​​Санитария-эпидемиологик осойишталик хизмати учун 16 та автомобиль топширилди

Соғлиқни сақлаш вазирлиги ЮНИCЕФнинг Ўзбекистондаги ваколатхонаси билан ҳамкорликда юртимиздаги иммунизация тизимини мустаҳкамлаш борасида бир қатор ишлар амалга оширмоқда. Жумладан, бугун ушбу йўналишдаги қўшма дастур доирасида БМТнинг Болалар фонди вазирликнинг Санитария-эпидемиологик осойишталик ва жамоат саломатлиги хизматига иммунизация жараёнига ихтисослашган 16 та замонавий транспорт воситасини топширди.

Aвтотранспорт воситалари Санитария-эпидемиологик осойишталик хизматининг вилоят бўлимлари учун мўлжалланган бўлиб, улардан бутун мамлакат бўйлаб болаларнинг вақтида эмланганлигининг мониторингини олиб бориш сифатини янада яхшилаш учун фойдаланилади.

— Иммунизация болалар орасида касалликларни олдини олишда асосий омиллардан биридир. Айни пайтда мамлакатимиз миллий эмлаш календаридан 13 та вакцина ўрин эгаллаган бўлиб, аҳолини эмлаш билан қамраб олиш 99 фоизни ташкил этмоқда. ЮНИCЕФ билан ушбу йўналишдаги ҳамкорлигимиз эса мамлакатимиздаги барча болаларнинг саломатлиги учун катта аҳамиятга эга, — деди Санитария-эпидемиологик осойишталик ва жамоат саломатлиги хизмати раҳбарининг ўринбосари Ботиржон Қурбонов.

Маросимда транспорт воситалари ЮНИCЕФ ва Вакциналар ва иммунизация бўйича глобал алянс томонидан кўрсатилган кўмак ёрдамида Ўзбекистоннинг миллий эмлаш дастурини янада такомиллаштириш мақсадида сотиб олингани таъкидланди. Шунингдек, ЮНИCЕФ Соғлиқни сақлаш вазирлигига марказий, вилоят ва туман даражаларида вакцина омборларини қуриш ҳамда совуқхоналар, музлатгичлар ва совутгичларни сотиб олиш, уларни ўрнатиш ҳамда вакциналарни ташиш учун транспорт воситаларини сотиб олиш орқали миллий эмлаш дастурини кучайтиришга кўмаклашмоқда.

Бундан ташқари, вакциналар логистикасини бошқариш учун ахборот тизими ишлаб чиқилган бўлиб, мазкур лойиҳа миллий эмлаш тизимини сезиларли даражада яхшилаши кутилмоқда.

— Ишонаманки, ушбу транспорт воситалари, совуқлик занжирини таъминлаш учун тақдим этилган бошқа қурилмалар билан бир қаторда, бутун мамлакат бўйлаб болалар соғлиғини яхшилашга катта ҳисса қўшади, — деди ЮНИCЕФнинг Ўзбекистондаги ваколатхонаси раҳбарининг ўринбосари Жефри Ижумба. — Болалар учун вакциналарни ўз вақтида тақсимлаш муҳим вазифа ҳисобланади. Шунинг учун ҳам бугун тақдим этилган ёрдам ҳамда вилоятларга етказиладиган автомобиллар мамлакатнинг барча худудларига сифатли вакциналарни етказиб беришни таъминлашга хизмат қилади.

Соғлиқни сақлаш вазирлиги
Жамоатчилик билан алоқалар бўлими.

“Соғлом турмуш тарзи: жисмоний фаолликни ошириш ва «Автомобилсиз кун» жорий қилинишининг муҳим жиҳатлари” мавзуидаги матбуот анжумани

Элмира Боситхонова, Соғлиқни сақлаш вазири ўринбосари:

"Биз топшириқни бажариш жараёнида Маҳалла ва оилани қўллаб-қувватлаш вазирлиги, жисмоний тарбия ва спорт вазирлиги билан биргаликда қўшма қарорни имзоладик. Қарор асосида маҳаллаларда ҳар куни эрталабги юриш, кечқурунги нуронийларимизни юришни, шанба куни саломатлик куни эълон қилинганлиги тўғрисидаги тадбирлар амалга оширилади."

Каналга уланиш https://t.iss.one/studio_67

“Соғлом турмуш тарзи: жисмоний фаолликни ошириш ва «Автомобилсиз кун» жорий қилинишининг муҳим жиҳатлари” мавзуидаги матбуот анжумани

Элмира Боситхонова, Соғлиқни сақлаш вазири ўринбосари:

“Бош вазир ўринбсаридан топшириқ олдик. Яъни, ўзбек миллий таомларини калориясини ҳисоблаб, мазкур калорияни сарф этиш учун қандай ҳаракатлар қилиш зарурлиги бўйича қўлланма шакллантириб беришимиз керак. Айни пайтда 10 қуюқ ва 10 суюқ миллий таомларимизнинг калориясини ҳисоблаб, тегишли мутасадди органга тақдим этдик.”

Каналга уланиш https://t.iss.one/studio_67

​​НОГИРОНЛИКНИ БЕЛГИЛАШ ЮЗАСИДАН ЭЪТИРОЗЛАР БЎЛСА, ҚАЕРГА МУРОЖААТ ҚИЛИШ МУМКИН?

CCB Матбуот хизмати саволларига Республика тиббий-ижтимоий экспертиза инспекцияси бошлиғи Умарали Назарматов жавоб беради:

— “Фуқароларнинг давлат пенсия таъминоти тўғрисида”ги қонунга кўра, ногиронлик тўғрисидаги маълумотнома:
📌 боқувчисини йўқотганлик пенсияси тайинлаш;
📌пенсияларга устамалар қўшиш;
📌 болаликдан ногиронларга ва иш стажига эга бўлмаган меҳнатга лаёқатсиз фуқароларга нафақалар тайинлаш учун асос ҳисобланади.

Ногиронлик тўғрисидаги маълумотнома бериш икки қисмдан иборат:

❗️Тиббий-меҳнат экспертиза комиссияси (ТМЭК) томонидан хулоса чиқарилган кундан тиббий текширилувчига ТМЭК маълумотномасининг Б қисми берилади.

❗️ногиронлик тўғрисидаги маълумотноманинг А қисми ТМЭК томонидан хулоса чиқарилган кундан бошлаб етти кун муддатда, истисно ҳолларда эса, туманнинг узоқда жойлашганини ҳисобга олган ҳолда ўн кун муддатда пенсия ва нафақа тайинлаш учун Пенсия жамғармаси бўлимига тақдим этилади.

❕Маълумот учун:
ҳозирда барча ТМЭКларда “ТМЭК электрон дастури” мавжуд бўлиб, ушбу дастурга ногиронлик белгиланган шахслар тўғрисидаги маълумотлар узоғи билан 3 кун ичида киритилади ва автоматик тарзда Молия вазирлиги ҳузуридаги Пенсия жамғармаси билан ўзаро электрон маълумот алмашилади.

❗️Бу ўз навбатида нафақалар вақтида тайинланишига олиб келади.

Агар қайта тиббий кўрикдан ўтказишда ногиронлик гуруҳи белгиланмаса, ногиронлик гуруҳини олиб ташлаш тўғрисида маълумотнома расмийлаштирилади.
Бу маълумотнома Пенсия жамғармаси бўлимига ҳам тақдим этилади.

🔽Норозилик бўлган тақдирда...

Тиббий кўрикдан ўтказилувчи ТМЭК қарорига рози бўлмаган тақдирда, бир ой мобайнида бош ТМЭКга мурожаат қилиши мумкин.

Ариза тушгандан кейин 3 кун мобайнида туман, туманлараро, шаҳар, ихтисослаштирилган ТМЭКлар қайта тиббий текшириш далолатномасини бош ТМЭКга беради, 15 кун мобайнида ариза берувчини қайта тиббий кўрикдан ўтказади ва ўз хулосасини чиқаради.

Фуқаро бош ТМЭК хулосасига ҳам рози бўлмаган тақдирда Соғлиқни сақлаш вазирлиги ҳузуридаги Тиббий-ижтимоий хизматлар агенлигининг Республика тиббий-ижтимоий экспертиза инспекциясига ёки судга мурожаат қилишга ҳақли.

📌Ногиронликни белгилаш билан боғлиқ саволларингизга Республика тиббий-ижтимоий экспертиза инспекциясининг қуйидаги телефон рақамига мурожаат қилган ҳолда жавоб олишингиз мумкин:
(71) 277-28-95;

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

​​ҚАШҚАДАРЁ АҲОЛИСИНИНГ ЯРМИДАН КЎПРОҒИ ТИББИЙ ХАТЛОВДАН ЎТКАЗИБ БЎЛИНДИ

Айни пайтдаги маълумотларга кўра, Қашқадарё вилояти аҳолисининг ярмидан кўпи тиббий хатлов ва антропометриядан ўтказиб бўлинган.

— Вилоят бўйича мавжуд 3 314 612 нафар аҳолининг 1 678 000 дан ортиғи тиббий хатлов билан қамраб олинди, — дейди вилоят соғлиқни сақлаш бошқармаси бошлиғи, тиббиёт фанлари номзоди Равшан Тўлаков. — Бу дегани тиббий бригадаларимиз вакиллари мавжуд 624 339 хонадоннинг 321 265 тасида (51,5 фоиз) бўлиб, тиббий хатлов талабларини бажаришди. Хусусан, вилоятнинг Миришкор туманида 68,4, Касби туманида 59,2, Косон туманида 56,6 фоиз аҳоли ўртасида мазкур тадбир самарали ўтказиб бўлинди. Галдаги мақсадимиз, тиббий хатловни узоғи билан 10 кун ичида якунлаб, тегишли маълумотларни электрон базага киритиб, ҳудудларнинг “Саломатлик профиллари”ни яратишдир.

Албатта, хатловга доир барча маълумотларнинг реал бўлишига алоҳида эътибор қаратилмоқда. Жараён асносида соғлом турмуш тарзига оид таъсирчан ва самарали мулоқотлар ҳам ташкил этилмоқда.

Оммавий ахборот воситалари орқали мазкур жараённинг аҳамиятини тушунтиришга доир тарғибот кучайтирилмоқда.

Эслатиб ўтамиз, вилоятда жами 1535 та тиббий бригада таркибида 1088 нафар врач, 6295 нафар ўрта тиббиёт ходими, шунингдек, воҳамизда рўйхатда турадиган, тиббиёт олий ўқув юртларининг юқори босқичларида таҳсил олаётган талабалар, клиник ординаторлар (амалиёт тарзида), уларнинг 120 дан ортиқ мураббийлари тиббий хатловда иштирок этишмоқда. Шунингдек, вилоят марказидаги тиббиёт марказларидан қўшимча бригадалар ҳам шакллантирилган.

Тиббий бригадалар хатлов учун зарур тарози, ўлчов лентаси, пульсоксиметр, тонометр сингари асбоб-ускуналар билан тўлиқ таъминланган.

Қашқадарё вилояти соғлиқни сақлаш бошқармаси ахборот хизмати.

Вазирлик расмий канали: @ssvuz

​​🔺2020 йил 10 декабрь ҳолатига кўра, Ўзбекистонда коронавирус инфекцияси қайд этилганлар сони 74 664 (+166) нафарни ташкил этмоқда.

🔴Янги касалланиш ҳолатларининг:
📌2 нафари Жиззах вилоятида,
📌3 нафари Қашқадарё вилоятида,
📌6 нафари Бухоро вилоятида,
📌27 нафари Тошкент вилоятида,
📌128 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️ Кеча кун давомида:
📌 Қорақалпоғистон Республикаси 3 нафар,
📌 Жиззах вилоятида 2 нафар,
📌 Қашқадарё вилоятида 4 нафар,
📌 Бухоро вилоятида 4 нафар,
📌 Тошкент вилоятида 27 нафар,
📌 Тошкент шаҳрида 141 нафар бемор тузалиб, касалликдан соғайганлар жами 71921 (+181) нафарга етди ва соғайиш кўрсаткичи 97 фоизни ташкил қилмоқда.

❗️Айни пайтда тиббиёт муассасаларида даволанаётган 2132 нафар бемордан 179 нафари оғир, 34 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

ТИНЧЛИК – ЖАМИЯТ ТАРАҚҚИЁТИНИНГ АСОСИ

Вилоятимизда ижтимоий-маънавий муҳитни янада соғломлаштириш, меҳнат жамоаларида маънавий-маърифий тарғибот тадбирларини тизимли ташкил этиш мақсадида “Тинчлик - жамият тараққиётининг асоси” мавзусида тарғибот акцияси ўтказилмоқда. Мазкур акция доирасидаги галдаги тадбир вилоят соғлиқни сақлаш бошқармасида ташкил этилди.

Унда сўзга чиққан Қарши шаҳар бош имом-хатиби Аҳмад Бойқобилов, Қарши давлат университети доценти Хосият Маҳманова, вилоят ички ишлар бошқармаси катта тезкор вакили Беҳрўз Мустафоев ва бошқалар олий неъматлар ҳисобланган тинчлик ва саломатликни сақлаш барчамизнинг огоҳлигимизга боғлиқ эканлигини, ёш авлодни турли хуружлардан асраш, жамиятда соғлом маънавий муҳит барқарорлигини таъминлаш йўлида ҳамжиҳатликда фаолият юритишимиз зарурлигини қайд этишди.

Қашқадарё вилояти соғлиқни сақлаш бошқармаси ахборот хизмати.
👉 @qashqadaryo_ssb

Дунёда коронавирус билан боғлиқ вазият

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 68 миллион 165 мингдан ортиқни ташкил этмоқда, шундан 1 миллион 557 мингдан зиёд киши вафот этган (10.12.2020 йил Европа вақти билан соат 17:46 ҳолатига кўра).

Охирги сутка давомида дунёда коронавирус инфекцияси билан касалланишнинг 614 534 янги ҳолати аниқланди, 11 983 нафар бемор вафот етди.

Жонс Хопкинс университетининг ҳозирги (11.12.2020 йил Тошкент вақти билан соат 10:26 ҳолатига кўра) маълумотларига кўра, дунёда касалликни 69 миллион 592 мингдан ортиқ одам юқтирган, улардан 1 миллион 581 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 14,972 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (9,767 миллиондан ортиқ), учинчи ўринда Бразилия (6,674 миллиондан ортиқ), тўртинчи ўринда Россия (2,541 миллиондан ортиқ), бешинчи ўринда эса Франция (2,269 миллиондан ортиқ).

Соғлиқни сақлаш вазирлиги
Жамоатчилик билан алоқалар бўлими.

————————————

Ситуация с COVID-19 в мире

По данным Всемирной организации здравоохранения число зараженных коронавирусной инфекцией в мире составляет более 68 млн 165 тысяч, из них более 1 млн 557 тысяч человек умерли (по состоянию на 17:46 по центральноевропейскому времени 10 декабря 2020 года).

За последние сутки в мире выявлено 614 534 новых случаев заболеваемости коронавирусной инфекцией, 11 983 больных умерло.

Согласно актуальным данным Университета Джонса Хопкинса (по состоянию 10:26 часов по ташкентскому времени 11 декабря 2020 года), в мире заразились более 69 млн 592 тысяч человек, из них более 1 млн 581 тысяч скончались.
Лидером по количеству подтвержденных случаев остаются США, где по данным ВОЗ выявлено более 14,972 млн зараженных. На втором месте находится Индия (более 9,767 млн), на третьем — Бразилия (более 6,674 млн), на четвертом — Россия (2,541 млн), на пятом — Франция (2,269 млн).

Отдел по связям с общественностью
Министерства здравоохранения.

▶️@ssvuz

​​Ниқоб — бизнинг ҳимоячимиз!

Эъзозбек Ризаев,
ССВ ҳузуридаги коронавирусга қарши курашиш штаби аъзоси:

—Коронавирус илк тарқалган вақтида инсоният у ҳақида ҳеч қандай маълумотга эга эмас эди. Бу касалликни хаво-томчи йўл билан тарқалиши фақатгина тахминларга асосланган эди. Шу сабабли эҳтиёт чораси сифатида тиббий ниқоблардан фойдаланиш тавсия этилди. Тиббий ниқоб тақиб юриш расман тавсия этилган давлатлар (Японя, Таиланд, Жанубий Корея кабилар)да коронавирус билан зарарланиш ва ўлим холатлари бошқа давлатларга нисбатан тўрт маротаба камроқ кузатилди.

Гонконг университети микробиологи Квок-Юнг Юна тажрибасига кўра, 2 та ёнма-ён панжарага соғлом ва коронавирус билан зарарланган оғмахонларни (хамяк) жойлаштириб, бир-биридан тиббий ниқоб ёрдамида ажратиб кузатган. Иккинчи холатда эса тиббий ниқоб билан ажратмаган холатда кузатган. Олинган натижаларга кўра, ниқобсиз панжараларда жойлаштирилган жониворларнинг учдан икки қисми (75 фоизи) коронавирус билан зарарланган. Иккинчи кузатув ҳолатида жониворларнинг факатгина 25 фоизида касаллик қайд этилган. Натижалардан кўриниб турибдики, тиббий ниқоблар коронавирусдан ҳимоя килади.

Июнь ойида АҚШда Миссури штатидаги икки сартарош аёлнинг воқеасидан сўнг тиббий ниқобга ишонч ортиб кетди. Бу икки сартарош мижозларга хизмат кўрсатиш вақтида матоли тиббий ниқобдан фойдаланган ва 200 нафардан ортиқ инсонга хизмат кўрсатган. COVID-19 га текшириш вақтида эса, уларда коронавирус инфекцияси борлиги аниқланган. Уларнинг оила аъзоларида ҳам СOVID-19 касаллиги аниқланган. Аммо хизматдан фойдаланган мижозларнинг ҳеч бирида СOVID-19 ва унинг аломатлари кузатилмаган. Бундай мисоллар тиббий ниқоб фойдасиз деган қарашни йўққа чиқаради.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

​​НИҚОБИНГИЗНИ ИЯК УСТИГА ТУШИРМАНГ

“COVID-19” инфекцияси тарқалиши дунё миқёсида ҳали-ҳануз катта муаммо бўлиб қолмоқда. Ўтган фурсат давомида бу инфекциядан сақланишнинг биринчи йўли шахсий гигиенага ва карантин қоидаларига риоя қилиш экани маълум бўлди. Бу қоидаларнинг биринчи талаби эса, ниқоб тақиб юриш ҳисобланади. Ниқоб бизни инфекциядан қанчалик ҳимоя қила олиши ҳақидаги саволларимизга ССВ ҳузуридаги Коронавирусга қарши курашиш штаби аъзоси Севара Убайдуллаева жавоб берди.

— Ниқоб тақиш инсонни инфекция юқтиришдан неча фоиз сақлаб қола олади?

— Ниқоб тақиб юриш карантин қоидаларининг биринчи талабидир. Агар коронавирусга чалинган ва унинг ташувчиси бўлган инсон ниқоб тақмаса, у билан мулоқотда бўлган инсон ниқобда бўлса инфекция юқиш эҳтимоли 70 фоизни ташкил қилади. Агар коронавирусга чалинган ва унинг ташувчиси ниқоб таққан бўлса-ю, мулоқотда бўлган инсон ниқобсиз бўлса, унда вирус юқиш эҳтимоли 5 фоиз ҳисобланади. Шундан келиб чиқиб, аввало, касалликка чалинган инсонлар ниқоб тақиб юришлари шарт.
Сиз мен касал эмасман, ниқоб тақмасам ҳам бўлади, дейишга шошилманг. Боиси касалликнинг яширин даврида аломатларни сезмаслигингиз ва уни тарқатувчи бўлишингиз мумкин. Шунингдек, соғлом одамнинг ниқоб тақиши ҳам вирус юқиши олдини олишини ҳам унутманг. Сабаби агар ҳар иккала шахс ниқоб тақиб турган бўлса, вирус юқиш эҳтимоли атиги 1,5 фоизни ташкил этади. Бу илмий жиҳатдан исботланган.

— Кўпчилик ниқобни ияк устига тушириб юришмоқда. Бунинг қандай зарарли томонлари бор?

— Агар сиз овқатланаётган ёки ниқобни ечиб қўйишни тақазо этадиган бошқа амалиётни бажараётган бўлсангиз уни иягингизга тушириб қўйишдан кўра, буткул ечиб қўйганингиз мақул. Сабаби ияк усти кишининг очиқ аъзоси бўлиб, турли вирус ва инфекциялар ёпишган бўлиши мумкин. Ниқобни иягингизга туширсангиз, унинг ички қисмига вируслар ўрнашиб олади. Уни оғиз бурнингизга олиб борганда эса, зарарланишингиз эҳтимоли ортади. Шу боис, ниқобни бундай ҳолларда ечиб қўйиш тавсия этилади.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

Муносабат

ҚОНУН БУЗИЛИШИГА ЙЎЛ ҚЎЙГАН КАТТА ҲАМШИРА ВАЗИФАСИДАН ОЗОД ЭТИЛГАН

Ижтимоий тармоқларда эълон қилинган “Хорижда ишлаётган ходимга маош ёзиб, давлат маблағини ўзлаштирганлар бемалол ишлаб юраверадими?” сарлавҳали мурожаатда Яккабоғ тумани тиббиёт бирлашмаси болалар бўлими раҳбарияти вакиллари ноқонуний пул ўзлаштириб, яна ўз фаолиятларини давом эттираётгани қайд этилган.
Мазкур ҳолат юзасидан қуйидагиларни маълум қиламиз.

Ўзбекистон Республикаси Бош прокуратураси ҳузуридаги иқтисодий жиноятларга қарши курашиш департаменти Яккабоғ туман бўлими ҳамда туман молия бўлимининг тегишли буйруқларига асосан ўтказилган текширишда туман тиббиёт бирлашмаси болалар бўлими катта ҳамшираси Г.П. томонидан ходимларга қонунга хилоф тарзда иш ҳақи тўлаш билан боғлиқ қонун бузилишига йўл қўйилганлиги аниқланган ва ундан жами 1 189 112 сўм маблағ маҳаллий бюджетга ундирилган. Бундан ташқари текшириш якунига кўра болалар жонлантириш пости катта ҳамшираси Э.М. ҳисобидан ҳам 1 030 591 сўм ундирилиши кўрсатиб ўтилган.
Қонун бузилишига йўл қўйганлиги учун болалар бўлими катта ҳамшираси Г.П. тиббиёт бирлашмаси бошлиғининг тегишли буйруғига кўра ўз вазифасидан озод қилиниб, муолажа ҳамшираси вазифасига ўтказилган.

Қашқадарё вилояти соғлиқни сақлаш бошқармаси ахборот хизмати.
👉 @qashqadaryo_ssb

Cоғлиқни сақлаш вазири ўринбосари, Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев Республикамизда хориждан олиб келинган «COVID-19»га қарши вакциналар ва уларнинг синов босқичлари ҳақида маълумот беради.

▶️@ssvuz

​​🔺2020 йил 11 декабрь ҳолатига кўра, Ўзбекистонда коронавирус инфекцияси қайд этилганлар сони 74 811 (+147) нафарни ташкил этмоқда.

🔴Янги касалланиш ҳолатларининг:
📌2 нафари Жиззах вилоятида,
📌4 нафари Андижон вилоятида,
📌6 нафари Фарғона вилоятида,
📌25 нафари Тошкент вилоятида,
📌110 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

⚫️Шу билан бирга, 1 нафар коронавирусга чалинган бемор вафот этиб, жами кўрсаткич 612 нафарга етди.

♻️ Кеча кун давомида:
📌 Жиззах вилоятида 1 нафар,
📌 Андижон вилоятида 6 нафар,
📌 Фарғона вилоятида 12 нафар,
📌 Тошкент вилоятида 30 нафар,
📌 Тошкент шаҳрида 114 нафар бемор тузалиб, касалликдан соғайганлар жами 72084 (+163) нафарга етди ва соғайиш кўрсаткичи 97 фоизни ташкил қилмоқда.

❗️Айни пайтда тиббиёт муассасаларида даволанаётган 2115 нафар бемордан 180 нафари оғир, 34 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

​​ДАҲОЛИК ДАЪВО ҚИЛИШ МЕГАЛОМАНИЯ КАСАЛЛИГИ БЕЛГИСИ БЎЛИШИ МУМКИН

Биз одатда ўзини бошқаларга нисбатан ақллироқ, тарбиялироқ ва маданиятлироқ деб ўйлайдиган кишиларни шунчаки мақтанчоқ, ўзига бино қўйган кимса деб биламиз. Аслида бу тоифа кишиларнинг ҳаммаси ҳам ёмон тарбияси ёки табиатан мақтанчоқ бўлгани сабабли бундай йўл тутмайди. Замонавий тиббиёт бундай ҳолатни мегаломания — руҳият бузилишининг бир тури эканини таъкидлайди. Хўш, бу ўзи қандай касаллик, ўзига хос белгиллари ва даволаш усуллари қандай? CCВ Матбуот хизматининг саволларига тиббиёт фанлари доктори, профессор Улуғбек Алимов жавоб берди.

— Мегаломания касаллиги қандай хасталик ?

— Мегаломания — васваса, руҳий касаллик белгисидир. Бунда бемор ўзига, имкониятига, ақл-идрокига ва қобилиятига хаддан зиёд юқори баҳо беради. Психиатрия фанида унга алоҳида касаллик сифатида қаралмайди. У руҳий касаллик билан боғлиқ психопатологик ҳолатнинг аломати сифатида баҳоланади. Кўпинча мегаломания шизофрения, аффектив психоз, алкоголизм ва бошқа рухий касалликларда учрайди.

— Мегаломаниянинг келиб чиқиш сабаблари нимадан иборат?

— Биринчидан, бу — ирсий мослашувдир. Агар ота-оналардан бири шу каби касалликдан азоб чекса, фарзанд ҳам шу касалликка чалинишининг эҳтимоли юқори бўлади. Иккинчидан, бу касаллик спиртли ичимликларни кўп истеъмол қиладиган ёки гиёҳвандлик моддаларига боғланиб қолганларда ҳам учрайди.

Эслатиб ўтамиз, ҳатто одатдагидек юқори даражадаги ўзини ўзи ҳурмат қилиш ҳам жиддий руҳий бузилишга сабаб бўлиши мумкин. Яъни инсоннинг ўзига нисбатан ҳаддан зиёд иззатталаблик қилиши, шу билан бирга кучли стрессли вазият, руҳий зарба ҳам ушбу хасталикка сабаб бўлади.

— Касалликнинг клиник белгилари қандай?

— Мегаломания психиатрияда “улуғлик ва бойлик васвасаси” дейилади ва кўтаринки кайфият фонида шаклланади. Бемор ўзини энг буюк улуғ ва бутун дунё устидан хукмрон деб билади. Бойлик васвасасида эса беморлар ўзларини энг бой, хеч туганмас ва ўлмас бойлик олтин, қимматбахо буюмлар эгаси, миллионерларни ўз олдида қашшоқ деб ҳисоблайдилар. Бошқа беморлар эса кўп мамлакат тилларини билиши, бир вақтнинг ўзида бир нечта дорилфунунни битирганликларини ва уларни чет элга ишга тақлиф қилишганини айтишади.

Бу васвасага ихтирочилик ва реформаторлик васвасаси яқин, бунда бемор ўзини буюк кашфиётчи, кўп янгиликлар муаллифи деб ҳисоблайди. Бемор у ясаган асбоб-ускуналар билан бутун ер шари иқлимини ўзгартириши мумкинлигини айтади. Бундай беморлар катта фаолликка эга бўлиб, китоблар (мақола) ёзиб чизмалар чизишади. Тан олинишига эришиш учун давлат ташкилотлари ва халкаро ташкилотларга мурожаат қиладилар.

Шунингдек, беморлар ўзини керакли шахс эканини таъкидлаб, рухий ва жисмоний имкониятларини ҳаддан ортиқ баҳолайди. Уларнинг кайфияти тез ўзгаради ва бошқаларнинг фикри билан қизиқмайди. Аксинча, ўзгаларнинг муносабатига агрессив муносабатда бўлади. Лўнда қилиб айтганда, фақат ўзининг ғоялари ва фикрларига таянади. Қолаверса, бемор уйқусизликдан азият чекади.

— Мегаломанияни қандай даволаш усуллари мавжуд?

— Ташхис қўйиш учун бемор шифокор томонидан суҳбат ўтказилиши ва кузатувда бўлиши лозим. Психологик тестлар ва бошқа тегишли диагностик текширув усуллари ўтказилади. Бундан ташқари, шифокор беморнинг қариндошларидан объектив маълумот олиши керак.

Бундай беморлар махсус шароитда, тиббий ходимлар назорати остида даволаниши лозим. Уларга айрим дорилар ва махсус психотерапияни тавсия этиш мумкин.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

КОРРУПЦИЯ - ТАРАҚҚИЁТ
КУШАНДАСИ

Вилоят соғлиқни сақлаш бошқармасида вилоят прокуратураси ва вилоят ички ишлар бошқармаси билан ҳамкорликда коррупцияга қарши кураш масалаларига бағишланган кенгайтирилган йиғилиш бўлиб ўтди.

Унда сўзга чиққан вилоят прокуратураси бўлим катта прокурори Шоҳрух Худойбердиев, вилоят ИИБ жиноят қидирув бошқармаси коррупция ва иқтисодий жиноятларга қарши кураш бўлими ўта муҳим ишлар бўйича тезкор вакили Жамшид Хушвақтов, вилоят соғлиқни сақлаш бошқармаси бошлиғи Равшан Тўлаков ва бошқалар томонидан тизимда бу борада олиб борилаётган ишлар танқидий таҳлил қилинди. Шунингдек, соҳадаги тегишли дастур ва йўл хариталари ижроси, оналар ва болалар ўлимининг олдини олиш, Инқирозга қарши кураш жамғармаси маблағларининг мақсадли йўналтирилиши борасида кечиктириб бўлмайдиган вазифалар белгилаб олинди.

Қашқадарё вилояти соғлиқни сақлаш бошқармаси ахборот хизмати.
👉 @qashqadaryo_ssb

​​СОЧНИНГ ЭРТА ОҚАРИШИГА САБАБ НИМА, УНИ ДАВОЛАСА БЎЛАДИМИ? (1-қисм)

Организмимиздаги кексаяётганимизни кўрсатувчи ўзгаришлар бизни доим ранжитади. Айниқса, кузгуга боққанимизда сочимиздаги оқни, юзимиздаги ажинни кўриш ташвишга қўяди. Аммо баъзан бу белгилар ёшимиз улғайишидан эмас, танамизда қандайдир ҳасталик борлигини билдиради. Хўш, сочларнинг эрта оқаришига сабаб нима, уни даволаса бўладими? CCВ Матбуот хизматининг ушбу саволларига Республика ихтисослаштирилган дерматовенерология ва косметология илмий амалий тиббиёт маркази директор ўринбосари, тиббиёт фанлари номзоди Аваз Иноятов жавоб беради.

— Сочларнинг оқариши қандай юз беради?

— Сочларнинг рангига махсус меланоцит ҳужайраларида ишлаб чиқариладиган меланин пигментлари жавоб беради. Бу ҳужайралар соч илдизида жойлашган бўлади. Ёш улғайган сайин пигмент ҳосил қилувчи ҳужайраларнинг функцияси сустлашади ва меланин моддасини ишлаб чиқариш тўхтайди. Ушбу табиий жараён бошланадиган вақт ҳар кишида генетик тарзда белгиланган.

Маълум бўлишича, европоид ирқига мансуб кишиларда соч оқариши тахминан 34 ёшда, осиёликларда – 30-34 ёшда пайдо бўлар экан.

Бизда эса, бу ҳолат кўпинча 35 ёшларга тўғри келади. Афсуски, оқарган сочларни яна қорайтиришнинг иложи йўқ. Аммо оқ сочларни яшириш учун кўпчилик турли соч бўёқларидан фойдаланади. Сочларнинг оқариши вақтидан илгари ҳам содир бўлиши мумкин.

Масалан, баъзида 19-20, 20-25 ёшли инсонларнинг ҳам сочларига оқ оралаши мумкин. Бу эса, қариликдан эмас, инсонинг саломатлигида муаммо борлигини кўрсатади. Айрим ҳолларда эса, витаминлар етишмовчилиги, сочни сифатсиз ювиш воситаларидан фойдаланилиши ҳам сочлар оқаришига сабаб бўлиши мумкин.

— Сочларнинг эрта оқаришига сабаб нима?

— Энг аввало, бу наслий юз беради. Ё бўлмаса, организм учун зарур бўлган баъзи керакли моддаларнинг етишмовчилиги ёки кишининг жисмоний руҳий ҳолати ҳам ҳасталикка сабаб бўлиши мумкин.

Масалан, организмда оқсил моддаси, аниқроғи тирозин моддаси етишмовчилиги сочларнинг оқаришига сабаб бўлади. Шунингдек, В гуруҳи витаминлари, рух (цинк) ва мис (медь) организмда етарли даражада бўлмаслиги ҳам бу муаммони юзага келтиради.

Айрим салбий одатлар ва айрим маҳсулотларни керагидан ортиқча истеъмол қилиш сочларнинг рангига таъсир ўтказади. Хусусан, чекиш, туз ва қахва истеъмол қилиш ҳам сочларнинг эрта оқаришига сабаб бўлади.

Бундан ташқари инсон руҳиятидаги ўзгаришлар ҳам унинг сочларини оқаришига сабаб бўлади. Кучли асабийлашиш ва стресс меланин моддасининг ишлаб чиқарилишининг тўхташи, соч ўзагидаги оқсилда ушланиб қолиши ва модда таркибининг ўзгариши оқибатида соч қисқа фурсатда оқариб кетиши мумкин.

Тарихда жуда қисқа вақт ичида одамларнинг сочлари кучли асабий ҳолат туфайли оқариб кетган ҳолатлар ҳам учраб туради. Масалан, Франция қироличаси Мария Антуанеттанинг сочлари қатл жазосидан олдин бир кечада оқариб кетган.

Бу ҳодисани организм меланин ва оқсил моддасини бирлаштирувчи кимёвий реакцияни бузадиган моддаларни ишлаб чиқара бошлаши билан изоҳлаш мумкин.

Камқонлик касаллиги, қалқонсимон без функциясининг бузилиши, қандли диабет билан хасталанганда, юрак қон билан етарли даражада таъминланмаганида, жинсий функциялар бузилганида, организмдаги кислоталилик даражаси баланд бўлганида ҳам бу ҳолат юзага келади.

Сабабини аниқламасдан туриб касалликни даволаб бўлмайди. Уни аниқлаш учун сизга шифокор ёрдам беради. Албатта, сочларингиз эрта кумушранг ҳосил қила бошласа, дарҳол шифокорга мурожаат қилишингиз тавсия этилади.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

Бугун, 12 декабрь куни ижтимоий тармоқларда 2021 йил 16 январдан барча олий таълим муассасаларида таълим жараёнлари анъанавий шаклга қайтиши ҳақида хабарлар тарқалди. Масалага ойдинлик киритиш мақсадида Qalampir нашри Олий ва ўрта махсус таълим вазирлиги Матбуот котиби Фарҳод Бабашев билан боғланибди. 

“16 январдан анъанавий шаклда ўқиш бошланади, деган хабарлар ҳақиқатга зиддир. Бу масалада вазирлик раҳбарияти муҳокамалар ёки режаларни кўраётгани йўқ. Ҳозирги пайтда 16 декабрдан ОТМлар ўз имкониятидан келиб чиқиб, курслар кесимида таълим шаклларига қараб, ўқув жараёнини ташкил қилган ва шу шаклда ўқув жараёни давом этаверади”, деган вазирлик Матбуот котиби Фарҳод Бабашев.

Батафсил: https://qalampir.uz/n/29864

Вазирлик расмий канали: @ssvuz

«O‘zbekistonda sog‘liqni saqlash – Здравоохранение Узбекистана» газетасининг 2020 йил 11 декабрь кунги сони мутолаа учун ҳавола қилинади.

Ушбу pdf файл газета таҳририяти томонидан тақдим этилди.

Kanalga ulanish👇👇👇
https://t.iss.one/gazetalar_sharhi

👨‍⚕️Karantin qoidalariga amal qiling!🙏