"Surxondaryo viloyati maktabgacha va maktab ta’limi boshqarmasi boshlig'i kubogi" g'oliblari aniqlandi

Davlatimiz rahbarining 2020-yil 30-oktabrdagi "Sog'lom turmush tarzini keng tadbiq etish va ommaviy sportni yanada rivojlantirish chora-tadbirlari to'g'risida"gi Farmoni 6099-sonli ijrosini ta’minlash maqsadida, viloyat maktabgacha va maktab ta’limi boshqarmasining tegishli buyrug’iga asosan joriy yilning 8-16-iyul kunlari maktab direktorlari, tuman-shahar bo‘limlari va Surxondaryo viloyati Maktabgacha va maktab ta’limi boshqarmasi xodimlari o‘rtasida “Boshqarma boshlig‘i kubogi" uchun sportning mini-futbol turi bo‘yicha musobaqalar o‘tkazildi.

Kecha Termiz shahrida ushbu bahslarning final bosqichi bo‘lib o‘tdi. Umumiy 16 ta jamoa orasidan Jarqo‘rg‘on, Muzrabot, Sherobod va Oltinsoy tumanlari jamoalari so‘nggi final bahslariga yetib keldi. Shiddatli va qizg‘in kechgan o‘yinlar sarhisobiga ko’ra, yakunda faxrli birinchi o’rin va kubokni Jarqo’rg’on tumani jamoasi qo‘lga kiritdi. Muzrabot tumani jamoasi ikkinchi o’rinni qo‘lga kiritgan bo‘lsa, oltinsoyliklar uchinchi o‘rin bilan kifoyalanishdi.

Shundan so’ng, Termiz shahridagi 16-sonli umumta’lim maktabida g’olib jamoalarni taqdirlash marosimi bo’lib o’tdi. Unda viloyat Maktabgacha va maktab ta’limi boshqarmasi boshlig‘i X.Mamadiyev so’zga chiqib, Prezidentimiz tomonidan yurtimizda ommaviy sportni rivojlantirish borasida olib borilayotgan tashabbuslarning samarasi haqida alohida to‘xtalib o‘tdi.


Taqdirlash marosimida g‘oliblar va bellashuvni odilona boshqarib borgan musobaqa hakamlariga viloyat Maktabgacha va maktab ta’limi boshqarmasi boshlig‘ining diplom, medal va qimmatbaho esdalik sovg'alari topshirildi.

Ma’lumot uchun, xuddi shunday “Boshqarma boshlig‘i kubogi” uchun xotin-qizlar o‘rtasida sportning voleybol turi bo‘yicha ham musobaqalar o‘tkazilmoqda.

#sport #minifutbol #musobaqa #taqdirlash

Surxondaryo viloyati Maktabgacha va maktab ta'limi boshqarmasi axborot xizmati

📱 Telegram |📱Facebook | 📱 Instagram | 📱You tube | 📱 Twitter