Чурапчы килбэйэр киинигэр😁👍👍👍👍

#оҕосаас
@sanaoloh

#үтүөдьыала
#оҕосаас
#ыалсаргыта

Бүгүн, интэринээт-оскуола 6 "б" кылааһын үөрэнээччилэрэ Алёша Сивцев, Ваня Пестерев кылаастарын салайааччыта Антон Сидорович Фомин көҕүлээһининэн, бэтэрээн учуутал Анна Николаевна Кузьминаҕа тиийэннэр хаарын түһэрэн, ыраастаан биэрдилэр. Эдэр Тимуровецтар үлэлэрэ манан эрэ түмүктэммэт, кэлэр нэдиэлэттэн өссө күүскэ ылсан үлэлэһиэхпит диэн этэллэр. Эдэр учуутал Антон Фомин, оҕолору үлэҕэ, үөрэххэ көҕүлүүрэ хайҕаллаах дьыала👍👏

@sanaoloh
@ulusmedia

#оҕосаас
#байыаннайоонньуулар

XXV-с төгүлүн ыытыллар "Снежный барс" байыаннай-ыспартыыбынай оонньуулар иккис күннэрэ түмүктэнэн эрэр. Бүгүҥҥү таабылы көрдөххө, Чурапчы улууһун бастакы хамаандата (салайааччылар Александр Оконешников, Петр Егоров) 13 хамаандаттан инники күөҥҥэ таҕыста. Сарсын быһаарыылаах бүтэһик түһүмэҕинэн салгын саанан ытыы буолуоҕа. Кыайыылаах🏆🥇аатын билиэхпит турдаҕа. Манна кыайбыт хамаанда, аны сайын Москуба куоракка ыытыллар "Кыайыы" Бүтүн Арассыыйатааҕы байыаннай-ыспартыыбынай оонньууларга өрөспүүбүлүкэ чиэһин көмүскүү барыаҕа. Чурапчы улууһун хамаандатыгар кыайыыны баҕарыаҕын!✊✊✊✊

@sanaoloh

#оҕосаас
#оскуолаолоҕо

Бүгүн, Тихон Каженкин аатынан Арыылаах орто оскуолатыгар 5-11кылаас оҕолоругар ХИФУ-тан устудьуоннар научнай уопсастыбалара ИЯКН СВ РФ «ЯСНО» кэлэн үөрэх салааларын кэпсээтилэр, оонньуу оонньоттулар: профориентационная үлэҕэ, проектнай интенсив, веревочнай кууурустары, станцияларынан оонньуулары тэрийдилэр диэн оскуола кэлэктиибэ иһитиннэрдэ👍🤗

@sanaoloh
#СэмэнЖендринскэй

#оҕосаас
#дьиэкэргэн
#айаркуттаахтар

Бу күннэргэ, Дьокуускай куоракка, СӨ Оҕо саас уонна Дойдуга Дьиэ кэргэн сылларынан иитинэн, "Волшебный мир театра" диэн драматургия жанрыгар өрөспүүбүлүкэтээҕи куонкурус түмүгэ таҕыста.
Манна 6 саастаах оҕолорго аналлаах "Дьулус толкуйдара" диэн суруйуутунан, Дириҥтэн төрүттээх Светлана Егорова-Тулуйхаана 3-с степеннээх лауреат буолары ситистэ💐👏онтон 12 саастаах оҕолорго "Иэйии иччилэрэ" диэн айымньытынан, Кытаанахтан төрүттээх Мария Винокурова-Мааны Маарыйа эмиэ 3-с степеннээх лауреат буолары ситистэ💐👏биир дойдулаахтарбытыгар, суруйар эйгэҕэ таһаарыылаахтык үлэлии сылдьар дьоммутугар өссө үрдүк ситиһиилэри баҕарыаҕын🤗✊✊✊

@sanaoloh
#СэмэнЖендринскэй

#оҕосаас
#уолоҕонуиитии

Бүгүн муус устар 20 күнүгэр, Амма өрус биэрэгэр 🌱“Боотур Уус сыдьааннара”🌱 улуустааҕы бырагыраамма иһинэн 🏹«Булчут ыыра»🏹 бырайыак муус аннынан балыктааһыҥҥа күрэх дьаһала, булт абылаҥын таптааччылары муста. Директор В.И.Пермякова күрэх кыттааччыларын эҕэрдэлии көрүстэ.
Бүгүҥҥү күрэххэ Одьулуун, С.К.Макаров аатынан Чурапчы гимназията, И.М.Павлов аатынан Чурапчы орто оскуолата уонна Амма орто оскуолатыттан 4 хамаандата кытыннылар. Күрэх тэрээһинин Д.А.Илларионов салайааччылаах улуустааҕы үөрэх управлениятыттан, Болугур нэһилиэгин эр дьонун сүбэтиттэн салайааччы С.Ф.Гермогенов, “Fisherman” клуб салайааччы А.А.Ильин, “Күөх суугун” экопроект салайааччы А.Д.Луковцев иилээн-саҕалаан тэрийистилэр.
Бу күн Байанай тосхойон, Күөх Боллох иччитэ үтүө хараҕынан көрдө! 💥 - диэн Амма орто оскуолатын пресс-киинэ иһитиннэрдэ.

@sanaoloh
#СэмэнЖендринскэй

#Кыайыызнамята
#оҕосаас

Бүгүн, Улуу Кыайыыны уруйдаан Чурапчы нэһилиэгэр кэккэ дьаһаллар ыытылла тураллар. Ол курдук Прасковья Борисова аатынан "Улыбка" оҕону сайыннарар киин-уһуйааҥҥа Афганистан сэриитин бэтэрээнэ Савелий Дьячковскай, "Кэскил" уһуйааҥҥа бастакы Чеченскэй хампаанньа кыттыылааҕа, бойобуой дьайыы бэтэрээнэ Мирон Игнатьев, интэринээт-томторугар ыытыллыбыт улахан дьаһалга, анал байыаннай дьайыы кыттыылааҕа Тихон Тимофеев, "Туллукчаан" уһуйааҥҥа саппаас майора Семен Никитин, бойобуой дьайыы бэтэрээнэ Иннокентий Варламов кыттыылаах кыра саастаах оҕолорго "Умнуллубат көрсүһүүлэр" буоллулар. Сүүһүнэн киһи хомуллан тахсаннар Аҕа дойду Улуу сэриитин, тыыл бэтэрээннэрин, Хоту көһөрүллүү кыттыылаахтарын ахтан-санаан аастылар.

@sanaoloh
#СэмэнЖендринскэй

#үтүөдьыала
#Тимуровскайхамсааһын
#Оҕосаас

Бэҕэһээ, Тихон Каженкин аатынан Арыылаах орто оскуолатын үөрэнээччилэрэ, бөһүөлэк аҕам саастаах олохтоохторугар "Тимуровскай көмөҕө" көхтөөхтүк таҕыстылар.

"6-10 кылаас
үөрэнээччилэрэ, бэтэрээн учуутал, норуот маастара Егор Иннокентьевич Барашковтаахха
субуотунньуктаатылар. Ырааһырдыы
үлэтин ыытан, мастарын саһааннаан биэрдилэр. Үтүө дьыалаҕа оҕолорго салайааччынан Наталья Николаевна Манасытова уонна Айлика Павловна Андреева сырыттылар.
Барашковтар дьиэ кэргэн үөрүүлэрэ муҥура суох, оҕолорго улахан
махталларын тиэрдэллэр", - диэн оскуола саха тылыгар учуутала Татьяна Андросова иһитиннэрдэ.

@sanaoloh
#СэмэнЖендринскэй

#оҕосаас
#уолоҕонуиитии

Чурапчы улууһун үөрэҕин управлениетын иитэр үлэҕэ отделын исписэлииһэ Матрена Филиппова иһитиннэрбитинэн, улуус оскуолаларын 10 кылааһын уолаттарыгар, барыта холбоон 110 үөрэнээччигэ, бүгүҥҥүттэн саҕаллаах 5 күннээх байыаннай чааска үөрэх саҕаланна. Уолаттар бу сарсыарда хомуллан, Мындаҕаайы "Кустук" лааҕырыгар баазаланыахтара. Кинилэри байыаннай дьарыкка улууспут байыаннай-патриотическай кулуубтарын бастыҥ иитээччилэрэ Александр Оконешников, Дмитрий Соловьев уонна Пётр Егоров үөрэтиэхтэрэ.

@sanaoloh
#СэмэнЖендринскэй

#Чурапчыуспуорттуоната
#оҕосаас

Алтынньы 2 күнүгэр Хоптоҕо нэһилиэгэр П. Т. Пинигин аатынан спортивнай саалаҕа, биир чаҕылхай, кэскиллээх спортсмеммыт Ерлан Камалов сырдык кэриэһигэр анаммыт тустууга республиканскай аһаҕас турнир буолла. Тааттаттан, Мэҥэ Ханаластан, Уус-Алдантан, Чурапчыттан ( Дириҥ, Төлөй, Хатылы, ЧРССШОИР) барыта 79 спортсмен 10 ыйааһыҥҥа ( 35, 38, 41, 44, 48, 52, 57, 62, 68, св75 ) кииристилэр. Бары миэстэлэспит бөҕөстөр мэтээллэринэн, анал бириистэринэн наҕараадаланнылар.
Күрэхтэһии түмүгүнэн «Лучший борец турнира» Платонов Николай - Хатас нэһилиэгиттэн (44 кг) буолла.
Чемпионнарга жерьебевка түмүгүнэн «Приз от семьи Камаловых 50 тыс руб» Борисов Владимирга - ЧРССОШИОР (38кг) түбэстэ.

@sanaoloh
#СэмэнЖендринскэй
#Дириҥоскуолата