#eslatma

🔔 IXTISOSLASHTIRILGAN TAʼLIM MUASSASALARI AGENTLIGI TIZIMIDAGI MAKTABLARNING YAKUNIY IMTIHON JAVOBLARI TEZ KUNLARDA EʼLON QILINADI

📆 4-, 5-, 6-iyul kunlari boʻlib oʻtgan ixtisoslashtirilgan maktablarining imtihon natijalari shu yilning 26-iyul kuni;

📆 7-iyul kuni boʻlib oʻtgan Prezident maktablariga kirish imtihonlarining birinchi bosqich natijalari shu yilning 24-iyul kuni;

📆 9-, 10-iyul kunlari boʻlib oʻtgan tayanch ixtisoslashtirilgan maktablarining imtihon natijalari shu yilning 29-iyul kuni;

📆 10-iyul kuni boʻlib oʻtgan ijod maktablariga 3-bosqich kirish imtihonlarining natijalari esa shu yilning 27-iyul kuni eʼlon qilinishi rejalashtirilmoqda.

🌐 Imtihon natijalari Agentligimizning rasmiy sahifalarida eʼlon qilinadi.

Telegram | Facebook | Instagram | YouTube | Portal

#ислоҳотлар_янги_йилда
#eslatma

✅ Kirib kelgan yangi — 2025-yildan boshlab maktabgacha va maktab taʼlimi sohasiga doir qator tartib va yangiliklar amaliyotga joriy etiladi. Quyida qonunchilik hujjatlaridagi muhim oʻzgarishlarni sizga eslatib oʻtamiz.

👉 Oʻzbekiston Respublikasi Prezidentining tegishli Farmoniga asosan:

➖ 2025-yil 1-yanvardan — maktabgacha taʼlim tashkiloti direktori oʻrinbosari lavozimi joriy etiladi;

➖ 2025-yil 1-yanvardan — tuman (shahar)larda kamida bittadan tayanch maktabgacha taʼlim tashkiloti faoliyati yoʻlga qoʻyiladi;

➖ 2025-yil 1-yanvardan — maktabgacha taʼlim tashkilotlarida “Metodik mahorat soati”, tayanch maktabgacha taʼlim tashkilotlarida “Metodik mahorat kuni” bosqichma-bosqich joriy etiladi;

➖ 2025-yil 1-yanvardan — trener sifatida faoliyat yuritayotgan direktor oʻrinbosarlariga lavozim maoshining 20 foizi miqdorida qoʻshimcha har oylik ustama haq toʻlanadi;

➖ 2025-yil 1-yanvardan — qamrov darajasi past boʻlgan maktablar boʻsh turgan yer uchastkalarida nodavlat maktabgacha taʼlim tashkilotlari faoliyatini yoʻlga qoʻyishga ruxsat etiladi;

👉 Oʻzbekiston Respublikasi Prezidentining tegishli qarorlariga asosan:

➖ 2025-yil 1-yanvardan — kambagʻal oilalar farzandlari davlat maktabgacha taʼlim tashkilotlariga imtiyozli asosda qabul qilinadi;

➖ 2025-yil 1-yanvardan — nodavlat umumiy oʻrta taʼlim tashkilotlari faoliyatini yoʻlga qoʻyish uchun o‘rnatilgan tartibda kompensatsiya berish tartibi joriy etiladi;

➖ 2025-yil 1-yanvardan — maktabgacha va maktab taʼlimi tashkilotlarining xodimlari uchun besh yilda bir marotaba ishdan ajralgan holda malaka oshirish kurslari joriy qilinadi;

➖ 2025-yil 1-yanvardan — umumiy oʻrta taʼlim muassasalarida “Kasbiy rivojlanish soati”, tayanch umumiy oʻrta taʼlim muassasalarida “Kasbiy rivojlanish kuni” bosqichma-bosqich joriy etiladi;

➖ 2025-yil 1-yanvardan — nufuzli xalqaro olimpiadalarda ishtirok etadigan terma jamoalar rahbarini ragʻbatlantirish tartibi joriy etiladi va daromad solig‘idan ozod etiladi;

➖2025-yildan — 5–8-sinf oʻquvchilari oʻrtasida oʻtkaziladigan olimpiadalarda yuqori natijalarni qayd etgan iqtidorli oʻquvchilar bazasi shakllantiriladi va ularni xalqaro olimpiadalarga maqsadli tayyorlash yoʻlga qoʻyiladi;

➖2025-yildan — asosiy fan olimpiadalarining hududiy bosqichida muvaffaqiyatli ishtirok etgan iqtidorli yoshlar uchun “Intellektual oromgohlar” tashkil etiladi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#ислоҳотлар_янги_йилда
#eslatma

✅ 2025-yildan boshlab maktabgacha va maktab taʼlimi sohasiga doir qonunchilik hujjatlaridagi oʻzgarishlar bilan tanishtirishda davom etamiz.

👉 Oʻzbekiston Respublikasi Prezidentining tegishli qarorlariga asosan:

➖2025-yil 1-martdan — musiqa madaniyati fani oʻqituvchilari uchun nazariy va amaliy taʼlim asosida malaka oshirish tizimi yoʻlga qoʻyiladi;

➖2025-yil 1-apreldan — maktablarda “Iqtidor” havaskorlar badiiy jamoalari tashkil etilib, jamoalar oʻrtasida “Iqtidor maktab ansambli” respublika tanlovi oʻtkaziladi;

➖2025-yil 1-martga qadar — boshlangʻich, oʻrta va yuqori sinf oʻquvchilari yosh toifasi boʻyicha harakatli oʻyinlar, olimpiya va ommaviy sport turlariga ustuvorlik berish orqali sport turlari roʻyxati shakllantiriladi;

➖2025-yil 1-iyundan — umumiy oʻrta taʼlim tashkilotlarida CHQBT rahbari lavozimi joriy etiladi;

➖2025-yil 1-yanvardan — nodavlat taʼlim tashkilotlariga doimiy jalb etiladigan pedagog xorijiy mutaxassislarga “A-2” oʻqituvchilar kirish vizalarini berish yoʻlga qoʻyiladi;

➖2025-yil 1-yanvardan — davlat va nodavlat taʼlim tashkilotlari tomonidan xorijdan jalb qilingan mutaxassislarga mehnat qilish huquqini beruvchi tasdiqnoma berish yigʻim miqdori BHMning 30 baravaridan 1 baravarigacha kamaytiriladi;

👉 Oʻzbekiston Respublikasi Vazirlar Mahkamasining tegishli qarorlariga asosan:

➖2025-yil 1-yanvardan — davlat maktabgacha taʼlim tashkilotlarida bolalar taʼminoti uchun ota-onalar toʻlovi miqdorlari belgilanadi;

➖2025-yil 1-yanvardan — davlat MTTlari xodimlariga berilgan mehnatga layoqatsizlik varaqasi toʻgʻrisidagi maʼlumotlar “Bolalar bogʻchasi” axborot tizimiga elektron shaklda taqdim etiladi;

➖2025-yil 1-fevraldan — tajriba-sinov tariqasida Toshkent shahridagi, 2025-yil 1-iyuldan barcha davlat maktabgacha taʼlim tashkilotlarining qator ish hujjatlarini yuritish “Bolalar bogʻchasi” axborot tizimi orqali amalga oshiriladi;

➖2025-yil apreldan — maktab va maktabdan tashqari taʼlim sohasidagi axborot tizimlari bosqichma-bosqich Yagona taʼlim axborot ekotizimga birlashtiriladi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin