#Forum

Birozdan soʻng Oʻzbekiston-Rossiya 3-taʼlim forumi oʻz ishini boshlaydi

Avval xabar berilganidek, 26-27-oktabr kunlari Samarqand shahrida Oʻzbekiston-Rossiya 3-taʼlim forumi boʻlib oʻtadi.

Samarqand davlat universitetida oʻtayotgan ushbu nufuzli xalqaro forumda ikki davlat tomonidan 200 dan ortiq oliy taʼlim muassasalari rahbarlari, ishlab chiqarish kompaniyalari vakillari, vazirlik va idoralar masʼullari ishtirok etadi.

Forum doirasida ikki mamlakat taʼlim tashkilotlari, yetakchi kompaniyalari oʻrtasida fan, taʼlim, ishlab chiqarish integratsiyasini yoʻlga qoʻyish, shuningdek, muhandislik-texnologiyasi, energetika, kimyo sanoati sohalarida kadrlar tayyorlash, malaka oshirish, ilmiy va innovatsion faoliyatdagi hamkorlik aloqalarini rivojlantirish yuzasidan muzokaralar oʻtkaziladi.

Anjuman yalpi majlisida ikki davlat rahbarlarining forum ishtirokchilariga yoʻllagan tabrigi oʻqib eshittiriladi.

Forumning dastlabki ishi mamlakatimiz oliy oʻquv yurtlari bilan Rossiya ishlab chiqarish sektorlari oʻrtasida integratsiyani yoʻlga qoʻyish doirasidagi muzokaralarga bagʻishlanib, soʻng shoʻbalarga boʻlingan holda davom ettiriladi.

Forum yakuni boʻyicha rezolyutsiya qabul qilinadi.
🟣

#forum

⚡️Referendum va yoshlar

Yaqinda o‘tkaziladigan referendum munosabati bilan yurtimiz bo‘ylab yoshlar o‘rtasida keng targ‘ibot tadbirlari tashkil etilmoqda.

Ana shunday targ‘ibot tadbirlaridan biri Qarshi davlat universitetida "Biz yoshlar o‘z kelajagimizga befarq emasmiz" shiori ostida ko‘tarinki ruhda bo‘lib o‘tdi.

Forumda mamlakatimizdagi muhim siyosiy voqelik – referendumning ahamiyati, Yangi O‘zbekiston Konstitutsiyasining mazmun-mohiyati haqida so‘z yuritildi. Faol talabalar ishtirokida targ‘ibot chiqishlari, gala-konsert tashkil qilindi.

Konsert dasturida xalqimiz suygan taniqli san’atkorlar, “Farzona” quvnoqlar va zukkolari jamoasi o‘z chiqishlari bilan qatnashib, yig‘ilganlarga kayfiyat ulashdi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#forum #xalqaro_hamkorlik

⚡️Xitoyning Tyanzin chet tillar universiteti bilan hamkorlik yo‘lga qo‘yildi

Avval xabar berilganidek, Qarshi davlat universiteti rektori Dilmurod Nabiyev hamda Ilmiy ishlar va innovatsiyalar bo‘yicha prorektor Ilxom Bekpulatov birinchi Oʻzbekiston-Xitoy taʼlim forumida ishtirok etmoqdalar.

Forum doirasida Qarshi davlat universiteti Xitoy olim ta'lim muassasalari bilan hamkorlikni yanada mustahkamlash maqsadida Tyanzin chet tillar universiteti bilan hamkorlik shartnomasini imzoladi.

Ushbu shartnomaga ko'ra, Tyanzin chet tillar universiteti bilan ilmiy sohada hamkorlik qilish, QarDU professor - o'qituvchilari uchun malaka oshirish kurslarini tashkil qilish hamda talabalar uchun akademik almashinuv dasturlarini yo'lga qo'yish ko'zda tutilgan.

Ma'lumot uchun, Tyanzin chet tillar universitetida 30 dan oshiq chet tillarni o'qitish bo'yicha yo'nalishlar mavjud bo'lib, shu bilan birga iqtisod, huquq, menejment va muhandislik yo'nalishlarida ham mutaxassislar tayyorlanadi.

Mavzuga doir: Qarshi davlat universitetida “Xitoy tili markazi” tashkil qilinadi

🌐 Ijtimoiy tarmoqdagi rasmiy sahifalarimiz

✅ Telegram             🌍 qarshidu.uz
💬 Facebook            📸  Instagram

#forum

⚡️Ilmli ayol – jamiyat koʻzgusi

Joriy yilning 15-fevral kuni Qarshi muhandislik-iqtisodiyot institutida “Ilmli ayol – jamiyat koʻzgusi” shiori ostida “Qashqadaryoning ijtimoiy-iqtisodiy va madaniy taraqqiyotida voha olimalarining hissasi” mavzusida olima ayollar forumi bo‘lib o‘tdi.

Forum avvalida qatnashchilar viloyatdagi oliy taʼlim muassasalarida faoliyat yuritayotgan olimalarning ilmiy tadqiqot natijalariga oid koʻrgazmalarni ko‘zdan kechirishdi. Ta’kidlash joiz, mazkur anjuman olima ayollarning oʻzaro tajriba almashishlari uchun imkoniyatlar maydoniga aylandi.

Tadbir davomida ilm-fan yoʻlida fidoyilik namunalarini koʻrsatayotgan professor-oʻqituvchilar, turli tanlovlar gʻolibi boʻlgan talaba qizlarga tashakkurnomalar topshirildi. Xususan, forumda ishtirok etgan Qarshi davlat universitetining bir guruh olima ayollari ham maxsus sertifikatlar bilan taqdirlandi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#forum

⚡️Istiqbolli hamkorlik: Qarshi davlat universitetida jahon talablariga javob beradigan filologiya ta’lim yo‘nalishlari bo‘yicha kadrlar tayyorlanadi

Joriy yilning 29-aprel — 1-may kunlari Belarus Respublikasining Minsk shahrida Birinchi O‘zbekiston-Belarus professional ta’lim forumi bo‘lib o‘tmoqda. O‘zbekiston Respublikasi Oliy ta’lim, fan va innovatsiyalar vaziri Kongratbay Avezimbetovich Sharipov boshchiligidagi ta’lim muassasalari delegatsiyasi Minsk shahrida rasmiy tashrif bilan bo‘lib turibdi.

29-aprel kuni Birinchi O‘zbekiston-Belarus forumi o‘z ishini boshladi. Seksiya yig‘ilishida Minsk davlat lingvistika universiteti rektori Natalya Yevgenyevna Lapteva va Qarshi davlat universiteti rektori Dilmurod Xamidullayevich Nabiyev o‘rtasida hamkorlik shartnomasi imzolandi. Shartnomaga ko‘ra, professor-o‘qituvchilar malakasini oshirish, axborot almashinuvi hamda maslahat va axborot xizmatlari sohasi, ilmiy va ijodiy faoliyat sohalarida hamkorlik yo‘lga qo‘yiladi.

Shuningdek, 2024-2025-o‘quv yilidan boshlab ikki oliy ta’lim muassasalari o‘rtasida filologiya tillarni va o‘qitish: ingliz tili, nemis tili bakalavriat ta’lim yo‘nalishlari bo‘yicha 3+1 va lingvistika: ingliz tili magistratura mutaxassisligi bo‘yicha 1+1 shakllarida qo‘shma ta’lim dasturlari tashkil etiladi. Bundan tashqari, Minsk davlat lingvistika universiteti bilan hamkorlikda Qashqadaryo yoshlarini nemis tiliga o‘rgatish bo‘yicha intensiv kurslar ochiladi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#forum

⚡️Hamkorlik davom etadi: Top-1000 talikdagi Belarus milliy texnika universiteti bilan hamkorlik shartnomasi imzolandi

Birinchi O‘zbekiston-Belarus forumi doirasida Qarshi davlat universiteti rektori Dilmurod Xamidullayevich Nabiyev hamda Belarus milliy texnika universiteti rektori Xaritonchik Sergey Vasilyevich o‘rtasida hamkorlik shartnomasi imzolandi.

Shartnomaga ko‘ra, 2024-2025-o‘quv yilidan boshlab ikki oliy ta’lim muassasalari o‘rtasida marketing, iqtisod, amaliy matematika bakalavriat ta’lim yo‘nalishlari bo‘yicha 3+1 va iqtisod, amaliy matematika magistratura mutaxassisligi bo‘yicha 1+1 shakllarida qo‘shma ta’lim dasturlari tashkil etiladi.

Ma’lumot o‘rnida, Belarus milliy texnika universiteti Belarus Respublikasida muhandislik ta’limi bo‘yicha yetakchi hisoblanadi. Xalqaro hamkorlik geografiyasiga 30 dan ortiq mamlakatlar – Rossiya, Xitoy, Germaniya, Ispaniya, Italiya, Polsha, Peru, Angliya, Litva, Latviya va boshqalar kiradi. QS dunyo OTMlari top mingtalik reytingida 2024-yilda 801-850 o‘rinni egallagan.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#forum

Bugun Minsk shahridagi Milliy kutubxona binosida birinchi O‘zbekiston-Belarus professional ta’lim forumini rasmiy ochilish marosimi bo‘lib o‘tdi. Tadbirni Belarus Ta’lim vaziri Andrey Ivanes, O‘zbekiston Oliy ta’lim, fan va innovatsiyalar vaziri Qo‘ng‘irotboy Sharipov hamda O‘zbekistonning Belarusdagi Favqulodda va Muxtor elchisi Rahmatulla Nazarov ochib berdilar.

