#Xizmat_safari

Qashqadaryodagi oliy ta’lim muassasalari o‘rganilmoqda

Bugun Oliy ta’lim, fan va innovatsiyalar vaziri I.Abdurahmonov Qashqadaryo viloyatidagi oliy ta’lim muassasalarida yaratilgan sharoitlar bilan yaqindan tanishib, professor-o‘qituvchilar va talabalar bilan muloqotda bo‘lmoqda.

Ilk manzil Qarshi davlat universiteti bo‘lib, yangi ta’mirdan chiqqan Tibbiyot fakulteti o‘quv binosi, o‘quv laboratoriya xonalari, kutubxona va inkubatsiya markazi ko‘zdan kechirildi.

Batafsil➡️https://edu.uz/uz/news/view/5164

Telegram | Instagram | Facebook | YouTube

#xizmat_safari

Xabar berilganidek, Qarshi davlat universiteti rektori, professor D.Nabiyevning Yevropa Ittifoqi Erasmus+ dasturi Kredit mobilligi (Credit Mobility) xalqaro loyihasi doirasida Janubiy Chexiya universitetiga safari davom etmoqda. Xususan, QarDU rektori xizmat safari davomida Janubiy Chexiya universiteti Pedagogika fakulteti dekani, tabiiy fanlar doktori, dotsent Yelena Koldova bilan uchrashdi. Muloqotning bosh mavzusi pedagogik ta’lim sohasida hamkorlikni yo‘lga qo‘yishga qaratildi.

Janubiy Chexiya universiteti Pedagogika fakultetida asosan boshlang‘ich sinf o‘qituvchilari va maktabgacha ta’lim bakalavrlari qatorida, 30 dan ortiq mutaxassisliklar, ya’ni aniq, tabiiy va ijtimoiy – gumanitar fanlari bo‘yicha maktablarning boshlang‘ich va o‘rta sinf o‘quvchilari uchun pedagogik kadrlar tayyorlanadi. Uchrashuvda ushbu tajribalarni Qarshi davlat universitetida tatbiq etish yuzasidan hamkorlikni yo‘lga qo‘yish imkoniyatlari ko‘rib chiqildi.

Jumladan, Janubiy Chexiya universitetida maktab o‘qituvchilarini tayyorlash metodikasi, xususan, pedagogika-psixologiya yo'nalishlarida, umumta’lim maktablarida matematika va fizika fanlari o‘qituvchilarini tayyorlash, amaldagi o‘quv reja va dasturlarni qo‘llash, o‘zaro tajriba almashish, Pedagogika fakulteti professor-o‘qituvchilarini Qarshi davlat universiteti o‘quv jarayoniga jalb etish bo‘yicha takliflar muhokama qilindi. Tashrif davom etmoqda.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xizmat_safari

Qarshi davlat universiteti rektori, professor D.Nabiyevning Chexiya universitetlariga xizmat safari davom etmoqda. Bugun, QarDU rektori Karlovo universiteti rektori, professor Milena Kralichkova bilan uchrashdi. Muloqotda arxeologiya sohasida hamkorlik xususida so‘z bordi. Karlovo universiteti dunyoning eng qadimiy universitetlaridan biri hisoblanadi. Ushbu oliy ta’lim muassasasi XIV asr o‘rtalarida Chexiya qiroli Karl IV tomonidan tashkil etilgan. Bugungi kunda 53 ming nafardan (shundan 7 ming nafari xorijlik talabalar) ortiq talabalar 17 fakultetda tahsil olmoqda. Karlovo universiteti The Times Higher Education World University Rankings xalqaro reytinggida dunyoning 500 ta eng yaxshi oliy ta’lim muassasalari ro‘yxatiga kiritilgan. Shuningdek, universitet Oksford, Sorbonna, Boloniya va Jeneva universitetlari bilan birga Yevropa universitetlari assotsiatsiyasining a’zosi hisoblanadi.

Qarshi davlat universiteti, Termiz davlat universiteti va Karlovo universiteti rektorlari o‘rtasida samimiy ruhda kechgan muloqot davomida Yerqo‘rg‘on tarixiy arxeologik majmuasi, Nasaf (Naxshab) qadimiy manzilgohi, Surxon-Sherobod vohasi arxeologik yodgorliklarini hamkorlikda o‘rganish va ularning pasportini yaratish orqali yodgorliklarni saqlash va kelajak avlodga yetkazish, o‘tkazilgan arxeologik tadqiqotlar bo‘yicha ilmiy, ilmiy-ommabop asarlar yaratish masalasi muhokama qilindi. O‘zbekistonning janubiy vohalarida joylashgan ushbu tarixiy, arxeologiya yodgorliklarini o‘rganish maqsadida qo‘shma arxeologik ekspeditsiya tuzish va uning tarkibiga arxeolog olimlar, doktorantlar, magistr va bakalavr talabalarni jalb qilish masalasi ko‘rib chiqildi. Arxeologik ekspeditsiyani moliyalashtirish Yevropa Ittifoqining Erasmus dasturi doirasida amalga oshirish rejalashtirildi. Muloqot yakunida yuqoridagi masalalar yuzasidan hamkorlik shartnomasi imzolashga kelishildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#xizmat_safari

Qarshi davlat universiteti rektori, professor D.Nabiyevning Chexiya universitetlariga xizmat safari davom etmoqda. Xususan, bugun Qarshi davlat universiteti va Termiz davlat universiteti rektorlari Karlovo universiteti kutubxonasi bilan batafsil tanishib chiqishdi.
So‘ngra Karlova universiteti Arxeologiya ilmiy tekshirish markazi direktori bilan uchrashib, markazda amalga oshirilgan ishlar, ilmiy natijalar bilan o‘rtoqlashildi.

Qarshi davlat universiteti, Termiz davlat universiteti va Karlovo universiteti mutaxassis olimlari va tadqiqotchilari hamkorligida Yerqo‘rg‘on tarixiy arxeologik majmuasi, Nasaf (Naxshab) qadimiy manzilgohi, Surxon-Sherobod vohasi arxeologik yodgorliklarini o‘rganish, tadqiqotlar olib borish, o‘tkazilgan arxeologik tadqiqotlar natijalari bo‘yicha hamkorlikda ilmiy maqolalar chop etish masalalari atroflicha muhokama qilindi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram