Дунёда коронавирус билан боғлиқ вазият

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 67 миллион 210 мингдан ортиқни ташкил этмоқда, шундан 1 миллион 540 мингдан зиёд киши вафот этган. Жонс Хопкинс университетининг ҳозирги маълумотларига кўра, дунёда касалликни 68 миллион 223 мингдан ортиқ одам юқтирган, улардан 1 миллион 556 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 14,570 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (9,703 миллиондан ортиқ), учинчи ўринда Бразилия (6,603 миллиондан ортиқ), тўртинчи ўринда Россия (2,515 миллиондан ортиқ), бешинчи ўринда эса Франция (2,255 миллиондан ортиқ).

Соғлиқни сақлаш вазирлиги
Жамоатчилик билан алоқалар бўлими.

————————————

Ситуация с COVID-19 в мире

По данным Всемирной организации здравоохранения число зараженных коронавирусной инфекцией в мире составляет более 67 млн 210 тысяч, из них более 1 млн 540 тысяч человек умерли. Согласно актуальным данным Университета Джонса Хопкинса, в мире заразились более 68 млн 223 тысяч человек, из них более 1 млн 556 тысяч скончались.

Лидером по количеству подтвержденных случаев остаются США, где по данным ВОЗ выявлено более 14,570 млн зараженных. На втором месте находится Индия (более 9,703 млн), на третьем — Бразилия (более 6,603 млн), на четвертом — Россия (2,515 млн), на пятом — Франция (2,255 млн).

Отдел по связям с общественностью
Министерства здравоохранения.

▶️@ssvuz

​​Олис ҳудудларда

КИТОБДА МАЛАКАЛИ ТРАВМАТОЛОГНИНГ МАҲОРАТ ДАРСЛАРИ ТАШКИЛ ЭТИЛМОҚДА

Республика Соғлиқни сақлаш вазирининг буйруғи билан вилоятимиздаги шаҳар ва туман тиббиёт бирлашмаларига раҳбар сифатида 6 ой муддат давомида бириктирилган, республиканинг нуфузли тиббиёт марказларидан келган, юқори илмий салоҳиятга эга бўлган мутахассисларнинг амалий ёрдами ҳудудларда соҳа ривожида муҳим аҳамият касб этмоқда.

Худди шундай мутахассислардан бири, Республика ихтисослаштирилган травматология ва ортопедия илмий-амалий тиббиёт маркази катта илмий ходими, тиббиёт фанлари доктори Аҳмад Дурсунов вилоятнинг чекка ва тоғли ҳудудларидан бири Китоб тумани тиббиёт бирлашмасига бириктирилган.

А.Дурсунов малакали мутахассис сифатида ҳудудда травматология соҳасида маҳорат дарслари шаклидаги жарроҳлик амалиётлари ўтказишга алоҳида эътибор қаратмоқда. Айни пайтга қадар туман тиббиёт бирлашмасида 2 та БИОС (блокловчи интеромедуляр остеосинтез), битта тос-чаноқ соҳасида, болдирда қайта реконструктив, битта елка-бўғим соҳасида мураккаб синиқларда замонавий имплантлар билан остеосинтез жарроҳлик амалиётлари бажарилди.

– Шу билан бирга Шаҳрисабз ва Чироқчи туманлардаги 4 нафар бемор учун онлайн тарзда консультациялар берилди,- дейди тиббиёт фанлари доктори Аҳмад Дурсунов. – Травматология ва шошилинч тиббий ёрдам бўлимиларда ҳар кунлик кўриклар ўтказаяпмиз. Республика шошилинч тиббий ёрдам илмий маркази Қашқадарё филиалида ҳам болдир соҳасидаги мураккаб синиш БИОС усулида операция қилинди.

Мазкур консультация ва мураккаб жарроҳлик амалиётлари вилоятдаги беморларнинг узоғини яқин, мушкулини осон қилаётган бўлса, маҳорат дарси сифатида ҳудуддаги травматологлар учун ҳам муҳим аҳамият касб этаяпти.

Соҳада кечаётган долзарб жараён – тиббий хатлов ва антропометрия борасида ҳам Китоб туманида бир қатор тадбирлар амалга оширилмоқда. Тоғли ҳудуддаги мураккаб шароитда бу тадбирни сифатли ташкил этиш мутасаддилардан катта масъулият талаб этиши шубҳасиз.

Қайд этилишича, туман аҳолиси 263800 нафарни, хонадонлар сони 47013 тани ташкил қилади. Айни пайтга қадар 19816 хонадондан 106886 нафар аҳоли вакили (40,5 фоиз) хатловдан ўтказилди. Бу борада туман тиббиёт бирлашмасида марказий штаб самарали фаолият юритмоқда. 133 та тиббий бригада ташкил қилинган. Ҳар бир бригада тиббий хатлов учун зарур бўлган тонометр, тарози, ўлчов тасмаси, пульсоксиметр сингари ускуна ва асбоблар билан тўлиқ таъминланган. Хатловга 129 нафар умумий амалиёт врачи, 563 нафар ўрта тиббиёт ходими жалб қилинган. Ҳар бир бригаданинг йўл харитаси ва иш режаси белгилаб берилган.

Ҳудуд учун туманда фаолият юритаётган клиникаларнинг 134 нафар ходимидан қўшимча 17 та тиббий бригада ташкил қилиниб, ёрдамга юборилди. Шунингдек, республика тиббиёт олий таълим муассасаларидан 39 нафар талаба ва 6 нафар педагог ҳам хатловга жалб қилинган. Айни пайтда тиббий хатловни ўз вақтида ва сифатли якунлаш мақсадида барча имкониятлар ишга солинмоқда.

Қашқадарё вилояти соғлиқни сақлаш бошқармаси ахборот хизмати.

Вазирлик расмий канали: @ssvuz

​​Ногиронликни расмийлаштириш тартиби қандай?

CCB Матбуот хизмати саволларига Республика тиббий-ижтимоий экспертиза инспекцияси бўлим бошлиғи Абдуғофур Нарзуллаев жавоб беради:

— Ногиронликни белгилаш учун тиббий кўриклар яшаш жойидаги даволаш-профилактика муассасасининг йўлланмаси бўйича ўтказилади.

Тиббий-меҳнат эксперт комиссияси(ТМЭК)га топшириш лозим бўлган хужжатлар тиббий-маслаҳат комиссияси (ТМК) раиси ёки аъзолари томонидан ТМЭКга тақдим этилади. Ҳужжатлар рўйхатга олингандан сўнг, кўрикдан ўтиш санаси ва вақти кўрсатилган ҳолда талон расмийлаштирилади.

Организмда функциянинг бузилиши ва ҳаёт фаолиятининг чекланганлик даражасига қараб, тиббий кўрикдан ўтказилувчига ногиронликнинг биринчи, иккинчи ёки учинчи гуруҳи 6 ойга, бир ёки икки йилга белгиланиши мумкин.

Фуқаро саломатлигини яхшилаш мумкин бўлмаган тақдирда белгиланган тартибда тасдиқланган касалликлар ва анатомик нуқсонлар рўйхатига мувофиқ, ногиронлик муддатсиз ҳам белгиланади.

Ногиронликни белгилашнинг тўғрилиги бош ТМЭК, Республика тиббий-ижтимоий экспертиза инспекцияси, Молия вазирлигининг Назорат-тафтиш бош бошқармаси томонидан текширилганда, ТМЭК қарорининг асоссизлиги ҳолатлари аниқланганда, ТМЭК қарори сохта ҳужжатлар асосида чиқарилганда ва қонун ҳужжатларида назарда тутилган бошқа ҳолатларда муддатидан олдин қайта тиббий кўрикдан ўтказиш амалга оширилади.

Муддатсиз ногиронлиги бўлган шахслар ҳам юқорида кўрсатиб ўтилган ҳолатларда қайта тиббий кўрикдан ўтказилиши мумкин.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

Шавкат Мирзиёев: Бу икки соҳада ҳам иш услубимизни ўзгартиришга ҳаётнинг ўзи мажбур қиляпти
—
Шавкат Мирзиёев: Сама жизнь требует, чтобы мы изменили стиль работы в этих двух сферах

▶️@ssvuz

ССВ ҳузуридаги Коронавирусга қарши курашиш штаби аъзоси Севара Убайдуллаева коронавирусга оид саволларга жавоб берди.

▶️@ssvuz

Бугун 10 декабрь — Ўзбекистон Республикасининг Давлат мадҳияси қабул қилинган кун.

🔷 Ўзбекистон Республикаси Давлат мадҳиясининг матни ва мусиқаси Ўзбекистон Республикасининг 1992 йил 10 декабрдаги 768-ХII-сонли “Ўзбекистон Республикасининг Давлат мадҳияси тўғрисида”ги Қонуни билан тасдиқланган.

Ушбу Қонуннинг 2-моддасида “Ўзбекистон Республикасининг Давлат мадҳиясига зўр эҳтиром билан қараш Ўзбекистон Республикаси ҳар бир фуқаросининг ватанпарварлик бурчидир”, деб белгилаб қўйилган.

▶️@ssvuz

​​🔺2020 йил 9 декабрь ҳолатига кўра, Ўзбекистонда коронавирус инфекцияси қайд этилганлар сони 74 498 (+146) нафарни ташкил этмоқда.

🔴Янги касалланиш ҳолатларининг:
📌3 нафари Жиззах вилоятида,
📌3 нафари Қашқадарё вилоятида,
📌5 нафари Навоий вилоятида,
📌25 нафари Тошкент вилоятида,
📌110 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️ Кеча кун давомида:
📌 Жиззах вилоятида 3 нафар,
📌 Қашқадарё вилоятида 3 нафар,
📌 Навоий вилоятида 7 нафар,
📌 Тошкент вилоятида 29 нафар,
📌 Тошкент шаҳрида 89 нафар бемор тузалиб, касалликдан соғайганлар жами 71740 (+131) нафарга етди ва соғайиш кўрсаткичи 97 фоизни ташкил қилмоқда.

❗️Айни пайтда тиббиёт муассасаларида даволанаётган 2147 нафар бемордан 179 нафари оғир, 34 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

🏋️Ўзбекистонликларнинг атиги 19 фоизи спорт билан шуғулланади

📌Шавкат Мирзиёев раҳбарлигида ўтган видеоселектор мажлисида аҳолини оммавий спортга кенг жалб қилиш масалалари ҳам муҳокама қилинди.

🏃Бугунги кунда аҳолининг бор-йўғи 19 фоизи жисмоний тарбия ва спорт билан қамраб олинган. Аксинча, носоғлом турмуш тарзи, таркибида туз, қанд ва ёғ миқдори кўп бўлган ҳамда хамирли таом ва нонни меъёридан ортиқ истеъмол қилиш ҳолатлари кўп учрайди.

🦠Коронавирус инфекцияси, аввало, юрак-қон томир, нафас йўллари касаллигига чалинган, ортиқча вазнли фуқароларда оғир кечгани ҳаммага маълум. Бу ҳам соғлом турмуш тарзи ва спортнинг аҳамиятини яна бир бор яққол кўрсатди.

🚲Йиғилишда шу борадаги манзилли рўйхатни шакллантириб, қурилиш ишларини бошлаш, пиёдалар ва велосипедлар учун барча қулайликларни яратиш бўйича кўрсатмалар берилди.

Манба: "Соғлом ҳаёт"

Вазирлик расмий канали: @ssvuz

ССВнинг AКТни ривожлантириш маркази "Doctor.Uz" маслаҳат каналини ишга туширди

Соғлиқни сақлаш вазирлиги AКТни ривожлантириш маркази (ИТМед) томонидан аҳоли ўртасида соғлом турмуш тарзини тарғиб қилиш, унга нисбатан онгли муносабатни шакллантириш, соғликни мустаҳкамлаш ва маслаҳатлар бериб бориш учун "Doctor.Uz" маслаҳат канали ишга тушди.

Ушбу каналда сиз тўғри овқатланиш бўйича тавсиялар, офис гимнастикаси, статистика, фойдали маълумотлар, тиббиёт волонтёрларининг фаолияти ва бошқа кўплаб қизиқарли янгиликларни топишингиз мумкин.

————————————

Центр развития ИКТ Минздрава запустил телеграм канал Doctor.Uz

Центр развития информационно-коммуникационных технологий Министерства здравоохранения запустил телеграм канал «Doctor.Uz» для пропаганды здорового образа жизни среди населения, формирования сознательного отношения к нему, укрепления здоровья и предоставления советов по данной тематике.

В этом канале вы найдете советы и рекомендации по правильному питанию, офисной гимнастике, статистику, полезную информацию, информацию о деятельности волонтеров-медиков и много других интересных новостей.

▶️@ssvuz