📲📲📲📲📲
Тупсарыы сылынан тупсан иһэбит
💡💡💡💡💡💡💡💡💡
Быйыл улууска ТУПСАРЫЫ СЫЛЫНАН 1,5 мөлүйүөн үбүлээһин көрүллэн СРК "МОДЬУ" ген.директор Григорьев В.А. кытта сөбүлэҥ түһэрсиллэн уопсайа 65 эргэ лаампа нэҥири харыһыйар лаампаларга уларытылыннылар, 300 миэтэрэ боруобат тардыллан эбии 6 лаампа холбонно.

💵Үбүлээбит улуус дьаһалтатыгар, үлэлээбит тэрилтэҕэ барҕа махталбытын биллэрэбит! 🤝

#тупсарыысыла
#сомоҕолоһуусыла
#үлэсыла
#махталтыллара


✔️t.iss.one/shologon_adm

Бүгүн Россияҕа киинэ күнүгэр, атырдьах ыйын 27 күнүгэр Солоҕоҥҥо 2021 сыллаахха уһуллубут "РАЙ" документальнай киинэ премьерата буолла.

Өссө даҕаны Дойдуга, өрөспүүбүлүкэҕэ официальнай прокат буола илик, кылгас кэмҥэ "BEAT" фестиваль кэмигэр эрэ "Кинопоиск" платформаҕа тахса сылдьыбыта.

Киинэни көрүөх иннинэ бу киэһэ режисер Александр Абатуров Францияттан, продюсер Ирина Бугаева Аргентинаттан быһа холбонон олохтоохтору көрөн олус үөрдүлэр, ахтылҕаннарын таһааран элбэҕи кэпсэттилэр, сэһэргэстилэр.

Киинэни толору көрөн баран маннык санааҕа кэллим: сүрүн суолтата, мин санаабар - ыарахан кэмнэр, улахан иэдээн бүрүүкээтэҕинэ дьон түмсэр, сомоҕолоһор, алдьархайы туоратарга бииргэ турунар уонна бэйэтин кыракый "ырайын" төннөрөр диэн суолталаах.

Режисер этэринэн хас биирдии киһи бу дойдуга туспа "ырайдаах". Солоҕон Өрт бөһүөлэгэ, кини санаатыгар, олохтоохторго кыракый бэйэлэрин "ырайдара" буолар диир. Ону кинилэр туох да кэтэх санаата суох, күннээҕи боростой олохторунан харыстаан, бүөбэйдээн, туруулаһан, алдьархайтан быыһыыллара көстөр бу киинэҕэ диир. Ол иһин киинэни "РАЙ" диэн ааттаабыт эбит.

Бары киинэни көрөн баран, ол кэмҥэ төннөн ыллыбыт уонна санаан кэллибит: "Ама, да, ааспытын иһин ыарахан да сайын ааспыт эбит. Көрдөххүнэ, кыһаллыбат курдукпут даҕаны, төһөлөөх алдьархайдаах иэдээни туораабыт уонна тулуйбут эбиппитий, үлүгэрдээх улахан үлэни, ыарахан кыһалҕаны туораппыт эппиппитий..." диэн.

Өссө да көрүү кэнниттэн санаабытын сааһыланыан наада...

Санаа атастаһыытын, интервьюлары, устуулары күүтүҥ.

#рай
#сомоҕолоһуусыла

✔️ t.iss.one/shologon_adm