🇺🇳 Mahalla tizimi BMT minbarida e'tirof etildi

🔍 11-noyabr kuni BMTning Jenevadagi shtab-kvartirasida “Suriyaning shimoli-sharqidan qaytganlarni reabilitatsiya va reintegratsiya qilish – O‘zbekiston tajribasi – globallikdan mahalliy darajagacha” mavzusida tadbir bo‘lib o‘tdi.

🔍Mazkur xalqaro anjumanda qurolli mojaroli hududlardan qaytganlarni reabilitatsiya va reintegratsiya qilish masalalari bo‘yicha O‘zbekiston tajribasi va Prezident Shavkat Mirziyoyev tashabbusi bilan yaqinda tashkil etilgan Mintaqaviy ekspertlar kengashi faoliyati haqida ma'lumot berildi.

🔍Uch ming yillik tarixga ega mahalladagi qadriyatlar, mehr-oqibat, g'amxo'rlik, ahillik kabi xususiyatlar bugun ham o'zbek mahallalarini bezamoqda. Ayniqsa, boshiga ish tushgan insonga yordam qo'lini cho'zishga o'zini burchli deb biladi o'zbek xalqi.

🔍O'zbekiston mahallalari uyushmasi xalqaro bo'limi mudiri Ayubxon Fayzullayev O'zbekistondagi mahalla tizimi, Prezidentimiz tomonidan joriy etilgan unikal tizim – "mahalla yettiligi" xususida ma'lumot berdi.

#Mahallalaruyushmasi #BMT

✅ Facebook | ✅ Instagram | ✅ X |✅ Telegram | ✅ You tube

👍 Oʻtgan davridagi faoliyat tahliliga bag'ishlangan matbuot anjumani o'tkazildi

🔍Bugun Oʻzbekiston Republikasi Prezidenti administratsiyasi huzuridagi Axborot va ommaviy kommunikasiya agentligida Oʻzbekiston mahallalari uyushmasining oʻtgan davridagi faoliyat tahlili, Davlat dasturining ijrosiga bagʻishlangan matbuot anjumani oʻtkazildi.

🔍Anjumanda Uyushma boshqarma va boʻlim boshliqlari, “Mahalla yettiligi” vakillari hamda ommaviy axborot vositalari vakillari ishtirok etdi. Tadbir “Oʻzbekiston” hamda “UzReport” telakanallari orqali toʻgʻridan toʻgʻri jonli tarzda efirga uzatildi.

🔍Anjumanda boshqarma boshliqlari “Mahalla yettiligi” imkoniyatlaridan samarali foydalanish, moliyaviy imkoniyatlarni oshirish va moddiy-texnika bazasini mustahkamlash, xalqaro aloqalarni rivojlantirishda erishilgan yutuqlar hamda Davlat dasturi doirasida yil davomida amalga oshirilgan ishlar to'g'risida ma'ruza qildilar.

🔍Tadbir yakunida, jurnalistlar o'zlarini qiziqtirgan savollariga atroflicha javob olishdi.

#Mahallalaruyushmasi #matbuot_anjumani

✅ Facebook | ✅ Instagram | ✅ X |✅ Telegram | ✅ You tube

👍 "Obod va xavfsiz mahalla" tamoyili asosida mahallalarda ijtimoiy profilaktika tizimi samaradorligini oshirishga "yettilik" mas'ul!

🔍O'zbekiston mahallalari uyushmasida vazirlik va idoralar, Qoraqalpog'iston Respublikasi, Toshkent shahri va viloyatlar hamda barcha tuman(shahar)larning mas'ul rahbarlari ishtirokida mahallalarda xavfsiz muhitni yaratish borasida dolzarb vazifalar muhokama etildi.

🔍Videoselektor yig'ilishi avvalida Uyushma rahbari Qahramon Quronboyev bugungi kunda aholi murojaatlarining 84 foizi mahallalarning o'zida hal etilayotganini ta'kidladi. Jinoyatchilikdan holi bo'lgan mahallalar soni ham oshmoqda. Bunda mahalla ishiga mas'ul bo'lgan vazirlik va idoralarning hissasi katta.

🔍Ammo, natijani karrasiga oshirish uchun imkoniyat yetarli.  Prezidentimizning bu boradagi qaror va farmonlari, belgilab bergan vazifalari dasturul amal bo'lmoqda.

🔍Mahallada jinoyatchilikning oldini olishga bugun profilaktika inspektori bilan birga "yettilik"ning boshqa xodimlari ham birdek mas'ul. Bu borada hamkor tashkilotlar bilan birga onlayn o'quvlar tashkil etish lozimligi qayd etildi.

🔍Yig'ilishda shuningdek, migratsiya masalasi muhokama etildi. Xorijga ishlash maqsadida ketgan fuqarolarning huquqlari, xavfsizligini ta'minlash, ularning faoliyatini qonuniylashtirish bugungi kunning dolzarb masalasi ekani alohida ta'kidlandi.

#Mahallalaruyushmasi #mahalla_yettiligi

✅ Facebook | ✅ Instagram | ✅ X |✅ Telegram | ✅ You tube