▪️Yaxshi dam - mehnatga hamdam

➖Yurtimizda ichki turizmni rivojlantirish va ta'lim tizimida faollik ko‘rsatayotgan xodimlarni rag‘batlantirish maqsadida viloyat Maktabgacha va maktab ta'limi boshqarmasining tegishli ko‘rsatmasiga asosan, Jarqo‘rg‘on tuman Maktabgacha va maktab ta'limi bo‘limi tomonidan hududdagi bir guruh faol maktab va maktabgacha ta'lim tashkilotlari direktorlari hamda bo‘lim xodimlari uchun sayohat tashkil etildi.

➖Sayohat davomida jarqo‘rg‘onlik ta'lim jonkuyarlari Toshkent va Samarqand shahridagi qator diqqatga sazovor manzillarda bo‘lib, maroqli hordiq chiqarishdi.

➖Yangi o‘quv yili oldidan ushbu sayohat ta'lim rahbarlari uchun ayni muddao bo‘ldi. Xodimlarga qaratilgan e'tibor, munosib rag‘bat tizimdagi ishlar samaradorligini yanada oshirish uchun xizmat qiladi degan umiddamiz.

#Jarqorgon #sayohat
#Toshkent #Samarqand

Telegram | Facebook | Instagram | You tube | Twitter | Veb-sayt

➖Bugun Surxondaryo viloyati Maktabgacha va maktab ta'limi boshqarmasi boshlig‘ining o‘rinbosari Muhriddin Normurodov Jarqo‘rg‘on tumanidagi 33-umumta'lim maktabiga tashrif buyurdi.

➖Tashrif davomida dastlab maktabning yangi o'quv yiliga tayyorgarlik holati, obodonlashtirish ishlari bilan tanishildi. Shuningdek, Oʼzbekiston Respublikasi Xalq taʼlimi vazirligining 2020-yil 30-iyuldagi “Umumiy oʼrta taʼlim muassasalari hududi, fayesi, bino yoʼlaklari va sinfxonalarini bezatishning namunaviy talablarini tasdiqlash toʼgʼrisida” 179-sonli buyrugʼi ijrosi bo'yicha maktabda amalga oshirilgan ishlar ko'zdan kechirildi.

➖Qolaversa, Muhriddin Normurodov manzilda maktab formasi boʼyicha tashkil etilgan koʼrgazma-yarmarkalarda ham qatnashib, mas'ullarga yangi o'quv yiliga puxta hozirlik ko'rish, mavjud kamchiliklarni bartaraf etish bo'yicha tegishli ko'rsatmalar berib o'tdi.

#Jarqorgon #yangioquvyili
#maktabformasi #yarmarka

Telegram | Facebook | Instagram | You tube | Twitter | Veb-sayt

➖Jarqo'rgon tumaniga tashrif davomida Maktabgacha va maktab ta'limi boshqarmasi boshlig'ining o'rinbosari Muhriddin Normurodov 15-36-65-umumta'lim maktablari hamda 20-IDUMda ham o'rganish ishlarini olib borildi.

➖Ushbu ta'lim muassasalarida asosan, yangi o'quv yiliga tayyorgarlik jarayonlari bilan tanishildi. Joriy ta'mirlash yakuni, sinfxonalarning holati, maktabda olib borilgan obodonlashtirish ishlari ko'zdan kechirildi.

➖Shuningdek, maktab hududi, fayesi, bino yoʼlaklari va sinfxonalarining namunaviy talablar asosida bezatilganligi ham o'rganilib, mas'ullarga mavjud kamchiliklarni bartaraf etish, yangi o'quv yiliga puxta hozirlik ko'rish, maktabda odob-axloq qoidalari, kiyinish madaniyatiga alohida e'tibor qaratilishi yuzasidan ko'rsatmalar berildi.

#Jarqorgon #yangioquvyili
#maktabformasi #yarmarka

Telegram | Facebook | Instagram | You tube | Twitter | Veb-sayt