Qarshi shahrida yangi qozonxona ishga tushirildi

Shaharning "Buyuk Turon" mahallasida Prezidentning PQ-2010-sonli qarori asosida, joriy yilda mahalliy byudjet mablag‘i hisobidan zamonaviy markaziy qozonxona foydalanishga topshirildi.

Loyihaga ko‘ra, 1-sonli qozonxonaga quvvati 1200 mVt bo‘lgan ikkita yuqori texnologiyali isitish qozonlari o‘rnatilib, 3,4 km uzunlikdagi issiqlik tarmog‘i tortildi.

Ushbu markaziy tizim mahalladagi 10 ta ko‘p qavatli uylarni qamrab olish uchun mo‘ljallangan va ayni payt qozonxona orqali 8 ta ko‘p qavatli uyda joylashgan 320 ta xonadon issiqlik bilan ta’minlanmoqda.

Qolgan 2 ta ko‘p qavatli uyga ichki tarmoqlarni ulash ishlari olib borilmoqda.

Viloyat hokimi Murotjon Azimov "Buyuk Turon" mahallasida bo‘lib, aholi bilan suhbatlashdi. Issiqlik tizimi, yaratilgan sharoitlarni ko‘zdan kechirdi.

🔸Qarshi shahri

🔹Rasmiy telegram kanal
https://t.iss.one/qashqadaryo_mahallalari

Yangi yil arafasida ehtiyojmand oilaga yangi uy tuhfa qilindi

Yangi yil arafasida Qarshi shahar "Gungon" mahallasi hududida o‘zgacha xursandchilik kuzatildi. "Qilichchek qo‘rg‘oncha" MFYda yashovchi tadbirkorlar tashabbusi va ko‘magi bilan boquvchisini yo‘qotgan, voyaga yetmagan uch nafar farzandning onasi Sitora Qarshiyevaga zamonaviy qulayliklarga ega uy-joy qurib berilib, foydalanishga topshirildi.

Yangi uyni topshirish marosimida mahalla fuqarolar yig‘ini raisi, nuroniylar, diniy idora xodimlari va tadbirkorlar ishtirok etdi. Qur’on tilovat qilinib, yangi xonadonga tinchlik-xotirjamlik, fayz va baraka tiladi.

Yangi uy 7 sotix yer maydonida barpo etilib, oilaning barcha ehtiyojlariga mos ravishda jihozlangan.

Mahalla faollari ushbu xayrli ishni amalga oshirgan tadbirkorlarga minnatdorlik izhor etib, bunday tashabbuslar jamiyatda mehr-oqibat va birdamlik muhitini yanada mustahkamlashga xizmat qilishini taʼkidladilar.

🔸Qarshi shahri

🔹Rasmiy telegram kanal
https://t.iss.one/qashqadaryo_mahallalari