#Call_markaz
#Qabul_2023

CALL-MARKAZ: ENG KO'P KELIB TUSHAYOTGAN SAVOLLARGA JAVOBLAR

❓Bu yil farzandim 1-sinfga chiqadi. Men uning hujjatlarini bir vaqtning o'zida bir nechta maktabga topshirmoqchiman. Buning imkoni bormi?

✅ Joriy yilning 20-iyunidan 31-iyuligacha farzandingizni 1-sinfga qabul qilish bo'yicha mikrohudud doirasida belgilangan umumta'lim maktabiga ariza yuborishingiz mumkin. Yashash manzili bo'yicha mikrohududga biitktirilgan umumta'lim maktabi avtomatik belgilanadi.

Umumta'lim maktablarining o'quvchi o'rni, malakali pedagog kadrlar bilan ta'limlanganligi, sinf xonalarining o'quv mebellari bilan jihozlanganligidan kelib chiqib, umumta'lim maktablarining bo'sh o'rinlariga mikrohuddan tashqari qo'shimcha bolalar qabul qilinishi mumkin.

Shunga ko'ra, 1-avgustdan 15-avgustgacha mikrohududdan tashqarida joylashgan maktabning 1-sinfiga farzandingizni qabul qilish bo'yicha ariza yuborishingiz mumkin.

❓My.maktab.uz ilovasi orqali ariza topshirayotganimda, "avval bu raqam bilan ro‘yxatdan o‘tilgan" degan yozuv chiqib qolyapti. Bunday holatda nima qilishimiz kerak?

✅ Siz ro‘yxatdan o‘tish uchun kiritgan telefon raqami orqali tizimda avval ham ro‘yxatdan o'tish amalga oshirilganligi sabab shu xatolik yuzaga kelgan. Bunday holatda siz my.maktab.uz tizimida ro‘yxatdan o‘tmagan boshqa raqam bilan qaytadan ariza to‘ldirishingiz kerak bo‘ladi.

❓Men Qozog‘iston fuqarosiman. Hozirda O‘zbekistonda istiqomat qilyapman. Men 7 yoshga to‘lgan farzandimni 1-sinfga qabul qilish bo'yicha ariza topshira olamanmi?

✅ Ha, topshira olasiz. Bunda my.maktab.uz hamda my.gov.uz platformalarida “chet el fuqarolari va fuqaroligi bo‘lmagan shaxslar farzandlarini O‘zbekiston Respublikasining umumiy o‘rta ta’lim muassasalariga qabul qilish” xizmatidan foydalanishingiz mumkin.

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram

#Call_markaz

❓ Biz turmush o‘rtog‘imning ishlari tufayli Toshkent shahrida yashaymiz, ammo Navoiy shahrida doimiy ro‘yxatda turamiz. Farzandimni 1-sinfga hujjatlarini topshirayotganda harbiy sifatida ro‘yxatdan o‘tkaza olmayapmiz. Bundan holatda qanday yo‘l tutishimiz kerak?

✅ Xabaringiz bor, 2023-2024-o‘quv yilida 43 ta tuman va shaharlarda 1-sinfiga qabul jarayonlari onlayn shaklda, ya’ni vazirlikning elektron xizmatlar portali (my.maktab.uz) hamda Yagona interaktiv davlat xizmatlari portali (my.gov.uz) orqali amalga oshirilmoqda.

Qabul jarayonlari birinchi navbatda joriy yilning 31-iyuliga qadar umumta’lim maktablariga hokimliklar tomonidan biriktirilgan mikrohudud doirasida, 1-avgustdan boshlab esa mikrohududdan tashqari ya’ni bir tumandan boshqa tumanga, 10-avgustdan esa istalgan hududdan (chegarasiz) qabul jarayoni amalga oshiriladi. Qabul jarayonlari 15-avgustda yakunlanadi.

Siz Toshkent shahrida vaqtincha yashash joyingiz bo‘yicha ro‘yxatdan o‘tmagan bo‘lsangiz, joriy yilning 10 avgustidan so‘ng farzandingizni maktabga joylashtirish uchun ariza topshirishingiz mumkin bo‘ladi.

❓O‘g‘lim Yangihayot tumanidagi 8-sonli maktabning 1-sinfini tugatdi. Keyingi o‘quv yilida o‘g‘limni o‘qishini ish joyimga yaqin bo‘lgan boshqa maktabga o‘zgartirmoqchiman. Maktabdan maktabga ko‘chirish jarayonlari boshlandimi?

✅ O‘quvchilarni bir maktabdan boshqasiga ko‘chirish ota-onalarning murojaatlari asosida o‘quv yili davomida yoki yozgi ta’til davrida amalga oshiriladi. Buning uchun siz, vazirlikning elektron xizmatlar portali (my.maktab.uz) yoki Yagona interaktiv davlat xizmatlari portali (my.gov.uz) orqali onlayn shaklda ariza berishingiz kerak.

❗️Yuborilgan arizalar 3 ish kunida o‘quvchi ko‘chiriladigan maktab ma’muriyati tomonidan ko‘rib chiqilib, ariza beruvchining farzandini maktabga qabul qilinganligi yoki qabul qilish rad etilganligi (sabablari ko‘rsatiladi) haqida ma’lumot tizimga yuklanadi.