#Xorijiy_hamkorlik
#BAA

ALEF RAQAMLI TA’LIM PLATFORMASI, BIG DATA, SUN’IY INTELLEKT TEXNOLOGIYALARI HAMDA YANGICHA BAHOLASH…

✅ Maktabgacha va maktab ta’limi vaziri Hilola Umarova boshchiligidagi vazirlik delegatsiyasi Birlashgan Arab Amirliklarining Alef Education tashkiloti bosh ofisida bo‘lishdi.

Delagatsiya tashkilot Bosh direktori Jefri Alonso va kompaniya vakillari tomonidan kutib olindi.

❗️Uchrashuv avvalida Alef Education rahbariyati vazirlik delegatsiyasi uchun Alef raqamli ta’lim platformasining imkoniyatlari to‘g‘risida taqdimot qilishdi.

O‘zaro uchrashuvlar davomida:

▶️ Alef ta’lim platformasini O‘zbekistonda mahalliy sharoitga moslashtirilgan holda joriy etish,
▶️ katta hajmdagi ma’lumotlar (Big Data) va sun’iy intellekt texnologiyalaridan foydalangan holda ta’lim boshqaruvida eng optimal qaror qabul qilish bo‘yicha Respublikamiz hududida tajriba-sinov loyihasini ishga tushirish,
▶️ formativ va summativ baholash mexanizmini yo‘lga qo‘yish kabi yo‘nalishlarda yaqindan hamkorlik qilish masalalari muhokama qilindi.
___
❓Alif raqamli ta’lim platformasi nima?

❕ Mazkur platforma:

🔹 o‘quvchilar bilimini baholash,
🔹 pedagoglar faoliyatini o‘quvchilar bilimiga asoslangan holda katta hajmdagi ma’lumotlar (Big Data) va sun’iy intellekt yordamida baholab borish,
🔹o‘quvchilarning o‘zlashtirish ko‘rsatkichlarini tizimdagi ma’lumotlar tahlili asosida prognozlash,
🔹 arab tilini chet tili sifatida o‘qitish hamda STEAM yo‘nalishidagi ta’limni onlayn platforma yordamida yo‘lga qo‘yish kabi imkoniyatlarga ega platforma hisoblanadi.

Vazirlikning rasmiy sahifalariga ulanish
Telegram | Youtube | Facebook | Instagram

#Xorijiy_hamkorlik
#Fransiya

✅ Bugun Maktabgacha va maktab ta’limi vaziri Hilola Umarova Fransiya Respublikasi Prezidentining Kontinental Yevropa va Turkiya bo‘yicha maslahatchisi Izabel Dyumon va Fransiya Respublikasining O'zbekiston Respublikasidagi Favqulodda va Muxtor elchisi Aureliya Bushez bilan uchrashdi.

Uchrashuv avvalida mehmonlar uchun Muhammad al Xorazmiy nomidagi ixtisoslashtirilgan maktab bo‘ylab kampus-tur tashkil qilinib, unda maktab faoliyati hamda o‘quvchilar erishgan yutuqlar haqida ma’lumot berildi.

✔️ Ikki tomonlama uchrashuvlar davomida vazir Hilola Umarova mamlakatimizda ta'lim sohasida amalga oshirilayotgan ijobiy o'zgarishlar hamda vazirlik tomonidan fransuz tilini ikkinchi xorijiy til sifatida rivojlantirish borasida olib borilayotgan ishlarga to‘xtalib o‘tdi.

❗️O'z navbatida Izabel Dyumon O‘zbekistonda ta’lim sohasida amalga oshirilayotgan islohotlarni alohida e'tirof etdi.

Shuningdek, uchrashuv davomida Fransiyaning “Didier FLE” nashriyotining fransuz tilidagi darsliklar to‘plami Fransiyaning O‘zbekistondagi elchixonasi tomonidan fransuz tili ikkinchi xorijiy til sifatida o‘qitiladigan maktablar uchun taqdim etildi.

Agentlikning rasmiy sahifalariga ulanish:
Telegram | Veb-sayt | Instagram | YouTube

#Xorijiy_hamkorlik
#BAA

✅ Bugun Maktabgacha va maktab ta'limi vaziri Hilola Umarova Birlashgan Arab Amirliklarining Alef Education ta'lim platformasi bosh direktori Jefri Alfonso boshchiligidagi delegatsiya bilan uchrashdi.

Tadbir avvalida vazirlik faoliyati hamda Alef education haqida ikki tomonlama taqdimotlar bo’lib o’tdi.

Uchrashuv doirasida tomonlar o’zaro hamkorlik, xususan Alef ta'lim platformasini O'zbekiston sharoitiga moslashtirish rejalari kabi masalalarni muhokama qilishdi.

✔️ Ta’kidlash joiz, Alef education ta’lim platformasi:

🔹 O‘quvchilar bilimini baholash,
🔹 pedagoglar faoliyatini o‘quvchilar bilimiga asoslangan holda sun’iy intellekt yordamida baholab borish,
🔹 аniq va tabiiy fanlar, shuningdek xorijiy tillar yo‘nalishidagi ta’limni onlayn platforma yordamida yo‘lga qo‘yish kabi imkoniyatlarga ega platforma hisoblanadi.

❗️ Uchrashuv doirasida mehmonlar uchun Muhammad al Xorazmiy nomidagi ixtisoslashtirilgan maktab, Toshkent shahridagi Prezident va Olmazor tuman 22-sonli umumta'lim maktablari bo'ylab kampus-tur tashkil etildi.

📆 Ma’lumot o’rnida, Alef ta'lim platformasi rahbariyati bilan uchrashuvlar 12-aprelga qadar davom etadi.

Vazirlikning rasmiy sahifalariga ulanish
Telegram | Youtube | Facebook | Instagram

#Xorijiy_hamkorlik
#Gospital_pedagogika

Maktabgacha va maktab taʼlimi vazirligi tomonidan gospital pedagogikani rivojlantirish bo‘yicha shartnoma imzolandi

✅ Bugun Maktabgacha va maktab taʼlimi vaziri Hilola Umarova hamda Rossiyaning “УчимЗнаем” maktabi direktori, gospital maktablar loyihasi tashkilotchisi va rahbari Sergey Sharikov ishtirokida uchrashuv bo‘lib o‘tdi.

📍Tadbir "Mehrli maktab” Bolalar gematologiyasi, onkologiyasi va klinik immunologiyasi markazida bo'lib o'tib, unda O‘zbekiston va Rossiya tomonlaridan masʼul xodimlar ishtirok etdi.

Uchrashuv avvalida Hilola Umarova O‘zbekistonda taʼlimga qaratilayotgan eʼtibor, vazirlik tomonidan olib borilayotgan islohotlar borasida to‘xtalib o‘tdi. Jumladan, "Mehrli maktab” markazida bolalarning sifatli taʼlim berilishi uchun amalga oshirilayotgan vazifalar va kelgusi rejalar borasida fikr bildirdi.

Ikki tomonlama hamkorlikda imzolanayotgan Shartnoma maktab tarbiyalanuvchilarining markazda davolanishi, sifatli ва qulay ta‘lim olishishga ko‘mak berishini alohida taʼkidladi.

❗️ Uchrashuv so‘nggida Maktabgacha ва maktab taʼlimi vazirligi hamda Rossiyaning “УчимЗнаем” gospital maktabi tomonidan “Uzoq muddatli davolanayotgan bolalar uchun taʼlim muhitini yaratish” bo'yicha hamkorlik shartnomasi imzolandi.
____
✔️Ma'lumot o'rnida, hozirda "Mehrli maktab" davlat ta'lim muassasasida 81 nafar maktabgacha yoshdagi bolalar va 71 nafar maktab yoshidagi o‘quvchilar mavjud.

Bu yerda o‘quv jarayonini tashkil etish uchun alohida o‘quv reja tasdiqlangan bo'lib, dars mashg‘ulotlari o'zbek va rus tillarida, 12 ta fandan olib boriladi.

Kelgusida Qoraqalpog‘iston Respublikasi, Andijon va Farg‘onada ham shu kabi gospital maktablar ochilishi rejalashtirilgan.

Vazirlikning rasmiy sahifalariga ulanish
Telegram | Youtube | Facebook | Instagram

#Xorijiy_hamkorlik
#Football_for_schools

FIFA 53 TA MAMLAKATDA JORIY ETGAN LOYIHA ENDI O’ZBEKISTONDA!

✅ Bugun Maktabgacha va maktab ta'limi vazirligi tomonidan O'zbekiston Futbol Assotsiatsiyasi bilan hamkorlikda jismoniy tarbiya fani o‘qituvchilari uchun seminar-treninglar tashkil etildi.

Tadbirning ochilish marosimida Maktabgacha va maktab ta'limi vaziri o'rinbosari Dilshod Kenjayev, O'FA birinchi vitse-prezidenti Ravshan Ermatov, FIFA vakillari Alexandra Huete hamda Alberto Giacomini ishtirok etishdi.

📍 FIFA mutaxassislari jismoniy tarbiya fani o'qituvchilari uchun seminar-treninglar tashkil etishdi!

Treninglar FIFA vakillari tomonidan o'tkazilib, unda "Football for schools - maktablarda futbol" loyihasi haqida taqdimot qilindi hamda mazkur dasturning ijobiy tomonlari haqida qatnashchilarga so‘zlab berildi.

Ayni damda treninglarda butun Respublikadan saralab olingan 28 nafar jismoniy tarbiya o'qituvchilari ishtirok etishmoqda.

❗️ Alexandra Huete FIFA tomonidan "Football for schools" loyihasi bugungi kunda 53 ta mamlakatda joriy qilinganligini alohida ta’kidlab o'tdi:

- Bu dastur mazkur sport turiga qiziqadigan iqtidorli yoshlarni saralab olish hamda o‘qitishda alohida ahamiyatga ega. Aynan "Football for sports" loyihasi yordamida dunyo bo'ylab taniqli sport yulduzlari yetishib chiqqan. Bu O'zbekistondagi iste'dodli yoshlarni kashf etishda ham o'ziga xos rol o'ynashiga ishonamiz, - dedi u.

Kunning ikkinchi yarmida seminar ishtirokchilari uchun amaliy mashg'ulotlar hamda “Chig‘atoy” sport bazasiga tashrif rejalashtirilgan.

📍Tadbir Olmazor tumanidagi 191-maktabda bo’lib o’tdi.

📆 Seminar-treninglar 29-aprelgacha davom etadi.

Vazirlikning rasmiy sahifalariga ulanish
Telegram | Youtube | Facebook | Instagram

#Xorijiy_hamkorlik
#Ixtisoslashgan_maktablar

📍Agentligimiz tizimidagi Muhammad al-Xorazmiy nomidagi ixtisoslashtirilgan maktabida BMT Modeli - Birlashgan Millatlar Tashkiloti faoliyatining rekreatsiyasi tashkil qilindi

✅ Mazkur tadbir BMT Modeli - Birlashgan Millatlar Tashkiloti faoliyatining rekreatsiyasi bo‘lib, maqsadi esa, o‘quvchilarga interaktiv va zavqli ta'lim tajribasi orqali nafaqat BMT haqidagi, balki global muammolarga oid tushunchalarini kengaytirishda ko‘maklashishdir. Bu o‘quvchilarni global muammolarni hal qilishga jalb qilish hamda ularga yechim topishda xalqaro yondashuv bilan ijodiy fikrlashga undaydi.

📌 Ta’kidlash lozim, yaqinda AQSHning Nyu-York shahrida bo‘lib o‘tgan BMTning “ECOSOC” Yoshlar forumida O‘zbekiston Respublikasi yoshlari delegatsiyasi ham munosib ishtirok etdi. Bunday tadbirlar ana shunday forumlarda ishtirok etayotgan lider avlodlarni tarbiyalashda muhim ahamiyatga ega.

