YOSH QUTQARUVCHI

🌟Sirdaryo viloyati Favqulodda vaziyatlar, Maktabgacha va maktab ta'limi boshqarmasi hamda O'zbekiston Yoshlar ittifoqi Sirdaryo viloyat kengashi bilan hamkorlikda "Yosh qutqaruvchi" sport musobaqasi viloyat bosqichi bo'lib o'tdi.Tabiiy va texnogen hodisalar ko'payib borayotgan davrda qutqaruvchilar xizmatiga ehtiyoj yuqori. Yoshlarda favqulodda vaziyatlarda to'g'ri harakatlanish, qutqaruv ishlarini tashkil etish ko'nikmasini shakllantirish, bu kasbni tanlashda ishtiyoqi baland bolalarni har tomonlama qo'llab-quvvatlash-bugungi musobaqaning asosiy maqsadi. Jamoalar savol-javob, jabrlanuvchiga birinchi tibbiy yordam ko'rsatish, qutqaruv anjomlari yordamida yuqoriga ko'tarilish va qutqaruvchilar estafetasi shartlarini bajardilar.
Musobaqa yakunida Guliston shahridagi 18-umumta'lim maktabi 1-o'rinni, Xovos tumani 1-umumta'lim maktabi 2-o'rinni, Sardoba tumani 13-umumta'lim maktab jamoasi esa 3-o'rinni egalladi.
✍Sirdaryo viloyati MMTB matbuot xizmati
Telegram/Facebook/YouTube/Instagram

Mirzaobod tumani ta'lim tizimi rahbar xodimlari bilan uchrashuv o‘tkazildi

Bugun, 10-aprel kuni Sirdaryo viloyati Maktabgacha va maktab ta’limi boshqarmasi boshlig‘i Sherzod Xudaykulov Mirzaobod tumani hokimligi majlislar zalida tumanda faoliyat yuritayotgan ta'lim sohasi rahbar xodimlari bilan uchrashuv o‘tkazdi. Unda tuman hokimligi rahbariyati, tuman maktabgacha va maktab ta’limi bo‘limi xodimlari hamda tumandagi barcha umumtaʼlim maktablari direktorlari, davlat maktabgacha ta'lim tashkilotlari rahbarlari ishtirok etishdi.

Tahliliy-tanqidiy ruhdagi bo‘lib o‘tgan mazkur kengaytirilgan yig‘ilishda tumandagi sohaviy rahbar xodimlarning faoliyatlari tahlil qilinib, kamchiliklar tanqid ostiga olindi.

Boshqarma boshlig‘i o‘z nutqida Davlatimiz rahbari tomonidan ta'limga berilayotgan e'tiborni alohida e'tirof etgan holda, bu o‘z o'rnida soha rahbar xodimlari zimmasiga yanada ma'suliyat yuklashini ta'kidlab o‘tdi.

Shundan so‘ng, yig‘ilishda tashkiliy masala ko‘rildi. Sherzod Xudaykulov jamoaga shu kunga qadar tuman Xalq ta'limi bo‘llimi mudiri lavozimida ishlab kelayotgan Zikrillayev Jamshid Axmadiyarovichni vazirning tegishli buyrug‘i bilan Mirzaobod tumani Maktabgacha va maktab ta’limi bo‘limi boshlig‘i lavozimiga tayinlanganligini o‘qib eshittirdi. Shuningdek, Jamshid Axmadiyarovichni ushbu tayinlov bilan tabriklab, unga kelgusi ishlarida omad va muvaffaqiyatlar tiladi.

Telegram | Facebook | YouTube | Instagram