#Call_markaz
#Qabul_2023

CALL-MARKAZ: ENG KO'P KELIB TUSHAYOTGAN SAVOLLARGA JAVOBLAR

❓Bu yil farzandim 1-sinfga chiqadi. Men uning hujjatlarini bir vaqtning o'zida bir nechta maktabga topshirmoqchiman. Buning imkoni bormi?

✅ Joriy yilning 20-iyunidan 31-iyuligacha farzandingizni 1-sinfga qabul qilish bo'yicha mikrohudud doirasida belgilangan umumta'lim maktabiga ariza yuborishingiz mumkin. Yashash manzili bo'yicha mikrohududga biitktirilgan umumta'lim maktabi avtomatik belgilanadi.

Umumta'lim maktablarining o'quvchi o'rni, malakali pedagog kadrlar bilan ta'limlanganligi, sinf xonalarining o'quv mebellari bilan jihozlanganligidan kelib chiqib, umumta'lim maktablarining bo'sh o'rinlariga mikrohuddan tashqari qo'shimcha bolalar qabul qilinishi mumkin.

Shunga ko'ra, 1-avgustdan 15-avgustgacha mikrohududdan tashqarida joylashgan maktabning 1-sinfiga farzandingizni qabul qilish bo'yicha ariza yuborishingiz mumkin.

❓My.maktab.uz ilovasi orqali ariza topshirayotganimda, "avval bu raqam bilan ro‘yxatdan o‘tilgan" degan yozuv chiqib qolyapti. Bunday holatda nima qilishimiz kerak?

✅ Siz ro‘yxatdan o‘tish uchun kiritgan telefon raqami orqali tizimda avval ham ro‘yxatdan o'tish amalga oshirilganligi sabab shu xatolik yuzaga kelgan. Bunday holatda siz my.maktab.uz tizimida ro‘yxatdan o‘tmagan boshqa raqam bilan qaytadan ariza to‘ldirishingiz kerak bo‘ladi.

❓Men Qozog‘iston fuqarosiman. Hozirda O‘zbekistonda istiqomat qilyapman. Men 7 yoshga to‘lgan farzandimni 1-sinfga qabul qilish bo'yicha ariza topshira olamanmi?

✅ Ha, topshira olasiz. Bunda my.maktab.uz hamda my.gov.uz platformalarida “chet el fuqarolari va fuqaroligi bo‘lmagan shaxslar farzandlarini O‘zbekiston Respublikasining umumiy o‘rta ta’lim muassasalariga qabul qilish” xizmatidan foydalanishingiz mumkin.

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram

#Сўраган_эдингиз
#Call_markaz

❓Bolaning ota-onasi chet elda, jiyanimni 1-sinfga qabul qilish uchun o‘zim ariza topshirsam bo‘ladimi?
✅ Ha, albatta topshirish mumkin. Elektron platformada shaxsiy ma’lumotlarni shakllantirganingizdan so‘ng, tegishli maydonni belgilab, vasiylik bo‘yicha qarorni biriktirasiz va keyingi jarayonlarni amalga oshirishingiz mumkin.

❓Yashash joyi bo‘yicha ro‘yxatdan o‘tmagan harbiy xizmatchilar farzandini umumta’lim maktabiga o‘qishga joylashtirish uchun qanday tartibda ariza topshirishlari mumkin?
✅ Elektron platformada shaxsiy ma’lumotlarni shakllantirgandan so‘ng, harbiy xizmatchi katakchasini belgilaysiz. So'ngra yashash joyi bo‘yicha davlat soliq idoralari ro‘yxatidan o‘tgan ijara shartnomasi yoki tegishli harbiy qism (muassasa) tomonidan yashash manzili ko‘rsatilgan ma'lumotni tizimga yuklagan holda ariza topshirishlari mumkin.

❓Ariza jo‘natmoqchi bo‘lganimda “Siz tanlagan manzilga biriktirilgan maktab topilmadi” degan xatolik chiqqanda nima qilish kerak?
✅ Ushbu holatda siz shaxsiy kabinetingizga kirib, "Mening ma’lumotlarim" bo‘limidan yashash manzilingizni tahrirlab, saqlash tugmasini bosishingiz va qayta ariza yuborishingiz kerak.

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram

#Call_markaz

❓ Bu yil farzandim 1-sinfga chiqadi. Mikro-hudud doirasida ariza topshirayotgan vaqtda taʼlim tilini tanlashda xato qilibman. Endi arizamni qanday tahrirlasam bo‘ladi?