Batafsil

Agentlikning rasmiy sahifalariga ulanish:
Telegram | Facebook | Instagram | YouTube

#Xorijiy_hamkorlik
#Angliya

MAKTABGACHA VA MAKTAB TA'LIMI VAZIRLIGI HAMDA PORSTMUT UNIVERSITETI O’RTASIDA ANGLASHUV MEMORANDUMI IMZOLANDI

✅ London shahrida Butunjahon ta’lim forumida ishtirok etayotgan Maktabgacha va maktab ta’limi vaziri Hilola Umarova Buyuk Britaniyaning Portsmut universiteti prorektori Bobby Mehta bilan anglashuv memorandumini imzoladi.

Mazkur memorandum doirasida tomonlar:

▶️ Portsmut universiteti filologiya fakulteti bitiruvchi talabalarining Respublikamiz umumiy o‘rta ta’lim maktablarida mahalliy chet tili o‘qituvchilari bilan juftlikda dars berish tizimini yo‘lga qo‘yish,
▶️ Vazirlik tizimidagi lider maktab direktorlari uchun Portsmut universiteti tomonidan Buyuk Britaniyada 2 haftalik malaka oshirish kurslarini tashkil etish,
▶️ Portsmut universiteti Kasbiy rivojlanish va amaliy ta’lim yo‘nalishi rahbari Doktor Stiven Korbetni Maktabgacha va maktab ta’limi vazirligining xorijiy tillar islohotlari yo‘nalishida maslahatchisi etib tayinlanishi yuzasidan kelishib olishdi.

❗️Shuningdek, O‘zbekistonning Buyuk Britaniyadagi elchixonasi hamkorligida, Respublikamizning maktabgacha va maktab ta’lim muassasalarida faoliyat olib borishi ko‘zda tutilgan Portsmut, Glazgo, Manchester Metropolitan, Vorvik, Notingem Trend, London hamda Oksford universitetlari o‘qituvchilari va bitiruvchi talabalari uchun mavjud bo‘lgan sharoitlar, ta’lim tizimimizdagi yutuqlar va istiqboldagi rejalar haqida taqdimot o‘tkazildi.

Agentlikning rasmiy sahifalariga ulanish:
Telegram | Facebook | Instagram | YouTube

#Xorijiy_hamkorlik
#Turkiya

Vazirlik delegatsiyasi Ta'lim instituti vasiylik yig'ilishida ishtirok etmoqda

✅ Ayni paytda Turkiyaning Istanbul shahrida Iqtisodiy hamkorlik tashkiloti (IHT) huzuridagi Ta’lim instituti Vasiylik kengashining IV yig‘ilishi bo‘lib o‘tmoqda.

❗️Unda O‘zbekiston Respublikasi vakili sifatida Maktabgacha va maktab ta’lim vazirligi delegatsiyasi ilk bora ishtirok etmoqda.

📍Tadbirning birinchi kuni, 4-avgustda Vasiylik kengashi ekspertlari yig‘ilishi o‘tkazildi. Unda tashkilotga a’zo davlatlar delegatsiyalari kun tartibidagi masalalarni ko‘rib chiqib, fikr-mulohazalar almashishdi.

Ekspertlar yig‘ilishidan so‘ng, delegatsiya rahbarlari o‘rtasida ikki tomonlama uchrashuvlar tashkil etildi. Unda O‘zbekiston Respublikasi Maktabgacha va maktab ta’lim vazirining birinchi o‘rinbosari Usmon Sharifxodjayev Turkiya Milliy ta’lim vaziri, professor Yusuf Tekin bilan uchrashdi.

✔️ Uchrashuv davomida tomonlar ikki davlat rahbariyati o‘rtasidagi do‘stona munosabatlar hamda har tomonlama strategik sheriklik kundan-kunga mustahkamlanayotganligi va ta’lim sohasidagi hamkorlik eng muhim yo‘nalishlardan biri ekanligini alohida e’tirof etishdi.

⚡️Unda, xususan pedagoglar malakasini oshirish hamda ikki davlat yoshlari o‘rtasida almashinuv dasturlarini tashkil etish, maktab o’quvchilari o'rtasida fan olimpiadalarini va qardosh maktablar dasturini kengaytirish yo'nalishlari muhokama qilindi.

🔴 Hozirda anjumanning asosiy qismi - Vasiylik kengashi yig‘ilishi bo‘lib o‘tmoqda.

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram