#oʻrtoqlik_ushrashuvlari

🔵"Shoʻrtan" — 🟢 "Lochin" oʻrtoqlik oʻyinida durang natija qayd etildi

Joriy yilning 24-iyul kuni Gʻuzor "Markaziy" stadionida 🔵 “Shoʻrtan” navbatdagi oʻrtoqlik uchrashuvini Qarshi davlat universitetining 🟢 “Lochin” jamoasiga qarshi oʻtkazdi. Gollarga boy va kuchlar teng kechgan oʻyin 3:3 hisobi bilan yakunlandi.

🔵“Shoʻrtan” Jamoasi safida Mahmud Jo'raboyev dubl qayd etib, ikki bor raqib darvozasini ishgʻol qildi. Uchinchi gol esa Ogʻabek Asadov tomonidan kiritildi.

🟢 “Lochin” jamoasidan Shokir Yo'ldoshev, Nodir Mukarov va Mirjalol Qosimov oʻz nomlarini tabloga yozdirishga muvaffaq boʻlishdi.

⚽️ Uchrashuv orqali murabbiylar shtabi futbolchilarning jismoniy holatini baholash va turli taktik uslublarni sinovdan oʻtkazish imkoniga ega boʻldi.

🗓 Ma'lumot o'rnida, shuningdek “Lochin” jamoasi yozgi oʻquv yigʻini doirasida Muborakning Mash'al U21 jamoasi ustidan 5-1 hamda Nasaf U21 jamoasi ustidan 3-1 hisobida gʻalaba qozondi. Mashgʻulotlar va tayyorgarlik jarayonlari davom etmoqda!

Bizni kuzating

Telegram|Instagram|Facebook|Veb-sayt