#тадбир #ватанпарварлик #ТВ #ёшлар #мактаб #маҳалла

Ҳарбий қисмда бир кун

Гулистон ҳарбий прокуратураси ва куч тузилмалари ҳамкорлигида ҳарбий қисмларнинг бирида очиқ эшиклар куни ўтказилди.

Унда Тошкент вилояти Бекобод ва Сирдарё вилояти Мирзаобод туманларининг олис ҳудудларида жойлашган умумтаълим мактабларидан 100 нафарга яқин ўқувчилар ҳамда маҳаллалар ёшлари иштирок этди.

Тадбирда ҳарбий хизматчилар учун яратилган шароитлар ва Қуролли Кучларда мавжуд замонавий аслаҳалар, ўқув хоналари, ҳарбий тузилмаларда мавжуд махсус техника ва ускуналар намойиши ташкил этилди.

Эртамиз эгаларининг ўзлари бу каби воситалардан фойдаланиб кўрганлиги тадбирнинг унутилмас онларга бой бўлишига замин яратди.

Куннинг иккинчи ярмида Сирдарё вилоят прокуратураси томонидан вилоят мусиқали драма театрида "Кўча боласи" спектакли намойиш этилди.

📹 Видеосини кўриш


🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #мактаб #маҳалла

Ватанпарварлик тадбирлари

Термиз ҳарбий прокуратураси томонидан ҳарбий қисмларнинг бирида очиқ эшиклар куни ташкил этилди.

Ёшлар ҳарбий аслаҳалар кўргазмаси ва ҳарбий хизматчиларнинг қўл жанги чиқишларидан катта таассурот олдилар.

Шунингдек, Денов туманидаги умумтаълим мактабларининг юқори синф ўқувчилари ҳамда маҳаллалар ёшлари ўртасида спорт турлари ва миллий ўйинлар бўйича беллашувлар уюштирилди.

Ғолиблар муносиб тақдирланди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #мактаб

Прокурорлик соатлари

Ҳарбий прокуратура органлари томонидан таълим масканларида прокурорлик соатлари мунтазам ўтказиб келинмоқда.

Уларнинг навбатдагиси Фарғона ҳарбий прокуратураси томонидан Фарғона туманининг олис ҳудудидаги 58-сонли умумтаълим мактабида “Ватанпарварлик – маънавий қадрият” мавзусида ўтказилди.

Шу каби машғулотлар Тошкент ва Андижон ҳарбий прокуратуралари томонидан ҳам олис ҳудудлардаги умумтаълим мактабларида ташкил этилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #маҳалла #мактаб

Уч авлод вакиллари ҳарбий қисмда

Қашқадарё вилояти Муборак туманидаги ҳарбий қисмда мактаб ўқувчилари ва бириктирилган ёшлар иштирокида “Ҳарбий қисмда бир кун” шоири остида очиқ эшиклар куни ўтказилди.

Қарши ҳарбий прокуратураси ва қатор ташкилотлар ҳамкорлигида ташкил этилган ушбу тадбирда дастлаб "Уч авлод учрашуви" бўлиб ўтди.

Сўнгра қатнашчилар хизмат ўташ учун яратилган шароитлар, ҳарбий техникалар ва аслаҳалар билан яқиндан танишдилар.

Шу каби тадбир вилоят куч тузилмалари ҳамкорлигида Миришкор туманининг “Помиқ” маҳалласида ҳам ўтказилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #маҳалла #мактаб

Ватанпарварлик тадбирлари

Навоий ҳарбий прокуратураси ва ҳарбий қисм қўмондонлиги билан ҳамкорликда Навоий шаҳри политехникуми ўқувчи-ёшлари иштирокида "Янги Ўзбекистон армияси – мамлакат таянчи, халқимиз фахри!" шиори остида ватанпарварлик тадбири ўтказилди.

Унда иштирокчилар замонавий армиямиз шаклланиши тарихи ҳақида тушунчалар берилиб, ҳарбий хизматчилар учун яратилган шароит ва имтиёзлар, Ҳуқуқни муҳофаза қилиш академияси ва олий ҳарбий таълим ташкилотлари ҳақида маълумотлар билан таништирилди.

Ҳарбий аслаҳалар намойиши ҳамда саф тайёргарлиги машғулотлари ёшларда алоҳида таассурот қолдирди.

Шу каби тадбир Наманган ҳарбий прокуратураси томонидан ўқувчи-ёшлар иштирокида ўтказилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #маҳалла #мактаб

Очиқ мулоқот

Қарши ҳарбий прокуратураси томонидан Ўзбекистон Республикаси Ҳарбий авиация институтида "Прокурор ва ёшлар" учрашуви ўтказилди.

Унда бириктирилган маҳаллалар ёшлари иштирок этди.

Мулоқотда ёшларнинг қизиқишлари ва фикр-мулоҳазалари ўрганилиб, уларнинг саволларига батафсил жавоблар берилди.

Жараёнда ёшлар олийгоҳда яратилган шароитлар, учиш аппаратлари, музей ва кўргазмали қурол-аслаҳалар билан яқиндан танишдилар.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube