Yangi Oʼzbekistonda amalga oshirilayotgan xalqchil va keng islohotlar natijasi oʼlaroq, maktabgacha va maktab taʼlimi tizimida korrupsiyaning oldini olish, uning sabab va shart-sharoitlarini bartaraf etish, manfaatlar toʼqnashuviga yoʼl qoʼymaslik, korrupsiyaga nisbatan murosasiz munosabatni shakllantirishga qaratilgan keng koʼlamli ishlar amalga oshirilmoqda.

Jumladan, kadrlarni tanlash va joy-joyiga qoʼyish, nodavlat taʼlim muassasalari tomonidan litsenziya talablari va shartlariga rioya etilishini tekshirish, budjet toʼgʼrisidagi qonunchilik hujjatlarining buzilish holatlarini profilaktika qilish borasida qator chora-tadbirlar belgilandi.

Tizimda masofadan yoki “bir darcha” tamoyili asosida davlat xizmatlarini koʼrsatish koʼlami yildan yilga ortib bormoqda.

Surxondaryo viloyati Maktabgacha va maktab ta'limi boshqarmasi korrupsiyaga qarshi kurashish borasidagi bu kabi ishlarni kelgusida ham tizimli ravishda davom ettiradi, jismoniy va yuridik shaxslarning bu sohadagi tashabbuslarini qoʼllab-quvvatlaydi.

Surxondaryo viloyati Maktabgacha va maktab ta'limi boshqarmasi, hududiy bo'limlar, tizim tashkilotlari, maktabgacha va maktab taʼlimi muassasalari xodimlarining korrupsiyaviy xatti-harakatlariga guvoh boʼlsangiz yoki ularning qonunchilikka zid boshqa huquqbuzarlik holatlariga aloqadorligi yuzasidan maʼlumotlarga ega boʼlsangiz, boshqarmaning “Ishonch telefoni”
(+99876-227-35-45) yoki mazkur bot (@svmmtb_bot) orqali oʼz murojaatingizni yoʼllashingiz mumkin.

Sizning ushbu murojaatlaringiz maxfiyligi kafolatlanadi hamda tasdiqlangan korrupsion holatlar boʼyicha keskin choralar koʼriladi.

Shu oʼrinda tizim xodimlaridan korrupsiya holatlarining har qanday koʼrinishlariga nisbatan murosasiz munosabatda boʼlishga hamda oʼz xizmat vazifalarini halol va xolis bajarishga yana bir bor chaqirib qolaman.