⚡️Maktab formasi - tenglik ifodasi

📈Termiz shahridagi 16-umumta'lim maktabida ota-onalar majlisi o‘tkazildi. Unda asosan, yangi o‘quv yiliga munosib tayyorgarlik ko‘rish, o‘quvchilarning maktab formalari, odob-axloq qoidalari yuzasidan so‘z yuritildi.

✔️Majlis davomida ota-onalar va keng jamoatchilik vakillari o‘quvchilar uchun yagona maktab formasini joriy etish taklifini bildirib, maktab formasining bir turda bo‘lishi o‘quvchilar orasida o‘zaro tabaqalanish holatlarining oldini olishda muhim ekanligini ta'kidlashdi.

➡️Maktab ma'muriyati tomonidan mazkur taklif inobatga olindi. Bu borada kelib tushgan takliflarga muvofiq ushbu masala maktabning pedagogik kengashida ko'rib chiqilishi va tegishli qaror qabul qilinishi ko‘zda tutildi. Shuningdek, yangi o‘quv yilida ota-onalar bilan hamkorlikda amalga oshiriladigan istiqbolli rejalar belgilandi.

#Termiz #yangioquvyili
#maktabformasi #otaonalar

Telegram | Facebook | Instagram | You tube | Twitter | Veb-sayt

🖥Apparat yig‘ilishi: yangi o‘quv yiliga puxta hozirlik ko‘rish bo‘yicha muhim vazifalar belgilandi

📈Bugun Surxondaryo viloyati Maktabgacha va maktab ta'limi boshqarmasi boshlig‘i Xusniddin Mamadiyev rahbarligida boshqarma xodimlari uchun navbatdagi apparat yig‘ilishi o‘tkazildi.

🔼Unda asosan, yangi o‘quv yiliga puxta tayyorgarlik ko‘rish, ijro intizomi, fuqarolar murojaatlari bilan ishlash tizimining holati, shuningdek, ta'lim-tarbiya sifatini oshirishga oid kun tartibidagi qator masalalar muhokama qilindi.

➡️Boshqarma boshlig‘i yangi 2024-2025-o‘quv yilini har bir maktabda ko‘tarinki kayfiyatda kutib olish, o‘quvchi yoshlarning sifatli ta'lim olishlari uchun barcha zarur sharoitlarni yaratish muhim vazifa ekanligini ta'kidladi.

ℹ️Yig‘ilish davomida ko‘rib chiqilgan har bir masala yuzasidan aniq vazifalar belgilandi va mas'ullarga tegishli ko‘rsatmalar berildi.

#apparatyigilishi #yangioquvyili
#ijrointizomi #murojaatlar

Telegram | Facebook | Instagram | You tube | Twitter | Veb-sayt

📍Hududlarga tashrif: Jarqo‘rg‘ondagi maktablarning yangi o‘quv yiliga tayyorgarligi o‘rganildi

📈Bugun Surxondaryo viloyati Maktabgacha va maktab ta'limi boshqarmasi boshlig‘i Xusniddin Mamadiyev Jarqo‘rg‘on tumaniga tashrif buyurib, 1-, 6-, 7-, 23-, 27-, 41-umumta'lim maktablarining yangi o‘quv yiliga tayyorgarlik holatini o‘rgandi.

🖥 O‘rganishlar davomida bino, moddiy-texnik bazaning holati, obodonlashtirish ishlarini ko‘zdan kechirdi. Qolaversa, maktab darsliklari va 1-sinf o‘quvchilari uchun "Prezident sovg‘alari"ning yetkazib berilganlik holati bilan tanishilib, mavjud kamchiliklarni bartaraf etish bo‘yicha mas'ullarga tegishli ko‘rsatmalar berildi.

✔️Ma'lumot uchun, bugungi kunda tumanda 68 ta umumta'lim maktabi mavjud bo‘lib, ushbu maktablarning 65 tasi
1 milliard 158 million so‘m mablag‘ evaziga joriy ta'mirdan chiqarildi.

#Jarqorgon #yangioquvyili
#organish #prezidentsovgasi

Telegram | Facebook | Instagram | You tube | Twitter | Veb-sayt