

ከአንድ ቀበሌ ተሰባስበው የመጡ ተፈናቃዮች ወደ 500 አርሶ አደሮች እንደሚደርሱ የገለፁ ሲሆን በተለይ ህፃናትና ሴቶች እንዲሁም አረጋውያን ለከፋ ግጭት እየተጋለጡ መሆናቸውን ተናግረዋል።

የቅማንት ህዝብ የማንነት ጥያቄ በክልሉ ምክር ቤት ራሱን እንዲችል ውሳኔ ከተሰጠ ወዲህ በነባሩ ጭልጋ(የአማራ ወኪል) እና በጭልጋ ቁጥር አንድ (የቅማንት ወኪል) በሚል ለሁለት አስተዳደር የተከፈለችው የጭልጋ ወረዳ አስተዳዳሪዎቿ በሰጡት አስተያየት እየተከሰተ ያለው ግጭት የሁለቱንም ህዝብ ፍላጎት የሚያንፀባረቅ አለመሆኑን ተናግረዋል። በማንነት ስም ሁከትና ትርምስ እየፈጠሩ ባሉ አካላት ላይ የማያድግም እርምጃ በመውሰድ መፍትሄ መስጠት የክልሉና የፌዴራል መንግስት ድርሻ ነው ብለዋል።

የክልሉ ምክትል ርዕሰ መስተዳድር አቶ ላቀ በበኩላቸው በተደራጀና በተቀናጀ መልኩ የሚሰሩና የሁለቱንም ህዝቦች የማይወክሉ አካላት መኖራቸውን ገልፀው ወንጀለኞችን በቁጥጥር ስር ለማዋል ከሚመለከታቸው የፀጥታ አካላት ጋር እየተሰራ መሆኑን ተናግረዋል። ለዚህም
የሁለቱ ህዝቦች ወንጀለኞችን የማጋለጥ ስራ በማከናወን ከመንግስት ጎን መቆም አለባችሁ ብለዋል።

የክልሉ መንግስት ችግሩ ዘላቂ መፍትሄ እንዲያገኝ በትኩረት እየሰራ መሆኑን የገለፁት አቶ ላቀ በግጭቱ ጉዳት ለደረሰባቸው ህዝቦች ድጋፍ እንደሚያደርግ አስታውቀዋል።

በጭልጋ ወረዳ በተቀሰቀሰው የሰሞኑ ግጭት ክቡር የሆነው የሰው ልጅ ሞትን ጨምሮ ከ700 ቤቶች በላይ ተቃጥለዋል፤ ንብረት ተዘርፏል። ሰብል ክምር ተቃጥሏል። በአካባቢው ህገ ወጥ ድርጊቶች ተበራክተዋል።

የፌዴራል ወታደርና የክልሉ የፀጥታ ሃይል በአካባቢው ባይመጣ ኖሮ ችግሩ ከቁጥጥር ውጭ ሊሆን እንደሚችል የአካባቢ ነዋሪዎችና አመራሮች ለአብመድ ተናግረዋል።

የጭልጋ ወረዳ ዋና መቀመጫ አይከል በአሁኑ ሰዓት ከማህበራዊና ኢኮኖሚያዊ እንቅስቃሴዎች ውጭ ሆናለች። ትምህርት ቤቶች ስራቸውን አቁመዋል። የትራንስፓርት እንቅስቃሴም የለም፡፡

ምንጭ፦ አብመድ
@tsegabwolde @tikvahethiopia

ለTIKVAH-ETH ቤተሰብ አባላት...

(ወላይታ ሶዶ ዩኒቨርሲቲ)
#STOP_HATE_SPEECH

በሀገር አቀፍ ደረጃ TIKVAH-ETH "የፀረ ጥላቻ ንግግር" ዘመቻ በማካሄድ ላይ ይገኛል። በተለይም በማህበራዊ ሚዲያዎች እየተሰራጩ ያሉ የጥላቻ ንግግሮች ሀገራችንን #ወደማትወጣው መከራ ውስጥ የሚከታት በመሆኑ ጊዜው ሳይረፍድ ይህን እኩይ ተግባር በጋራ መዋጋት ያስፈልጋል።

በቅድሚያ በሺዎች የሚቆጠሩ የሀገራችን ወጣቶች በሚገኙባቸው ከፍተኛ የትምህርት ተቋማት ውስጥ ትኩረት በማድረግ የጥላቻ ንግግር ሊያመጣ የሚችለውን ችግር የማስገንዘብ ስራ እየሰራን እንገኛልን።