Belarus Professional ta’limi instituti rektori Valeriy Golubovskiy “Kadrlar tayyorlash tarmog‘i kasbiy ta’lim sifatini ta’minlash mexanizmi sifatida” mavzusida, O‘zbekiston Professional ta’limni rivojlantirish instituti direktori Zayniddin Xudoyberdiyev “O‘rta kasb-hunar ta’limi sohasida hamkorlik aspektlari: istiqbol va imkoniyatlar” mavzusida, Belarus davlat informatika va radioelektronika universiteti rektori, Belarus Respublikasi oliy ta’lim muassasalari rektorlari respublika kengashi raisi Vadim Bogush “Informatika va radioelektronika sohasida turli malaka darajasidagi mutaxassislarni tayyorlash integratsiyasi” mavzusida, Toshkent axborot texnologiyalari universiteti rektori Baxtiyor Mahkamov “IT sohasida kasb-hunar va oliy ta’lim integratsiyasining ustuvor yo‘nalishi” mavzusida chiqishlar qildilar.

Ta’lim forumida Qarshi davlat universiteti rektori, professor Dilmurod Xamidullayevich Nabiyev ishtirok etdi. Forum doirasida Qarshi davlat universiteti va P.M.Masherova nomidagi Vitebsk davlat universiteti, Yanka Kupala nomidagi Grodno davlat universiteti bilan o‘zaro anglashuv memorandumi imzolanishi rejalashtirilgan.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#forum

Xabar berilganidek, 29-aprel–1-may kunlari Belarus Respublikasining Minsk shahrida Birinchi O‘zbekiston-Belarus professional taʼlim forumi bo‘lib o‘tmoqda. Belarus milliy texnika universitetida “O‘zbekistonning bebaho merosi” mavzusida tashkil etilgan tadbirda mamlakatimiz delegatsiyasi vakillari, san’atkorlar, badiiy va folklor jamoalari qatnashdi. Shuningdek, Yuneskoning Belarus Respublikasidagi doimiy vakolatxonasi hamda Yunesko ishlari bo‘yicha Belarus milliy komissiyasi rahbarlari, Belarus Tashqi ishlar vazirligi, Madaniyat vazirligi, Ta’lim vazirligi, Sport va turizm vazirligi, ilm-fan adabiyot, madaniyat va san’at faollari, OAV xodimlari ishtirok etdi.

Tadbirda mamlakatimizning madaniy va turistik salohiyati to‘g‘risida hikoya qiluvchi videorolik namoyish etildi, O‘zbekistonning Yunesko butunjahon nomoddiy madaniy merosiga kiritilgan madaniy meros obektlari va ularning targ‘iboti to‘g‘risida chiqishlar qilindi. Milliy kurash, Shashmaqom, Lazgi, Baxshi, Boysun folklori namunalari ko‘rsatildi. Tadbir davomida milliy hunarmandchilik mahsulotlari, o‘zbek atlasi va adrasi, miniatyura san’ati namunalari va milliy taomlar ko‘rgazmalari namoyish etildi. Qatnashchilarga milliy taom – osh tortildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#Ma’rifat_karvoni #Forum #Batafsil

⚡️Yangi O‘zbekiston – Yangi Renessans poydevori

Xabar berilganidek, bugun Qarshi davlat universitetida “Yangi O‘zbekiston – Yangi Renessans poydevori” mavzusida ilmiy-ma’rifiy forum bo‘lib o‘tdi. Unda “Ma’rifat” targ‘ibotchilari jamiyati a’zolari, universitet professor-o‘qituvchilari, yosh tadqiqotchilar va talaba-yoshlar ishtirok etdi.

Tadbirda Prezident tashabbusi bilan barpo etilayotgan Islom sivilizatsiyasi markazi haqida ma’lumot berildi. Ta’kidlanishicha, mazkur markaz Islom madaniyati, bag‘rikenglik va taraqqiyot g‘oyalarini targ‘ib etuvchi yirik ma’rifiy majmuaga aylanadi.

Markazda bosma va elektron kitoblardan iborat kutubxona, qo‘lyozmalar arxivi, zamonaviy ekspozitsiyalar joy oladi. Loyihada xorijiy va mahalliy olimlar ishtirok etmoqda.

Tadbirda markaz haqida videorolik namoyish etildi va ishtirokchilar uning ma’naviy-ilmiy ahamiyati yuzasidan fikr almashdilar.

Bizni kuzating

Telegram|Instagram|Facebook|Veb-sayt