Президент матбуот котиби: Янги феномен – ўзига хос “ШҲТнинг Самарқанд жараёни” кузатилди


Самарқанд шаҳрида Ўзбекистон Республикаси Президентининг матбуот котиби Шерзод Асадов иштирокида брифинг ўтказилди.
Унда 15-16 сентябрь кунлари ўтказилган Шанхай ҳамкорлик ташкилотининг йигирма иккинчи саммити якунлари ҳақида маълумот берилди.

– ШҲТнинг Самарқанд саммити тадбирлари якунига етди. Иштирокчилар бирин-кетин ўз юртларига жўнаб кетмоқда – деди Ш.Асадов. – Самарқанд саммитида кенг кўламли масалалар муҳокамада бўлгани ҳамда бир қатор ғоятда илғор қарорлар қабул қилинганини таҳлил қилар эканмиз, янги феномен – ўзига хос “ШҲТнинг Самарқанд жараёни” кузатилди, деб айтишга барча асосларимиз бор.

Биринчидан, 44 та ҳужжат имзоланиб, Ташкилот тарихида рекорд кўрсаткичга эришилди. Улар нафақат ШҲТ фаолиятининг ҳозирги йўналишларини қамраб олади, балки янги формат ва механизмларни бошлаб беради. Айниқса, транспорт ва иқтисодий ўзаро боғлиқлик, саноат ва технологиялар кооперацияси, рақамли тараққиёт ва яшил энергетика борасидаги концептуал дастурларни қайд этиш лозим.

Иккинчидан, ШҲТ иштирокчилари таркибини кўпайтириш бўйича жуда муҳим қарорлар қабул қилинди. Ташкилотга аъзолик бўйича Эрон билан меморандум имзоланди, Беларусни тўлақонли аъзо сифатида қабул қилиш жараёнини бошлашга қарор қилинди, Баҳрайн, Қувайт, Бирлашган Араб Амирликлари, Мальдив ва Мьянма мулоқот бўйича шерик мақомини олди. Яъни, ШҲТ минтақавий ташкилотдан минтақалараро ҳамкорлик платформасига айланиш жараёнига гувоҳ бўлаяпмиз ва бу жаҳондаги минтақалашув тенденцияларини яққол экс эттирмоқда.

Учинчидан, ташкилотнинг 20 йилдан ортиқ тарихида биринч бор аъзо давлатлар раҳбарлари ШҲТни такомиллаштириш ва модернизация қилишга қаратилган тарихий қарорни қабул қилдилар. Ушбу йирик сиёсий қадам замирида иштирокчи мамлакатларнинг ШҲТ фаолияти, мақсад ва вазифаларини янги воқеликка мослаштиришга интилиши ётади. Бундан ташқари, ушбу қарор Ташкилот бир жойда тўхтаб қолмаслиги, замон билан ҳамнафас бўлиши шарт ва у бунга қодир эканидан далолат беради.

Шу билан Ўзбекистоннинг ШҲТга раислиги ўз ниҳоясига етди ва раислик илк бор Ҳиндистон Республикасига ўтди.

Президент матбуот котиби ўз сўзи якунида Самарқанд саммити ва унинг доирасида бўлиб ўтган тадбирларни ёритишда қатнашган маҳаллий ва хорижий оммавий ахборот воситалари вакилларига миннатдорлик билдирди.

Шанхай ҳамкорлик ташкилотининг Самарқанд саммити якунида ОАВ вакиллари учун ташкил этилган брифингда ушбу тарихий саммитнинг асосий натижалари ва ўзига хос жиҳатлари ҳақида маълумот бердим.

Facebook|Instagram|Twitter

​​БАРЧАДАН МИННАТДОРМИЗ!

Мамлакатимиз ва халқимиз ҳаётидаги муҳим тарихий воқеа – Шанхай ҳамкорлик ташкилотининг Самарқанд саммити муваффақиятли ўтказилди. Самарқанд дунё нигоҳида бўлди.

Саммитга тайёргарлик кўриш ва уни ўтказиш масалалари мамлакатимиз раҳбарияти ва ҳукуматининг доимий эътиборида бўлди ҳамда фаол қўллаб-қувватланди. Бунёдкорлик ва ободонлаштириш ишларида, саммит тадбирлари чоғида нафақат самарқандликлар, балки вазирликлар, республика корхона ва ташкилотлари, юртимизнинг барча ҳудудларидан мутахассислар, масъуллар туну кун фидойилик кўрсатди. Шунингдек, тадбирларнинг тинч-осойишта, хавфсизлик таъминланган ҳолда ўтишида тегишли соҳалар ходимлари ҳушёр ва сергак турди. Мазкур жараёнда иштирок этган барчага самарқандликлар номидан чин қалбдан миннатдорлик билдирамиз!

Шу билан бир қаторда саммитга ҳозирлик кўриш ва уни ўтказиш давомида юзага келган айрим ноқулайликларни тўғри тушуниб, амалга оширилган ободонлаштириш, бунёдкорлик ишлари халқимиз учун эканлигини англаган ҳолда бизни қўллаб-қувватлаган, самарқандликларга хос меҳмондўстлик, бағрикенглик ва самимийлик фазилатларини намоён этган вилоятимиз аҳлига яна бир бор раҳмат айтиб, юртимиз, Самарқандимиз бундан ҳам обод бўлсин, яна катта-катта форум ва анжуманларни биргаликда ўтказиш барчамизга насиб этсин, деймиз!

