⚡️Surxondaryo viloyati Maktabgacha va maktab ta'limi boshqarmasi boshlig‘ining birinchi o‘rinbosari Bekzod Tashpulatov Sherobod tumanidagi o‘rganishlari davomida 1-, 2-, 8-, 17-umumta'lim maktablari faoliyati bilan tanishdi.

🔽Ta'lim muassasalarida yangi o‘quv yiliga tayyorgarlik ishlari, binoning jihozlanishi va moddiy-texnik baza holati, qolaversa obodonlashtirish jarayonlari ko‘zdan kechirildi.

✔️Mas'ullarga mavjud kamchiliklarni bartaraf etish bo‘yicha tegishli ko‘rsatmalar berildi.

🖥Bugungi kunda Sherobod tumanida 76 ta umumta'lim maktablari mavjud bo‘lib, shundan 60 tasi joriy ta'mirga muhtoj edi. Ayni kunga qadar mazkur maktablarda joriy ta'mirlash ishlari to‘liq yakunlandi. Maktablarni ta'mirlash uchun 352 million so‘m mablag‘ yo‘naltirildi.

#Sherobodtumani #yangioquvyili #organish

Telegram | Facebook | Instagram | You tube | Twitter | Veb-sayt

⚡️Surxondaryolik pedagoglarning sohadagi xizmatlari e'tirof etildi

✔️Toshkent viloyatidagi "Renessans" oromgohida III "Ustozlar milliy forumi"ning taqdirlash marosimi bo‘lib o‘tdi. Unda Maktabgacha va maktab ta'limi vaziri Hilola Umarova ishtirok etib, bir guruh ustozlarga "Xalq ta'limi a'lochisi" ko‘krak nishonlarini topshirdi.

🏅Taqdirlanganlar orasida surxondaryolik pedagoglar ham bor:

💐Soliya Tangirova - Angor tumanidagi 5-sonli davlat maktabgacha ta'lim tashkiloti tarbiyachisi

💐Saodat Axmedova - Termiz shahridagi 26-umumta'lim maktabining boshlang‘ich sinf o‘qituvchisi

⚡️Ushbu yutuq bilan ustozlarimizni qutlab, kelgusida bundanda ulkan muvaffaqiyatlar tilaymiz!

#Ustozlarforumi #taqdirlash
#Xalqtalimialochisi

Telegram | Facebook | Instagram | You tube | Twitter | Veb-sayt

📍Hududlarga tashrif: Bandixondagi maktablarning yangi o‘quv yiliga tayyorgarligi o‘rganildi

📈Bugun Surxondaryo viloyati Maktabgacha va maktab ta'limi boshqarmasi boshlig‘i Xusniddin Mamadiyev Bandixon tumaniga tashrif buyurib, 9-, 10-, 11-umumta'lim maktablarining yangi o‘quv yiliga tayyorgarlik holatini o‘rgandi.

🖥 O‘rganishlar davomida bino, moddiy-texnik bazaning holati, obodonlashtirish ishlarini ko‘zdan kechirdi. Qolaversa, maktab darsliklari va 1-sinf o‘quvchilari uchun "Prezident sovg‘alari"ning yetkazib berilganlik holati bilan tanishilib, mavjud kamchiliklarni bartaraf etish bo‘yicha mas'ullarga tegishli ko‘rsatmalar berildi.

✔️Ma'lumot uchun, bugungi kunda tumanda 43 ta umumta'lim maktabi mavjud bo‘lib, ushbu maktablarning 39 tasi 228 million so‘m mablag‘ evaziga joriy ta'mirdan chiqarildi.

#Bandixon #yangioquvyili
#organish #prezidentsovgasi

Telegram | Facebook | Instagram | You tube | Twitter | Veb-sayt