🔠 "ICTWEEK UZBEKISTAN – 2022" sammiti taassurotlari...

🌎 Xabaringiz bor, joriy yilning 24-27-oktabr kunlari ko‘hna va hamisha navqiron Samarqand zaminida «Silk road Samarkand» majmuasida “ICTWEEK Uzbekistan – 2022” axborot-kommunikatsiya texnologiyalari haftaligi bo‘lib o‘tdi.
✔️ Yuqori saviya va ko‘tarinki ruhda boshlangan sammitda dunyoga mashhur IT sohasi vakillari, taniqli Freelancerlar hamda Xalq ta’limi vaziri o‘rinbosari Rustam Karimjonov va Xalq ta’limi vazirligining mas’ul xodimlari o‘zining taqdimotlari bilan ishtirok etishdi. Shuningdek, tadbirda Xalq ta’limi vazirligining barcha hududiy boshqarmalaridagi Ta’limni raqamlashtirishga mas’ul xodimlarining ishtirok etishi ular uchun katta tajriba maktabi bo‘ldi deb o‘ylayman.
🗣Ushbu forum O‘zbekiston Respublikasi Axborot texnologiyalari va kommunikatsiyalarini rivojlantirish vazirligi ko‘magida o‘tkazildi. Tadbir tashkilotchilari Avantage Event Agency ICTWEEK Uzbekistan hisoblanadi.
👍 Tadbirda Xalq ta’limi vaziri o‘rinbosari Rustam Karimjonov tomonidan Ta’lim tizimini raqamlashtirishda erishilgan natijalar va kelgusida qilinishi rejalashtirilgan ishlar to‘g‘risida ham ma’lumot berildi. Shuningdek, Ta’lim sektorini raqamli transformatsiya qilish uchun platformalar va xizmatlar sohasini rivojlantirish hamda Xalq ta’limi vazirligi tomonidan ishlab chiqilgan foydali kontentlar sonini oshirish, ularni o‘quvchi yoshlarimizning ongiga singdirish borasida so‘z bordi.
🌐 Bundan tashqari sammit doirasida “ICTEXPO” – axborot-kommunikatsiya texnologiyalari ko‘rgazmasining rasmiy ochilish marosimi ham bo‘lib o‘tdi
✔️ IT-ta’lim sohasidagi jadal rivojlanayotgan va eng ilg‘or yangiliklardan xabardor bo‘lish uchun noyob imkoniyatdir. Ushbu forumda qatnashganimdan juda xursandman. Bu kelajakda bizni yanada shijoat bilan ishlab, IT sohasida yuqori natijalarga erishishimizga zamin yaratadi.

#ictweek
#itforum
#coursera

✍️ Surxondaryo viloyati Xalq ta’limi boshqarmasi Ta’limni raqamlashtirish bo‘limi boshlig‘i Asomiddin SHOYIMOV