✅ Bunday holatda siz hujjat topshirgan maktabingizga borishingiz va ariza maktab tomonidan rad etilishi lozim. Shundan keyin moderatorlar tomonidan ariza tizimdan ham o‘chiriladi. So‘ngra maʼlumotlarni qaytadan mikro-hudud doirasida ariza topshirishingiz mumkin bo‘ladi.

❓Navoiy viloyatida doimiy ro‘yxatda turaman. Ayni vaqtda Toshkent shahrida istiqomat qilmoqdamiz. Farzandimning hujjatlarini yashash joyimga yaqin maktabga topshirmoqchiman. Ammo, tizimda Toshkent shahridagi maktabni belgilashni imkoni bo‘lmayapti. Bunday holatda qanday yo‘l tutish kerak?

✅ my.maktab.uz tizimidagi maʼlumotlar IIV bazasi bilan bog‘langan va talabgorlar doimiy yoki vaqtincha ro‘yxatdan o‘tgan joylariga biriktirilgan mikro-hudud doirasida ariza topshira oladilar. Shu bois, siz Toshkent shahrida yashash joyingiz bo‘yicha vaqtincha ro‘yxatdan o‘tib, so‘ngra ariza topshirishingiz mumkin.

Shuningdek, o‘quvchi o‘rni, pedagog kadrlar bilan taʼminlanganligi, sinf xonalarining yetarli o‘quv mebellari bilan jihozlanganligidan kelib chiqib, umumtaʼlim maktablarining bo‘sh o‘rinlariga mikro-hududdan tashqari qo‘shimcha bolalar qabul qilinishi mumkin.

Shunga ko‘ra, 1-avgustdan 15-avgustgacha mikro-hududdan tashqarida joylashgan maktabning 1-sinfiga, agar ularda bo‘sh o‘rin mavjud bo‘lsa, farzandingizni qabul qilish bo‘yicha ariza yuborishingiz mumkin.

❓Ariza topshirayotgan vaqtda arizamning navbatini noto‘g‘ri tanlabman. Ariza navbatini qanday tahrirlasam bo‘ladi?

✅ Bunday holatda ariza dastlab maktab tomonidan rad etilishi lozim. Shundan so‘ngra Siz qaytadan ariza navbatini tanlashingiz mumkin.

❗️Shu o'rinda ota-onalardan ariza topshirayotgan vaqtda e'tiborli bo'lishni va barcha ma'lumotlarning to'g'ri to'ldirilayotganini tekshirishlarini so'raymiz.

#Call_markaz
#Сўраган_эдингиз

❓Chet el fuqarosi bo‘lgan bolalarni 1-sinfga qabul qilish uchun ro‘yxatdan o‘tkazish tartibi qanday?

✅ Vazirlar Mahkamasining 2022-yil 1-iyundagi 295-sonli qarori (2-ilovasi) bilan tasdiqlangan Nizomga muvofiq, chet el fuqarolari farzandlarini maktabga joylashtirish uchun Yagona interaktiv davlat xizmatlari portali (my.gov.uz) yoki Maktabgacha va maktab ta’limi vazirligining elektron platformasi (my.maktab.uz) orqali ro‘yxatdan o‘tib, elektron ariza berishlari talab etiladi.

Ariza berganda quyidagi 3 ta hujjatni ilova qilish zarur:

1️⃣ O‘rganilgan fanlar va ular bo‘yicha imtihonlarda olingan baholar (ballar) ko‘rsatilgan ma’lumot haqida hujjat (1-sinfga qabul qilinayotgan bolalar bundan mustasno);
2️⃣ O‘rganilgan fanlar va ular bo‘yicha imtihonlarda olingan baholar (ballar) ko‘rsatilgan hujjatning O‘zbekiston Respublikasi davlat tiliga tarjimasi (1-sinfga qabul qilinayotgan bolalar bundan mustasno);
3️⃣ Sog‘lig‘i to‘g‘risida tibbiy xulosa.

Elektron tizim orqali yuborilgan arizalar Hududiy maktabgacha va maktab ta’limi boshqarmalari tomonidan 7 kun ichida ko‘rib chiqilib, bolalarni maktabga qabul qilish yoki qabul qilishni rad etish bo‘yicha qarorni qabul qiladi va tizimga yuklaydi.

❗️ Berilgan yo‘llanma asosida umumta’lim maktabi chet el fuqarosi bilan o‘rnatilgan tartibda shartnoma imzolaydi.

Ariza rad etilganda chet el fuqarolari kamchiliklarni bartaraf etgan holda qayta ariza berishlar mumkin.

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram