#xushxabar

⚡️QarDU jamoasi xalqaro matematika olimpiadasida 8 ta medalni qo‘lga kiritdi

➡️Joriy yilning 3-8-mart kunlari Turkmanistonning Ashxabod shahrida matematika bo'yicha IV Xalqaro ochiq fan olimpiadasi (OMOUS-2024) bo‘lib o‘tdi. Xalqaro olimpiadada Rossiya, Saudiya Arabistoni, Ispaniya, Xitoy, O‘zbekiston, Bolgariya va mezbon Turkmaniston oliy ta’lim muassasalari talabalari bellashdi.

➡️Ushbu olimpiadada Qarshi davlat universiteti talabalari ham faxrli ishtirok etib, individual tarzda 2 ta kumush, 2 ta bronza medalni qo′lga kiritishdi. Shuningdek, jamoaviy hisobda ham bronza medalga sazovor bo‘ldilar.

Individual
🥈Jahongir Musurmonov,
🥈Alisher Nuraliyev,
🥉Shahboz Halimov,
🥉Shahzod Jo'rayev.

Jamoaviy 🥉
Jahongir Musurmonov, Alisher Nuraliyev, Shahboz Halimov, Sardor Shodiyev.

➡️Talabalarimiz hamda ularning ustozlarini ushbu yutuq bilan samimiy qutlaymiz! Muvaffaqiyatlar bardavom bo′lsin!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#xushxabar
#talaba_loyihasiga_mablag‘_ajratiladi

⚡️“Yashil” startap loyihalarini qo‘llab-quvvatlash dasturi doirasida eng yaxshi startaplarni saralab olish maqsadida "Pitch Day" o‘tkazildi

Kuni kecha Germaniyaning GIZ tashkiloti bilan hamkorlikda “Yashil startap loyihalarini qo‘llab-quvvatlash dasturi” doirasida eng yaxshi loyihalarini saralab olish tanlovining final bosqichi bo‘lib o‘tdi.

Ma’lumot uchun, Iqtisodiyot va moliya vazirligi tomonidan Germaniya xalqaro hamkorlik agentligi (GIZ) bilan hamkorlikda amalga oshirilayotgan “O‘zbekistonda yashil sanoatlashtirishni rivojlantirish” loyihasi doirasida U-Enter Innovatsion tadbirkorlik markazi bilan birgalikda Yashil startap loyihalarini qo‘llab-quvvatlash dasturi amalga oshirilmoqda. Dastur doirasida talabgorlardan 258 ta ariza kelib tushgan bo‘lib, ulardan 20 tasi final bosqichiga yo‘l oldi.

Startaperlar tomonidan chiqindilarni boshqarishning barqaror tizimi, quyosh panellari samaradorligini oshirish, energiya tejamkor texnologiyalarni ishlab chiqish, sug‘orish tizimlarini modernizatsiya qilish, qayta tiklanuvchi energiya manbalarining yangi turlari, sanoatdagi chiqindi suvlarni tozalash va qayta foydalanish kabi loyihalar taklif etildi. Tanlovning yakuniy bosqichi natijalariga ko‘ra, eng yuqori ball to‘plagan loyihalarga “O‘zbekistonda yashil sanoatlashtirishni rivojlantirish” loyihasi doirasida Germaniya xalqaro hamkorlik agentligi (GIZ) tomonidan loyihaning rivojlanish bosqichini hisobga olgan holda 20 million so‘mdan 400 million so‘mgacha grant mablag‘lari ajratilishi ko‘zda tutilgan.

Quvonarlisi, natijalarga ko‘ra Qarshi davlat universiteti Kimyo-biologiya fakulteti biotexnologiya yo‘nalishi 3-bosqich talabasi Shahrizoda Shamsiddinovaning “Clean Water” loyihasining rivoji uchun 60 million so'm miqdorida grant mablag‘i ajratiladigan bo‘ldi. Talabamizning ilm yo‘lidagi muvaffaqiyatlari bardavom bo‘lsin!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#xushxabar

⚡️QarDU dotsenti Turon fanlar akademiyasi akademigi unvoniga sazovor bo‘ldi

Bugun Qarshi muhandislik-iqtisodiyot instituti rektori Orifjon Bozorovga, institutning Ilmiy ishlar va innovatsiyalar boʻyicha prorektori Gʻulom Uzoqovga hamda Qarshi davlat universiteti Sanoat muhandisligi kafedrasi dotsenti Aftandil Vardiyashviliga Turon fanlar akademiyasi akademigi unvonlari hamda “Turon fanlar akademiyasi 10 yilligi” koʻkrak nishonlari topshirildi.

Taqdirlash marosimida Turon fanlar akademiyasi vitse-prezidenti Zafar Iskandarov, QarMII professor-oʻqituvchilari va boʻlim boshliqlari ishtirok etdi. Tadbirda Qarshi davlat universiteti, Qarshi muhandislik-iqtisodiyot institutining mamlakatimizda ilm-fan va innovatsiyani rivojlantirishdagi oʻrni, yutuqlari alohida eʼtirof etildi.

🔎Xabar manbasi: QarMII axborot xizmati

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xushxabar

⚡️Universitetning 7 nafar talabasi “Mirzo Ulugʻbek vorislari” tanlovining respublika bosqichida ishtirok etadi

Oʻzbekiston Respublikasi Vazirlar Mahkamasining 2022-yil 18-yanvardagi “Isteʼdodli yoshlarni qoʻllab-quvvatlash “Ulugʻbek” jamgʻarmasi faoliyatini rivojlantirish chora-tadbirlari toʻgʻrisida”gi 30-sonli qaroriga asosan, joriy yilning 23-aprel kuni Qarshi muhandislik-iqtisodiyot institutida “Mirzo Ulugʻbek vorislari” respublika tanlovining viloyat bosqichi bo‘lib o‘tdi.

Unda o‘z innovatsion loyihalarini taqdimot qilgan 80 nafar ishtirokchilardan 20 nafari “Mirzo Ulugʻbek vorislari” respublika tanlovining viloyat bosqichi g‘olibi deb topildi va respublika tanlovida ishtirok etish imkoniyatini qo‘lga kiritdi. Ahamiyatlisi, 20 nafar ishtirokchilar orasidan 7 nafari Qarshi davlat universiteti talabalari hisoblanadi.

Talabalarimizga tanlovning respublika bosqichida ham omad tilaymiz!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#xushxabar

⚡️Universitet talabasi Osiyo chempionatida g‘oliblikni qo‘lga kiritdi

Joriy yilning 12-16-sentyabr kunlari Qirg‘iziston poytaxti Bishkek shahrida qo‘l jangi bo‘yicha Osiyo chempionati bo‘lib o‘tdi.

Quvonarlisi, Qarshi davlat universiteti Sport fakulteti dzyudo ta’lim yo‘nalishi 1-bosqich talabasi O‘g‘iloy Jumanova mamlakatimiz qo‘l jangi federatsiyasi terma jamoasi tarkibida ushbu musobaqada ishtirok etib, barcha raqibalarini mag‘lub qildi va Osiyo chempioniga aylandi.

Ma’lumot o‘rnida, turnirda 12 davlatdan 300 ga yaqin sportchilar g‘oliblik uchun kurashdi. Mazkur musobaqada terma jamoamiz a’zolari 9 ta oltin 5 ta kumush va 3 ta bronza medallarini jamg‘arib umum jamoa hisobida birinchi o‘rinni egalladi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xalqaro_reyting #xushxabar

Nufuzli xalqaro QS reyting tashkiloti Osiyo Universitetlarining 2025-yil uchun (QS Asia University Rankings - 2025) reyting natijalarini e’lon qildi.

Quvonarlisi, Qarshi davlat universiteti ushbu xalqaro reytingda yuqori natija ko‘rsatib, mintaqadagi yetakchi universitetlar qatoridan joy oldi.

Jumladan, natijalarga ko‘ra, Qarshi davlat universiteti QS Osiyo reytingida 825-o‘rinni, Markaziy Osiyo universitetlari orasida esa 55-o‘rinni egalladi.

Ushbu yuksak natija bilan universitet jamoasini chin dildan qutlaymiz!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xushxabar

14-noyabr kuni QarMII sport majmuasida oliy ta’lim muassasalari jamoalari o‘rtasida “Besh tashabbus olimpiadasi” doirasida sportning mini-futbol turi bo‘yicha viloyat final bosqichi bo‘lib o‘tdi.

Keskin va shiddatli kurashlar ostida bellashuvlarda Qarshi davlat universiteti jamoasi barcha raqiblarini mag‘lubiyatga uchratib, g‘oliblikni qo‘lga kiritdi.

G'olib va sovrindorlar tashkilotchilar tomonidan darajali diplom va esdalik sovg‘alari bilan taqdirlandi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xushxabar

⚡️QarDU talabasi xalqaro olimpiadada kumush medalni qo‘lga kiritdi

Xabaringiz bor, 25-30-noyabr kunlari Turkmanistonning Ashxobod shahrida joylashgan Maxtumquli nomidagi Turkman davlat universitetida talabalar o‘rtasida kimyo fani bo’yicha III xalqaro olimpiada bo‘lib o‘tdi. Unda mezbon Turkmaniston, shuningdek, Rossiya, Xitoy, Eron, Oʻzbekiston, Qozogʻiston, Armaniston, Ozarbayjon kabi xorijiy davlatlarning yetakchi oliy taʼlim muassasalaridan 200 nafardan ziyod talabalar qatnashdi.

Olimpiada yakkalik va jamoaviy musobaqalarni o'z ichiga oldi. Ishtirokchilar noorganik va fizik kimyo, organik va analitik kimyo bo‘yicha murakkab nazariy va amaliy masalalarni yechish bo‘yicha bellashdilar. Yakkalik bahslari “A” va “B” toifalarida o‘tkazildi.

Quvonarlisi, xalqaro olimpiadaning “B” toifadagi yakkalik bellashuvlarida Qarshi davlat universiteti kimyo ta’lim yo‘nalishi 3-bosqich talabasi Boboqulov Baxtishod Norpo‘latovich kumush medalni qo‘lga kiritdi. Shuningdek, olimpiada bilan bir vaqtda Maxtumquli nomidagi Turkman davlat universitetida o‘tkazilgan “Kimyo fanini o‘qitishni takomillashtirish va zamonaviy kimyoviy texnologiyalarni rivojlantirish” mavzusidagi xalqaro ilmiy-amaliy konferensiyada faol ishtirok etgani uchun Noorganik kimyo kafedrasi dotsenti Nigora Jo‘raqulova sertifikat bilan taqdilandi.

Talabamizni ushbu yutug‘i bilan tabriklaymiz!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xushxabar #e'tirof

⚡️QarDU professori yurtimizning taniqli olimlari safida

Qarshi davlat universiteti fizika-matematika fanlari doktori, professor Tashatov Allanazar Qarshiyevichning hayot va ilmiy faoliyat yo‘li yoritilgan biografiyasi "O‘zbekistonning taniqli olimlari" ensiklopediyasining 2024-yilgi to‘plamidan joy oldi.

O‘zbekistonning taniqli olimlari ensiklopediyasi bir yilda bir marotaba nashr etiladi. Ensiklopediya har bir to‘plamidan 110 nafar yurtimizning eng taniqli olimlari o‘rin oladi. Ularning barchasi Uchinchi Renessans ostonasida turgan Yangi O‘zbekiston ilm-fanining asosiy ustunlaridir.

Ustoz Allanazar Qarshiyevichni ushbu yuksak e'tirof bilan chin dildan qutlaymiz!

Ma'lumot o‘rnida, ensiklopediyadan joy olgan olimlarning ma'lumotlari taniqliolimlar.uz platformasiga va wikipedia.org onlayn ensiklopediyasiga ham joylangan.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xushxabar

⚡️“Mirzo Ulug‘bek vorislari” tanlovi g‘oliblari taqdirlandi

24-may kuni “Mirzo Ulug‘bek vorislari” tanlovining Respublika bosqichi yakunlandi. To‘rt kunlik bellashuvlarda respublikaning barcha hududlaridan kelgan iqtidorli yoshlar ishtirok etib, o‘z bilim va salohiyatini namoyon qildilar.

Tanlov Oliy ta’lim, fan va innovatsiyalar vazirligi, Yoshlar ishlari agentligi hamda “Ulug‘bek” jamg‘armasi hamkorligida tashkil etildi. G‘oliblar esdalik sovg‘alari, diplomlar hamda BHMning 20 baravari miqdoridagi pul mukofoti bilan taqdirlandi.

Quvonarlisi, tanlovning texnika yo‘nalishida Qarshi davlat universiteti talabasi Abdug‘aniyev Boburjon Akramjon o‘g‘li o‘z innovatsion loyihasi bilan g‘oliblikni qo‘lga kiritdi.

Universitet jamoasi talabamizni samimiy muborakbod etadi va ilm yo‘lida ulkan zafarlar tilaydi!

Bizni kuzating

Telegram|Instagram|Facebook|Veb-sayt