#گاماسیاو

لەچگ خسۊده دَەور مل جوو مامر ئاوی سَەر لۊەتێ
بەێداخ بەرزێگ بۊ له وا سڵته و زوون خەت خەتێ

وه گاتەگات و نەرمه نەرم وه لوورە لوور پڕ له شەرم
هۊر سەراوەیل بردێه دەنگ ئەزیز یەێ دۊەتێ

پۊنگەیل پڕ عەتر سەراو تا ناوکێان پڕ بۊده ئاو
منیش له شەوق ئەو دەنگه پیەن بۊم له بان یەێ تیەتێ

بوو عەتر سەوز سوخمەگەێ گاماسیاو ناسه چزەو
پرتەێ چەوەیل ماسیه تیەێدن له ژێر ژێر کەتێ

تا ساێ سەرم کردۊم وه خوار سوخمەێ وەهار شل کردو چێ
هێمان له گوشم نیشتهَ جاس دەنگ ئەزیز یەێ دۊەتێ

#گه‌رمیێان #گاماسیاو #دوکتور_عەلی_ئولفه‌تی

🆔 https://t.iss.one/joinchat/AAAAAD-VVYHFRQmKMcw8hA