“Obod xonadon – obod ko‘cha – obod mahalla”: “Duoba” ko‘rkam maskanga aylandi

Surxondaryo viloyatida Konstitutsiyamizning 31 yilligi bayramida yangi loyihalarni foydalanishga topshirish tadbirlari davom etmoqda.

Bir necha oy avval viloyatda eng og‘ir hududlardan biri sanalgan Boysun tumanining olis “Duoba” mahallasi bugun yangi ko‘rinish va aholi uchun qator qulayliklarga ega bo‘lgan zamonaviy qiyofada namoyon bo‘lmoqda.

Qisqa muddatda mahallada “Obod xonadon – obod ko‘cha – obod mahalla” dasturi asosida infratuzilmani yaxshilash tadbirlari, jumladan, 2,1 mlrd. so‘mga 180 o‘rinli maktab, 1,9 mlrd. so‘mga 50 qatnovga mo‘ljallangan shifokorlik punkti, 1,0 mlrd. so‘mga 80 o‘rinli maktab filiali hamda 500 mln. so‘mga mahalla idorasi binosi qurilib, jihozlandi.

Hududdagi qabriston atrofi o‘ralib, ziyoratchilar uchun sharoitlar yaratildi, shuningdek, 7 ta sel-suv toshqinlari zarar yetkazgan yo‘llarni betonlash, 47 km yo‘lni toshlash, katoklab mustahkamlash hamda 2 ta transformator punktini qurish, 1,6 km kabel simli havo elektr uzatish tarmoqlarini tortish ishlari amalga oshirildi. Bundan tashqari, mahallaning Qayroq va Gumatak qishloqlariga ichimlik suvi tarmog‘i tortildi. Hozirda Duoba daryosi ustidan o‘tuvchi yangi ko‘prik bunyod etilmoqda.

Qo‘shaloq bayramni duobaliklar ko‘tarinki kayfiyatda, konsert dasturi, sport musobaqalari, folklor jamoalarning chiqishlari bilan nishonlashdi.

Tantanali tadbirda Surxondaryo viloyati hokimi Ulug‘bek Qosimov hamda Kambag‘allikni qisqartirish va bandlik vaziri Behzod Musayev ishtirok etib, boysunliklarni qo‘shaloq bayram bilan qutlashdi.

Surxondaryo viloyati hokimligi Axborot xizmati

Telegram | Facebook | Instagram | YouTube | Web-site | Twitter

#Live

Tadbirkorlik asoslari va moliyaviy savodxonlik fanlari bo‘yicha olimpiadaning final bosqichi o‘tkazilmoqda

Ayni damda Termiz shahridagi 26-maktabda Surxondaryo viloyati hokimligi, "OMAD START ORGANIC" MCHJ va "Alabuga" erkin iqtisodiy zonasi o'rtasidagi hamkorlik Memorandumiga asosan, ta’lim muassasalarining 9-11-sinf o‘quvchilari o‘rtasida tadbirkorlik asoslari va moliyaviy savodxonlik fanlari bo‘yicha o‘tkazilgan olimpiadaning final bosqichi bo‘lib o‘tmoqda.

Onlayn shaklda o‘tkazilgan olimpiadaning saralash bosqichlariga 2 mingga yaqin o‘quvchilar qamrab olindi. Yarim final bahslarida esa 144 nafar ishtirokchi bellashdi. Ayni vaqtda final bosqichida 24 nafar o‘quvchilar sinovdan o‘tishmoqda.

✍🏻 Surxondaryo viloyati MMTB Axborot xizmati.

Telegram | Facebook | Instagram | You tube