ሀሳቡን ካቀረብንላቸው የሀገራችን ዩኒቨርሲቲዎች መካከል የወላይታ ሶዶ ዩኒቨርሲቲ ፈጣን ምላሽ በመስጠት ሀሳቡን በመደገፍ እንዲሁም ዘመቻውን ለማገዝ ፍቃደኝነቱን ያሳየን #የመጀመሪያውን ተቋም ነው። በዚህ አጋጣሚ በዶክተር #ታከለ ለሚመራው የዩኒቨርሲቲው አስተዳደር እንዲሁም #ለተማሪዎች_ህብረቱ ያለንን ላቅ ያለ ምስጋናና ክብር እንገልፃለን!!
.
.
.
ውድ የወላይታ ሶዶ ዩኒቨርሲቲ ተማሪዎች ኑ ...3 ተከታታይ ምሽቶችን ከTIKVAH-ETH ጋር አሳልፉ! ስለጥላቻ ንግግሮች እና ከጊዜ ወደጊዜ እየከፋ ስለመጣው አግባብነት የሌለው የማህበራዊ ሚዲያ አጠቃቀም እንነጋገር! የሀገራችሁ ጉዳይ ካሳሰባችሁ ሀሳባችሁን ስጡ...የመፍትሄ አቅጣጫዎችን ጠቁሙ!

ቅዳሜ፣ እሁድ እና ሰኞ በተከታታይ!

🔹ቦታ - ዋናው ግቢ(በተማሪዎች መግቢያና መውጫ በር አካባቢ)

⌚️ሰዓት - ከምሽቱ 12:30 ጀምሮ

እንግዶች ይኖራሉ!!

ኑ #በፍቅር ኢትዮጵያን እንገንባ!!
ከጥላቻ ንግግሮች #እንቆጠብ!!

(የወላይታ ሶዶ ዩኒቨርሲቲ ተማሪዎች ህብረት)

በቀጣይ፦

ሀዋሳ ዩኒቨርሲቲ
አርባምንጭ ዩኒቨርሲቲ
አዲስ አበባ ዩኒቨርሲቲ
ጅማ ዩኒቨርሲቲ
ዲላ ዩኒቨርሲቲ
አምቦ ዩኒቨርሲቲ
ቡሌ ሆራ ዩኒቨርሲቲ
ባህር ዳር ዩኒቨርሲቲ
መቀለ ዩኒቨርሲቲ
ጎንደር ዩኒቨርሲቲ

#ለቀጣዩ_ትውልድ ከጥላቻ የራቀችን ሀገር እናወርሳለን! ሀሳቡን ለመደገፍ የምትፈልጉ፦
0919 74 36 30 @tsegabwolde

@tsegabwolde @tikvahethiopia

#StopHateSpeech

የአይናቸውን ብር #አምባር በንባብ የሰበሩ
አንደበታቸውን በመልካም ንግግር የገረዙ
አእምሮአቸውን በመልካም አስተሳሰብ ያጠቡ
ልባቸውን #በፍቅር የሞሉ መልካም ትውልዶችን እናፍራ።

#StopHateSpeech
@tsegabwolde @tikvahethiopia

#TIKVAH_ETH 🇪🇹 #StopHateSpeech

•ሚያዚያ 23
•ሚያዚያ 25 እና 26

√ረቡዕ - ወሎ ዩኒቨርሲቲ
√አርብ እና ቅዳሜ - መቀለ ዩኒቨርሲቲ

ወደ #ወሎ_ዩኒቨርሲቲ እና #መቀለ_ዩኒቨርሲቲ የሚጓዙት፦

√የአርባምንጭ ዩንቨርስቲ የTIKVAH-ETH ቤተሰብ አባላት

√የሀዋሳ ዩኒቨርስቲ የTIKVAH-ETH ቤተሰብ አባላት

√የወልቂጤ ዩኒቨርሲቲ የTIKVAH-ETH ቤተሰብ አባላት

√የወላይታ ሶዶ ዩኒቨርሲቲ የTIKVAH-ETH ቤተሰብ አባላት

ከ100 የሚበልጡ #የሰላም እና #የፍቅር አምባሳደሮች በሰሜኑ የኢትዮጵያ ክፍል ይሰባሰባሉ!!

ኑ ኢትዮጵያን #በፍቅር እንገንባ!!
@tsegabwolde @tikvahethiopia

አዳማ👆

የኦሮሚያ እና የሱማሌ ክልል ህዝቦች #በሰላምና #በፍቅር አብረው ለመኖርና ለመስራት ግንኙነታቸውን ማጠናከር በሚችሉባቸው ሁኔታ ላይ ትኩረት አድርጎ የሚመክር የህዝብ ለህዝብ መድረክ በኦሮሚያ ክልል በአዳማ ከተማ በመካሄድ ላይ ነው፡፡

@tsegabwolde @tikvahethiopia