#sport

Kecha Iqtisodiyot fakultetida “Sport - sog‘lik garovi” shiori ostida armrestling sport turi bo‘yicha "Dekan kubogi" musobaqasi o‘tkazildi. Musobaqa qiziqarli va ko‘tarinki ruhda bo‘lib o‘tdi. Yakunda g‘olib va sovrindor talabalar diplom, medal va esdalik sovg‘alari bilan taqdirlandi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#sport

Xabar berilganidek, ayni kunlarda 11-noyabr — O‘zbekiston kasaba uyushmalari kuni munosabati bilan Qarshi davlat universiteti professor-o‘qituvchilari va ishchi-xodimlari o‘rtasida sportning mini-futbol (erkaklar) va stol tennisi (erkaklar, ayollar) turlari bo‘yicha musobaqa o‘tkazilmoqda. Bugun mini-futbol bo‘yicha bir qator qiziqarli uchrashuvlar bo‘lib o‘tdi.

Jumladan, Pedagogika fakulteti va Kimyo-biologiya fakulteti jamoalari o‘rtasida kechgan bahsning asosiy vaqtida durang natija qayd etildi. Penaltilar seriyasida esa Kimyo-biologiya fakulteti jamoasining qo‘li baland keldi. Raqamli ta'lim texnologiyalari markazi va San'atshunoslik fakulteti jamoalari bellashuvi ham penaltilar seriyasiga qadar etib bordi. Unda Raqamli ta'lim texnologiyalari markazi jamoasi g‘alaba qozonib, keyingi bosqichga yo‘l oldi. Musobaqa davom etmoqda.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#sport

Talaba turar joyida yashaydigan talaba-qizlarning darsdan bo‘sh vaqtini mazmunli o‘tkazish, ular o‘rtasida sog‘lom turmush tarzini keng targ‘ib qilish maqsadida muntazam sport musobaqalari tashkil etib boriladi.

Jumladan, joriy yilning 19-fevral kuni Sport faoliyati kafedrasi oylik ish rejasiga muvofiq, qolaversa, Yoshlar bilan ishlash bo‘limi tyutori Sh.Sharipova hamda tarbiyachi-pedagog Sh.Ro‘ziyev tashabbusi 6-va 8-sonli TTJ talaba-qizlari o‘rtasida arg'amchida sakrash, voleybol bo‘yicha musobaqa o‘tkazildi.

O‘rtoqlik uchrashuvi maqomida bo‘lib o‘tgan musobaqada 6-sonli TTJ talaba-qizlari muvaffaqiyat qozondi. Yakunda g‘oliblar Sport faoliyati kafedrasi mudiri J.Xurramov tomonidan kitoblar to‘plami bilan taqdirlandi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#sport_sinovlari
#oliy_ta'lim

⚡️Sport sinovlarini muvaffaqiyatli topshirgan talaba-yoshlar munosib taqdirlandi

O'zbekiston Respublikasi Prezidentining 2021-yil 16-iyundagi 5148-sonli qaroriga muvofiq, jismoniy faollik darajasini oshirishda yuqori natijalarga erishgan viloyat oliy ta'lim muassasalari talabalari ko'krak nishonlari hamda sport formalari bilan taqdirlandi.

Xususan, 18-29-yoshli talabalar o‘rtasida sport sinovlarini ixtiyoriy va maxsus talablarini bajarib gʻolib va sovrindor boʻlgan Qarshi davlat universiteti, Qarshi muhandislik-iqtisodiyot instituti, Muhammad al-Xorazmiy nomidagi TATU Qarshi filiali hamda Qarshi irrigatsiya va agrotexnologiyalar institutining 44 nafar talabalariga I, II va III darajali “Jismoniy tayyorgarlik darajasi” koʻkrak nishonlari (guvohnomasi) va sport formalari topshirildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#sport #kurash
#bronza_medal

⚡️QarDU o‘qituvchisi respublika turnirida sovrindor bo‘ldi

13-17-noyabr kunlari Toshkent shahrining "Universal" sport majmuasida "Kurash haftaligi" bo‘lib o‘tmoqda. Haftalik doirasida 46-55 yoshli faxriy kurashchilar o‘rtasida respublika turniri o‘tkazildi. Unda yurtimizning barcha hududlaridan 8 ta vazn toifasida 80 dan ortiq ishtirokchilar jam bo‘ldi.

Quvonarlisi, 85 kg vazn toifasidagi bellashuvlarda universitet Sport klubi rais o‘rinbosari, Sport faoliyati kafedrasi o‘qituvchisi Dilshod Soatov bronza medalni qo‘lga kiritdi.

Hamkasbimizni ushbu yutuq bilan chin dildan qutlaymiz!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#sport #kurash
#kumush_medal

⚡️Universitet talabasi respublika turnirida kumush medalni qo‘lga kiritdi

13-17-noyabr kunlari Toshkent shahrining "Universal" sport majmuasida "Kurash haftaligi" bo‘lib o‘tdi. Haftalik doirasida kurash milliy sport turi bo'yicha xotin-qizlar o'rtasida "Kurash malikalari" respublika turniri o‘tkazildi.

Quvonarlisi, musobaqaning 63 kg vazn toifasidagi bahslarida Sport fakulteti kurash ta'lim yo‘nalishi 1-bosqich talabasi Maftuna Nurmamatova kumush medalni qo‘lga kiritdi.

Talabamizni ushbu yutuq bilan tabriklaymiz!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#sport_salomatlik_garovi

Mohiyatan, sport salomatlik garovi ekanini barchamiz yaxshi bilamiz. Shu bois, yurtimizda sport bilan shug‘ullanish ommaviy tus olmoqda. Qarshi davlat universitetida sog‘lom turmush tarziga amal qilayotgan talabalar soni kun sayin ko‘payib borayotgani quvonarli holdir.

27-noyabr kuni Geografiya va agronomiya, Fizika hamda Matematika va kompyuter ilmlari fakultetlari talabalari o‘rtasida sportning voleybol turi bo‘yicha o‘rtoqlik uchrashuvi maqomida musobaqa tashkil etildi. Shuningdek, Tarix fakulteti talabalari o‘rtasida mini-futbol bo‘yicha “Dekan kubogi” o‘tkazildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram