#Ustozlar_ijodidan

Uchinchi "Ustozlar milliy forumi"ga bag‘ishlanadi

Tog‘lardan ustozlar ovozi keldi

Quyosh cho‘qqilardan baxt ulashgan kun,
Yurt uzra ma’rifat shamoli yeldi.
Otash yuraklarga asosdir uchqun,
Tog‘lardan ustozlar ovozi keldi.

Burchini yosh avlod umriga bog‘lab,
Muallif yaratdi darsliklar ko‘plab,
Yozning chillasida ilmini toblab,
Tog‘lardan ustozlar ovozi keldi.

Elning elchilari — hozir muallim,
Yangi yondashuvdan to‘lsin der ta’lim,
Buyuk millatiga aylab zo‘r ta’zim,
Tog‘lardan ustozlar ovozi keldi.

Ilm ziyosidan dil obod etib,
Bilim dunyosidan nur bunyod etib,
Buyuk ajdodlarning ruhin yod etib,
Tog‘lardan ustozlar ovozi keldi.

Zamon tez, Yurtdoshim,  zamon shiddatkor,
Yosh qalbga og‘ular solay der makkor,
Murg‘ak umidlarga bo‘lib madadkor,
Tog‘lardan ustozlar ovozi keldi.

Xalqning, Yurtboshining ishonchin tun-kun
Ado etay deya imoni butun,
Ta’lim yetakchisin yuzi bo‘lish-chun
Tog‘lardan ustozlar ovozi keldi.

Chin do‘stlik, ustozlik darsidan so‘zlab,
Mehr-u muhabbatning torini sozlab,
Uchinchi yuksalish yo‘lini ko‘zlab,
Tog‘lardan ustozlar ovozi keldi.

Fazliddin Abduraimov,
Termiz shahridagi Prezident maktabi o‘qituvchisi

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin