#своихнебросаем
#Всейсемьей

Үөһээ Бүлүү нэһилиэгин Авиаторов уулуссатыгар эриэккэс, сэдэх талааннаах Алексей Федоров олорор. Алаһа дьиэтин Өлүөнэ очуостарын илэ көрдөрөр олбуор киэргэппит. Көрүөххэ астык!
Онтон быйыл олбуорун аттыгар байыаннай дьайыы кыттыылаахтарыгар аналлаах, киһини уйадытар хаар оҥоһук баар буолбут. Бэл, онно чугаһаатахха, ол дойдуга баар буолбуттуу, курус санаа кууһар...
-Алексей Егорович, хаар оҥоһуккут туһунан кэпсээ эрэ.
- Оҥоһукпутун Ньургустаан Бойтуновтуун иккиэн чачуйбуппут, мин саллаатын, кини часовнятын оҥорбута. Үлэтигэр үс күн барбыта. Бэрткэ табыллыбыт. Дьон кэлэн хаартыскаҕа түһэр, саҥата суох көрөн турар буолаллар. Бу хаар муннукпут иллээх-эйэлээх олох иһин туруулаһа сылдьар хоодуот уолаттарбытыгар, сырдык тыыннарын толук уурбут хаарыан ыччаттарбытыгар ананар.

Улуус олохтооро хаар оҥоһугу баран көрүҥ, оҕолоргутугар көрдөрүҥ, бар дьоҥҥо кэпсээҥ. Саха уолаттарын хорсун быһыылара умнуллуо суохтаах. Кинилэри ахтар-саныыр, махтанар – ытык иэспит🙌🏻
@ulusmedia @uoheebuluu

Бу куннэргэ, а.э тохсунньу ый 29-31 күннэригэр нэһилиэкпит дьаһалтатын олох дьаһах, тутуу боппуруостарыгар кылаабынай специалиһа Людмила Абрахова саҥа тутуллан үлэҕэ киирбит таас дьиэлэргэ тиийэн саҥа дьиэлэр олохтоохторун кытта олох дьаһах боппуруостарыгар үгэскэ кубулуйбут ирэ хоро кэпсэтиитин ыытта. Чуолаан кэпсэтии саҥа дьиэ көрүүгэ харайыыга билиҥҥи сокуон ирдииринэн управляющай хампаанньаҕа бэриллиэхтээҕин онно олохтоохтор өттүттэн туох ирдэбиллэр баалларын тула барда. Киэҥ кэпсэтии дьүүллэһии кэнниттэн олохтоохтор управляющай хампаанньа иһинэн тэриллибит АДС ( аврийнай диспетчерскай сулууспа ) салайааччытынан Титов Иван Иванович буоларын кытта сөбүлэстилэр уонна бэйэлэрэ усунуос харчытын бириэмэтигэр төлөөн иһэргэ сөбүлэҥнэрин биэрдилэр.

#ВперёдЯкутия

Бу сайын Өрөспүүбүлүкэҕэ ыытыллар күүтүүлээх тэрээһиннэр:

✅ Бэс ыйын 20-21 күннэригэр Амма улууһугар Олоҥхо ыһыаҕа🔆

✅Бэс ыйын 25 күнүттэн от ыйын 7 күнүгэр диэри "Азия оҕолоро" Vlll-с норуоттар икки ардыларынааҕы спортивнай оонньуулар🔆

✅Бэс ыйын 29-30 күннэригэр Туймаада ыһыаҕа🔆


@ulusmedia
@uoheebuluu

#чөлолох #спорт
Гиирэ спордугар СӨ маастара, РФ маастарыгар кандидат, Далыр нэһилиэгин, Үөһээ Бүлүү улууһун бочуоттаах олохтооҕо, Өрөспүүбүлүкэҕэ, Дойдуга элбэх спортсмены чочуйан таһаарбыт ааттаах тренер Александр Данилов бары өттүнэн холобур буолар киһи киэнэ килбиэннээҕэ.

Кини томороон тымныыны аахсыбат, тохсунньу ый саҕаланаатын булт хайыһарын анньынаат, күн көтө-көтө Тэкэндэ, Чүүт эбэлэринэн уонча килэмиэтири сэниэлээхтик хаамар. Кини бу дьарыгын 1988 сыллаахтан саҕалаабыт.
Олунньу ыйтан гиирэҕэ эрчийэр оҕолорун кытта хайыһарга хаамыыларын саҕалыыллар. Бу - спордунан дьарыктанар оҕо сөпкө тыынарыгар, тулуурдаах, дьаныардаах буоларыгар төһүү көмө буолар диэн тренер санаатын үллэстэр.

Александр Васильевич бу ый 20 күнүгэр 54 сааһын туолар💪🏻🏆👏🏻

@ulusmedia
@uoheebuluu