#2025_yil_1_maydan

🪙Qonunchilikka ko'ra, ozodlikdan mahrum etish joylaridan ozod qilingan shaxslarga BHMning 6 baravari miqdoridagi 1 martalik nafaqa puli uni tayinlashning amaldagi tartibi saqlab qolingan holda «Inson» ijtimoiy xizmatlar markazlari orqali to'lanadi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Davlat organlarining inson resurslarini boshqarish bo‘yicha faoliyati samarali tashkil etiladi

Manba: VMQ-212-son, 09.04.2025-yil

Kanalga ulanish👇👇👇
https://t.iss.one/huquqiyaxborot_lotin

#2025_yil_1_maydan

🗓Qonunchilikka ko'ra, 2031-yil 1-yanvargacha kreativ park rezidentlariga quyidagi soliq imtiyozlari joriy etiladi:

🔹ijtimoiy soliqni hamda jismoniy shaxslardan olinadigan daromad solig'ini 50 foiz kamaytirilgan stavkada to'laydi;

🔹tovarlarni (ishlarni, xizmatlarni) realizasiya qilishdan olingan daromadi miqdoridan qat'i nazar aylanmadan olinadigan soliq to'lovchilar toifasiga kiritiladi. Bunda ular o'z istagiga binoan umumbelgilangan soliq solish tartibiga o'tishlari mumkin.

Kanalga ulanish👇👇👇
https://t.iss.one/huquqiyaxborot_lotin

#Huquqiy_axborot_minbari

❗️Energoresurslar iste'moli uchun yil bo'yi kompensatsiya ajratiladi

⚖️ “Energoresurslar iste'moli uchun yil bo'yi kompensatsiya ajratiladi” mavzusida ekspertlar bilan suhbat tashkil etiladi.

⏰ Ovozli chat 30-aprel kuni soat 16:00 da Huquqiy axborot telegram kanalida boshlanadi.

🎙Suhbat spikerlari: O'zbekiston Respublikasi Prezidenti huzuridagi Ijtimoiy himoya milliy agentligi, "Hududiy elektr tarmoqlari" AJ hamda "Hududgazta'minot" AJ mutaxassislari.

📥 Savollaringizni @mehnatpodkast_bot telegram boti orqali oldindan yoki to'g'ridan to'g'ri onlayn muloqot vaqtida berishingiz mumkin.

📌 Mazmunan bir-biriga yaqin savollarga umumlashtirilgan holda javob beriladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Bo'sh turgan davlat ko'chmas mulk obyektlaridan samarali foydalanish tashkil etiladi

Hukumat qarori (247-son, 21.04.2025 y.) bilan “Bo'sh turgan davlat ko'chmas mulk obyektlarini xatlovdan o'tkazish va ulardan samarali foydalanishni tashkil etish chora-tadbirlari to'g'risida” gi nizom tasdiqlandi.

🔰Nizom noturar bo'lgan bo'sh turgan davlat ko'chmas mulk obyektlarini aniqlash va xatlovdan o'tkazish, xatlov natijalarini rasmiylashtirish, bo'sh turgan davlat ko'chmas mulk obyektlaridan samarali foydalanish mezonlari va ulardan samarali foydalanishni tashkil etish tartibini belgilaydi.

📝Nizomga ko'ra, Davlat aktivlarini boshqarish agentligi huzuridagi Davlat mulki obyektlaridan samarali foydalanish markazi va uning hududiy boshqarmalari "Davlat mulki" ATda bo'sh turgan davlat ko'chmas mulk obyektlarining hisobini yuritish sohasida quyidagilarni amalga oshiradi:

🔹toifalarga ajratish bo'yicha:

▪️bo'sh turgan;
▪️me'yorga asosan ortiqcha maydon aniqlangan;
▪️qurilishi tugallanmagan (1 yildan ortiq muddatda);

🔹samarali foydalanish choralari ko'rilganligi bo'yicha:

▪️rivojlantirish dasturlariga kiritilgan;
▪️ommaviy savdolar orqali sotilishi belgilangan;
▪️davlat-xususiy sheriklik dasturiga kiritilgan;
▪️ijaraga berish uchun ommaviy savdolarga chiqarilishi belgilangan.

✔️Markaz aniqlangan bo'sh turgan davlat ko'chmas mulk obyektlari to'g'risidagi ma'lumotlarni xatlov yakunlangandan so'ng 10 kun muddatda o'zining rasmiy veb-saytida e'lon qiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️“Yangi O'zbekiston” universiteti faoliyati yanada takomillashtiriladi

“Yangi O'zbekiston” universiteti faoliyatini yanada takomillashtirish chora-tadbirlari to'g'risida” gi Prezident qarori (PQ-151-son, 28.04.2025 y.) qabul qilindi.

❇️Qarorni qabul qilishdan ko'zlangan asosiy maqsadlar etib quyidagilar belgilandi, jumladan:

🔹eng iqtidorli yoshlar va yuqori salohiyatli professor-o'qituvchilarning ilmiy maktablarini shakllantirish;

🔹xalqaro standartlar va ilg'or tajriba asosida tibbiyot sohasida ta'lim, amaliyot hamda ilmiy tadqiqot faoliyati uyg'unligini ta'minlash, soha uchun raqobatbardosh va yuqori malakali mutaxassislar tayyorlash.

📋Universitet huzurida Ilg'or bilim va tajribalar transferi markazi tashkil etiladi.

✔️2025/2026 o'quv yilidan Universitetning magistratura mutaxassisliklari talabalariga Vazirlar Mahkamasining qarori bilan ta'limning bakalavriat bosqichiga joriy qilingan davlat grantini ajratish tartibi joriy etiladi.

📝2027 yil 1 dekabrgacha Universitet uchun olib kelinadigan va muqobili O'zbekistonda ishlab chiqarilmaydigan qurilma, dasturiy va texnik vositalar, butlovchi qismlar bojxona to'lovlaridan (QQS, aksiz solig'i va bojxona rasmiylashtiruvi yig'imlaridan tashqari) ozod etiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Universitetda tibbiyot fakulteti tashkil etiladi

🔰Qarorga ko'ra, Universitetda texnika va tibbiyot sohalaridagi ilmiy-tadqiqot loyihalarini grant asosida moliyalashtirishning yangi mexanizmi joriy etiladi. Bunda:

🔸ilmiy-tadqiqot loyihasini 1 yillik moliyalashtirish qiymati BHMning 2 500 barobaridan yuqori bo'lgan hollarda ushbu loyihani moliyalashtirish xalqaro e'tirof etilgan tashkilotlar reytingida yuqori 30 talik ro'yxatga kirgan oliy ta'lim tashkiloti xulosasi asosida amalga oshiriladi;

🔸ilmiy-tadqiqot loyihalariga ajratilgan mablag'larning kamida 60 foizi ushbu loyiha doirasida foydalanish uchun tegishli asbob-uskuna xarid qilishga yo'naltiriladi.

✅Shuningdek, ilmiy-tadqiqot loyihasini 1 yillik moliyalashtirish qiymati BHMning 5 000 barobaridan yuqori bo'lgan hollarda ushbu loyiha rahbariga quyidagi majburiyatlar yuklanadi:

▪️ilmiy-tadqiqot loyihasi umumiy qiymatining kamida 20 foizini hamkorlikda moliyalashtirish maqsadida xorijiy grantlarni jalb qilish;

▪️ilmiy-tadqiqot loyihasini 3 nafar doktorant va 10 nafar magistrantni jalb qilgan holda amalga oshirish;

▪️ilmiy-tadqiqot loyihasini amalga oshirishda kamida 10 nafardan iborat tadqiqotchilar guruhini tuzish hamda kamida Xirsh indeksi 20 dan yuqori bo'lgan 1 nafar chet ellik olimni jalb qilish.

🏢Universitetda Yevropa standartlari asosida Germaniya Federativ Respublikasining oliy ta'lim tashkilotlari bilan hamkorlikda tibbiyot fakulteti tashkil etiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Nizomiy nomidagi O'zbekiston milliy pedagogika universiteti tashkil etiladi

“Pedagog kadrlar tayyorlash tizimini yanada takomillashtirish chora-tadbirlari to'g'risida” gi Prezident Farmoni (PF-73-son, 28.04.2025-y.) qabul qilindi.

✅Farmonga ko'ra:

🏢Nizomiy nomidagi Toshkent davlat pedagogika universiteti negizida Nizomiy nomidagi O'zbekiston milliy pedagogika universiteti tashkil etiladi;

🏛Universitet respublikada pedagog kadrlar tayyorlash bo'yicha yetakchi oliy ta'lim tashkiloti etib belgilandi.

🔰2025/2026-o'quv yilidan:

🔸Universitetning boshqaruv tizimi “Yangi O'zbekiston” universiteti tajribasi asosida tubdan takomillashtiriladi;

🔸Universitetning mavjud 14 ta fakulteti maqbullashtirilib, 6 ta pedagogika oliy maktablari tashkil etiladi;

🔸akademik faoliyat raqamlashtirilgan boshqarish tizimi (Learning management system) orqali yo'lga qo'yiladi hamda “Oliy ta'lim jarayonlarini boshqarish” (HEMIS) axborot tizimi bilan integrasiya qilinadi.

🔸Universitetning bakalavriat ta'lim yo'nalishlariga 1-kursdan xalqaro ta'lim dasturlari bosqichma-bosqich joriy etiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Pedagog kadrlarni tayyorlashda sirtqi ta'lim shakliga qabul amalga oshirilmaydi

🔰Farmonga ko'ra, 2025/2026-o'quv yilidan pedagog kadrlar tayyorlash bo'yicha:

🔸pedagog kadrlarni tayyorlash faqat kunduzgi va kechki ta'lim shakli bo'yicha tashkil etilib, sirtqi ta'lim shakliga qabul amalga oshirilmaydi;

🔸oliy pedagogik ta'lim yo'nalishida nodavlat ta'lim xizmatlarini ko'rsatish sohasidagi faoliyatni litsenziyalash Maktabgacha va maktab ta'limi vazirligi xulosasi asosida amalga oshiriladi.

❇️2025/2026-o'quv yilidan xorijiy mutaxassislarni jalb qilgan holda Universitetning xalqaro ta'lim dasturlari joriy etilgan ta'lim yo'nalishlarida dars berish uchun professor-o'qituvchilarni tanlab olish tizimi yo'lga qo'yiladi.

🏛2026/2027-o'quv yilidan alohida ta'lim ehtiyojlari bo'lgan bolalarga ta'lim-tarbiya berish tizimini yanada takomillashtirish maqsadida “Gospital pedagogika” magistratura mutaxassisligi bo'yicha kadrlar tayyorlash yo'lga qo'yiladi.

✔️2026-yil 1-sentabrdan respublikadagi mavjud pedagogika texnikumlarining o'quv jarayoniga xalqaro ta'lim dasturlarini bosqichma-bosqich joriy qilinadi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️O'zbekistonda ta'lim sifati va samaradorligini oshirish loyihasi amalga oshiriladi

“O'zbekiston Respublikasida ta'lim sifati va samaradorligini oshirish” loyihasini amalga oshirish chora-tadbirlari to'g'risida” gi Prezident qarori (PQ-152-son, 28.04.2025 y.) qabul qilindi.

🔰Qarorga ko'ra, quyidagilar “O'zbekiston Respublikasida ta'lim sifati va samaradorligini oshirish” loyihasining asosiy maqsadlari etib belgilandi, jumladan:

🔹2025–2029-yillar davomida zamonaviy standartlar asosida kamida 58 ta maktab qurish va 72 mingtadan ziyod qo'shimcha o'quv o'rinlarini yaratish orqali sohadagi navbatlilik koeffisientini kamaytirish;

🔹kamida 500 nafar nogironligi bor o'quvchilar uchun inklyuziv ta'lim sharoitlarini yaratish;

🔹davlat ta'lim standartlari va o'quv dasturlarini xalqaro talablarga muvofiqlashtirish, kompetensiyalarga asoslangan ta'lim tamoyillarini joriy etish, laboratoriya mashg'ulotlarini STEM standartlariga muvofiq tashkil qilish;

🔹xalqaro talablar va yondashuvlar asosida 36 ming nafar pedagog kadrlarning kasbiy rivojlanishini ta'minlash, malaka oshirishning “aralash o'qitish” modelini joriy qilish.

🏛Maktabgacha va maktab ta'limi vazirligi Loyihani o'z vaqtida amalga oshirish hamda muvofiqlashtirish bo'yicha mas'ul ijro etuvchi organ hisoblanadi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Meva-sabzavot mahsulotlarini realizatsiyaga chiqaradigan ayrim tadbirkorlarga soliq imtiyozlari beriladi

Manba: PQ-136-son, 08.04.2025-yil

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Mahsulotlarning yagona elektron milliy katalogini yuritish tartibi belgilandi

Hukumat qarori (263-son, 28.04.2025 y.) bilan “Mahsulotlar (tovarlar va xizmatlar) yagona elektron milliy katalogini yuritish hamda undan foydalanish tartibi to'g'risida” gi nizom tasdiqlandi.

📋Nizom mahsulotlar (tovarlar va xizmatlar) yagona elektron milliy katalogini yuritish va undan foydalanish, shuningdek, soliq imtiyozlariga mahsulotlarning (tovarlarning va xizmatlarning) identifikasiya kodlarini biriktirish tartibini belgilaydi.

📝Ishlab chiqariladigan va import qilinadigan tovarlar hamda ko'rsatiladigan xizmatlar milliy katalog obyekti hisoblanadi.

✔️Milliy katalog quyidagi holatlarda va maqsadlarda ishlatiladi:

▪️elektron hisobvaraq-fakturalarni rasmiylashtirishda;
▪️onlayn-NKT cheklarida;
▪️bojxona yuk deklarasiyasini to'ldirishda (bojxona chegarasidan birinchi marta olib kirilayotgan tovarlar bundan mustasno);
▪️qonunchilik hujjatlarida belgilangan boshqa holatlarda.

📌Milliy katalogdan Internet jahon axborot tarmog'idagi “tasnif.soliq.uz” rasmiy veb-sayti orqali foydalaniladi.

🔗Mahsulotlar (tovarlar, xizmatlar) uchun soliq imtiyozlari soliq organlari tomonidan ushbu imtiyozlar nazarda tutilgan normativ-huquqiy hujjatlarda ko'rsatilgan mahsulot va xizmatlarning identifikasiya kodlariga biriktiriladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️“Yil o'qituvchisi” hamda “Kasbiy mahorat yetakchisi” tanlovlari o'tkaziladi

“Umumiy o'rta ta'lim sohasi xodimlari o'rtasida “Yil o'qituvchisi” hamda “Kasbiy mahorat yetakchisi” tanlovlarini tashkil etish va o'tkazish chora-tadbirlari to'g'risida”gi Hukumat qarori (264-son, 28.04.2025 y.) qabul qilindi.

🔰Qarorga ko'ra, 2026-yildan har 2 yilda 1 marta quyidagi tanlovlar o'tkaziladi:

🔹Maktabgacha va maktab ta'limi vazirligi tizimidagi umumiy o'rta ta'lim tashkilotlari pedagog xodimlari o'rtasida “Yil o'qituvchisi” tanlovi;

🔹pedagogik mahorat markazlari direktorlari o'rtasida “Kasbiy mahorat yetakchisi” tanlovi.

✔️Qaror bilan quyidagi nizomlar tasdiqlandi:

▪️“Yil o'qituvchisi” tanlovini o'tkazish tartibi to'g'risidagi;

▪️“Kasbiy mahorat yetakchisi” tanlovini o'tkazish tartibi to'g'risidagi.

📝Tanlovlar yakunlariga ko'ra g'olib deb topilgan har bir nomzod QR-kodli sertifikat bilan taqdirlanadi.

💸Sertifikat asosida g'oliblar BHMning 1 400 baravari (525 mln) ga teng pul mukofoti bilan taqdirlanadi.

Kanalga ulanish👇👇👇
https://t.iss.one/huquqiyaxborot_lotin

#2025_yil_1_maydan

🔖Qonunchilikka ko'ra, barcha sog'liqni saqlash va ta'lim muassasalarida quyidagilarni nazarda tutuvchi «Toza qo'llar» dasturi amalga oshiriladi va aholi orasida keng targ'ib qilinadi:

🔹qo'l yuvish joylarini zarur sanitariya-gigiena vositalari bilan ta'minlash;

🔹sanitariya-gigiena xonalarining texnik holatini yaxshilash, yangi qurilayotgan muassasalarda ularni binoning ichki qismida joylashtirish;

🔹yil davomida birinchi navbatda qo'l yuvish va antiseptik vositalarni xarid qilishni nazarda tutish.

Kanalga ulanish👇👇👇
https://t.iss.one/huquqiyaxborot_lotin