Эркинжон Турдимов,
Самарқанд вилояти ҳокими

#тезкор

⚡️Самарқанд шаҳрида транспорт воситаларининг ҳаракатига қўйилган вақтинчалик чекловлар бекор қилинганлигини маълум қиламиз.

Самарқанд вилояти ИИБ Ахборот хизмати

Каналимизга қўшилинг
👇👇👇
https://t.iss.one/samiibuz

Огоҳ бўлинг!

Ўғирлик жиноятининг қурбонига айланиб қолманг!

Чорва молларингизни қаровсиз қолдирманг!

Каналимизга қўшилинг
👇👇👇
https://t.iss.one/samiibuz

Қувиб ўтиш қоидасини бузган Nexia-2 бетон тўсиққа урилиб, пастликка тушиб кетди

2022 йил 19 сентябрь куни 10:00ларда М-39 автомобиль йўлининг 1080-км.да Nexia-2 русумли транспорт воситаси ҳайдовчиси қувиб ўтиш қоидасини бузиб, ўзидан олдинда кетаётган шу русумдаги машинанинг ўнг тарафидан қувиб ўтаётганда йўл четидаги бетон тўсиқни урилиб, пастликка тушиб кетган.

Ҳодиса оқибатида ҳайдовчи енгил тан жароҳатлари билан тиббиёт бирлашмасига мурожаат қилган.

Ҳолат юзасидан терговга қадар текширув ҳаракатлари олиб борилмоқда.

Барча ҳайдовчилардан йўл ҳаракати қоидаларга қатъий амал қилишларини сўраймиз!

Каналимизга қўшилинг
👇👇👇
https://t.iss.one/samiibuz

#Ижтимоий_ролик

🚴‍♂️ Болаларга велосипед совға қилган вақтингизда қоидаларни ҳам ўргатишни унутманг!

Каналимизга қўшилинг
👇👇👇
https://t.iss.one/samiibuz

Ота-оналар диққатига!

Болаларни мактабга юбораётганда йўлларни белгиланган жойларидан ўтишни, чапга, кейин ўнгга қараш кераклигини, жуда ҳам эҳтиёт бўлиб, шошилмаслик лозимлигини, светофорни рангларига қараш муҳимлигини такрор-такрор айтишни унутманг!

Бугундан Самарқанд шаҳридаги мактаб ва боғчалар яна болажонлар билан тўлди.

Каналимизга қўшилинг
👇👇👇
https://t.iss.one/samiibuz

Президент раислигида видеоселектор йиғилиши бошланди.

Давлатимиз раҳбари бу йили туризм учун пандемиядан кейин қайта тикланиш даври бошланганини таъкидлади. Жумладан:

- сентябргача бўлган даврда юртимизга келган хорижий туристлар сони 2021 йилга нисбатан 3 бараварга кўпайди ва 3,1 миллион нафарни ташкил этди;

- йил бошидан туризм экспорти ҳажми 926 миллион доллар бўлди (2019 йил давомида 951 миллион доллар бўлган);

- юртимизга келган меҳмонларнинг саёҳати ўртача 4-5 кунгача, сарфлаган маблағи 305 долларгача кўпайди (бу 2019 йилда ўртача 3 кунни ташкил этиб, улар 195 доллар сарфлаган);

Ички саёҳат қилувчилар сони ҳам ўтган йилга нисбатан 3,5 бараварга ўсиб, 7,5 миллион нафарни ташкил қилди.

Туризмда топилган даромаднинг 30 фоизи одамларнинг қўлига иш ҳақи бўлиб бориши, саноатда ва бошқа тармоқларда бу 10 фоиздан ошмаслиги кўрсатиб ўтилди. Туризм соҳасида яратилган битта иш ўрни турдош тармоқларда қўшимча иккита иш ўрни пайдо бўлишига туртки беради.

Буни тушунган вилоят, туман ва шаҳар ҳокимлари тадбиркорлар билан ишлаб, сайёҳлар келадиган жойларни кўпайтираяпти.

Facebook|Instagram|Twitter

«Самарқанд ёзган тарих» махсус кўрсатуви

Видео👉🏼https://www.youtube.com/watch?v=seadgyk_vTc

Каналимизга қўшилинг
👇👇👇
https://t.iss.one/samiibuz

#Anons

Joriy yilning 29-sentabr kunidan 5-oktabr kuniga qadar Samarqand shahrida yong‘in-qutqaruv sporti bo‘yicha erkaklar o‘rtasida XVII, ayollar o‘rtasida VIII jahon chempionati bo‘lib o‘tadi.
——————
С 29 сентября по 5 октября в Самарканде состоятся XVII чемпионат мира среди мужчин и VIII чемпионат мира среди женщин по пожарно-спасательному спорту.

Boshqa yangiliklar👇

Facebook | Telegram | instagram | Youtube