Ichki ishlar vazirligi mas'ul xodimlari tomonidan Oqdaryo tumanidagi 24-sonli umumiy oʻrta ta'lim maktabida oʻrganish ishlari olib borildi

Oʻzbekiston Respublikasi Prezidentining 2025-yil 18-martdagi “Ichki ishlar organlarining voyaga etmaganlar oʻrtasida huquqbuzarliklar profilaktikasiga oid faoliyatini takomillashtirish boʻyicha qoʻshimcha chora-tadbirlar toʻgʻrisida”gi Qarori ijrosini ta'minlash maqsadida IIV hamda Samarqand viloyati IIB mas'ul xodimlari tomonidan Oqdaryo tumanida joylashgan 24-sonli umumiy oʻrta ta'lim maktabida oʻrganish ishlari olib borildi.

Oʻrganishlar davomida ishchi guruhi a'zolari maktab infratuzilmasi va moddiy-texnik bazasi bilan yaqindan tanishdi.
Shuningdek, tashkiliy va tarbiyaviy-metodik yoʻnalishda manzilli koʻmak koʻrsatish maqsadida, viloyat IIBning sohaviy xizmatlaridan malakali mutaxassislar, viloyat Maktabgacha va maktab ta'limi boshqarmasi, tuman hokimligi hamda inspektor-psixologlardan iborat ishchi guruhi shakllantirildi.

Maktabning kirish yoʻlaklari, oʻquv korpuslari, darsxonalari hamda sport zali koʻzdan kechirildi. Ta'lim dargohining moddiy texnik bazasini mustahkamlash, oʻqituvchilar bilim va malakasini yanada oshirish, oʻquvchilarga ham qulay shart-sharoitlar yaratib berish yuzasidan takliflar oʻrtaga tashlandi.

Mazkur guruh tomonidan maktab ma'muriyati bilan hamkorlikda amalga oshirilishi lozim boʻlgan chora-tadbirlar belgilab olindi.

🌐Website |📲 Telegram | 💻Facebook |🖥 Instagram | 📹 Youtube